बुलढाणा जिल्ह्यातील मलकापूर रेल्वे स्थानकावर शुक्रवारी (10 जुलै) सायंकाळी 7.50 वाजण्याच्या सुमारास एका 48 वर्षीय महिलेने धावत्या रेल्वेसमोर झेप घेऊन आत्महत्येचा प्रयत्न केला. यावेळी तिथे उपस्थित असलेले कुली, ऑटोचालक आणि प्रवाशांनी परिस्थितीचे गांभीर्य ओळखून क्षणाचाही विलंब न लावता तत्परता दाखवली आणि महिलेला ओढून सुरक्षित बाजूला केले. यामुळे मोठा अनर्थ टळला असून या धाडसी कामगिरीबद्दल रेल्वे पोलीस आणि मदतीसाठी धावून आलेल्या नागरिकांचे सर्वत्र जोरदार कौतुक होत आहे. घटनेची माहिती मिळताच जीआरपीचे (GRP) जीपीएसआय तायडे, पोलीस हवालदार मोहेकर तसेच आरपीएफचे (RPF) कर्मचारी इंगळे आणि शिरसाठ यांनी तातडीने घटनास्थळी धाव घेतली. त्यांनी महिलेला शांत करून विश्वासात घेतले आणि तिची विचारपूस केली. यावेळी तिने आपले नाव मंगला अशोक वानखडे (वय 48, रा. नांदुरा) असे सांगितले. यानंतर रेल्वे पोलिसांनी तिच्या आईशी फोनवर संपर्क साधून घटनेची माहिती दिली. मात्र, वयोमानामुळे आईला मलकापूर येथे येणे शक्य नसल्याने त्यांनी मुलीला सुरक्षितपणे घरी पोहोचविण्याची विनंती केली. आईच्या विनंतीवरून रेल्वे पोलिसांनी तात्काळ पावले उचलली. आरपीएफच्या शासकीय वाहनातून पोलीस हवालदार खोडके, पोलीस हवालदार मोहेकर आणि आरपीएफ कर्मचारी इंगळे यांनी संबंधित महिलेला नांदुरा येथे तिच्या आईच्या घरी सुरक्षित पोहोचवले. तिथे आवश्यक ताबा पावतीची पूर्तता करून महिलेला तिच्या आईच्या स्वाधीन करण्यात आले. संकटाच्या क्षणी सामान्य नागरिक आणि रेल्वे पोलिसांनी दाखवलेली ही संवेदनशीलता आणि सतर्कता संवेदनशील पोलिसिंगचे एक प्रेरणादायी उदाहरण ठरली आहे.

Sachin kadukar

Photographer Shegaon, Buldhana•

5 hrs ago

बुलढाणा जिल्ह्यातील मलकापूर रेल्वे स्थानकावर शुक्रवारी (10 जुलै) सायंकाळी 7.50 वाजण्याच्या सुमारास एका 48 वर्षीय महिलेने धावत्या रेल्वेसमोर झेप घेऊन आत्महत्येचा प्रयत्न केला. यावेळी तिथे उपस्थित असलेले कुली, ऑटोचालक आणि प्रवाशांनी परिस्थितीचे गांभीर्य ओळखून क्षणाचाही विलंब न लावता तत्परता दाखवली आणि महिलेला ओढून सुरक्षित बाजूला केले. यामुळे मोठा अनर्थ टळला असून या धाडसी कामगिरीबद्दल रेल्वे पोलीस आणि मदतीसाठी धावून आलेल्या नागरिकांचे सर्वत्र जोरदार कौतुक होत आहे. घटनेची माहिती मिळताच जीआरपीचे (GRP) जीपीएसआय तायडे, पोलीस हवालदार मोहेकर तसेच आरपीएफचे (RPF) कर्मचारी इंगळे आणि शिरसाठ यांनी तातडीने घटनास्थळी धाव घेतली. त्यांनी महिलेला शांत करून विश्वासात घेतले आणि तिची विचारपूस केली. यावेळी तिने आपले नाव मंगला अशोक वानखडे (वय 48, रा. नांदुरा) असे सांगितले. यानंतर रेल्वे पोलिसांनी तिच्या आईशी फोनवर संपर्क साधून घटनेची माहिती दिली. मात्र, वयोमानामुळे आईला मलकापूर येथे येणे शक्य नसल्याने त्यांनी मुलीला सुरक्षितपणे घरी पोहोचविण्याची विनंती केली. आईच्या विनंतीवरून रेल्वे पोलिसांनी तात्काळ पावले उचलली. आरपीएफच्या शासकीय वाहनातून पोलीस हवालदार खोडके, पोलीस हवालदार मोहेकर आणि आरपीएफ कर्मचारी इंगळे यांनी संबंधित महिलेला नांदुरा येथे तिच्या आईच्या घरी सुरक्षित पोहोचवले. तिथे आवश्यक ताबा पावतीची पूर्तता करून महिलेला तिच्या आईच्या स्वाधीन करण्यात आले. संकटाच्या क्षणी सामान्य नागरिक आणि रेल्वे पोलिसांनी दाखवलेली ही संवेदनशीलता आणि सतर्कता संवेदनशील पोलिसिंगचे एक प्रेरणादायी उदाहरण ठरली आहे.