परळी तालुक्यातील कौडगाव हुडा फाटा ते बोरखेड फाटा या ५ किमीच्या रस्त्याचे मुख्यमंत्री ग्राम सडक योजनेतून सुरू असलेले सिमेंट काॅक्रेटचे काम अत्यंत निकृष्ट व बोगस पद्धतीने होत असल्याचा आरोप करत स्थानिक नागरिक संतप्त झाले आहेत. संबंधित अधिकारी आणि इंजिनिअर यांच्या अक्षम्य दुर्लक्षामुळे हे काम ढिसाळ पद्धतीने सुरू असून, हे बोगस काम तात्काळ थांबवण्याची मागणी केली जात आहे. या रस्त्यांतर्गत असणाऱ्या नदी आणि ओढ्यावरील पुलाची उभारणी पूर्णपणे ढिसाळ नियोजनाने केली जात आहे. धक्कादायक बाब म्हणजे, याच पुलावरून सन २०२५ मध्ये अतिवृष्टीदरम्यान दोन ते तीन युवकांना आपला प्राण गमावावा लागला होता. इतका गंभीर प्रकार घडलेला असतानाही संबंधित कन्स्ट्रक्शन कंपनीने पुन्हा तशाच प्रकारचा निकृष्ट पूल उभारला आहे, ज्यामुळे परिसरातील शेतीचे मोठे नुकसान होण्याची शक्यता आहे. रस्त्यावर पसरलेले सिमेंट मटेरियल पूर्णपणे उखडले असून, योग्य दबई न करता कच्चे मटेरियल टाकले गेले आहे तसेच पाण्याचे व्यवस्थापनही योग्य पद्धतीने केलेले नाही. कौडगाव हुडा, तांडे, बोरखेड, ममदापूर, तेलसमुख, रामेवाडी, पोहनेर आणि जळगव्हाण या गावांची दैनंदिन रहदारी असणाऱ्या या महत्त्वाच्या रस्त्याच्या दुरवस्थेमुळे लोकांमध्ये प्रचंड रोष आहे. या पार्श्वभूमीवर, १२ जुलै रोजी दत्तात्रय गव्हाणे, नामदेराव वानखेडे, भगवानराजे कदम, बाबासाहेब गव्हाणे, विक्रम मिसाळ, नवनाथ वानखेडे, पंडितराव कदम, भागवत जाधव, बळिराम वानखेडे, दत्तात्रय कदम, दिलीप राठोड, पत्रकार मिलिंद चोपडे, गजानन कदम यांच्यासह अनेक नागरिकांनी थेट रस्त्यावर उतरून कामाची पाहणी केली. निकृष्ट दर्जाचे काम करणाऱ्या इंजिनिअरच्या ही बाब निदर्शनास आणून देण्यात आली असून, येत्या आठ दिवसांत कामाचा दर्जा न सुधारल्यास तीव्र आंदोलन छेडण्याचा इशारा नागरिकांनी दिला आहे.

M. p. gitte

परळी, बीड, महाराष्ट्र•

1 hr ago

परळी तालुक्यातील कौडगाव हुडा फाटा ते बोरखेड फाटा या ५ किमीच्या रस्त्याचे मुख्यमंत्री ग्राम सडक योजनेतून सुरू असलेले सिमेंट काॅक्रेटचे काम अत्यंत निकृष्ट व बोगस पद्धतीने होत असल्याचा आरोप करत स्थानिक नागरिक संतप्त झाले आहेत. संबंधित अधिकारी आणि इंजिनिअर यांच्या अक्षम्य दुर्लक्षामुळे हे काम ढिसाळ पद्धतीने सुरू असून, हे बोगस काम तात्काळ थांबवण्याची मागणी केली जात आहे. या रस्त्यांतर्गत असणाऱ्या नदी आणि ओढ्यावरील पुलाची उभारणी पूर्णपणे ढिसाळ नियोजनाने केली जात आहे. धक्कादायक बाब म्हणजे, याच पुलावरून सन २०२५ मध्ये अतिवृष्टीदरम्यान दोन ते तीन युवकांना आपला प्राण गमावावा लागला होता. इतका गंभीर प्रकार घडलेला असतानाही संबंधित कन्स्ट्रक्शन कंपनीने पुन्हा तशाच प्रकारचा निकृष्ट पूल उभारला आहे, ज्यामुळे परिसरातील शेतीचे मोठे नुकसान होण्याची शक्यता आहे. रस्त्यावर पसरलेले सिमेंट मटेरियल पूर्णपणे उखडले असून, योग्य दबई न करता कच्चे मटेरियल टाकले गेले आहे तसेच पाण्याचे व्यवस्थापनही योग्य पद्धतीने केलेले नाही. कौडगाव हुडा, तांडे, बोरखेड, ममदापूर, तेलसमुख, रामेवाडी, पोहनेर आणि जळगव्हाण या गावांची दैनंदिन रहदारी असणाऱ्या या महत्त्वाच्या रस्त्याच्या दुरवस्थेमुळे लोकांमध्ये प्रचंड रोष आहे. या पार्श्वभूमीवर, १२ जुलै रोजी दत्तात्रय गव्हाणे, नामदेराव वानखेडे, भगवानराजे कदम, बाबासाहेब गव्हाणे, विक्रम मिसाळ, नवनाथ वानखेडे, पंडितराव कदम, भागवत जाधव, बळिराम वानखेडे, दत्तात्रय कदम, दिलीप राठोड, पत्रकार मिलिंद चोपडे, गजानन कदम यांच्यासह अनेक नागरिकांनी थेट रस्त्यावर उतरून कामाची पाहणी केली. निकृष्ट दर्जाचे काम करणाऱ्या इंजिनिअरच्या ही बाब निदर्शनास आणून देण्यात आली असून, येत्या आठ दिवसांत कामाचा दर्जा न सुधारल्यास तीव्र आंदोलन छेडण्याचा इशारा नागरिकांनी दिला आहे.