પલસાણામાં દેશી હાથ બનાવટના તમંચા અને જીવતા કારતૂસ સાથે યુવક ઝડપાયો સુરત ગ્રામ્ય LCBની કાર્યવાહી, રૂ.10,200નો મુદ્દામાલ કબજે; એક શખ્સ વોન્ટેડ સુરત ગ્રામ્ય જિલ્લામાં શરીર અને મિલકત સંબંધિત વણશોધાયેલા ગંભીર ગુનાઓ શોધી કાઢવા તેમજ વિવિધ ગુનાઓમાં નાસતા-ફરતા આરોપીઓને ઝડપી પાડવા માટે ઉચ્ચ પોલીસ અધિકારીઓ દ્વારા જરૂરી સૂચનાઓ આપવામાં આવી હતી. આ અનુસંધાને સુરત ગ્રામ્ય જિલ્લા LCBના પોલીસ ઇન્સ્પેક્ટર એન.જી. પંચાણીના માર્ગદર્શન હેઠળ LCBની અલગ-અલગ ટીમો બનાવી પેટ્રોલિંગ અને ગુનાહિત પ્રવૃત્તિઓ સામે કાર્યવાહી હાથ ધરવામાં આવી હતી. દરમિયાન LCBના ASI શૈલેષભાઈ માનસિંગભાઈ તથા અ.હે.કો. ચિરાગકુમાર જયંતિલાલ અને અ.હે.કો. અમરતજી રાઘાજીને બાતમીદાર મારફતે ચોક્કસ બાતમી મળી હતી કે, પલસાણા મેઘા પ્લાઝા ખાતે આવેલી હરે કૃષ્ણ રેસિડેન્સીના પ્રથમ માળે રૂમ નં.106માં રહેતો રવિકાંત નેક્ષુલાલ મણીરામ કશ્યપ નામનો ઈસમ ગેરકાયદેસર દેશી હાથ બનાવટનો તમંચો તથા જીવતું કારતૂસ લઈને હાજર છે. ચોક્કસ બાતમીના આધારે LCBની ટીમ પલસાણા મેઘા પ્લાઝા ખાતે પહોંચી હતી અને બાતમીમાં જણાવેલા મકાનમાં તપાસ હાથ ધરતા રવિકાંત કશ્યપ મળી આવ્યો હતો. પોલીસે તેને ઝડપી પાડી તેની પાસેથી દેશી હાથ બનાવટનો તમંચો અને એક જીવતું કારતૂસ કબજે કર્યું હતું. પોલીસે આરોપી વિરુદ્ધ કાયદેસરની કાર્યવાહી હાથ ધરી વધુ તપાસ માટે તેને પલસાણા પોલીસ સ્ટેશનને સોંપ્યો છે. સમગ્ર મામલે હથિયાર ક્યાંથી મેળવવામાં આવ્યું હતું અને તેનો ઉપયોગ કયા હેતુ માટે કરવાનો હતો તે સહિતની બાબતો અંગે પોલીસ દ્વારા વધુ તપાસ હાથ ધરવામાં આવી રહી છે. કબજે કરાયેલ મુદ્દામાલ - દેશી હાથ બનાવટનો તમંચો – નંગ 1, કિંમત રૂ.10,000 - જીવતું કારતૂસ – નંગ 1, કિંમત રૂ.200 - કેસરી રંગની પ્લાસ્ટિકની થેલી – કિંમત રૂ.0 - લાઇટ બિલ – કિંમત રૂ.0 કુલ મુદ્દામાલ: રૂ.10,200 ઝડપાયેલ આરોપી રવિકાંત નેક્ષુલાલ મણીરામ કશ્યપ, ઉંમર 30 વર્ષ, વ્યવસાયે નોકરી, હાલ રહે. મેઘા પ્લાઝા, હરે કૃષ્ણ રેસિડેન્સી, પ્રથમ માળ, રૂમ નં.106, પલસાણા, સુરત. મૂળ વતન ઉત્તર પ્રદેશ હોવાનું પોલીસ તપાસમાં સામે આવ્યું છે. એક શખ્સ વોન્ટેડ આ કેસમાં અરૂણભાઈ, હાલ રહે. અલાઉદ્દીન બિલ્ડિંગ, પલસાણા, મૂળ બિહાર, જેના સંપૂર્ણ નામ અને સરનામાની વિગતો હાલ ઉપલબ્ધ નથી, તે વોન્ટેડ હોવાનું પોલીસે જણાવ્યું છે. આ ઉપરાંત તપાસ દરમિયાન અન્ય કોઈ વ્યક્તિની સંડોવણી બહાર આવશે તો તેની સામે પણ કાયદેસરની કાર્યવાહી કરવામાં આવશે. સુરત ગ્રામ્ય LCBની આ કાર્યવાહીથી પલસાણા વિસ્તારમાં ગેરકાયદેસર હથિયારો રાખતા તત્વોમાં પોલીસનો કડક સંદેશ પહોંચ્યો છે.

રમેશ ખંભાતી

Photographer બારડોલી, સુરત, ગુજરાત•

5 hrs ago

પલસાણામાં દેશી હાથ બનાવટના તમંચા અને જીવતા કારતૂસ સાથે યુવક ઝડપાયો સુરત ગ્રામ્ય LCBની કાર્યવાહી, રૂ.10,200નો મુદ્દામાલ કબજે; એક શખ્સ વોન્ટેડ સુરત ગ્રામ્ય જિલ્લામાં શરીર અને મિલકત સંબંધિત વણશોધાયેલા ગંભીર ગુનાઓ શોધી કાઢવા તેમજ વિવિધ ગુનાઓમાં નાસતા-ફરતા આરોપીઓને ઝડપી પાડવા માટે ઉચ્ચ પોલીસ અધિકારીઓ દ્વારા જરૂરી સૂચનાઓ આપવામાં આવી હતી. આ અનુસંધાને સુરત ગ્રામ્ય જિલ્લા LCBના પોલીસ ઇન્સ્પેક્ટર એન.જી. પંચાણીના માર્ગદર્શન હેઠળ LCBની અલગ-અલગ ટીમો બનાવી પેટ્રોલિંગ અને ગુનાહિત પ્રવૃત્તિઓ સામે કાર્યવાહી હાથ ધરવામાં આવી હતી. દરમિયાન LCBના ASI શૈલેષભાઈ માનસિંગભાઈ તથા અ.હે.કો. ચિરાગકુમાર જયંતિલાલ અને અ.હે.કો. અમરતજી રાઘાજીને બાતમીદાર મારફતે ચોક્કસ બાતમી મળી હતી કે, પલસાણા મેઘા પ્લાઝા ખાતે આવેલી હરે કૃષ્ણ રેસિડેન્સીના પ્રથમ માળે રૂમ નં.106માં રહેતો રવિકાંત નેક્ષુલાલ મણીરામ કશ્યપ નામનો ઈસમ ગેરકાયદેસર દેશી હાથ બનાવટનો તમંચો તથા જીવતું કારતૂસ લઈને હાજર છે. ચોક્કસ બાતમીના આધારે LCBની ટીમ પલસાણા મેઘા પ્લાઝા ખાતે પહોંચી હતી અને બાતમીમાં જણાવેલા મકાનમાં તપાસ હાથ ધરતા રવિકાંત કશ્યપ મળી આવ્યો હતો. પોલીસે તેને ઝડપી પાડી તેની પાસેથી દેશી હાથ બનાવટનો તમંચો અને એક જીવતું કારતૂસ કબજે કર્યું હતું. પોલીસે આરોપી વિરુદ્ધ કાયદેસરની કાર્યવાહી હાથ ધરી વધુ તપાસ માટે તેને પલસાણા પોલીસ સ્ટેશનને સોંપ્યો છે. સમગ્ર મામલે હથિયાર ક્યાંથી મેળવવામાં આવ્યું હતું અને તેનો ઉપયોગ કયા હેતુ માટે કરવાનો હતો તે સહિતની બાબતો અંગે પોલીસ દ્વારા વધુ તપાસ હાથ ધરવામાં આવી રહી છે. કબજે કરાયેલ મુદ્દામાલ - દેશી હાથ બનાવટનો તમંચો – નંગ 1, કિંમત રૂ.10,000 - જીવતું કારતૂસ – નંગ 1, કિંમત રૂ.200 - કેસરી રંગની પ્લાસ્ટિકની થેલી – કિંમત રૂ.0 - લાઇટ બિલ – કિંમત રૂ.0 કુલ મુદ્દામાલ: રૂ.10,200 ઝડપાયેલ આરોપી રવિકાંત નેક્ષુલાલ મણીરામ કશ્યપ, ઉંમર 30 વર્ષ, વ્યવસાયે નોકરી, હાલ રહે. મેઘા પ્લાઝા, હરે કૃષ્ણ રેસિડેન્સી, પ્રથમ માળ, રૂમ નં.106, પલસાણા, સુરત. મૂળ વતન ઉત્તર પ્રદેશ હોવાનું પોલીસ તપાસમાં સામે આવ્યું છે. એક શખ્સ વોન્ટેડ આ કેસમાં અરૂણભાઈ, હાલ રહે. અલાઉદ્દીન બિલ્ડિંગ, પલસાણા, મૂળ બિહાર, જેના સંપૂર્ણ નામ અને સરનામાની વિગતો હાલ ઉપલબ્ધ નથી, તે વોન્ટેડ હોવાનું પોલીસે જણાવ્યું છે. આ ઉપરાંત તપાસ દરમિયાન અન્ય કોઈ વ્યક્તિની સંડોવણી બહાર આવશે તો તેની સામે પણ કાયદેસરની કાર્યવાહી કરવામાં આવશે. સુરત ગ્રામ્ય LCBની આ કાર્યવાહીથી પલસાણા વિસ્તારમાં ગેરકાયદેસર હથિયારો રાખતા તત્વોમાં પોલીસનો કડક સંદેશ પહોંચ્યો છે.