தூத்துக்குடியில் பிரபல வேலவன் ஹைப்பர் மார்க்கெட் உரிமையாளரிடம் ரூ.1 கோடி கேட்டு மிரட்டியதாக கூறப்படும் புகாரில், பசும்பொன் மக்கள் கட்சியின் நிறுவனர் மற்றும் தலைவர் இசக்கி ராஜா (46) தென்பாகம் போலீசாரால் இன்று கைது செய்யப்பட்ட சம்பவம் தூத்துக்குடியில் பெரும் பரபரப்பு ஏற்பட்டது

தூத்துக்குடி கோவளம் பசுவந்தனை பகுதி பாரம்பரிய உப்பு விவசாய நிலங்களை அழித்து கப்பல் கட்டும் தளம் அமைப்பதற்கு எதிர்ப்பு மாபெரும் கண்டன ஆர்ப்பாட்டம் அகில இந்திய தேவேந்திரகுல வேளாளர் கூட்டமைப்பு மற்றும் தமிழக மக்கள் முன்னேற்ற கழகம் சார்பில் தூத்துக்குடியில் நடைபெற்றது தூத்துக்குடி கோவளம் பசுவந்தனை பகுதி பாரம்பரிய உப்பு விவசாய நிலங்களை அழித்து கப்பல் கட்டும் தளம் அமைப்பதற்கு எதிர்ப்பு மாபெரும் கண்டன ஆர்ப்பாட்டம் அகில இந்திய தேவேந்திரகுல வேளாளர் கூட்டமைப்பு மற்றும் தமிழக மக்கள் முன்னேற்ற கழகம் சார்பில் தூத்துக்குடியில் நடைபெற்றது தூத்துக்குடி மாவட்டம் கோவளம் மற்றும் பசுவந்தனை உள்ளிட்ட பகுதிகளில் தலைமுறை தலைமுறையாக செயல்பட்டு வரும் பாரம்பரிய உப்பு விவசாய நிலங்களை அழித்து குண்டாய் நிறுவனம் மூலம் கப்பல் கட்டும் தளம் அமைக்கும் திட்டத்தை உடனடியாக கைவிட வலியுறுத்தி மாபெரும் கண்டன ஆர்ப்பாட்டம் நடைபெற்றது முக்கிய கோரிக்கைகளாக உப்பு விவசாயத்தை பாதுகாக்க வேண்டும் தூத்துக்குடியின் அடையாளமாகவும் பொருளாதாரத்தின் முதுகெலும்பாகவும் திகழும் கோவளம் மற்றும் பசுவந்தனை பகுதி உப்பு விவசாய நிலங்களை கையகப்படுத்தும் நடவடிக்கையை தமிழக அரசு உடனடியாக கைவிட வேண்டும் தொழிலாளர் வாழ்வாதாரம் உப்பு விவசாய தொழிலை மட்டுமே நம்பி வாழும் ஆயிரக்கணக்கான உப்பு விவசாய தொழிலாளர்கள் மற்றும் சிறு உப்பு உற்பத்தியாளர்களின் வாழ்வாதாரத்தை உறுதி செய்ய வேண்டும் இக்கண்டன ஆர்ப்பாட்டத்தில் விவசாய தொழிலாளர்கள் சிறு உப்பு உற்பத்தியாளர் சங்கம் மற்றும் பல்வேறு அமைப்புகளை சேர்ந்த பிரதிநிதிகள் பெருந்திரளாக கலந்து கொண்டு உப்பு விவசாய அழிப்பு நடவடிக்கைகளுக்கும் தமிழக அரசின் திட்டத்திற்கும் எதிராக கண்டன முழக்கங்களை எழுப்பினர் பாரம்பரிய தொழில்களையும் சுற்றுச்சூழல் சமநிலையையும் பாதிக்கும் இத்தகைய பெரும் திட்டங்களை தூத்துக்குடி மண்ணில் அனுமதிக்க மாட்டோம் என்று எங்கள் கோரிக்கைகள் ஏற்கப்படும் வரை தொடர் போராட்டங்கள் முன்னெடுக்கப்படும் என்று ஆர்ப்பாட்டத்தில் ஈடுபட்டவர்கள் தெரிவித்தனர் இக்கண்டன ஆர்ப்பாட்டத்திற்கு தமிழக முன்னேற்றக் கழகத்தின் தூத்துக்குடி மத்திய மாவட்ட செயலாளர் எஸ் லாரன்ஸ் பாண்டியன் தலைமை தாங்கினார் தூத்துக்குடி தெற்கு மாவட்ட செயலாளர் கே செல்வம் முன்னிலை வகித்தார் கோவளம் பசுவந்தனை பண்பாடு சிறிய அளவு உற்பத்தியாளர்கள் சங்கத்தை சேர்ந்த சேகர் சிறப்பு கருத்துரையாற்றினார் மற்றும் உப்பு உற்பத்தியாளர் சங்கத்தைச் சேர்ந்த நிர்வாகிகளும் ஆதரவளித்து கலந்து கொண்டனர் தொடர்ந்து அமைப்பின் முன்னணி நிர்வாகி நிர்வாகிகளான முத்துப்பாண்டி சோழன் பாபு முத்து செல்வம் கங்காதர திலகர் காளிராஜ் சுரேஷ் காந்தி, மதுரை பாலாஜி துரைப்பாண்டி மாரிமுத்து காமராசு பெருமாள் தேவர் கணபதியாதவ் சலீம் கிருஷ்ணன் எட்வின் மற்றும் சரண்யா ஆகியோர் கண்டன உரையாற்றினார்கள் நிகழ்வு நிறைவாக தூத்துக்குடி மாநகர மாவட்ட இணைச் செயயாளர் ஆகாஷ் வந்திருந்த அனைவருக்கும் நன்றியுரை வழங்கினார்

கயத்தாறு தாலுகா அலுவலகத்தில் சாலை மறியல் போராட்டம் அமைதி பேச்சுவார்த்தை சுமுக தீர்வு கயத்தாறில் தாலுகா செட்டி குறிச்சி கிராமத்தில் கடந்த 8/09/2026 அன்று செட்டி குறிச்சி பகுதியில் புதியதாக அமைக்கப்பட்டு வரும் மகேஸ்வரன் மற்றும் கந்தசாமி கோரிகள் தற்போது புதியதாக உருவாக்கப்பட்டு பணிகள் நடைபெற்று வருகின்றன.இந்த கோரிகளால் செட்டி குறிச்சி கிராமத்தில் பொதுமக்களுக்கு பல்வேறு நோய்கள் வரும் அபாய நிலையில் உள்ளது.மேலும் இப்பகுதியில் மக்கள் முழுமையாக விவசாயத்தை நம்பியே வாழ்ந்து வருகின்றனர். மேலும் இப்பகுதியில் சுமார் 1000 ஏக்கருக்கும் மேற்பட்ட விவசாய விளை நிலங்கள் உள்ளன. இதனால் இப்பகுதியில் பயிர்கள் கருகும் நிலையில் உள்ளது.இதனை கண்டித்து கண்டன ஆர்ப்பாட்டம் நடத்தினர். பின்னர் பேச்சுவார்த்தையில் அவர்கள் 10 தினங்களுக்குள் நடவடிக்கை எடுக்காவிட்டால் சாலைமறியல் போராட்டம் என அறிவித்த நிலையில் அது தொடர்பாக நேற்று கயத்தாறு தாலுகா அலுவலகத்தில் தாசில்தார் அப்பனராஜ் தலைமையில். கிராம மக்களுடன் அமைதி பேச்சுவார்த்தை நடத்தினர். இந்த பேச்சுவார்த்தையில் செட்டிகுறிச்சி கிராமத்தில் இயங்கி வரும் குவாரிகள் மற்றும் கிரஷர்கள் முழுமையாக தொடர்புடைய துறைகளால் கூட்டாக ஆய்வு செய்யப்பட்டு அதன் அறிக்கைகளை பெற்று கிராம மக்களின் குற்றச்சாட்டுகள் மீது ஆய்வு செய்து மீண்டும் ஒரு கூட்டம் ஏற்பாடு செய்யப்பட்டு ஆய்வறிக்கை குறித்து கிராம மக்களுக்கு தெரிவித்து அதன் அடிப்படையில் உரிய நடவடிக்கை மேற்கொள்ள மாவட்ட ஆட்சியர் அவர்களுக்கு அறிக்கையை அனுப்பப்படும் என சமாதான கூட்டத்தில் முடிவெடுக்கப்பட்டது மேற்படி முடிவு ஒருமனதாக ஏற்றுக் கொள்ளப்பட்டு பேச்சுவார்த்தை முடிவுக்கு கொண்டுவரப்பட்டது. இந்த கூட்டத்தில் கலந்து கொண்ட பேசியவர்கள் கயத்தாறு காவல் ஆய்வாளர் சூரியா, மாவட்ட வட்ட கனிமவளத்துறை அலுவலர் முருகேஷ்,புவியியலார் ஆய்வாளர் நாகராஜ், கிராம நிர்வாக சிவகாமசுந்தரி, மற்றும் கிராம மக்கள் சார்பில் துரைப்பாண்டி தங்கப்பாண்டி, முருகன், சிதம்பரம் பட்டியை சேர்ந்த மாரியப்பன் உள்பட நூற்றுக்கும் மேற்பட்ட பொதுமக்கள் கலந்து கொண்டனர்.

கர்ப்பிணி பெண்களுக்கு சீர்வரிசை வழங்கும் சமுதாய வளைகாப்பு விழா தமிழக சமூக நலன் மற்றும் மகளிர் உரிமைத்துறை, ஒருங்கிணைந்த குழந்தை வளர்ச்சிப் பணிகள் திட்டம் சார்பில், தூத்துக்குடியில் கர்ப்பிணிகளுக்கு சமுதாய வளைகாப்பு விழா செவ்வாய்க்கிழமை நடைபெற்றது. விழாவுக்கு, மாநகராட்சி ஆணையர் சி.ப்ரியங்கா தலைமை வகித்தார். தமிழக மீன்வளம் மற்றும் மீனவர் நலத்துறை அமைச்சர் ஆ.ஸ்ரீநாத் கலந்துகொண்டு, கர்ப்பிணிகளுக்கு சீர்வரிசைப் பொருள்களை வழங்கி தொடங்கிவைத்தார். விழாவில் கர்ப்பிணிகளுக்கு தட்டு, தேங்காய், மஞ்சள், குங்குமம், வளையல், பூ உள்ளிட்ட சீர்வரிசைப் பொருள்களை அமைச்சர் வழங்கினார். மேலும், ஐந்து வகையான கலவை சாதங்கள் வழங்கப்பட்டன. அப்போது அமைச்சர் பேசியதாவது: சமூக நலன் மற்றும் மகளிர் உரிமைத்துறை ஒருங்கிணைந்த குழந்தை வளர்ச்சிப்பணிகள் திட்டம் சார்பில் போஷன் அபியான் திட்டத்தின் கீழ் ஊட்டச்சத்து மாத விழா கொண்டாடப்பட்டு வருகிறது. அதனடிப்படையில், சமுதாய வளைகாப்பு விழா நடத்திட 2026-2027ஆம் நிதியாண்டில் வட்டாரத்துக்கு 100 பயனாளிகளுக்கு ரூ.25,000 வீதம் இம் மாவட்டத்தில் உள்ள 13 வட்டார குழந்தை வளர்ச்சித் திட்ட அலுவலகங்களுக்கு ரூ.3,25,000 நிதி ஒதுக்கீடு செய்யப்பட்டுள்ளது. கர்ப்பிணிகள் கர்ப்பகாலத்தில் அருகிலுள்ள மருத்துவமனைகளுக்குச் சென்று மருத்துவர்களின் ஆலோசனைகளைப் பெற்று, அவர்கள் கூறும் அறிவுரைகளை முறையாகப் பின்பற்ற வேண்டும் என்றார் அவர். இதில், தூத்துக்குடி நகர்ப்புறம் மற்றும் ஊரகம் வட்டார குழந்தை வளர்ச்சித் திட்ட அலுவலகங்களுக்கு உள்பட்ட 200 கர்ப்பிணிகள் கலந்துகொண்டனர். விழாவில், ஒருங்கிணைந்த குழந்தைகள் வளர்ச்சித் திட்ட அலுவலர் (பொ) பிரேமலதா, நகர்ப்புற குழந்தைகள் வளர்ச்சித் திட்ட அலுவலர் ரூபி பெர்ணான்டோ உள்ளிட்டோர் கலந்துகொண்டனர்.

ஸ்ரீவில்லிபுத்தூர் ஆண்டாள் கோயில் புரட்டாசி பிரம்மோற்சவ விழா செப்பு தேரோட்டம் கோலாகலம் ஸ்ரீவில்லிபுத்தூர் ஆண்டாள் கோயிலில் வடபெருங்கோயிலுடையோன் புரட்டாசி பிரம்மோற்சவ விழாவில் புதன்கிழமை காலை செப்பு தேரோட்டம் கோலாகலமாக நடைபெற்றது. ஸ்ரீவில்லிபுத்தூர் ஆண்டாள் கோயிலில் மூலவர் வடபத்ரசாயி(பெரிய பெருமாள்) அவதரித்த புரட்டாசி பிரம்மோற்சவ விழா கடந்த 15 -ம் தேதி கொடியேற்றத்துடன் தொடங்கியது. பிரமோற்சவ விழாவில் தினசரி இரவு பெரிய பெருமாள் சந்திரபிரபை, அனுமன், யானை, தங்க சேஷ வாகனங்களில் எழுந்தருளி வீதி உலா வந்து பக்தர்களுக்கு அருள் பாலித்தார். இதில் 5-ம் நாள் விழாவான செப்டம்பர் 19 -ம் தேதி கருட சேவையும், 20 -ம் தேதி மாலை ஸ்ரீதேவி பூதேவி சமேத பெரிய பெருமாள் திருக்கல்யாணமும், 21-ம் தேதி சயன சேவையும் நடைபெற்றது. 9-ம் நாளான புதன்கிழமை காலை பெரிய பெருமாள் அவதரித்த திருவோணம் நட்சத்திரத்தை முன்னிட்டு செப்பு தேரோட்டம் நடைபெற்றது. முன்னதாக ஶ்ரீ தேவி பூதேவி சமேத பெரிய பெருமாளுக்கு விஷேச திருமஞ்சனம் மற்றும் சிறப்பு பூஜைகள் நடைபெற்றது. அதன்பின் சர்வ அலங்காரத்தில் பெரிய பெருமாள் ஶ்ரீதேவி பூதேவி சமேதரராக செப்புத் தேரில் எழுந்தருள நான்கு ரத வீதிகள் வழியாக தேரோட்டம் நடைபெற்றது. வைணவ ஆச்சார்யர்கள் திருப்பல்லாண்டு பாடியபடி ஊர்வலமாக முன் செல்ல ஆயிரக்கணக்கான பக்தர்கள் வடம் பிடித்து தேர் இழுத்தனர்.

தென்காசி மாவட்டம் பொட்டல் புதூர் பள்ளிவாசல் பத்தாம் இரவு கொடியேற்றம் நிகழ்ச்சி இன்று நடந்தது அதனை முன்னிட்டு மேளதாளம் முழங்க ஊர்வலம் நடந்தது தொடர்ந்து சிறப்பு தொழுகை நடைபெற்றது இதில் திரளானோர் கலந்து கொண்டனர்

காமராஜர் காலை உணவு விரிவாக்கத் திட்டத்தை அரசு பள்ளிகளில் தொடங்கி வைத்து மாணவர்களுடன் உணவருந்திய சட்டமன்ற உறுப்பினர் கார்த்திக் *ஸ்ரீவில்லிபுத்தூரில் காமராஜர் காலை உணவு விரிவாக்கத் திட்டத்தை அரசு பள்ளிகளில் தொடங்கி வைத்து மாணவர்களுடன் உணவருந்திய சட்டமன்ற உறுப்பினர் கார்த்திக்.* தமிழகம் முழுவதும் அரசு மற்றும் அரசு உதவி பெறும் பள்ளிகளில் காமராஜரின் காலை உணவு திட்டத்தை விரிவாக்க விழாவை முதலமைச்சர் ஜோசப் விஜய் அவர்கள் தொடங்கி வைத்தார்கள். இந்த நிலையில் விருதுநகர் மாவட்டம் ஸ்ரீவில்லிபுத்தூர் மல்லி அருகே உள்ளூர் பட்டி பகுதியில் செயல்பட்டு வரும் அரசு மேல்நிலைப் பள்ளி மற்றும் ஸ்ரீவில்லிபுத்தூர் திரு வி கா மேல்நிலைப் பள்ளியில் காமராஜர் காலை உணவு விரிவாக்க விழாவை சட்டமன்ற உறுப்பினர் கார்த்திக் தொடங்கி வைத்தார். மாணவ மாணவிகளுக்கு உணவு பரிமாறிய சட்டமன்ற உறுப்பினர் பின்னர் மாணவர்களுடன் அமர்ந்து உணவருந்தினார். இதில் வட்டாட்சியர் , நகராட்சி ஆணையாளர் முன்னிட்டு அதிகாரிகள் கலந்து கொண்டனர்.

தூத்துக்குடியில் பிரபல வேலவன் ஹைப்பர் மார்க்கெட் உரிமையாளரிடம் ரூ.1 கோடி கேட்டு மிரட்டியதாக கூறப்படும் புகாரில், பசும்பொன் மக்கள் கட்சியின் நிறுவனர் மற்றும் தலைவர் இசக்கி ராஜா (46) தென்பாகம் போலீசாரால் இன்று கைது செய்யப்பட்ட சம்பவம் தூத்துக்குடியில் பெரும் பரபரப்பு ஏற்பட்டது

தூத்துக்குடி வேலவன் ஜுவல்லர்ஸ் நிறுவனத்திடம் பணம் கேட்டு மிரட்டியதாக வேலவன் ஜுவல்லர்ஸ் நிறுவனம் சார்பில் அளிக்கப்பட்ட புகாரைத் தொடர்ந்து தென்பாகம் காவல்துறையினர் பசும்பொன் மக்கள் கட்சி தலைவர் இசக்கி ராஜாவை கைது செய்து நீதிமன்றத்தில் ஆசைப்படுத்தினர் நீதிமன்றத்தில் வரும் அக்டோபர் 6ஆம் தேதி வரை நீதிமன்ற காவலில் வைக்க நீதிபதி உத்தரவு இந்த நிலையில் அவர் மீது பொய் வழக்கு பதிவு செய்ததாக கூறி அவரது ஆதரவாளர்கள் நீதிமன்றம் முன்பு மறியல் போராட்டத்தில் ஈடுபட்டனர் அப்போது போலீசார் தடியடி அடித்து கூட்டத்தை கலைத்தனர்