*నీట్ పరీక్ష నిర్వహకు పకడ్బంది ఏర్పాట్లు చేయాలి: జిల్లా కలెక్టర్ రాజర్షిషా పత్రికా ప్రకటన ఏప్రిల్ 30, 2026_ఆదిలాబాదు: * వచ్చే నెల(మే 3, 2026)వ తేదీన నిర్వహించనున్న నేషనల్ ఎలిజిబిలిటీ కమ్ ఎంట్రన్స్ టెస్ట్ పరీక్షను జిల్లాలో ఎలాంటి అవాంఛనీయ సంఘటనలు జరగకుండా, పకడ్బందీగా నిర్వహించాలని జిల్లా కలెక్టర్ రాజర్షిషా అధికారులను ఆదేశించారు. గురువారం కలెక్టరేట్ సమావేశ మందిరంలో సంబంధిత అధికారులతో ఆయన సమన్వయ సమావేశం నిర్వహించి దిశానిర్దేశం చేశారు. ఈ సందర్భంగా కలెక్టర్ మాట్లాడుతూ, నీట్ పరీక్ష విద్యార్థుల భవిష్యత్తుతో కూడుకున్నదని, ఏ చిన్న పొరపాటుకు తావులేకుండా అన్ని శాఖల అధికారులు సమన్వయంతో పనిచేయాలని కోరారు. పరీక్షా కేంద్రాల వద్ద మౌలిక సదుపాయాల కల్పనపై ప్రత్యేక ఆదేశాలు జారీ చేశారు. కేంద్రాల్లో నిరంతర విద్యుత్ సరఫరా, తాగునీరు, తగినంత వెలుతురు, ఫర్నిచర్ ఉండేలా విద్యాశాఖ అధికారులు పర్యవేక్షించాలన్నారు. ఎండ తీవ్రతను దృష్టిలో ఉంచుకుని ప్రతి పరీక్షా కేంద్రం వద్ద మెడికల్ క్యాంపును ఏర్పాటు చేయాలని, అక్కడ ఏఎన్ఎంలతో పాటు అవసరమైన మందులు, ఓఆర్ఎస్ ప్యాకెట్లు అందుబాటులో ఉంచాలని ఆరోగ్య శాఖను ఆదేశించారు. అభ్యర్థులు సకాలంలో కేంద్రాలకు చేరుకునేలా అదనపు ఆర్టీసీ బస్సులను నడపాలని సూచించారు. ముఖ్యంగా పరీక్షా కేంద్రాల వద్ద భద్రత, క్రమశిక్షణ విషయంలో రాజీ పడకూడదని, కేంద్రాల వద్ద 144 సెక్షన్ అమలులో ఉంటుందని, సమీపంలోని జిరాక్స్ సెంటర్లను తప్పనిసరిగా మూసివేయాలని ఆదేశించారు. నిర్ణీత సమయం కంటే ఒక్క నిమిషం ఆలస్యమైనా అభ్యర్థులను అనుమతించే ప్రసక్తి లేదని, విద్యార్థులు ఈ నిబంధనను గమనించి అప్రమత్తంగా ఉండాలని సూచించారు. ఈ సమావేశంలో అదనపు కలెక్టర్లు ఆర్.ఎస్. చిత్రు, రాజేశ్వర్, ఆర్డీవో జగదీశ్వర్ రావు, ఇతర అధికారులు, విద్య, వైద్యం, రెవెన్యూ, పోలీస్, ఇతర శాఖల అధికారులు, సిబ్బంది, తదితరులు పాల్గొన్నారు.

M.RAJKIRAN REDDY

Adilabad Rural, Telangana•

14 hrs ago

*నీట్ పరీక్ష నిర్వహకు పకడ్బంది ఏర్పాట్లు చేయాలి: జిల్లా కలెక్టర్ రాజర్షిషా పత్రికా ప్రకటన ఏప్రిల్ 30, 2026_ఆదిలాబాదు: * వచ్చే నెల(మే 3, 2026)వ తేదీన నిర్వహించనున్న నేషనల్ ఎలిజిబిలిటీ కమ్ ఎంట్రన్స్ టెస్ట్ పరీక్షను జిల్లాలో ఎలాంటి అవాంఛనీయ సంఘటనలు జరగకుండా, పకడ్బందీగా నిర్వహించాలని జిల్లా కలెక్టర్ రాజర్షిషా అధికారులను ఆదేశించారు. గురువారం కలెక్టరేట్ సమావేశ మందిరంలో సంబంధిత అధికారులతో ఆయన సమన్వయ సమావేశం నిర్వహించి దిశానిర్దేశం చేశారు. ఈ సందర్భంగా కలెక్టర్ మాట్లాడుతూ, నీట్ పరీక్ష విద్యార్థుల భవిష్యత్తుతో కూడుకున్నదని, ఏ చిన్న పొరపాటుకు తావులేకుండా అన్ని శాఖల అధికారులు సమన్వయంతో పనిచేయాలని కోరారు. పరీక్షా కేంద్రాల వద్ద మౌలిక సదుపాయాల కల్పనపై ప్రత్యేక ఆదేశాలు జారీ చేశారు. కేంద్రాల్లో నిరంతర విద్యుత్ సరఫరా, తాగునీరు, తగినంత వెలుతురు, ఫర్నిచర్ ఉండేలా విద్యాశాఖ అధికారులు పర్యవేక్షించాలన్నారు. ఎండ తీవ్రతను దృష్టిలో

ఉంచుకుని ప్రతి పరీక్షా కేంద్రం వద్ద మెడికల్ క్యాంపును ఏర్పాటు చేయాలని, అక్కడ ఏఎన్ఎంలతో పాటు అవసరమైన మందులు, ఓఆర్ఎస్ ప్యాకెట్లు అందుబాటులో ఉంచాలని ఆరోగ్య శాఖను ఆదేశించారు. అభ్యర్థులు సకాలంలో కేంద్రాలకు చేరుకునేలా అదనపు ఆర్టీసీ బస్సులను నడపాలని సూచించారు. ముఖ్యంగా పరీక్షా కేంద్రాల వద్ద భద్రత, క్రమశిక్షణ విషయంలో రాజీ పడకూడదని, కేంద్రాల వద్ద 144 సెక్షన్ అమలులో ఉంటుందని, సమీపంలోని జిరాక్స్ సెంటర్లను తప్పనిసరిగా మూసివేయాలని ఆదేశించారు. నిర్ణీత సమయం కంటే ఒక్క నిమిషం ఆలస్యమైనా అభ్యర్థులను అనుమతించే ప్రసక్తి లేదని, విద్యార్థులు ఈ నిబంధనను గమనించి అప్రమత్తంగా ఉండాలని సూచించారు. ఈ సమావేశంలో అదనపు కలెక్టర్లు ఆర్.ఎస్. చిత్రు, రాజేశ్వర్, ఆర్డీవో జగదీశ్వర్ రావు, ఇతర అధికారులు, విద్య, వైద్యం, రెవెన్యూ, పోలీస్, ఇతర శాఖల అధికారులు, సిబ్బంది, తదితరులు పాల్గొన్నారు.