মুখ্যমন্ত্ৰীক তামুলপুৰ ইউপিপিএলৰ চোকা প্ৰত্যুত্তৰ: উপ-নিৰ্বাচনৰ মন্তব্যক লৈ তীব্ৰ প্ৰতিক্ৰিয়া। মুখ্যমন্ত্ৰীক তামুলপুৰ ইউপিপিএলৰ চোকা প্ৰত্যুত্তৰ: উপ-নিৰ্বাচনৰ মন্তব্যক লৈ তীব্ৰ প্ৰতিক্ৰিয়া। তামুলপুৰ, ২ এপ্ৰিল: তামুলপুৰত ইউপিপিএলৰ প্ৰাৰ্থী প্ৰমোদ বড়ো জয়ী হ’লে পুনৰ উপ-নিৰ্বাচন হ’ব বুলি মুখ্যমন্ত্ৰীয়ে কৰা মন্তব্যৰ পাছতেই সমগ্ৰ অঞ্চলটোত তীব্ৰ ৰাজনৈতিক প্ৰতিক্ৰিয়াৰ সৃষ্টি হৈছে আৰু এই সন্দৰ্ভত তামুলপুৰ জিলা ইউপিপিএলৰ সভাপতি দীপাংকৰ ৰাভাই মুখ্যমন্ত্ৰীক তীব্ৰ সমালোচনা কৰি কয় যে এজন দায়িত্বশীল মুখ্যমন্ত্ৰীৰ মুখত এনেধৰণৰ ভিত্তিহীন কথা কেতিয়াও শোভা নাপায়। তেওঁ স্পষ্ট কৰি দিয়ে যে ইউপিপিএল দল তথা প্ৰমোদ বড়োৱে নিজা নীতি-আদৰ্শৰ ভিত্তিতহে নিৰ্বাচনত অৱতীৰ্ণ হৈছে আৰু তেওঁলোকৰ দলৰ নিজস্ব পৰিচয় আছে য’ত ভাৰতীয় জনতা পাৰ্টিৰ আদৰ্শ জাপি দিয়াটো গ্ৰহণযোগ্য নহয়, গতিকে মুখ্যমন্ত্ৰীৰ এনে অযুক্তিকৰ কথাত ৰাইজে কেতিয়াও পতিয়ান নাযায়। জিলা সভাপতিগৰাকীৰ মতে মুখ্যমন্ত্ৰীয়ে তেওঁলোকৰ এনডিএৰ প্ৰাৰ্থী গৰাকীৰ পৰাজয়ৰ ভয়তহে এনেদৰে চালে-বেৰে কোবোৱা কথা কৈছে আৰু সাংসদ পদটো কাৰ হাতলৈ যাব সেইটো সম্পূৰ্ণৰূপে ইউপিপিএল দলৰ ব্যক্তিগত সিদ্ধান্ত, য’ত আনৰ হস্তক্ষেপৰ কোনো প্ৰয়োজন নাই। তেওঁ ওলোটাই বিজেপি কৰ্মীসকলক আগন্তুক ৯ এপ্ৰিলত তামুলপুৰৰ উন্নয়নৰ স্বাৰ্থত ইউপিপিএল দলকহে ভোট দিবলৈ আহ্বান জনায় আৰু দাবী কৰে যে তামুলপুৰত প্ৰমোদ বড়ো বিপুল ভোটত জয়ী হোৱাটো নিশ্চিত। ইয়াৰ উপৰি বিটিচি অঞ্চলত ইউপিপিএলৰ স্থিতি অত্যন্ত শক্তিশালী বুলি উল্লেখ কৰি তেওঁ কয় যে আগন্তুক নিৰ্বাচনত দলটোৱে অতি কমেও ১০ ৰ পৰা ১১ খন আসনত জয়লাভ কৰিব। সভাপতিগৰাকীয়ে পুনৰ কয় যে প্ৰমোদ বড়ো আৰু দ্বীপেন বড়োৰ লগতে দলৰ প্ৰতিগৰাকী প্ৰাৰ্থীৰ ফলাফল আশাব্যঞ্জক হ’ব, কাৰণ ৰাইজে বিগত সময়ছোৱাত তামুলপুৰত হোৱা উন্নয়ন প্ৰত্যক্ষ কৰিছে আৰু ইউপিপিএল চৰকাৰৰ দিনত হোৱা কাম-কাজত সন্তুষ্ট হৈ ৰাইজে ইউপিপিএলক পূৰ্ণ সমৰ্থন আগবঢ়াবলৈ সাজু হৈছে।###

NAlive24

Local News Reporter তামুলপুৰ, তামুলপুৰ, অসম•

3 hrs ago

মুখ্যমন্ত্ৰীক তামুলপুৰ ইউপিপিএলৰ চোকা প্ৰত্যুত্তৰ: উপ-নিৰ্বাচনৰ মন্তব্যক লৈ তীব্ৰ প্ৰতিক্ৰিয়া। মুখ্যমন্ত্ৰীক তামুলপুৰ ইউপিপিএলৰ চোকা প্ৰত্যুত্তৰ: উপ-নিৰ্বাচনৰ মন্তব্যক লৈ তীব্ৰ প্ৰতিক্ৰিয়া। তামুলপুৰ, ২ এপ্ৰিল: তামুলপুৰত ইউপিপিএলৰ প্ৰাৰ্থী প্ৰমোদ বড়ো জয়ী হ’লে পুনৰ উপ-নিৰ্বাচন হ’ব বুলি মুখ্যমন্ত্ৰীয়ে কৰা মন্তব্যৰ পাছতেই সমগ্ৰ অঞ্চলটোত তীব্ৰ ৰাজনৈতিক প্ৰতিক্ৰিয়াৰ সৃষ্টি হৈছে আৰু এই সন্দৰ্ভত তামুলপুৰ জিলা ইউপিপিএলৰ সভাপতি দীপাংকৰ ৰাভাই মুখ্যমন্ত্ৰীক তীব্ৰ সমালোচনা কৰি কয় যে এজন দায়িত্বশীল মুখ্যমন্ত্ৰীৰ মুখত এনেধৰণৰ ভিত্তিহীন কথা কেতিয়াও শোভা নাপায়। তেওঁ স্পষ্ট কৰি দিয়ে যে ইউপিপিএল দল তথা প্ৰমোদ বড়োৱে নিজা নীতি-আদৰ্শৰ ভিত্তিতহে নিৰ্বাচনত অৱতীৰ্ণ হৈছে আৰু তেওঁলোকৰ দলৰ নিজস্ব পৰিচয় আছে য’ত ভাৰতীয় জনতা পাৰ্টিৰ আদৰ্শ জাপি দিয়াটো গ্ৰহণযোগ্য নহয়, গতিকে মুখ্যমন্ত্ৰীৰ এনে অযুক্তিকৰ কথাত ৰাইজে কেতিয়াও পতিয়ান নাযায়। জিলা সভাপতিগৰাকীৰ মতে মুখ্যমন্ত্ৰীয়ে তেওঁলোকৰ এনডিএৰ প্ৰাৰ্থী গৰাকীৰ পৰাজয়ৰ ভয়তহে এনেদৰে চালে-বেৰে কোবোৱা কথা কৈছে আৰু সাংসদ পদটো কাৰ হাতলৈ যাব সেইটো সম্পূৰ্ণৰূপে ইউপিপিএল দলৰ ব্যক্তিগত সিদ্ধান্ত, য’ত আনৰ হস্তক্ষেপৰ কোনো প্ৰয়োজন নাই। তেওঁ ওলোটাই বিজেপি কৰ্মীসকলক আগন্তুক ৯ এপ্ৰিলত তামুলপুৰৰ উন্নয়নৰ স্বাৰ্থত ইউপিপিএল দলকহে ভোট দিবলৈ আহ্বান জনায় আৰু দাবী কৰে যে তামুলপুৰত প্ৰমোদ বড়ো বিপুল ভোটত জয়ী হোৱাটো নিশ্চিত। ইয়াৰ উপৰি বিটিচি অঞ্চলত ইউপিপিএলৰ স্থিতি অত্যন্ত শক্তিশালী বুলি উল্লেখ কৰি তেওঁ কয় যে আগন্তুক নিৰ্বাচনত দলটোৱে অতি কমেও ১০ ৰ পৰা ১১ খন আসনত জয়লাভ কৰিব। সভাপতিগৰাকীয়ে পুনৰ কয় যে প্ৰমোদ বড়ো আৰু দ্বীপেন বড়োৰ লগতে দলৰ প্ৰতিগৰাকী প্ৰাৰ্থীৰ ফলাফল আশাব্যঞ্জক হ’ব, কাৰণ ৰাইজে বিগত সময়ছোৱাত তামুলপুৰত হোৱা উন্নয়ন প্ৰত্যক্ষ কৰিছে আৰু ইউপিপিএল চৰকাৰৰ দিনত হোৱা কাম-কাজত সন্তুষ্ট হৈ ৰাইজে ইউপিপিএলক পূৰ্ণ সমৰ্থন আগবঢ়াবলৈ সাজু হৈছে।###