🙏🙏

🙏🙏

మాజీ మంత్రి అంబటి రాంబాబును అక్రమంగా అరెస్టు చేసి, ఆస్తులను ధ్వంసం చేయడం దారుణమని మాజీ హోంమంత్రి తానేటి వనిత ఆగ్రహం వ్యక్తం చేశారు. కూటమి ప్రభుత్వ అరాచకాలను ప్రశ్నించినందుకే ఇలా చేశారన్నారు. మంగళవారం గోపాలపురం వైసీపీ కార్యాలయంలో ఆమె మాట్లాడారు. ప్రస్తుతం రాష్ట్రంలో పోలీసులు టీడీపీ కార్యకర్తలుగా వ్యవహరిస్తున్నారని మండిపడ్డారు. ఇప్పుడైనా హోంమంత్రి వంగలపూడి అనిత స్పందించి లా& ఆర్డర్ సక్రమంగా అమలు చేయాలని సూచించారు

​ఎన్ హెచ్ 516 నిర్మాణంలో కాఫీ తోటలు కోల్పోయిన కాట్రగడ్డ, రొంపుల, చాపరాతిపాలెం రైతులకు వెంటనే పరిహారం ఇవ్వాలని రైతు సంఘం నేతలు డిమాండ్ చేశారు. పెదవలస రైతులకు మాత్రమే పరిహారం ఇచ్చి, తమకు అన్యాయం చేశారని ఆవేదన వ్యక్తం చేశారు. వారం రోజుల్లోగా బాధితులందరికీ పరిహారం చెల్లించకపోతే ధర్నా చేస్తామని హెచ్చరించారు.

చింతలపూడి ఎమ్మెల్యే క్యాంపు కార్యాలయంలో బుధవారం ఆర్టీసీ అధికారులతో స్థానిక ఎమ్మెల్యే సొంగ రోషన్ కుమార్ సమావేశం నిర్వహించారు.చింతలపూడిలో బస్సు డిపో ఏర్పాటు చేయాల్సిన ఆవశ్యకత మరియు భవిష్యత్తులో నియోజకవర్గ అభివృద్ధి పెరుగుతున్న ప్రయాణికుల అవసరాలు తదితర అంశాలపై సమీక్షించారు.చింతలపూడిలో పర్యటించి స్థల పరిశీలన జరిపారు.

రాజవొమ్మంగి మండలం దూసరపాము గ్రామంలో వారం రోజుల వ్యవధిలో మామ, అల్లుడు మృతి చెందడంతో కుటుంబంలో తీవ్ర విషాదం నెలకొంది.గ్రామానికి చెందిన సత్యనారాయణ మూడు రోజుల క్రితం జరిగిన రోడ్డు ప్రమాదంలో తీవ్రంగా గాయపడి కాకినాడ జీజీహెచ్‌లో చికిత్స పొందుతూ మంగళవారం మృతి చెందాడు.ఇదిలా ఉండగా, అతని అల్లుడు నాగేశ్వరావు వారం రోజుల క్రితం గుండెపోటుతో ఆకస్మికంగా మృతి చెందాడు. వరుసగా చోటుచేసుకున్న ఈ అనుకోని ఘటనలతో కుటుంబ సభ్యులు శోకసంద్రంలో మునిగిపోయారు. గ్రామంలో విషాద వాతావరణం నెలకొంది.

చాలా మంది రోగులు దంత చికిత్సలను ధరల ఆధారంగా మాత్రమే పోల్చుతారు. కానీ దంతవైద్యంలో, సత్వరమార్గాలు తరచుగా పునరావృత విధానాలు, చిగుళ్ల సమస్యలు లేదా నెలల తర్వాత విఫలమైన పనిగా మారుతాయి. నైతిక దంతవైద్యం నైతిక దంతవైద్యం ఖరీదైనది కాదు. ఇది మీ దీర్ఘకాలిక నోటి ఆరోగ్యానికి సురక్షితమైనది మరియు శాశ్వతమైనది చేయడం గురించి. ఎందుకంటే ఒకే పంటిని రెండుసార్లు సరిచేయడం దీర్ఘకాలంలో ఎప్పుడూ చౌకగా ఉండదు.

🙏🙏

🙏🙏

జీకే వీధి మండలం సీలేరు వెళ్ళే ప్రధాన రహదారి దుర్భరంగా మారింది. పిల్లిగెడ్డ వంతెన వద్ద రోడ్డు కోతకు గురవడంతో రాకపోకలకు తీవ్ర ఇబ్బందులు తలెత్తుతున్నాయి. ముఖ్యంగా సీలేరు, చిత్రకొండవెళ్లే ప్రధాన కూడలికి ఆనుకుని ఉన్న ఐస్ గెడ్డ వద్ద రోడ్డు కోతకు గురై అగాధంగా ఏర్పడింది. ఈ మార్గంలో వెళ్లేటప్పుడు అప్రమత్తంగా లేకుంటే ప్రమాదం జరిగే అవకాశాలు ఉన్నాయి. అధికారులు స్పందించి రోడ్డు బాగు చేయాలని స్థానికులు కోరారు.