নেপালৰ ৰৌতাঘাটত প্ৰায় ১৫ ফুট দীঘল এটা প্ৰকাণ্ড প্ৰাপ্তবয়স্ক ৰজা ফেঁটী উদ্ধাৰ কৰা হৈছে।

গোলাঘাট জিলা সাংবাদিক সংস্থাৰ কাৰ্যালয়ত দেওবাৰে এক ন-পুৰণি সতীৰ্থ সন্মিলন অনুষ্ঠিত কৰা হয়। এই সন্মিলনত জিলাখনৰ সাংবাদিকসকলে অংশগ্ৰহণ কৰে।

Post by পুৰন্দৰ গগৈ

পুৱাৰে পৰা হোৱা মুষলধাৰ বৰষুণৰ ফলত নাজিৰা নগৰৰ কেইবাটাও ৱাৰ্ডত ভয়াবহ জলাবদ্ধতাৰ সৃষ্টি হৈছে। নিষ্কাশন ব্যৱস্থাৰ দুৰ্বলতাৰ বাবে বহু এলেকা কৃত্ৰিম বানৰ কবলত পৰাত জনসাধাৰণৰ দৈনন্দিন জীৱন ব্যাহত হৈছে।

বোকাজান মহকুমাৰ অন্তৰ্গত খটখটিত খটখটি যুৱক সন্থাৰ উদ্যোগত এক বৃহৎ চাফাই অভিযান চলোৱা হয়।

জনসাধাৰণৰ সুবিধা আৰু উন্নত যাতায়াত ব্যৱস্থা নিশ্চিত কৰাৰ লক্ষ্যৰে চলি থকা ধোদৰ আলিৰ নিৰ্মাণ কাৰ্যৰ অগ্ৰগতি আৰু গুণগত মানৰ বুজ ল'বলৈ সোণাৰিৰ বিধায়ক ধৰ্মেশ্বৰ কোঁৱৰে আজি নিৰ্মাণস্থলী পৰিদৰ্শন কৰে। বিধায়কে বিশেষভাৱে গুৰুত্ব আৰোপ কৰে যে এই নিৰ্মাণ কাৰ্য নিৰ্ধাৰিত সময়সীমাৰ ভিতৰত আৰু মানদণ্ড অক্ষুণ্ণ ৰাখি সম্পূৰ্ণ হ'ব লাগিব।

নুমলীগড়ৰ এনআৰএল (NRL) নগৰাঞ্চলত নুমলীগড় শোধনাগাৰ শাখা সাহিত্য সভাৰ উদ্যোগত দুদিনীয়া বৰ্ণাঢ্য কাৰ্যসূচীৰে শাখাটোৰ ৰূপালী জয়ন্তী বৰ্ষৰ সামৰণী অনুষ্ঠান আৰু বিষ্ণুপ্ৰসাদ ৰাভা স্মৃতি দিৱস উদযাপন কৰা হয়। এই যৌথ অনুষ্ঠানত ড° নন্দ সিং বৰকলা উপস্থিত আছিল। গাম্ভীৰ্যপূৰ্ণ পৰিৱেশত এই সমগ্ৰ অনুষ্ঠান সফলতাৰে সম্পন্ন হয়।

নাজিৰাৰ শিমলুগুৰিৰ ৰোহিত জুৱেলাৰীৰ পৰা এগৰাকী মহিলাই তিনিযোৰ সোণৰ কাণৰ ফুলি চুৰ কৰি লৈ যায়। ব্যৱসায়িক প্ৰতিষ্ঠানৰ স্বত্বাধিকাৰীয়ে কাণৰফুলি ওজন কৰাৰ চলেৰে মহিলাগৰাকীয়ে এই কাণ্ড সংঘটিত কৰে আৰু জুৱেলাৰীৰ সন্মুখত এখন স্কুটীত ৰৈ থকা এজন যুৱকৰ সৈতে পলায়ন কৰিবলৈ সক্ষম হয়। এই সমগ্ৰ চুৰিকাণ্ডৰ ঘটনা চি চি টি ভি কেমেৰাত বন্দী হৈছে। বৰ্তমানলৈকে আৰক্ষীয়ে মহিলাগৰাকীক চিনাক্ত কৰি কৰায়ত্ত কৰিব পৰা নাই। শিমলুগুৰি আৰক্ষী ইতিমধ্যে জুৱেলাৰীত উপস্থিত হৈছে আৰু ঘটনাটোৰ তদন্ত অব্যাহত ৰাখিছে।

মৰাণৰ জনসাধাৰণৰ বাবে এক সুখবৰ আহিছে যি তেওঁলোকৰ দীৰ্ঘদিনীয়া সমস্যা সমাধান কৰিব। মৰাণত এটা ৫০০ আসনযুক্ত অত্যাধুনিক প্ৰেক্ষাগৃহ নিৰ্মাণ কৰা হ'ব।

বিশ্বনাথৰ সাকোমঠা চাহ বাগিচাত এক হৃদয়বিদাৰক আৰু কৰুণ ঘটনা সংঘটিত হৈছে, য'ত নিশা এহাল ন-বিবাহিত দম্পতীয়ে একেডাল পঘাৰে চিপ লৈ আত্মহনন কৰে। এই ঘটনাই সমগ্ৰ অঞ্চলটোত গভীৰ শোকৰ ছাঁ পেলাইছে। প্ৰাপ্ত তথ্য অনুসৰি, প্ৰায় দুসপ্তাহ পূৰ্বে বিশ্বনাথৰ কদমণি গাঁৱৰ শিৱা ওৰাঙে একেখন গাঁৱৰে পুষ্পাঞ্জলী মুণ্ডাৰ সৈতে দীৰ্ঘদিনীয়া প্ৰেমৰ অন্তত পলুৱাই গৈ সংসাৰ আৰম্ভ কৰিছিল। যদিও তেওঁলোকৰ সকলো ঠিকেই চলি আছিল, কালি নিশা কি কাৰণত তেওঁলোকে এনে চৰম সিদ্ধান্ত গ্ৰহণ কৰিলে, সেই বিষয়ে পৰিয়ালৰ লোক অবগত নহয়। ঘটনাৰ খবৰ পাই পুৱাই বিশ্বনাথ চাৰিআলি সদৰ আৰক্ষী থানাৰ এটা দল ঘটনাস্থলীত উপস্থিত হৈছিল। আৰক্ষীৰ তদন্ত সম্পূৰ্ণ হোৱাৰ পিছতহে এই কৰুণ আত্মহননৰ প্ৰকৃত ৰহস্য পোহৰলৈ আহিব বুলি আশা কৰা হৈছে।