સોમનાથમાં દર્શન કર્યા બાદ માતા-પિતાના આર્શિવાદ લઇ મારા જન્મસ્થળે પ્રથમ સભાનું આયોજન થશે: પ્રવીણ રામ AAP

5 hrs ago

Press Reporter Mangrol

માંગરોળ, જૂનાગઢ, ગુજરાત•

5 hrs ago

શહેરના માંગરોળ રોડ પર આવેલા પીપલિયાનગર વિસ્તારમાં હનુમાન મંદિર નજીક સાંજે બનેલી હુમલા અને લૂંટની ઘટનાએ શહેરમાં ચકચાર મચાવી છે ખુલ્લેઆમ દાદાગીરી દાખવી ત્રણ શખ્સોએ એક યુવાન પર જીવલેણ હુમલો કરી રોકડા રૂપિયા ૮,૯૦૦ની લૂંટ ચલાવી ફરાર થઈ ગયા હતા જોકે, કેશોદ પોલીસે ગણતરીની કલાકોમાં જ ત્રણેય આરોપીઓને ઝડપી પાડતાં લોકોમાં રાહતનો શ્વાસ ફૂંકાયો છે મળતી માહિતી મુજબ, મીત રાજુભાઈ શીગાળા અને કેયુર કિરીટભાઈ સિદ્ધપરા પીપલિયાનગર વિસ્તારમાં હનુમાન મંદિર પાસે બેઠા હતા તે દરમિયાન નંબર પ્લેટ વગરની કાળી સ્કોર્પિયો કારમાં ત્રણ શખ્સો ત્યાં આવી પહોંચ્યા હતા પ્રિન્સ ભેડા, ઉદીપ ભેડા અને યશપાલ હડીયા તરીકે ઓળખાયેલા આરોપીઓએ પહેલા પૈસાની માંગણી કરી હતી પૈસા આપવા ઇનકાર કરતાં ત્રણેય આરોપીઓ ઉશ્કેરાઈ ગયા હતા અને ઢીકાપાટુનો માર માર્યો હતો ત્યારબાદ કારમાંથી લાકડાનો ધોકો કાઢી મીત શીગાળાને આડેધડ ફટકા માર્યા હતા માથાના ભાગે ગંભીર ઇજા થતાં મીત લોહીલુહાણ હાલતમાં જમીન પર ઢળી પડ્યા હતા. હુમલાખોરોએ પેન્ટના ખિસ્સામાંથી રોકડા રૂપિયા ૮,૯૦૦ કાઢી લૂંટ ચલાવી અને જાનથી મારી નાખવાની ધમકી આપી સ્થળ પરથી ફરાર થઈ ગયા હતા ઘાયલ મીત શીગાળાને તાત્કાલિક ખાનગી વાહન દ્વારા કેશોદ સરકારી દવાખાને ખસેડવામાં આવ્યા હતા, જ્યાં તેમની સારવાર કરવામાં આવી હતી. ઘટનાની જાણ થતાં જ શહેરમાં સમાચાર વાયુવેગે ફેલાયા હતા અને દવાખાને આગેવાનો, યુવાનો તેમજ વિસ્તારના લોકો મોટી સંખ્યામાં એકત્રિત થયા હતા ઘટનાની જાણ થતા જ કેશોદ પોલીસ તાત્કાલિક હરકતમાં આવી હતી. પીડિતોના નિવેદન નોંધાયા બાદ પોલીસે ગુનો નોંધી ઝડપી તપાસ હાથ ધરી હતી ગણતરીની કલાકોમાં જ પ્રિન્સ ભેડા, ઉદીપ ભેડા અને યશપાલ હડીયાને ઝડપી લેવામાં આવ્યા હતા પોલીસે આરોપીઓને ઘટનાસ્થળે લઈ જઈ રીકન્સ્ટ્રક્શન પણ કરાવ્યું હતું, જેને જોવા મોટી સંખ્યામાં લોકો ઉપસ્થિત રહ્યા હતા આ સમગ્ર મામલે પીએસઆઈ એમ.ડી. મકવાણા વધુ તપાસ ચલાવી રહ્યા છે. શહેરમાં વધતી દાદાગીરીની ઘટનાઓને પગલે નાગરિકોમાં ચિંતા વ્યાપી છે અને પોલીસ દ્વારા કડક કાર્યવાહી કરવાની માંગ ઉઠી રહી છે. અહેવાલ :જગદીશ યાદવ જૂનાગઢ

જગદીશ યાદવ

Local News Reporter કેશોદ, જૂનાગઢ, ગુજરાત•

16 hrs ago