ପ୍ରଗତି ଏପରି କିଛି ନୁହେଁ ଯାହାକୁ ଅପେକ୍ଷା କରିବାକୁ ପଡ଼େ; ଏହା ଏକ ଗତି ଯାହାକୁ ପ୍ରତିଦିନ ନିରନ୍ତର କାର୍ଯ୍ୟକ୍ରମ ମାଧ୍ୟମରେ ନିର୍ମାଣ କରାଯାଏ। ଏହି ସପ୍ତାହରେ, ଓଡ଼ିଶା କଲ୍ୟାଣ, ସଂଯୋଗୀକରଣ, ସାର୍ବଜନୀନ ଭିତ୍ତିଭୂମି ଏବଂ ନାଗରିକ ସେବା କ୍ଷେତ୍ରରେ ନିଜର ପ୍ରୟାସକୁ ତ୍ୱରାନ୍ୱିତ କରିଛି। ପ୍ରତ୍ୟେକ ପଦକ୍ଷେପ ସ୍ଥାୟୀ ପ୍ରଭାବ ସୃଷ୍ଟି କରିବା ଏବଂ ଜୀବନଧାରଣର ମାନ ବୃଦ୍ଧି କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଅଟେ।

ପ୍ରଗତି ଏପରି କିଛି ନୁହେଁ ଯାହାକୁ ଅପେକ୍ଷା କରିବାକୁ ପଡ଼େ; ଏହା ଏକ ଗତି ଯାହାକୁ ପ୍ରତିଦିନ ନିରନ୍ତର କାର୍ଯ୍ୟକ୍ରମ ମାଧ୍ୟମରେ ନିର୍ମାଣ କରାଯାଏ। ଏହି ସପ୍ତାହରେ, ଓଡ଼ିଶା କଲ୍ୟାଣ, ସଂଯୋଗୀକରଣ, ସାର୍ବଜନୀନ ଭିତ୍ତିଭୂମି ଏବଂ ନାଗରିକ ସେବା କ୍ଷେତ୍ରରେ ନିଜର ପ୍ରୟାସକୁ ତ୍ୱରାନ୍ୱିତ କରିଛି। ପ୍ରତ୍ୟେକ ପଦକ୍ଷେପ ସ୍ଥାୟୀ ପ୍ରଭାବ ସୃଷ୍ଟି କରିବା ଏବଂ ଜୀବନଧାରଣର ମାନ ବୃଦ୍ଧି କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଅଟେ।

ଜୁନ୍ ୨୯ ତାରିଖରେ ବଣାଇଁ ଉପଖଣ୍ଡର ଗୁରୁଣ୍ଡିଆ ବ୍ଲକ କାର୍ଯ୍ୟାଳୟ ପରିସରରେ ଜିଲ୍ଲାପାଳ ଡ଼ା ଶୁଭଙ୍କର ମହାପାତ୍ର ଜନସାଧାରଣଙ୍କ ବିଭିନ୍ନ ଆପତ୍ତି ଅଭିଯୋଗର ଏକ ଯୁଗ୍ମ ଜନ ଶୁଣାଣି କରିଛନ୍ତି। ଏହି କାର୍ଯ୍ୟକ୍ରମରେ ମୋଟ୍ ୮୯ଟି ଅଭିଯୋଗ ଗ୍ରହଣ କରାଯାଇଥିଲା। ପ୍ରାପ୍ତ ଅଭିଯୋଗ ମଧ୍ୟରୁ ୨୭ଟି ବ୍ୟକ୍ତିଗତ ଅଭିଯୋଗ ଥିବାବେଳେ ୬୨ଟି ଅଭିଯୋଗ ଦଳଗତ ଭାବେ ଆସିଥିଲା। ବିଶେଷ କରି ରାସ୍ତା, ବିଦ୍ୟୁତ୍ ଏବଂ ନେଟୱାର୍କ ସମସ୍ୟାକୁ ନେଇ ଅଧିକାଂଶ ଅଭିଯୋଗ ଆସିଥିଲା। ଏହି ଅବସରରେ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ଜଣେ ହିତାଧିକାରୀଙ୍କୁ ସହାୟତା ରାଶି ପ୍ରଦାନ କରାଯାଇଥିଲା। ଏହି ଜନ ଶୁଣାଣି କାର୍ଯ୍ୟକ୍ରମରେ ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ସୂରଞ୍ଜନ କୁମାର ସାହୁ, ବଣାଇଁ ବିଧାୟକ ଲକ୍ଷ୍ମଣ ମୁଣ୍ଡା, ରାଉରକେଲାର ଅତିରିକ୍ତ ଆରକ୍ଷୀ ଅଧୀକ୍ଷକ, ସହକାରୀ ବନ ସଂରକ୍ଷକ ଦୁର୍ଯ୍ୟୋଧନ ଜେରେଇ ଏବଂ ଡେପୁଟି କଲେକ୍ଟର ସ୍ବାଗତିକା ଦଳପତିଙ୍କ ସମେତ ବିଭିନ୍ନ ବିଭାଗର ଅଧିକାରୀ, କର୍ମଚାରୀ ଓ ବହୁ ଜନସାଧାରଣ ଉପସ୍ଥିତ ଥିଲେ।

ଆଜି ବାଂଶପାଳ ବ୍ଲକ ପରିସରରେ ଅନୁଷ୍ଠିତ ମିଳିତ ଅଭିଯୋଗ ଶୁଣାଣିରେ ବାଂଶପାଳର ଶତାଧିକ ମହିଳା ଓ ପୁରୁଷ ଏକଜୁଟ ହୋଇ ଗର୍ଜିଛନ୍ତି। ସେମାନେ ଶିକ୍ଷାନୁଷ୍ଠାନ ନିକଟରେ ମଦର ଆସର ଚଳିବ ନାହିଁ ଏବଂ ଜନବସତି ଅଞ୍ଚଳରେ ଅଶାନ୍ତି ବଢ଼ିବାକୁ ଦିଆଯିବ ନାହିଁ ବୋଲି ଦାବି କରିଛନ୍ତି। ବାଂଶପାଳ ବଜାର ନିକଟରେ ଥିବା ମଦ ଦୋକାନକୁ ତୁରନ୍ତ ସ୍ଥାନାନ୍ତର କରିବା ପାଇଁ ସ୍ଥାନୀୟ ବାସିନ୍ଦା ଜିଲ୍ଲାପାଳ ଓ ଏସପିଙ୍କ ନିକଟରେ ଲିଖିତ ଅଭିଯୋଗ କରିଛନ୍ତି। ଅଭିଯୋଗ ଅନୁଯାୟୀ, ଏହି ମଦ ଦୋକାନଟି ଏକ ଘଞ୍ଚ ଜନବସତି ଅଞ୍ଚଳରେ ରହିଛି, ଯାହା ସରକାରୀ ଆଇଟିଆଇ (ITI) ଠାରୁ ମାତ୍ର ୨୦୦ ମିଟର ଏବଂ ବ୍ଲକ କାର୍ଯ୍ୟାଳୟଠାରୁ ପ୍ରାୟ ୭୦୦ ମିଟର ଦୂରରେ ଅବସ୍ଥିତ। ଏହି କାରଣରୁ ପ୍ରତିଦିନ ବଜାରକୁ ଆସୁଥିବା ଶତାଧିକ ମହିଳା ଓ ଛାତ୍ରଛାତ୍ରୀମାନେ ମଦ୍ୟପଙ୍କ ଅସଦାଚରଣ, ଅଶାଳୀନ ଭାଷା ଏବଂ ହଟହଟାର ଶିକାର ହେଉଛନ୍ତି। ଏହାସହ, ମଦ୍ୟପାନ କରି ବେପରୁଆ ଭାବେ ଯାନବାହନ ଚଳାଚଳ କରିବା ହେତୁ ସ୍ଥାନୀୟ ଅଞ୍ଚଳରେ ଦୁର୍ଘଟଣା ସଂଖ୍ୟା ଦିନକୁ ଦିନ ବୃଦ୍ଧି ପାଉଛି। ସ୍ଥାନୀୟ ବାସିନ୍ଦାମାନେ ଦାବି କରିଛନ୍ତି ଯେ ମଦ ଦୋକାନକୁ ବଜାର ଓ ଶିକ୍ଷାନୁଷ୍ଠାନଠାରୁ ହଟାଇ ଜନବସତିଠାରୁ ଅତିକମରେ ୩ ରୁ ୪ କିଲୋମିଟର ଦୂରକୁ ସ୍ଥାନାନ୍ତର କରାଯାଉ। ସେମାନେ ଅଞ୍ଚଳରେ ଶାନ୍ତି, ସୁରକ୍ଷା ଓ ସୁସ୍ଥ ସାମାଜିକ ପରିବେଶ ବଜାୟ ରଖିବା ପାଇଁ ପ୍ରଶାସନ ଶୀଘ୍ର ସକାରାତ୍ମକ ପଦକ୍ଷେପ ନେବାକୁ ଅନୁରୋଧ କରିଛନ୍ତି। ଏହି ଦାବିପତ୍ର ଗ୍ରାମ ସଭ୍ୟା ଜଗନ୍ନାଥ ନାଏକ, କନକ ନାଏକଙ୍କ ସମେତ ମନୋଜ ଦେହୁରୀ, ସଞ୍ଜୁଲତା ଦେହୁରୀ, କାର୍ତ୍ତିକା ନାଏକ, ଲୋଚନ କାର୍ଜି ଏବଂ ଶତାଧିକ ଗ୍ରାମବାସୀଙ୍କ ଦ୍ୱାରା ପ୍ରଶାସନକୁ ହସ୍ତାନ୍ତର କରାଯାଇଛି। ଏହାକୁ ନେଇ ସ୍ଥାନୀୟ ଅଞ୍ଚଳରେ ପ୍ରଶ୍ନ ଉଠିଛି ଯେ ଶିକ୍ଷାନୁଷ୍ଠାନ ଓ ଜନବସତି ନିକଟରେ ମଦ ଦୋକାନ ରହିବା କେତେଦୂର ଠିକ୍। ଜନହିତରେ ଏହି ପୋଷ୍ଟକୁ ବହୁଳ ମାତ୍ରାରେ ସେୟାର୍ କରିବାକୁ ମଧ୍ୟ ଅନୁରୋଧ କରାଯାଇଛି।

କେନ୍ଦୁଝର ସଦର ବ୍ଲକ ଅନ୍ତର୍ଗତ ପଦ୍ମପୁର ପଞ୍ଚାୟତର ଯୋଗୀମଠ ଶ୍ରୀମନ୍ଦିରରେ ଗତ ଜୁନ୍ ୨୯ ତାରିଖରେ ଶ୍ରୀଜିଉମାନଙ୍କ ସ୍ନାନ ପୂର୍ଣ୍ଣିମା ପାଳିତ ହୋଇଯାଇଛି। କବାଟ ଫିଟାଯିବା ପରେ ସକାଳ ୭ଟାରେ ଧୂପ, ମହଲମ ଓ ଓଡ଼ପ ଲାଗି କରାଯାଇଥିଲା। ଏହାପରେ ଦଇତାପତି ଏବଂ ସେବକମାନେ ବୈଦିକ ବ୍ରାହ୍ମଣମାନଙ୍କ ସହଯୋଗରେ ଚତୁର୍ଦ୍ଧା ମୂର୍ତ୍ତିଙ୍କର ଗୋଟି ପହଣ୍ଡି ଅନୁଷ୍ଠିତ କରିଥିଲେ। ସ୍ନାନ ନିମନ୍ତେ ୧୦୮ ପ୍ରକାର ସୁବାସିତ, ୨୧ ପ୍ରକାର ସୁଗନ୍ଧିତ ବସ୍ତୁର ସମିଶ୍ରଣରେ ପ୍ରସ୍ତୁତ ୨୪ ତୀର୍ଥର ଜଳ ଏବଂ ପୁରୀରୁ ଅଣାଯାଇଥିବା ସୁନା କୂଅର ଜଳକୁ ମିଶାଇ ଶ୍ରୀଜିଉମାନଙ୍କୁ ସ୍ନାନ କରାଯାଇଥିଲା। ସ୍ନାନ ପରେ ନୂତନ ବସ୍ତ୍ର ଲାଗି କରାଯାଇ ଜୀଉମାନଙ୍କୁ ହାତୀବେଶରେ ସୁଶୋଭିତ କରାଯାଇଥିଲା। ଏହି ଅବସରରେ ପଦ୍ମପୁର, ବାଉରୀପଦା, ଗୋବର୍ଦ୍ଧନ ଆଦି ଅଞ୍ଚଳରୁ ଶହ ଶହ ଭକ୍ତ ଓ ଶ୍ରଦ୍ଧାଳୁ ଠାକୁରଙ୍କ ଦର୍ଶନ ପାଇଁ ଭିଡ଼ କରିଥିଲେ। ସେମାନେ ହରିବୋଲ, ଘଣ୍ଟ ଓ ହୁଳହୁଳି ପକାଇ ମୃଦଙ୍ଗର ତାଳେ ତାଳେ ପୂଜାର୍ଚ୍ଚନା କରିଥିଲେ ଏବଂ ପ୍ରସାଦ ସେବନ କରିଥିଲେ। ଦଇତାପତି ଏବଂ ସେବକ ଶ୍ରୀଯୁକ୍ତ ପୁରୁଷୋତ୍ତମ ଅମାନ୍ତ, ମାୟ ଦଣ୍ଡସେନା, ଜୟରାମ ଅମାନ୍ତ, ଚରଣ ଅମାନ୍ତ, ପୂଜକ ଶାନ୍ତନୁ କୁମାର ଦାସ ଏବଂ ମୁଖ୍ୟସେବକ ଶ୍ରୀଯୁକ୍ତ ପରେଶ ଚନ୍ଦ୍ର ଧରଙ୍କ ତତ୍ତ୍ୱାବଧାନରେ ଦେବସ୍ନାନ ପୂର୍ଣ୍ଣିମା ଯଥାରୀତିରେ ପାଳିତ ହୋଇଥିଲା। ଏହି ଆୟୋଜନରେ ଗ୍ରାମର ଶ୍ରୀଜଗନ୍ନାଥ ଯୁବକ ସଂଘର ସଦସ୍ୟଗଣ ସହଯୋଗ କରିଥିଲେ।

କେନ୍ଦୁଝର ଜିଲ୍ଲାର ଚମ୍ପୁଆ ବ୍ଲକ ଅନ୍ତର୍ଗତ ବାଲି ପଶି ଗାଁରେ ଏକ ହାତୀପଲ ଉପଦ୍ରବ କରିଛନ୍ତି। ହାତୀପଲ ଏକ ପଡ଼ୁଆ ଗ୍ରାମରେ ଥିବା ଗୋଟିଏ ଘର ଭାଙ୍ଗି ଦେଇଥିବା ବେଳେ ଘର ଭିତରେ ଥିବା ଧାନ ଚାଉଳ ମଧ୍ୟ ଖାଇ ଯାଇଛନ୍ତି।

ବୌଦ୍ଧ ଜିଲ୍ଲା ମନମୁଣ୍ଡା ଥାନା ଅନ୍ତର୍ଗତ ଡିଗି ଗ୍ରାମ ନିକଟରେ ଗୁରୁବାର ବିଳମ୍ବିତ ରାତିରେ ଏକ ଜଘନ୍ୟ ହତ୍ୟାକାଣ୍ଡ ଘଟିଥିଲା, ଯେଉଁଥିରେ ଋଷିବନ୍ଧ ଗ୍ରାମର କପିଳ ନାୟକଙ୍କ ମୃତ୍ୟୁ ହୋଇଥିଲା। ଘଟଣାର ୨୪ ଘଣ୍ଟା ମଧ୍ୟରେ ପୋଲିସ ଜଣେ ଅଭିଯୁକ୍ତକୁ ଗିରଫ କରିଛି। ବୌଦ୍ଧ ଏସପି କୁଲଦୀପ ମିନା ଆଜି ସନ୍ଧ୍ୟାରେ ମନମୁଣ୍ଡା ଥାନାରେ ଏକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି। ଗିରଫ ଅଭିଯୁକ୍ତ ଜଣକ ହେଉଛନ୍ତି ଶୁଆପାବୁଲି ଗ୍ରାମର ବାଲ୍ମୀକି ପୋଢ଼। ମହୁଲି-ଡିଗୀ ରାସ୍ତାର ମୁହାଣୀ ନିକଟରେ ଥିବା ଏକ ଫାଷ୍ଟଫୁଡ ସେଣ୍ଟରରେ ଏହି ହତ୍ୟାକାଣ୍ଡ ଘଟିଥିଲା। ସକାଳୁ ସ୍ଥାନୀୟ ଲୋକେ ମୃତଦେହ ପଡ଼ିଥିବା ଦେଖି ପରିବାର ଓ ମନମୁଣ୍ଡା ପୋଲିସକୁ ଖବର ଦେଇଥିଲେ। ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ମୃତଦେହ ଚିହ୍ନଟ କରି ତଦନ୍ତ ଆରମ୍ଭ କରିଥିଲା। କପିଳ ପେଶାରେ ଜଣେ ଟ୍ରାକ୍ଟର ଡ୍ରାଇଭର ଥିଲେ ଏବଂ ମାଲିକଙ୍କ ପାଖରେ ଥିବା ବକେୟା ଟଙ୍କା ମାଗିବାକୁ ଯାଇଥିଲେ। ଟଙ୍କା ମାଗି ଫେରିବା ବେଳକୁ ଉକ୍ତ ଫାଷ୍ଟଫୁଡ ସେଣ୍ଟର ନିକଟରେ କିଛି ସାଙ୍ଗଙ୍କ ସହ ତାଙ୍କର ବଚସା ହୋଇଥିଲା, ଯାହା ଉଗ୍ର ରୂପ ନେଇ ଏଭଳି ଘଟଣା ଘଟିଥିବା ପ୍ରାଥମିକ ସୂଚନା ମିଳିଛି। ଏସପିଙ୍କ ସୂଚନା ଅନୁଯାୟୀ, ଅଭିଯୁକ୍ତଙ୍କ ପରିବାର ସଦସ୍ୟଙ୍କ ସହ ମୃତକଙ୍କର ପ୍ରେମ ସମ୍ପର୍କ ଥିଲା। ଏହାକୁ ନେଇ ଉଭୟଙ୍କ ମଧ୍ୟରେ ପୂର୍ବରୁ ପାଟିତୁଣ୍ଡ ମଧ୍ୟ ହୋଇଥିଲା। ଏହି ପ୍ରେମ ସମ୍ପର୍କରେ କପିଳ ଏକ କଣ୍ଟା ସାଜିଥିବାରୁ ତାଙ୍କୁ ରାସ୍ତାରୁ ହଟାଇ ପ୍ରେମକୁ ନୂଆ ରୂପ ଦେବା ପାଇଁ ଏଭଳି ଜଘନ୍ୟ ହତ୍ୟାକାଣ୍ଡ ଘଟାଯାଇଥିଲା। ହତ୍ୟାକାରୀମାନେ କପିଳଙ୍କୁ କାଠ ଫାଳିଆରେ ପିଟିବା ପରେ ବିଅର ବୋତଲରେ ତାଙ୍କ ତଣ୍ଟି କାଟି ପଥରରେ ମୁଣ୍ଡ ଛେଚି ଅତି ଅମାନୁଷିକ ଭାବରେ ହତ୍ୟା କରିଥିଲେ। ଏସପିଙ୍କ ନିର୍ଦ୍ଦେଶକ୍ରମେ ଏସଡ଼ିପିଓ ଏବଂ ଆଇଆଇସିଙ୍କ ନେତୃତ୍ୱରେ ଦୁଇଟି ଟିମ ଗଠନ କରାଯାଇ ବିଭିନ୍ନ ସ୍ଥାନରେ ଚଢ଼ାଉ କରାଯାଇଥିଲା ଏବଂ ଆଜି ଅଭିଯୁକ୍ତକୁ ଗିରଫ କରାଯାଇଛି। ସାଇଣ୍ଟିଫିକ ଟିମ ମଧ୍ୟ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ କରିଥିଲା। ସମସ୍ତ ତଥ୍ୟ ପ୍ରମାଣ ଏବଂ ଆବଶ୍ୟକୀୟ କାଗଜପତ୍ର ସରିବା ପରେ ଆସନ୍ତାକାଲି ଅଭିଯୁକ୍ତକୁ କୋର୍ଟ ଚାଲାଣ କରାଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି।

ଆଜି କେନ୍ଦୁଝର ଜିଲ୍ଲାର ବାଂଶପାଳ ବ୍ଲକସ୍ଥିତ ରାଜୀବ ଗାନ୍ଧୀ ସେବା କେନ୍ଦ୍ର ପରିସରରେ ଏକ ମିଳିତ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଏହି ଉଚ୍ଚସ୍ତରୀୟ ଶିବିରରେ କେନ୍ଦୁଝର ଜିଲ୍ଲାପାଳ ବିଶାଳ ସିଂ, ଏସପି ନୀତିନ କୁଶଲକର ଡାଗୁଡୁ, ଜିଲ୍ଲା ପରିଷଦ ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ କୁମାର ନାଗଭୂଷଣ ଏବଂ ଏଡ଼ିଏମ୍ ରବିନ୍ଦ୍ର କୁମାର ପ୍ରଧାନ ସିଧାସଳଖ ଲୋକଙ୍କ ନିକଟକୁ ଆସି ସେମାନଙ୍କ ସମସ୍ୟା ବୁଝିଥିଲେ। ଆବାସ ଯୋଜନା, ଶିକ୍ଷା, ସ୍ୱାସ୍ଥ୍ୟ, ବିଦ୍ୟୁତ୍, ଗମନାଗମନ, ଭତ୍ତା ଓ ରାସନ ସମ୍ବନ୍ଧୀୟ ପ୍ରସଙ୍ଗଗୁଡ଼ିକ ସହିତ ମୋଟ ୫୯ଟି ଅଭିଯୋଗ ପଞ୍ଜୀକୃତ ହୋଇଥିଲା। ତେବେ ବାଂଶପାଳ ବ୍ଲକର ବିଭିନ୍ନ ଦୁର୍ଗମ ଅଞ୍ଚଳରେ ମୋବାଇଲ ନେଟୱର୍କର ଘୋର ଅଭାବ ଏବଂ ପାନୀୟ ଜଳ ସଙ୍କଟକୁ ନେଇ ଜନସାଧାରଣ ପ୍ରମୁଖ ଅଭିଯୋଗ ଉପସ୍ଥାପନ କରିଥିଲେ। ଜିଲ୍ଲାପାଳ ପ୍ରତ୍ୟେକ ଅଭିଯୋଗକୁ ଅତ୍ୟନ୍ତ ଗମ୍ଭୀରତାର ସହ ବିଚାର କରି ତୁରନ୍ତ ସ୍ଥାୟୀ ସମାଧାନ ଏବଂ ଆବଶ୍ୟକ ପଦକ୍ଷେପ ନେବାକୁ ସମ୍ପୃକ୍ତ ବିଭାଗୀୟ ଅଧିକାରୀମାନଙ୍କୁ କଡ଼ା ନିର୍ଦ୍ଦେଶ ଦେଇଛନ୍ତି। ଏହି ମିଳିତ ଶୁଣାଣି ସମୟରେ ବାଂଶପାଳ ବିଡ଼ିଓ ରାଜା ରଞ୍ଜିତ ପ୍ରତାପ ବଳ ଏବଂ ତହସିଲଦାର ବିକାଶ କୁମାର ସାହୁଙ୍କ ସମେତ ବିଭିନ୍ନ ବିଭାଗର ବହୁ ସରକାରୀ ଅଧିକାରୀ ଉପସ୍ଥିତ ରହି ପ୍ରଶାସନିକ କାର୍ଯ୍ୟରେ ସହଯୋଗ କରିଥିଲେ। ଜନସାଧାରଣଙ୍କ ମୌଳିକ ସମସ୍ୟାର ସମାଧାନ ପାଇଁ ପ୍ରଶାସନର ଏହି ପ୍ରୟାସ ନିଶ୍ଚିତ ଭାବେ ପ୍ରଶଂସନୀୟ ଏବଂ ଆଶା କରାଯାଉଛି ଯେ ଦୁର୍ଗମ ଅଞ୍ଚଳରେ ଥିବା ଏହି ସମସ୍ୟାଗୁଡ଼ିକର ଶୀଘ୍ର ସମାଧାନ ହେବ।

ରାଉରକେଲା ବେଦବ୍ୟାସ ବିଜୁ ଏକ୍ସପ୍ରେସ ରାସ୍ତାରେ ଏକ ଟ୍ରକରେ ନିଆଁ ଲାଗିଥିବା ଜଣାପଡ଼ିଛି।