પાવાગઢના જંગલમાં પ્રેમ સબંધમાં નાસીપાસ યુવકે આત્મહત્યાનો પ્રયાસ કર્યો 112 પોલીસની સતર્કતાથી યુવકનો જીવ બચાવાયો પાવાગઢના જંગલમાં પ્રેમ સબંધમાં નાસીપાસ યુવકે આત્મહત્યાનો પ્રયાસ કર્યો,112 પોલીસની સતર્કતાથી યુવકનો જીવ બચાવાયો. પંચમહાલ જિલ્લાના હાલોલ તાલુકામાં આજે સોમવારે એક ચોંકાવનારી ઘટના સામે આવી છે. પ્રેમ સંબંધમાં નિષ્ફળ ગયેલા એક યુવકે પાવાગઢ નજીકના જંગલ વિસ્તારમાં જઈ આત્મહત્યા કરવાનો પ્રયાસ કર્યો હતો. જોકે યુવકે અંતિમ પગલું ભરતા પહેલા 112 જનરક્ષક સેવામાં ફોન કરતા પોલીસની સતર્કતા અને સમયસરની કામગીરીથી તેનો જીવ બચાવી લેવામાં આવ્યો હતો. મળતી માહિતી મુજબ, શિવરાજપુર નજીકના ઢોલીમાર ગામના રાકેશ રાઠવાને હાલોલના અરાદ રોડ વિસ્તારમાં રહેતી અને ખાનગી કંપનીમાં નોકરી કરતી એક યુવતી સાથે પ્રેમ સંબંધ હતો. દરમિયાન યુવતીના જીવનમાં અન્ય યુવક આવતા તેણીએ રાકેશ સાથે બ્રેકઅપ કરી દીધું હતું. જોકે રાકેશ સતત યુવતીને સમજાવવાનો પ્રયાસ કરતો હતો.આજે સવારે રાકેશ હાલોલની એક ખાનગી કંપનીમાં ઇન્ટરવ્યૂ આપવા આવ્યો હતો. ત્યારબાદ તે યુવતીના ઘરે પહોંચ્યો હતો, જ્યાં યુવતીને સમજાવવાનો પ્રયાસ કરતાં યુવતીએ તેનો પીછો છોડી દેવા જણાવ્યું હતું. આ દરમિયાન યુવતીએ રાકેશના શૈક્ષણિક સર્ટિફિકેટ અને અન્ય કાગળો ફાડી નાખ્યા હોવાનો પણ આક્ષેપ છે. સાથે જ ખોટા કેસમાં ફસાવી દેવાની ધમકી આપતાં રાકેશ નાસીપાસ થયો હતો.ત્યારબાદ રાકેશ બજારમાંથી દોરી ખરીદી હાલોલ અને પાવાગઢ વચ્ચે આવેલા જંગલ વિસ્તારમાં પહોંચ્યો હતો. ત્યાંથી તેણે 112 જનરક્ષક સેવામાં ફોન કરી પોતાની સ્થિતિ અંગે જાણ કરી હતી. પોલીસ કર્મચારીઓએ યુવકને લાંબા સમય સુધી વાતોમાં વ્યસ્ત રાખી તેનો લોકેશન ટ્રેસ કરવાનો પ્રયાસ કર્યો હતો.પોલીસ ટીમ જંગલ વિસ્તારમાં પહોંચતા યુવકે ઝાડ ઉપર દોરી બાંધી ફાંસો ખાઈ લીધો હતો. જોકે પોલીસે તાત્કાલિક કાર્યવાહી કરી યુવકને બચાવી લીધો હતો. બાદમાં 108 એમ્બ્યુલન્સને જાણ કરી યુવકને બહાર લાવવાની કામગીરી હાથ ધરાઈ હતી.યુવક મુખ્ય માર્ગથી એક કિલોમીટરથી વધુ અંદર જંગલ વિસ્તારમાં હોવાથી 108 ની ટીમ અને પોલીસને રેસ્ક્યુ કામગીરીમાં ભારે જહેમત ઉઠાવવી પડી હતી. ત્યારબાદ યુવકને હાલોલની સરકારી હોસ્પિટલ ખાતે સારવાર માટે ખસેડાયો હતો, જ્યાંથી વધુ સારવાર માટે વડોદરા રિફર કરવામાં આવ્યો હોવાનું જાણવા મળ્યું છે.પોલીસે સમગ્ર મામલે યુવતી અંગે માહિતી મેળવી વધુ તપાસ અને કાર્યવાહી હાથ ધરી હોવાનું જાણવા મળ્યું છે.

Jasmin B Shah

Bag shop હાલોલ, પંચમહાલ, ગુજરાત•

1 hr ago

પાવાગઢના જંગલમાં પ્રેમ સબંધમાં નાસીપાસ યુવકે આત્મહત્યાનો પ્રયાસ કર્યો 112 પોલીસની સતર્કતાથી યુવકનો જીવ બચાવાયો પાવાગઢના જંગલમાં પ્રેમ સબંધમાં નાસીપાસ યુવકે આત્મહત્યાનો પ્રયાસ કર્યો,112 પોલીસની સતર્કતાથી યુવકનો જીવ બચાવાયો. પંચમહાલ જિલ્લાના હાલોલ તાલુકામાં આજે સોમવારે એક ચોંકાવનારી ઘટના સામે આવી છે. પ્રેમ સંબંધમાં નિષ્ફળ ગયેલા એક યુવકે પાવાગઢ નજીકના જંગલ વિસ્તારમાં જઈ આત્મહત્યા કરવાનો પ્રયાસ કર્યો હતો. જોકે યુવકે અંતિમ પગલું ભરતા પહેલા 112 જનરક્ષક સેવામાં ફોન કરતા પોલીસની સતર્કતા અને સમયસરની કામગીરીથી તેનો જીવ બચાવી લેવામાં આવ્યો હતો. મળતી માહિતી મુજબ, શિવરાજપુર નજીકના ઢોલીમાર ગામના રાકેશ રાઠવાને હાલોલના અરાદ રોડ વિસ્તારમાં રહેતી અને ખાનગી કંપનીમાં નોકરી કરતી એક યુવતી સાથે પ્રેમ સંબંધ હતો. દરમિયાન યુવતીના જીવનમાં અન્ય યુવક આવતા તેણીએ રાકેશ સાથે બ્રેકઅપ કરી દીધું હતું. જોકે રાકેશ સતત યુવતીને સમજાવવાનો પ્રયાસ કરતો હતો.આજે સવારે રાકેશ હાલોલની એક ખાનગી કંપનીમાં ઇન્ટરવ્યૂ આપવા આવ્યો હતો. ત્યારબાદ તે યુવતીના ઘરે પહોંચ્યો હતો, જ્યાં યુવતીને સમજાવવાનો પ્રયાસ કરતાં યુવતીએ તેનો પીછો છોડી દેવા જણાવ્યું હતું. આ દરમિયાન યુવતીએ રાકેશના શૈક્ષણિક સર્ટિફિકેટ અને અન્ય કાગળો ફાડી નાખ્યા હોવાનો પણ આક્ષેપ છે. સાથે જ ખોટા કેસમાં ફસાવી દેવાની ધમકી આપતાં રાકેશ નાસીપાસ થયો હતો.ત્યારબાદ રાકેશ બજારમાંથી દોરી ખરીદી હાલોલ અને પાવાગઢ વચ્ચે આવેલા જંગલ વિસ્તારમાં પહોંચ્યો હતો. ત્યાંથી તેણે 112 જનરક્ષક સેવામાં ફોન કરી પોતાની સ્થિતિ અંગે જાણ કરી હતી. પોલીસ કર્મચારીઓએ યુવકને લાંબા સમય સુધી વાતોમાં વ્યસ્ત રાખી તેનો લોકેશન ટ્રેસ કરવાનો પ્રયાસ કર્યો હતો.પોલીસ ટીમ જંગલ વિસ્તારમાં પહોંચતા યુવકે ઝાડ ઉપર દોરી બાંધી ફાંસો ખાઈ લીધો હતો. જોકે પોલીસે તાત્કાલિક કાર્યવાહી કરી યુવકને બચાવી લીધો હતો. બાદમાં 108 એમ્બ્યુલન્સને જાણ કરી યુવકને બહાર લાવવાની કામગીરી હાથ ધરાઈ હતી.યુવક મુખ્ય માર્ગથી એક કિલોમીટરથી વધુ અંદર જંગલ વિસ્તારમાં હોવાથી 108 ની ટીમ અને પોલીસને રેસ્ક્યુ કામગીરીમાં ભારે જહેમત ઉઠાવવી પડી હતી. ત્યારબાદ યુવકને હાલોલની સરકારી હોસ્પિટલ ખાતે સારવાર માટે ખસેડાયો હતો, જ્યાંથી વધુ સારવાર માટે વડોદરા રિફર કરવામાં આવ્યો હોવાનું જાણવા મળ્યું છે.પોલીસે સમગ્ર મામલે યુવતી અંગે માહિતી મેળવી વધુ તપાસ અને કાર્યવાહી હાથ ધરી હોવાનું જાણવા મળ્યું છે.