రాష్ట్ర మాజీ ముఖ్యమంత్రి నాదెండ్ల భాస్కరరావు మృతి -నేడు హైదరాబాదులో అంత్యక్రియలు ఉమ్మడి ఆంధ్రప్రదేశ్ మాజీ ముఖ్యమంత్రి నాదెండ్ల భాస్కరరావు (90) మృతి చెందారు. గత కొంతకాలంగా అనారోగ్యంతో బాధపడుతున్న ఆయన హైదరాబాదులో కాంటినెంటల్ ఆసుపత్రిలో చికిత్స పొందుతూ బుధవారం తుది శ్వాస విడిచారు. ఆయన ఆయన స్వగ్రామం బాపట్ల జిల్లా కొల్లూరు మండలం దోనేపూడి గ్రామం. కొన్ని ప్రత్యేక పరిస్థితులలో ఎన్టీఆర్ ను పదవీచ్యుతులను గావించి గద్దెనెక్కిన ఆయన  1984 ఆగస్టు 16 నుంచి సెప్టెంబర్ 16 వరకు రాష్ట్ర ముఖ్యమంత్రిగా ఆయన పనిచేశారు. పాఠశాల విద్యను దోనేపూడిలో పూర్తిచేసిన ఆయన కళాశాల విద్యను బందరు హిందూ కళాశాలలో పూర్తిచేసి, హైదరాబాదులో లా పూర్తి చేశారు. 1968 నుంచి 1978 వరకు న్యాయవాదిగా పనిచేసిన ఆయన కాంగ్రెస్ పార్టీ తరఫున రాజకీయాలలో ప్రవేశించారు. 1978లో విజయవాడ తూర్పు నియోజకవర్గం నుంచి కాంగ్రెస్ తరఫున ఎమ్మెల్యేగా ఎన్నికయ్యారు. తదుపరి 1983లో ఆవిర్భవించిన తెలుగుదేశం పార్టీలో చేరి వేమూరు శాసనసభ స్థానం నుంచి ఎమ్మెల్యేగా ఎన్నికయ్యారు. తిరిగి 1989 తొమ్మిదిలో ఆయన కాంగ్రెస్ పార్టీ తరపున తెనాలి శాసనసభ్యులుగా ఎన్నికయ్యారు. మూడుసార్లు శాసనసభకు ప్రాతినిధ్యం వహించిన ఆయన వివిధ శాఖలకు మంత్రిగా వ్యవహరించారు. ఈ నేపథ్యంలో ఆయనకు తెనాలితో విడదీయరాని అనుబంధం ఏర్పడింది. చివరిగా ఆయన 1998లో ఖమ్మం ఎంపీగా ఎన్నికైన అనంతరం రాజకీయాలకు దూరంగా ఉంటూ వచ్చారు. ఆయన తన కుమారుడు నాదెండ్ల మనోహర్ ను 2004, 2009 ఎన్నికలలో తెనాలి శాసనసభ్యునిగా గెలిపించుకున్నారు. డాక్టర్ వైయస్ రాజశేఖర్ రెడ్డి క్యాబినెట్లో మనోహర్ డిప్యూటీ స్పీకర్, స్పీకర్ గా కూడా పనిచేశారు. తదుపరి వరుసగా రెండు పర్యాయాలు ఓటమి చెందిన మనోహర్ 2024లో జనసేన తరఫున గెలిచి, ప్రస్తుతం రాష్ట్ర పౌరసరఫరాల శాఖ మంత్రిగా పనిచేస్తున్నారు. భాస్కరరావు రాజకీయాలకు దూరంగా ఉన్నప్పటికీ మనోహర్ ఎన్నికల సమయంలో తెనాలిలో పాగా వేసేవారు. ఆయనకున్న విస్తృత పరిచయాలతో సామాజిక సమీకరణాలతో ఓటర్లను ఆకర్షించేవారు. రాజకీయ విశ్లేషణలో ఆయన దిట్టగా పేరుగాంచారు. అభిమానులు, నాయకుల సందర్శనార్థం భాస్కరరావు మృతదేహాన్ని జూబ్లీహిల్స్ స్వగృహంలో ఉంచారు. గురువారం సాయంత్రం నాలుగు గంటలకు హైదరాబాద్ పంజాగుట్ట హిందూ స్మశాన వాటికలో అంత్యక్రియలు నిర్వహించనున్నట్లు కుటుంబ సభ్యులు తెలిపారు.

మంచికలపూడి రవికుమార్

Business-to-Business service తెనాలి, గుంటూరు, ఆంధ్రప్రదేశ్•

20 hrs ago

రాష్ట్ర మాజీ ముఖ్యమంత్రి నాదెండ్ల భాస్కరరావు మృతి -నేడు హైదరాబాదులో అంత్యక్రియలు ఉమ్మడి ఆంధ్రప్రదేశ్ మాజీ ముఖ్యమంత్రి నాదెండ్ల భాస్కరరావు (90) మృతి చెందారు. గత కొంతకాలంగా అనారోగ్యంతో బాధపడుతున్న ఆయన హైదరాబాదులో కాంటినెంటల్ ఆసుపత్రిలో చికిత్స పొందుతూ బుధవారం తుది శ్వాస విడిచారు. ఆయన ఆయన స్వగ్రామం బాపట్ల జిల్లా కొల్లూరు మండలం దోనేపూడి గ్రామం. కొన్ని ప్రత్యేక పరిస్థితులలో ఎన్టీఆర్ ను పదవీచ్యుతులను గావించి గద్దెనెక్కిన ఆయన  1984 ఆగస్టు 16 నుంచి సెప్టెంబర్ 16 వరకు రాష్ట్ర ముఖ్యమంత్రిగా ఆయన పనిచేశారు. పాఠశాల విద్యను దోనేపూడిలో పూర్తిచేసిన ఆయన కళాశాల విద్యను బందరు హిందూ కళాశాలలో పూర్తిచేసి, హైదరాబాదులో లా పూర్తి చేశారు. 1968 నుంచి 1978 వరకు న్యాయవాదిగా పనిచేసిన ఆయన కాంగ్రెస్ పార్టీ తరఫున రాజకీయాలలో ప్రవేశించారు. 1978లో విజయవాడ తూర్పు నియోజకవర్గం నుంచి కాంగ్రెస్ తరఫున ఎమ్మెల్యేగా ఎన్నికయ్యారు. తదుపరి 1983లో ఆవిర్భవించిన తెలుగుదేశం పార్టీలో చేరి వేమూరు శాసనసభ స్థానం నుంచి ఎమ్మెల్యేగా ఎన్నికయ్యారు. తిరిగి 1989 తొమ్మిదిలో ఆయన కాంగ్రెస్ పార్టీ తరపున తెనాలి శాసనసభ్యులుగా ఎన్నికయ్యారు. మూడుసార్లు శాసనసభకు ప్రాతినిధ్యం వహించిన ఆయన వివిధ శాఖలకు మంత్రిగా వ్యవహరించారు. ఈ నేపథ్యంలో ఆయనకు తెనాలితో విడదీయరాని అనుబంధం ఏర్పడింది. చివరిగా ఆయన 1998లో ఖమ్మం ఎంపీగా ఎన్నికైన అనంతరం రాజకీయాలకు దూరంగా ఉంటూ వచ్చారు. ఆయన తన కుమారుడు నాదెండ్ల మనోహర్ ను 2004, 2009 ఎన్నికలలో తెనాలి శాసనసభ్యునిగా గెలిపించుకున్నారు. డాక్టర్ వైయస్ రాజశేఖర్ రెడ్డి క్యాబినెట్లో మనోహర్ డిప్యూటీ స్పీకర్, స్పీకర్ గా కూడా పనిచేశారు. తదుపరి వరుసగా రెండు పర్యాయాలు ఓటమి చెందిన మనోహర్ 2024లో జనసేన తరఫున గెలిచి, ప్రస్తుతం రాష్ట్ర పౌరసరఫరాల శాఖ మంత్రిగా పనిచేస్తున్నారు. భాస్కరరావు రాజకీయాలకు దూరంగా ఉన్నప్పటికీ మనోహర్ ఎన్నికల సమయంలో తెనాలిలో పాగా వేసేవారు. ఆయనకున్న విస్తృత పరిచయాలతో సామాజిక సమీకరణాలతో ఓటర్లను ఆకర్షించేవారు. రాజకీయ విశ్లేషణలో ఆయన దిట్టగా పేరుగాంచారు. అభిమానులు, నాయకుల సందర్శనార్థం భాస్కరరావు మృతదేహాన్ని జూబ్లీహిల్స్ స్వగృహంలో ఉంచారు. గురువారం సాయంత్రం నాలుగు గంటలకు హైదరాబాద్ పంజాగుట్ట హిందూ స్మశాన వాటికలో అంత్యక్రియలు నిర్వహించనున్నట్లు కుటుంబ సభ్యులు తెలిపారు.