బాసర IIIIT విద్యార్థుల్లో ఆందోళన..సప్లమెంటరీ పరీక్ష రాసే విద్యార్థుల పై IIIT కళాశాల అధికారుల ఆంక్షలు.. మండిపడుతున్న TSAS... బాసర ఐఐఐటి లో రెమిడియల్ పరీక్షలు రాసే విద్యార్థులపై కళాశాల అధికారులు ఆంక్షలు విధించారు. గతం లో ఎన్నడూ లేని విధంగా కొత్తగా రెమిడియల్ పరీక్షలు రాసే విద్యార్థులు పరీక్ష రోజే హాజరు కావాలని, ఒక్క రోజు ముందు రావద్దని, పరీక్ష కాగానే హాస్టల్ రూమ్ ఖాళీ చేయాలని పలు సూచనలతో కూడిన ఆంక్షలు జారీ చేశారు. దీంతో TSAS, విద్యార్థి సంఘాలు ఆగ్రహం వ్యక్తపరచాయి. వెంటనే అధికారుల ఆదేశాలను వెనక్కి తీసుకోవాలని డిమాండ్ చేసారు...

బాసర IIIIT విద్యార్థుల్లో ఆందోళన..సప్లమెంటరీ పరీక్ష రాసే విద్యార్థుల పై IIIT కళాశాల అధికారుల ఆంక్షలు.. మండిపడుతున్న TSAS... బాసర ఐఐఐటి లో రెమిడియల్ పరీక్షలు రాసే విద్యార్థులపై కళాశాల అధికారులు ఆంక్షలు విధించారు. గతం లో ఎన్నడూ లేని విధంగా కొత్తగా రెమిడియల్ పరీక్షలు రాసే విద్యార్థులు పరీక్ష రోజే హాజరు కావాలని, ఒక్క రోజు ముందు రావద్దని, పరీక్ష కాగానే హాస్టల్ రూమ్ ఖాళీ చేయాలని పలు సూచనలతో కూడిన ఆంక్షలు జారీ చేశారు. దీంతో TSAS, విద్యార్థి సంఘాలు ఆగ్రహం వ్యక్తపరచాయి. వెంటనే అధికారుల ఆదేశాలను వెనక్కి తీసుకోవాలని డిమాండ్ చేసారు...

నిజాం షుగర్ ఫ్యాక్టరీ ఉద్యోగుల సమస్య అసెంబ్లీలో.. 126 నెలల జీతాల బకాయిలపై గళం వినిపించిన అహ్మద్ బిన్ అబ్దుల్లా బలాలా బోధన్, నిజామాబాద్: బోధన్‌లోని నిజాం డెక్కన్ షుగర్ ఫ్యాక్టరీ ఉద్యోగుల దీర్ఘకాలిక సమస్య మరోసారి తెలంగాణ అసెంబ్లీ దృష్టికి వెళ్లింది. మలక్‌పేట్ ఎమ్మెల్యే, నిజామాబాద్ జిల్లా ఇన్‌చార్జ్ అహ్మద్ బిన్ అబ్దుల్లా బలాలా అసెంబ్లీలో నిజాం షుగర్ ఫ్యాక్టరీ ఉద్యోగుల జీతాలు, బకాయిల సమస్యను ప్రస్తావించారు. ఎన్నో సంవత్సరాలుగా ఇబ్బందులు ఎదుర్కొంటున్న ఉద్యోగులు, వారి కుటుంబాలకు న్యాయం చేయాలని ప్రభుత్వాన్ని కోరారు. ఫ్యాక్టరీలో సంవత్సరాలుగా పనిచేసిన ఉద్యోగులకు చాలా కాలంగా జీతాలు, ఇతర బకాయిలు అందలేదని అహ్మద్ బిన్ అబ్దుల్లా బలాలా తెలిపారు. ఈ పరిస్థితి కారణంగా 300కు పైగా కుటుంబాలు ఆర్థిక ఇబ్బందులు ఎదుర్కొంటున్నాయని పేర్కొన్నారు. నిజాం డెక్కన్ షుగర్స్ లిమిటెడ్‌లో తెలంగాణ ప్రభుత్వానికి 49 శాతం వాటా ఉందని, అయినప్పటికీ ఉద్యోగుల సమస్యకు శాశ్వత పరిష్కారం లభించలేదని ఆయన అసెంబ్లీ దృష్టికి తీసుకెళ్లారు. అలాగే కమిటీ ఫర్ పిటిషన్స్ అంశాన్ని కూడా ప్రస్తావిస్తూ.. ఉద్యోగులు సమర్పించిన పిటిషన్‌ను పరిశీలించి, సమస్య పరిష్కారానికి తగిన చర్యలు తీసుకోవాలని ప్రభుత్వాన్ని కోరారు. అసెంబ్లీలో సమస్య ప్రస్తావనతో ఉద్యోగుల్లో హర్షం ఉద్యోగుల సమస్యను అసెంబ్లీలో ప్రస్తావించిన అనంతరం బోధన్‌లో నిజాం షుగర్ ఫ్యాక్టరీ ఉద్యోగులు అహ్మద్ బిన్ అబ్దుల్లా బలాలా, బ్యారిస్టర్ అసదుద్దీన్ ఒవైసీలకు కృతజ్ఞతలు తెలిపారు. గతంలో బ్యారిస్టర్ అసదుద్దీన్ ఒవైసీ బోధన్ పర్యటనకు వచ్చిన సమయంలో కూడా తమ జీతాలు, బకాయిల సమస్యపై ఉద్యోగులు ఆయనకు వినతిపత్రం అందజేసినట్లు తెలిపారు. అదేవిధంగా బోధన్ మున్సిపల్ వైస్ చైర్మన్ మీర్ ఇలియాస్ అలీని కూడా ఉద్యోగులు కలిసి తమ సమస్యలను పార్టీ నాయకత్వం, ప్రభుత్వం దృష్టికి తీసుకెళ్లాలని కోరినట్లు చెప్పారు. ఉద్యోగుల సమస్యపై పార్టీ నాయకత్వంతో మాట్లాడి.. తమ సమస్యను ప్రభుత్వం దృష్టికి తీసుకెళ్లేందుకు కృషి చేస్తామని మీర్ ఇలియాస్ అలీ హామీ ఇచ్చినట్లు ఉద్యోగులు తెలిపారు. ఉద్యోగుల సమస్యపై జునైద్ అహ్మద్ ఖలీల్ ప్రశ్నలు ఈ సందర్భంగా ఆమ్ ఆద్మీ పార్టీ బోధన్ సీనియర్ నాయకుడు జునైద్ అహ్మద్ ఖలీల్ కూడా ఉద్యోగులకు మద్దతు తెలిపారు. అహ్మద్ బిన్ అబ్దుల్లా బలాలా, బ్యారిస్టర్ అసదుద్దీన్ ఒవైసీకి కృతజ్ఞతలు తెలిపారు. నిజాం షుగర్ ఫ్యాక్టరీ ఉద్యోగుల సమస్యపై బోధన్‌కు చెందిన వివిధ రాజకీయ పార్టీల స్థానిక నాయకులు గతంలో కూడా తమ వంతుగా గళం వినిపించారని జునైద్ అహ్మద్ ఖలీల్ తెలిపారు. ఈ సమస్యను రాజకీయాలకు అతీతంగా పరిష్కరించాల్సిన అవసరం ఉందని ఆయన అన్నారు. ఎన్నికల సమయంలో నిజాం షుగర్ ఫ్యాక్టరీని తిరిగి ప్రారంభిస్తామని, ఉద్యోగుల సమస్యలను పరిష్కరిస్తామని హామీలు ఇచ్చారని.. అయితే ఇప్పటికీ ఉద్యోగులు తమ బకాయిల కోసం ఎదురుచూస్తున్నారని జునైద్ అహ్మద్ ఖలీల్ ప్రశ్నించారు. ఫ్యాక్టరీ ఎప్పుడు ప్రారంభమవుతుంది? ఉద్యోగులకు బకాయిలు ఎప్పుడు అందుతాయి? నిజాం షుగర్ ఫ్యాక్టరీ పునరుద్ధరణ సమస్య కేవలం ఉద్యోగుల జీతాలకే పరిమితం కాలేదు. బోధన్ ప్రాంతంలోని చెరుకు రైతులు, స్థానిక ఉపాధి, వేలాది కుటుంబాల జీవనోపాధితో కూడా ఈ అంశం ముడిపడి ఉంది. గతంలో తెలంగాణ ప్రభుత్వం మూతపడిన నిజాం షుగర్ ఫ్యాక్టరీ యూనిట్ల పునరుద్ధరణకు సంబంధించిన అంశాలను పరిశీలించేందుకు చర్యలు చేపట్టింది. అయితే ఉద్యోగులు, స్థానిక ప్రజలు మాత్రం ఇప్పటికీ కార్యాచరణ కోసం ఎదురుచూస్తున్నారు. మరి ఉద్యోగుల జీతాల బకాయిలు ఎప్పుడు చెల్లిస్తారు? నిజాం షుగర్ ఫ్యాక్టరీ పునరుద్ధరణపై ప్రభుత్వం ఎప్పుడు తుది నిర్ణయం తీసుకుంటుంది? ఏళ్లుగా తమ హక్కుల కోసం ఎదురుచూస్తున్న ఉద్యోగులు, వారి కుటుంబాలకు ఎప్పుడు న్యాయం జరుగుతుంది? ఇప్పుడు బోధన్ నిజాం షుగర్ ఫ్యాక్టరీ ఉద్యోగుల చూపు ప్రభుత్వ తదుపరి నిర్ణయంపైనే ఉంది.

సదాశివనగర్ మండలం పద్మాజివాడి విద్యుత్ సబ్‌స్టేషన్ ముట్టడి సదాశివనగర్: విద్యుత్ కోతలకు నిరసనగా కామారెడ్డి జిల్లా సదాశివనగర్ మండలం పద్మాజివాడి విద్యుత్ సబ్‌స్టేషన్‌ను గ్రామస్తులు ముట్టడించారు. ఏఈ, డీఈలకు వ్యతిరేకంగా నినాదాలు చేస్తూ ఆందోళన చేపట్టారు. లైన్మెన్‌పై చర్యలు తీసుకోవాలని డిమాండ్ చేశారు. గ్రామాలకు 24 గంటల విద్యుత్ సరఫరా చేయాలని, తరచూ విద్యుత్ కోతలతో పంటలు ఎండిపోతున్నాయని ఆవేదన వ్యక్తం చేశారు. వెంటనే విద్యుత్ సరఫరాను పునరుద్ధరించాలని కోరారు.

పెద్దమ్మ గుడి నిర్మాణానికి అండగా ఎమ్మెల్యే రోహిత్ రావు ఎం ఎస్ ఎస్ ఓ ద్వారా లక్ష విరాళం పాపన్నపేట మండలం కొడపాక గ్రామంలో పెద్దమ్మ గుడి నిర్మాణానికి అండగా ఎమ్మెల్యే డాక్టర్ మైనంపల్లి రోహిత్ రావు మెదక్ నియోజకవర్గం, పాపన్నపేట మండలం, కొడపాక గ్రామంలో పెద్దమ్మ ఆలయ నిర్మాణానికి మెదక్ ఎమ్మెల్యే డాక్టర్ మైనంపల్లి రోహిత్ రావు తన వంతు సహాయంగా ఎంఎస్ఎస్ఓ ద్వారా రూ. 1,00,000/- ఒక లక్ష రూపాయలు ను ముదిరాజ్ సంఘానికి అందజేయడం జరిగింది. ఈ సందర్భంగా ఎమ్మెల్యే రోహిత్ రావు మాట్లాడుతూ... గ్రామాల్లో దేవాలయాల నిర్మాణం భక్తి భావాన్ని పెంపొందించడమే కాకుండా గ్రామ ఐక్యతకు దోహద పడుతుందని, గుడి నిర్మాణానికి తన వంతు సహకారం ఎల్లప్పుడూ ఉంటుందని తెలిపారు.ఈ సందర్భంగా ముదిరాజ్ సంఘం నాయకులు, కుల సంఘాల పెద్దలు మాట్లాడుతూ మెదక్ నియోజకవర్గంలో ఎమ్మెల్యే డాక్టర్ మైనంపల్లి రోహిత్ గారు ఇప్పటికే అనేక దేవాలయాలకు, వివిధ కుల సంఘాలకు ఆర్థిక సహాయం అందించారని కొనియాడారు. అమ్మవారి ఆశీస్సులతో ఎమ్మెల్యే గారు ఆయురారోగ్యాలతో బాగుండాలని, ఇలాంటి సేవా కార్యక్రమాలు మరెన్నో చేయాలని ఆకాంక్షించారు. ఈ కార్యక్రమంలో ముదిరాజ్ సంఘం నాయకులు, గ్రామ పెద్దలు, కాంగ్రెస్ పార్టీ నాయకులు, కార్యకర్తలు తదితరులు పాల్గొన్నారు.

సొంతింటి కల సాకారం దిశగా.. రుద్రంగి లో ఇందిరమ్మ ఇళ్లకు భూమిపూజ.. రుద్రంగి: మండల కేంద్రంలో ఇందిరమ్మ ఇళ్ల నిర్మాణానికి భూమిపూజ నిర్వహించారు. లబ్ధిదారులు పున్నూరి మల్లవ్వ–స్వామి, రేగుల మల్లవ్వ ఇళ్లకు సర్పంచ్ గండి నారాయణ, ఉప సర్పంచ్ మాడిశెట్టి అభిలాష్ భూమిపూజ చేశారు. కార్యక్రమంలో మార్కెట్ కమిటీ చైర్మన్ చేలుకల తిరుపతి, కాంగ్రెస్ మండల అధ్యక్షుడు ఎర్రం గంగనర్సయ్య, ఇందిరమ్మ కమిటీ సభ్యులు, వార్డు సభ్యులు, నాయకులు పాల్గొన్నారు. ప్రభుత్వం అందిస్తున్న పథకాన్ని అర్హులు సద్వినియోగం చేసుకోవాలని సూచించారు. ఎమ్మెల్యే ఆది శ్రీనివాస్‌కు లబ్ధిదారులు కృతజ్ఞతలు తెలిపారు.

ఆచార్య కొండా లక్ష్మణ్ బాపూజీ చౌరస్తాలో కొండా లక్ష్మణ్ బాపూజీ వర్ధంతి కార్యక్రమంలో పాల్గొన్న మున్సిపల్ చైర్పర్సన్ జిందం కళాచక్రపాణి సిరిసిల్ల పట్టణంలోని ఆచార్య కొండ లక్ష్మణ్ బాపూజీ చౌరస్తాలో కొండ లక్ష్మణ్ బాపూజీ వర్ధంతి సందర్భంగా వారికి ఘన నివాళులర్పించిన మున్సిపల్ చైర్ పర్సన్ జిందం కళ చక్రపాణి. ఈ సందర్భంగా వారు మాట్లాడుతు... ఆచార్య కొండ లక్ష్మణ్ బాపూజీ నాటి భారతదేశ స్వాతంత్ర ఉద్యమంలో బ్రిటిష్ వారిపై అదేవిధంగా తెలంగాణ సాయుధ పోరాటంలో నిజాం రజాకార్ల పై తిరుగుబాటు చేసిన పోరాట యోధుడు అన్నారు .ఉమ్మడి ఆంధ్రప్రదేశ్ రాష్ట్ర మంత్రిగా అమూల్యమైన సేవలను అందిస్తున్న తరుణంలోని ప్రత్యేక తెలంగాణ రాష్ట్రం కోసం మంత్రి పదవికి సైతం రాజీనామా చేసిన మొట్ట మొదటి మంత్రి కొండ లక్ష్మణ్ బాపూజీ అని అన్నారు. ప్రత్యేక తెలంగాణ ఉద్యమంలో తనదైన పాత్ర వహించి తెలంగాణ తొలి ముఖ్యమంత్రి కేసీఆర్ కి వారి అమూల్యమైన సూచనలు సలహాలు అందిస్తూ మార్గదర్శిగా నిలిచారు అని అన్నారు.అంతేకాకుండా అఖిలభారత పద్మశాలి సంఘం ఏర్పాటులో కీలక పాత్ర పోషించి పద్మశాలీల సమస్యలపై పోరాడుతూ పద్మశాలి కుల బాంధవుల ఐక్యతకై విశేష కృషి చేశారని అన్నారు. వారి ఆశయాలను గౌరవిస్తూ ఆదర్శ ప్రాయులైన కొండ లక్ష్మణ్ బాబూజీ కి వారి వర్ధంతి సందర్భంగా ఘన నివాళులు అర్పించడం జరిగిందని ఆచార్యకొండ లక్ష్మణ్ బాపూజీ గారి ఆశయాలను కొనసాగించాలని అన్నారు.ఈనెల 27వ తేదీన ఆచార్య కొండ లక్ష్మణ్ బాపూజీ జయంతి వేడుకలను ప్రజలందరూ ముఖ్యంగా పద్మశాలి కుల బంధువులందరూ పెద్ద ఎత్తున పాల్గొని నిర్వహించుకుందామని ఈ సందర్భంగా పిలుపునిచ్చారు..ఈ కార్యక్రమంలో మున్సిపల్ కమిషనర్ ఖాదీర్ పాషా, మున్సిపల్ వైస్ చైర్మన్ దార్ల సందీప్ , కౌన్సిలర్ సభ్యులు, కో ఆప్షన్ సభ్యులు,సిరిసిల్ల పద్మశాలి సంఘం అధ్యక్షులు దూడం శంకర్, పద్మశాలి యువజన సంఘం అధ్యక్షులు సబ్బని హరీష్, పద్మశాలి సంఘం కార్యవర్గ సభ్యులు, యువజన విభాగం కార్యవర్గ సభ్యులు, పాలిస్టర్ అసోసియేషన్ అధ్యక్షులు కార్యవర్గ సభ్యులు, చేనేత వస్త్ర వ్యాపార సంఘ అధ్యక్షులు కార్యవర్గ సభ్యులు, పద్మశాలి కుల బాంధవులు మరియు పుర ప్రముఖులు, ప్రజలు పాల్గొన్నారు.

ఎల్లారెడ్డిలో పూజలందుకుంటున్న స్వర్ణకార సంఘం వారి మట్టి గణపతి..... ఎల్లారెడ్డి: పట్టణంలోని పాత డైలీ మార్కెట్ రోడ్డులో స్వర్ణకార సంఘం వారి మట్టి గణపతి ప్రతి రోజు ఉదయం, సాయంత్రం పూజలందుకుంటుంది. వినాయక చవితి పండుగ రోజున పర్యావరణ హితం కోసం మట్టి గణపతిని ప్రతిష్టించి, స్వర్ణ కార సంఘం వారు ఆదర్శంగా నిలుస్తున్నారు. ఆదివారం వినాయక నవరాత్రి ఉత్సవాల్లో బాగంగా 7వ రోజున స్థానిక న్యూ అయ్యప్ప జ్యూయేలర్ షాపు యజమాని ఓర శ్రీనివాస్ దంపతులు పూజలు నిర్వహించారు. భక్తులు అధిక సంఖ్యలో పాల్గొని తీర్థ ప్రసాదాలు స్వీకరించారు. అలాగే పట్టణంలో ప్రతిష్టించిన వివిధ గణేష్ మండపాల వద్ద భక్తులు ప్రతి నిత్యం ఉదయం సాయంత్రం పూజలు చేయడంతో పట్టణంలో ఆధ్యాత్మిక వాతావరణం నెలకొంది.

ఎల్లమ్మ చెరువులో యువకుడు మృతి సిరికొండలో విషాద ఘటన.. కేసు నమోదు చేసి దర్యాప్తు చేస్తున్న పోలీసులు ఎల్లమ్మ చెరువులో యువకుడి మృతి సిరికొండలో విషాద ఘటన.. కేసు నమోదు చేసి దర్యాప్తు నిజామాబాద్ రూరల్, సెప్టెంబర్ 20 సిరికొండ గ్రామానికి చెందిన పారిపల్లి సాయి కుమార్ (32) ఎల్లమ్మ చెరువు వద్ద మృతి చెందిన ఘటన ఆదివారం సాయంత్రం చోటుచేసుకుంది. సిరికొండ ఎస్సై జె. రామకృష్ణ అందించిన వివరాల ప్రకారం.. సాయంత్రం సుమారు 6 గంటల సమయంలో సాయి కుమార్ చెరువులోకి వెళ్లినట్లు తెలిపారు. విషయం గమనించిన గ్రామస్తులు వెంటనే స్పందించి ఆయనను బయటకు తీసి ఆసుపత్రికి తరలించేందుకు ప్రయత్నించగా, అప్పటికే మృతి చెందినట్లు పోలీసులు తెలిపారు. మృతుడి తల్లి ఇచ్చిన ఫిర్యాదు మేరకు సిరికొండ పోలీసులు కేసు నమోదు చేశారు. ఘటనకు సంబంధించిన పూర్తి వివరాలను సేకరిస్తూ దర్యాప్తు కొనసాగిస్తున్నట్లు ఎస్సై జె. రామకృష్ణ తెలిపారు. ఘటనకు దారితీసిన పరిస్థితులపై పోలీసులు ఆరా తీస్తున్నారు.