ରାଉରକେଲା ବେଦବ୍ୟାସ ବିଜୁ ଏକ୍ସପ୍ରେସ ରାସ୍ତାରେ ଏକ ଟ୍ରକରେ ନିଆଁ ଲାଗିଥିବା ଜଣାପଡ଼ିଛି।

ଜୁନ୍ ୨୯ ତାରିଖରେ ବଣାଇଁ ଉପଖଣ୍ଡର ଗୁରୁଣ୍ଡିଆ ବ୍ଲକ କାର୍ଯ୍ୟାଳୟ ପରିସରରେ ଜିଲ୍ଲାପାଳ ଡ଼ା ଶୁଭଙ୍କର ମହାପାତ୍ର ଜନସାଧାରଣଙ୍କ ବିଭିନ୍ନ ଆପତ୍ତି ଅଭିଯୋଗର ଏକ ଯୁଗ୍ମ ଜନ ଶୁଣାଣି କରିଛନ୍ତି। ଏହି କାର୍ଯ୍ୟକ୍ରମରେ ମୋଟ୍ ୮୯ଟି ଅଭିଯୋଗ ଗ୍ରହଣ କରାଯାଇଥିଲା। ପ୍ରାପ୍ତ ଅଭିଯୋଗ ମଧ୍ୟରୁ ୨୭ଟି ବ୍ୟକ୍ତିଗତ ଅଭିଯୋଗ ଥିବାବେଳେ ୬୨ଟି ଅଭିଯୋଗ ଦଳଗତ ଭାବେ ଆସିଥିଲା। ବିଶେଷ କରି ରାସ୍ତା, ବିଦ୍ୟୁତ୍ ଏବଂ ନେଟୱାର୍କ ସମସ୍ୟାକୁ ନେଇ ଅଧିକାଂଶ ଅଭିଯୋଗ ଆସିଥିଲା। ଏହି ଅବସରରେ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ଜଣେ ହିତାଧିକାରୀଙ୍କୁ ସହାୟତା ରାଶି ପ୍ରଦାନ କରାଯାଇଥିଲା। ଏହି ଜନ ଶୁଣାଣି କାର୍ଯ୍ୟକ୍ରମରେ ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ସୂରଞ୍ଜନ କୁମାର ସାହୁ, ବଣାଇଁ ବିଧାୟକ ଲକ୍ଷ୍ମଣ ମୁଣ୍ଡା, ରାଉରକେଲାର ଅତିରିକ୍ତ ଆରକ୍ଷୀ ଅଧୀକ୍ଷକ, ସହକାରୀ ବନ ସଂରକ୍ଷକ ଦୁର୍ଯ୍ୟୋଧନ ଜେରେଇ ଏବଂ ଡେପୁଟି କଲେକ୍ଟର ସ୍ବାଗତିକା ଦଳପତିଙ୍କ ସମେତ ବିଭିନ୍ନ ବିଭାଗର ଅଧିକାରୀ, କର୍ମଚାରୀ ଓ ବହୁ ଜନସାଧାରଣ ଉପସ୍ଥିତ ଥିଲେ।

ସୁନ୍ଦରଗଡ଼ ଜିଲ୍ଲା ଅନ୍ତର୍ଗତ ବାଲିଶଙ୍କରା ବ୍ଲକର ତିଳେଇକାନୀ ପଞ୍ଚାୟତର ଗୋରୁଡ଼ିହି ଏବଂ ରୁପା ବଥାନ ଅଞ୍ଚଳରେ ମୌଳିକ ସୁବିଧା ଯେପରିକି ରାସ୍ତା, ବିଦ୍ୟୁତ୍, ଗାଧୋଇବା ପାଇଁ ସୁବିଧା ଏବଂ ପାନୀୟ ଜଳର ବ୍ୟବସ୍ଥା ନାହିଁ।

ସୁନ୍ଦରଗଡ଼ ଜିଲ୍ଲାର ତିଲେଇକାନି ପଞ୍ଚାୟତ ଅନ୍ତର୍ଗତ ସିକାଯୋର ଗୋରୁ ଡିହି ଅଞ୍ଚଳ ଏକ ସୀମାନ୍ତ ଅଞ୍ଚଳ ହୋଇଥିବାରୁ ଆଜି ପର୍ଯ୍ୟନ୍ତ ମଧ୍ୟ ଏହା ମୌଳିକ ଅଧିକାରରୁ ବଞ୍ଚିତ ରହିଛି।

କେନ୍ଦୁଝର ଜିଲ୍ଲାର ଚମ୍ପୁଆ ବ୍ଲକ ଅନ୍ତର୍ଗତ ବାଲି ପଶି ଗାଁରେ ଏକ ହାତୀପଲ ଉପଦ୍ରବ କରିଛନ୍ତି। ହାତୀପଲ ଏକ ପଡ଼ୁଆ ଗ୍ରାମରେ ଥିବା ଗୋଟିଏ ଘର ଭାଙ୍ଗି ଦେଇଥିବା ବେଳେ ଘର ଭିତରେ ଥିବା ଧାନ ଚାଉଳ ମଧ୍ୟ ଖାଇ ଯାଇଛନ୍ତି।

ପ୍ରଗତି ଏପରି କିଛି ନୁହେଁ ଯାହାକୁ ଅପେକ୍ଷା କରିବାକୁ ପଡ଼େ; ଏହା ଏକ ଗତି ଯାହାକୁ ପ୍ରତିଦିନ ନିରନ୍ତର କାର୍ଯ୍ୟକ୍ରମ ମାଧ୍ୟମରେ ନିର୍ମାଣ କରାଯାଏ। ଏହି ସପ୍ତାହରେ, ଓଡ଼ିଶା କଲ୍ୟାଣ, ସଂଯୋଗୀକରଣ, ସାର୍ବଜନୀନ ଭିତ୍ତିଭୂମି ଏବଂ ନାଗରିକ ସେବା କ୍ଷେତ୍ରରେ ନିଜର ପ୍ରୟାସକୁ ତ୍ୱରାନ୍ୱିତ କରିଛି। ପ୍ରତ୍ୟେକ ପଦକ୍ଷେପ ସ୍ଥାୟୀ ପ୍ରଭାବ ସୃଷ୍ଟି କରିବା ଏବଂ ଜୀବନଧାରଣର ମାନ ବୃଦ୍ଧି କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଅଟେ।

କେନ୍ଦୁଝର ସଦର ବ୍ଲକ ଅନ୍ତର୍ଗତ ପଦ୍ମପୁର ପଞ୍ଚାୟତର ଯୋଗୀମଠ ଶ୍ରୀମନ୍ଦିରରେ ଗତ ଜୁନ୍ ୨୯ ତାରିଖରେ ଶ୍ରୀଜିଉମାନଙ୍କ ସ୍ନାନ ପୂର୍ଣ୍ଣିମା ପାଳିତ ହୋଇଯାଇଛି। କବାଟ ଫିଟାଯିବା ପରେ ସକାଳ ୭ଟାରେ ଧୂପ, ମହଲମ ଓ ଓଡ଼ପ ଲାଗି କରାଯାଇଥିଲା। ଏହାପରେ ଦଇତାପତି ଏବଂ ସେବକମାନେ ବୈଦିକ ବ୍ରାହ୍ମଣମାନଙ୍କ ସହଯୋଗରେ ଚତୁର୍ଦ୍ଧା ମୂର୍ତ୍ତିଙ୍କର ଗୋଟି ପହଣ୍ଡି ଅନୁଷ୍ଠିତ କରିଥିଲେ। ସ୍ନାନ ନିମନ୍ତେ ୧୦୮ ପ୍ରକାର ସୁବାସିତ, ୨୧ ପ୍ରକାର ସୁଗନ୍ଧିତ ବସ୍ତୁର ସମିଶ୍ରଣରେ ପ୍ରସ୍ତୁତ ୨୪ ତୀର୍ଥର ଜଳ ଏବଂ ପୁରୀରୁ ଅଣାଯାଇଥିବା ସୁନା କୂଅର ଜଳକୁ ମିଶାଇ ଶ୍ରୀଜିଉମାନଙ୍କୁ ସ୍ନାନ କରାଯାଇଥିଲା। ସ୍ନାନ ପରେ ନୂତନ ବସ୍ତ୍ର ଲାଗି କରାଯାଇ ଜୀଉମାନଙ୍କୁ ହାତୀବେଶରେ ସୁଶୋଭିତ କରାଯାଇଥିଲା। ଏହି ଅବସରରେ ପଦ୍ମପୁର, ବାଉରୀପଦା, ଗୋବର୍ଦ୍ଧନ ଆଦି ଅଞ୍ଚଳରୁ ଶହ ଶହ ଭକ୍ତ ଓ ଶ୍ରଦ୍ଧାଳୁ ଠାକୁରଙ୍କ ଦର୍ଶନ ପାଇଁ ଭିଡ଼ କରିଥିଲେ। ସେମାନେ ହରିବୋଲ, ଘଣ୍ଟ ଓ ହୁଳହୁଳି ପକାଇ ମୃଦଙ୍ଗର ତାଳେ ତାଳେ ପୂଜାର୍ଚ୍ଚନା କରିଥିଲେ ଏବଂ ପ୍ରସାଦ ସେବନ କରିଥିଲେ। ଦଇତାପତି ଏବଂ ସେବକ ଶ୍ରୀଯୁକ୍ତ ପୁରୁଷୋତ୍ତମ ଅମାନ୍ତ, ମାୟ ଦଣ୍ଡସେନା, ଜୟରାମ ଅମାନ୍ତ, ଚରଣ ଅମାନ୍ତ, ପୂଜକ ଶାନ୍ତନୁ କୁମାର ଦାସ ଏବଂ ମୁଖ୍ୟସେବକ ଶ୍ରୀଯୁକ୍ତ ପରେଶ ଚନ୍ଦ୍ର ଧରଙ୍କ ତତ୍ତ୍ୱାବଧାନରେ ଦେବସ୍ନାନ ପୂର୍ଣ୍ଣିମା ଯଥାରୀତିରେ ପାଳିତ ହୋଇଥିଲା। ଏହି ଆୟୋଜନରେ ଗ୍ରାମର ଶ୍ରୀଜଗନ୍ନାଥ ଯୁବକ ସଂଘର ସଦସ୍ୟଗଣ ସହଯୋଗ କରିଥିଲେ।

ରାଉରକେଲା ବେଦବ୍ୟାସ ବିଜୁ ଏକ୍ସପ୍ରେସ ରାସ୍ତାରେ ଏକ ଟ୍ରକରେ ନିଆଁ ଲାଗିଥିବା ଜଣାପଡ଼ିଛି।