नैसर्गिक संकटाला तोंड देत उत्पन्न घेण्यासाठी जिवाचे रान करणाऱ्या शेतकऱ्यांना आता वन्यप्राण्यांच्या त्रासाला सामोरे जावे लागत आहे. वाशीम जिल्ह्यातील रिसोड तालुक्यातील वाडीरायताळ, देगाव, लिंगापेन आणि किनखेडा या परिसरात जंगली रोहींनी धुडगूस घालून सोयाबीन पिकांची मोठी नासाडी केली आहे. खरिपातील सोयाबीनची पेरणी झाल्यानंतर शेतात अंकुर उगवून पीक उत्तम बहरलेले असतानाच रोहींच्या हैदोसामुळे पिकांचे अतोनात नुकसान होत आहे. विशेषतः लिंगापेन आणि परिसरात जंगली रोहींचे अनेक कळप वावरत असून एका एका कळपात ३० ते ५० रोही आहेत. हे रोही पिकांवर ताव मारण्यापेक्षा शेतात धुडगूस घालून पिकांचे अधिक नुकसान करत आहेत, ज्यामुळे शेतकऱ्यांचे हजारो रुपयांचे नुकसान झाले आहे. वन्यप्राण्यांच्या या उपद्रवामुळे शेतकरी कमालीचे त्रस्त झाले असून वन विभागाने या रोही प्राण्यांचा तात्काळ बंदोबस्त करावा, अशी जोरदार मागणी शेतकऱ्यांच्या वतीने करण्यात येत आहे.

Suresh Badrigiri Giri

Mechanic रिसोड, वाशिम, महाराष्ट्र•

21 hrs ago

नैसर्गिक संकटाला तोंड देत उत्पन्न घेण्यासाठी जिवाचे रान करणाऱ्या शेतकऱ्यांना आता वन्यप्राण्यांच्या त्रासाला सामोरे जावे लागत आहे. वाशीम जिल्ह्यातील रिसोड तालुक्यातील वाडीरायताळ, देगाव, लिंगापेन आणि किनखेडा या परिसरात जंगली रोहींनी धुडगूस घालून सोयाबीन पिकांची मोठी नासाडी केली आहे. खरिपातील सोयाबीनची पेरणी झाल्यानंतर शेतात अंकुर उगवून पीक उत्तम बहरलेले असतानाच रोहींच्या हैदोसामुळे पिकांचे अतोनात नुकसान होत आहे. विशेषतः लिंगापेन आणि परिसरात जंगली रोहींचे अनेक कळप वावरत असून एका एका कळपात ३० ते ५० रोही आहेत. हे रोही पिकांवर ताव मारण्यापेक्षा शेतात धुडगूस घालून पिकांचे अधिक नुकसान करत आहेत, ज्यामुळे शेतकऱ्यांचे हजारो रुपयांचे नुकसान झाले आहे. वन्यप्राण्यांच्या या उपद्रवामुळे शेतकरी कमालीचे त्रस्त झाले असून वन विभागाने या रोही प्राण्यांचा तात्काळ बंदोबस्त करावा, अशी जोरदार मागणी शेतकऱ्यांच्या वतीने करण्यात येत आहे.