येवला शहर संस्थापक राजे रघुजीबाबा यात्रोत्सवास उत्साहात प्रारंभ ​येवला: सुमारे ३५० वर्षांपूर्वी येवला शहराची स्थापना करणारे आणि पैठणी उद्योगाला वैभव प्राप्त करून देणारे राजे रघुजीबाबा शिंदे यांचा वार्षिक यात्रोत्सव मंगळवार (१४ एप्रिल) पासून मोठ्या उत्साहात सुरू झाला आहे. तीन दिवस चालणाऱ्या या उत्सवा निमित्त शहरात भक्तीमय वातावरण असून जय्यत तयारी करण्यात आली आहे. ​यात्रेची परंपरा जपत सोमवारी रात्री शहरातील युवकांनी कोपरगावहून पायी चालत गोदावरीचे पाणी (कावडी) आणले. मंगळवारी सकाळी अक्षय तृतीयेच्या पूर्वसंध्येला ऐतिहासिक पाटलांच्या गढीवर रघुजीबाबांच्या मुखवट्याची विधिवत पूजा व अभिषेक करण्यात आला. त्यानंतर वाजत-गाजत भव्य पालखी व कावडी मिरवणूक काढण्यात आली. ​राजे रघुजीबाबांनी केवळ शहर वसवले नाही, तर पैठणी विणकर व व्यापारी समाजाला राजाश्रय देऊन सर्वधर्मसमभावाचे प्रतीक म्हणून 'पाटील मशिद'ही उभारली. यात्रेनिमित्त बुधवारी महाप्रसाद, तर गुरुवारी पालखी मिरवणुकीने उत्सवाची सांगता होईल. यावेळी सुनील शिंदे,भास्करराव शिंदे, डॉक्टर संकेत शिंदे,अविनाश शिंदे, शिवसेना गटनेते गणेश शिंदे, शिवसेना उपजिल्हाप्रमुख अमोल शिंदे, शरद शिंदे,संजय शिंदे,प्रशांत शिंदे,बापू शिंदे यांच्यासह शिंदे परिवारातील सदस्य व पदाधिकारी मोठ्या संख्येने उपस्थित होते. ब्युरो रिपोर्ट सचिन वखारे येवला

Sachin Dilip Wakhare

Reporter येवला, नाशिक, महाराष्ट्र•

12 hrs ago

येवला शहर संस्थापक राजे रघुजीबाबा यात्रोत्सवास उत्साहात प्रारंभ ​येवला: सुमारे ३५० वर्षांपूर्वी येवला शहराची स्थापना करणारे आणि पैठणी उद्योगाला वैभव प्राप्त करून देणारे राजे रघुजीबाबा शिंदे यांचा वार्षिक यात्रोत्सव मंगळवार (१४ एप्रिल) पासून मोठ्या उत्साहात सुरू झाला आहे. तीन दिवस चालणाऱ्या या उत्सवा निमित्त शहरात भक्तीमय वातावरण असून जय्यत तयारी करण्यात आली आहे. ​यात्रेची परंपरा जपत सोमवारी रात्री शहरातील युवकांनी कोपरगावहून पायी चालत गोदावरीचे पाणी (कावडी) आणले. मंगळवारी सकाळी अक्षय तृतीयेच्या पूर्वसंध्येला ऐतिहासिक पाटलांच्या गढीवर रघुजीबाबांच्या मुखवट्याची विधिवत पूजा व अभिषेक करण्यात आला. त्यानंतर वाजत-गाजत भव्य पालखी व कावडी मिरवणूक काढण्यात आली. ​राजे रघुजीबाबांनी केवळ शहर वसवले नाही, तर पैठणी विणकर व व्यापारी समाजाला राजाश्रय देऊन सर्वधर्मसमभावाचे प्रतीक म्हणून 'पाटील मशिद'ही उभारली. यात्रेनिमित्त बुधवारी महाप्रसाद, तर गुरुवारी पालखी मिरवणुकीने उत्सवाची सांगता होईल. यावेळी सुनील शिंदे,भास्करराव शिंदे, डॉक्टर संकेत शिंदे,अविनाश शिंदे, शिवसेना गटनेते गणेश शिंदे, शिवसेना उपजिल्हाप्रमुख अमोल शिंदे, शरद शिंदे,संजय शिंदे,प्रशांत शिंदे,बापू शिंदे यांच्यासह शिंदे परिवारातील सदस्य व पदाधिकारी मोठ्या संख्येने उपस्थित होते. ब्युरो रिपोर्ट सचिन वखारे येवला