સુરત શહેરના પુણા, વરાછા અને લિંબાયત વિસ્તારોમાં છેલ્લા પાંચ વર્ષમાં શારીરિક ગુનાઓ સાથે સંકળાયેલા આરોપીઓને ફરીથી ગુના આચરતા અટકાવવા માટે યોગ્ય માર્ગદર્શન પૂરું પાડવામાં આવ્યું છે.

સુરતના ડીંડોલી વિસ્તારમાં સુરત મહાનગરપાલિકા (SMC)ની ગંભીર બેદરકારી સામે આવી છે. વરસાદની શરૂઆત પહેલા જ ન્યૂ ડીંડોલી જવાના રોડ પર એક ડમ્પર ધસી પડ્યું હતું, જેના કારણે રોડની ગુણવત્તા અને પાલિકાની પ્રિ-મોન્સુન કામગીરી પર ગંભીર સવાલો ઊભા થયા છે.

સુરતમાં એક વ્યક્તિએ પોતાના જ પરિવાર પાસેથી ૫૦ લાખ રૂપિયા પડાવવા માટે પોતાના અપહરણનું નાટક રચ્યું હતું. આ વ્યક્તિએ પરિવારને હિન્દી ફિલ્મના વિલન જેવા સંદેશા મોકલીને પોતે અપહૃત હોવાનો દેખાવ કર્યો હતો. જોકે, ઉત્રાણ પોલીસની ટીમે આ ‘માસ્ટરપ્લાન’ નિષ્ફળ બનાવ્યો. પી.આઈ. એચ.આર. ગોસ્વામી અને તેમની ટીમે સીસીટીવી ફૂટેજ અને ટેકનિકલ સર્વેલન્સની મદદથી ગણતરીના કલાકોમાં જ આ વ્યક્તિને પંચમહાલની એક હોટલમાંથી સુરક્ષિત રીતે શોધી કાઢ્યો હતો, અને સમગ્ર કાવતરાનો ભાંડો ફૂટી ગયો હતો. પોલીસે સરકારી સંસાધનો અને સમયનો બગાડ કરનાર આ ઇસમ વિરુદ્ધ કાયદેસરની કાર્યવાહી હાથ ધરી છે.

સુરત જિલ્લાના કડોદરા-બારડોલી હાઈવે પર નિયમોનું ઉલ્લંઘન કરીને ગેરકાયદેસર ગેસ્ટ હાઉસ અને હોટલના નામે લોજિંગનો વ્યવસાય ચાલી રહ્યો છે. આ વ્યવસાય ફાયર એનઓસી (નો-ઓબ્જેક્શન સર્ટિફિકેટ) વિના અને 'પથિક' સોફ્ટવેરનો ઉપયોગ કર્યા વિના થઈ રહ્યો છે, જે નિયમોનો સરાજાહેર ભંગ છે.

સુરત શહેરના પુણા, વરાછા અને લિંબાયત વિસ્તારોમાં છેલ્લા પાંચ વર્ષમાં શારીરિક ગુનાઓ સાથે સંકળાયેલા આરોપીઓને ફરીથી ગુના આચરતા અટકાવવા માટે યોગ્ય માર્ગદર્શન પૂરું પાડવામાં આવ્યું છે.

સુરત જિલ્લાના કામરેજ તાલુકાના શેખપુર ગામમાં આવેલી હરિદર્શન સોસાયટીમાં એક યુવક પર જાહેરમાં ચાકુ વડે હુમલો કરવામાં આવ્યો હોવાનો એક વીડિયો વાયરલ થયો છે. આ ઘટના અંગેનો વીડિયો સોશિયલ મીડિયા પર ઝડપથી ફેલાઈ રહ્યો છે.

સુરતમાં વેસ્ટ એક્સપ્રેસના AC કોચમાંથી લાવારિસ બેગમાંથી ₹2.42 લાખની કિંમતનો ચરસનો જથ્થો મળી આવતા ખળભળાટ મચી ગયો હતો. 'મિશન સેફ સ્ટેશન' અભિયાન અંતર્ગત હાથ ધરવામાં આવેલી તપાસ દરમિયાન આ બેગની તલાશી લેવાતા માદક પદાર્થની તસ્કરીનો મોટો ખુલાસો થયો હતો. જોકે, આ ઘટનામાં તસ્કર ઘટનાસ્થળેથી ફરાર થઈ ગયો હતો. પોલીસ અને સંબંધિત એજન્સીઓ આરોપીને શોધવા માટે તપાસ ચલાવી રહી છે.

સુરતમાં મહારાણા પ્રતાપના વંશજ રાણા સમાજ દ્વારા મહારાણા પ્રતાપની જન્મજયંતિની ઉજવણી કરવામાં આવી હતી. ઇતિહાસમાં વીરતા અને શૌર્ય માટે મેવાડના રાજા મહારાણા પ્રતાપનું નામ જાણીતું છે. તેમનો જન્મ ઇ. સ. 1540ના રોજ 9મી મે, જેઠ સુદ ત્રીજના દિવસે રાજસ્થાનના મેવાડના ઉદયપુરમાં સિસોદિયા રાજપૂત રાજા તરીકે થયો હતો. તેમની વીરતા અને મુઘલો સામેના સંઘર્ષ માટે તેમનું નામ ઇતિહાસમાં અમર છે. આ જન્મજયંતિ નિમિત્તે કોટસફિલ રોડ પર આવેલી મહારાણા પ્રતાપની પ્રતિમાને પુષ્પાંજલિ અર્પણ કરીને શ્રદ્ધાંજલિ આપવામાં આવી હતી. આ કાર્યક્રમમાં રાણા સમાજના અનેક આગેવાનો મોટી સંખ્યામાં ઉપસ્થિત રહ્યા હતા.

સુરતમાં પ્રિ-મોન્સૂનની કામગીરી સામે સવાલો ઊભા થયા છે, કારણ કે મજુરા ગેટ વિસ્તારથી મજુરા ફાયર સ્ટેશન તરફ જતા મુખ્ય રોડ પર ગટરના ખુલ્લા ઢાંકણા જોવા મળ્યા છે. એક તરફ તંત્ર દ્વારા પ્રિ-મોન્સૂન કામગીરીની વાતો કરવામાં આવી રહી છે, ત્યારે બીજી તરફ આ પ્રકારે ખુલ્લી ગટરો તંત્રની કામગીરી પર પ્રશ્નાર્થ ઊભો કરે છે. ઉલ્લેખનીય છે કે, આ ગટરનું ઢાંકણ છેલ્લા 10 દિવસથી તૂટેલી અને કોહવાયેલી હાલતમાં છે, જે દુરસ્ત કરવામાં આવ્યું નથી. આ સ્થિતિ નાગરિકો માટે જોખમી બની શકે છે.