వరంగల్ ఎంజీఎం ఆసుపత్రి వద్ద ఉద్రిక్త వాతావరణం......... BRS మాజీ ఎమ్మెల్యే వినయ్ భాస్కర్ చేయి విరిగిందంటూ కంటతడి పెట్టుకున్న వినయ్ భాస్కర్ ఎంజీఎం ఆసుపత్రిలో పెచ్చులు ఊడి గాయాలైన రోగుల పరిస్థితి తెలుసుకునేందుకు వెళ్లిన బీఆర్ఎస్ మాజీ ఎమ్మెల్యే దాస్యం వినయ్ భాస్కర్‌ను అడ్డుకున్న పోలీసులు పోలీసులు....

* సాయి మల్టీ స్పెషల్టి హాస్పిటల్ ఆధ్వర్యంలో అన్న ప్రసాద వితరణ... * గణపతి నవరాత్రుల సందర్భంగా సాయి మల్టీ స్పెషాలిటీ హాస్పిటల్ ఆధ్వర్యంలో మహాఅన్నదానం.... మహబూబాబాద్ జిల్లా, తొర్రూరు: గణపతి నవరాత్రి ఉత్సవాలను పురస్కరించుకుని తొర్రూరు పట్టణంలోని సాయి మల్టీ స్పెషాలిటీ హాస్పిటల్ అధినేత డాక్టర్ స్వరూప్ కుమార్ ఆధ్వర్యంలో మహాఅన్నదాన కార్యక్రమాన్ని ఘనంగా నిర్వహించారు. ఈ సందర్భంగా భక్తులు, ప్రజలకు అన్నప్రసాదాన్ని పంపిణీ చేశారు. కార్యక్రమంలో ప్రొద్దుటూరు గౌరీ శంకర్‌తో పాటు సాయి మల్టీ స్పెషాలిటీ హాస్పిటల్ వైద్యులు, సిబ్బంది తదితరులు పాల్గొన్నారు....

మహబూబాబాద్ ప్రజలకు అద్భుతమైన విహార స్థలం 'ఈదుల పూసపల్లి చెరువు.... ఎమ్మెల్సీ తక్కెళ్లపల్లి రవీందర్ రావు.. మహబూబాబాద్ జిల్లా సెప్టెంబర్ 22..... కాళోజీ వాకర్స్ అసోసియేషన్ విజ్ఞప్తి మేరకు ఎమ్మెల్సీ తక్కెళ్లపల్లి రవీందర్ రావు గారు ఈరోజు ఉదయం మహబూబాబాద్‌లోని ఈదుల పూసపల్లి చెరువు మరియు పరిసర ప్రాంతాలను సందర్శించారు. ఈ సందర్భంగా ఆయన మాట్లాడుతూ, అటవీ శాఖ ఆధ్వర్యంలో సుమారు 170 ఎకరాలకు పైగా విస్తీర్ణంలో జరుగుతున్న పర్యాటక అభివృద్ధి పనులు అద్భుతంగా ఉన్నాయని కొనియాడారు. పర్యాటకులకు సకల సౌకర్యాలు..... చారిత్రాత్మక కాకతీయుల కాలం నాటి ఈదుల పూసపల్లి చెరువు చుట్టూ గుట్టలు, అందమైన దీవులు (ఐలాండ్స్) ఉండటం దీని ప్రత్యేకత. ఇక్కడ యోగా సెంటర్లు, అందమైన పూల వనాలు, వాకింగ్ ట్రాక్, కుటుంబ సభ్యులతో రోజంతా గడిపేందుకు వీలుగా కూర్చునే బెంచీలు, డైనింగ్ హాల్స్ మరియు నాలుగు అంతస్తుల వాచ్ టవర్ తదితర బ్రహ్మాండమైన నిర్మాణాలను అటవీ శాఖ చేపట్టిందని తెలిపారు. ప్రకృతి ఒడిలో ఉన్న ఈ ప్రాంతం "నభూతో నభవిష్యత్" అనేలా ఉందని ఆయన అభివర్ణించారు. మ్రానుకోట చారిత్రక నేపథ్యం.... పూర్వం అడవులు, చెట్ల మధ్య ఉన్న ఊరు కాబట్టి దీనికి 'మ్రానుకోట' అనే పేరు ఉండేదని, కాలక్రమంలో అది మానుకోట, ఆ తర్వాత మహబూబాబాద్‌గా మారిందని ఆయన గుర్తు చేశారు. మ్రానుకోట అసలు సిసలు రూపం ఈ అటవీ ప్రాంతంలో కనిపిస్తుందని హర్షం వ్యక్తం చేశారు. మినీ జూ పార్క్ ఏర్పాటుకు ప్రతిపాదన... ఈ ప్రకృతి వనాన్ని మరింత వేగవంతంగా అభివృద్ధి చేయాలని కోరుతూ అటవీ శాఖ డీఎఫ్ఓ (DFO) తో సమావేశం కానున్నట్లు ఎమ్మెల్సీ తెలిపారు. పిల్లలకు మరింత ఆహ్లాదాన్ని పంచేందుకు ఈదుల పూసపల్లి వద్ద గానీ, లేదా అద్భుతంగా రూపుదిద్దుకున్న జమాలపల్లి ప్రకృతి వనం వద్ద గానీ 'మినీ జూ పార్క్' ఏర్పాటు చేయాలని కోరుతున్నట్లు వెల్లడించారు. జిల్లా కేంద్రంగా సర్వతోముఖాభివృద్ధి:... మహబూబాబాద్ జిల్లా కేంద్రంగా వేగంగా అభివృద్ధి చెందుతోందని, ఇప్పటికే మెడికల్, ఇంజనీరింగ్, పాలిటెక్నిక్ కళాశాలలతో పాటు కలెక్టరేట్, ఎస్పీ కార్యాలయాలు అందుబాటులోకి వచ్చాయని అన్నారు. వందలాది ఉద్యోగులు, వేలాది మంది విద్యార్థులతో జిల్లా కేంద్రం విస్తరిస్తున్న నేపథ్యంలో, చుట్టూ రింగ్ రోడ్డు మరియు అనుసంధాన రహదారుల నిర్మాణలతో మహబూబాబాద్‌ను మరింత వేగవంతంగా, ఆకర్షణీయంగా తీర్చిదిద్దాలని ఆయన కోరారు. ప్రజలకు విజ్ఞప్తి: మహబూబాబాద్ ప్రజలు వారాంతాల్లో (శని, ఆదివారాలు) తమ కుటుంబ సభ్యులు, పిల్లలతో కలిసి ఈదుల పూసపల్లి, జమాలపల్లి ప్రకృతి వనాలను తప్పక సందర్శించాలని ఎమ్మెల్సీ కోరారు. ఇంటి వద్దే భోజనం వండుకుని వచ్చి ఇక్కడ ప్రకృతి ఒడిలో ఆస్వాదిస్తూ గడపాలని సూచించారు. ఈ పర్యాటక ప్రాంతాల అభివృద్ధికి ప్రజలు కూడా తమ సలహాలు, సూచనలు అందించాలని, ప్రజాప్రతినిధులుగా మహబూబాబాద్‌కు మరింత వన్నె తెచ్చేందుకు కృషి చేస్తామని ఎమ్మెల్సీ తక్కెళ్లపల్లి రవీందర్ రావు గారు స్పష్టం చేశారు.

నవరాత్రి ఉత్సవాల్లో భాగంగా మహా గణపతి హోమంలో పాల్గొన్న టిపిసిసి ఉపాధ్యక్షురాలు జనగామ జిల్లా పాలకుర్తి ఎమ్మెల్యే క్యాంప్ కార్యాలయంలో గణపతి నవరాత్రి ఉత్సవాల్లో భాగంగా నేడు మహా గణపతి హోమంలో పాల్గొన్న ఎమ్మెల్యే యశస్వినిరెడ్డి అత్తగారు టిపిసిసి ఉపాధ్యక్షురాలు హనుమండ్ల ఝాన్సీ రాజేందర్ రెడ్డి.

స్థానిక నేలకొండపల్లి శ్రీ కోనేరు ఆంజనేయస్వామి దేవాలయంలో నేలకొండపల్లి పట్టణ ఆర్యవైశ్య సంఘం స్థానిక నేలకొండపల్లి శ్రీ కోనేరు ఆంజనేయస్వామి దేవాలయంలో నేలకొండపల్లి పట్టణ ఆర్యవైశ్య సంఘం అధ్యక్షులు రేగూరి హనుమంతరావు ఆధ్వర్యంలో గణేష్ మండపం ఏర్పాటు చేయడం జరిగినది ప్రతిరోజు ధూప దీప నైవేద్యాలతో భక్తులకు ఉదయం సాయంత్రం 300 మంది భక్తులకు ప్రసాదాలు పంపిణీ చేయడం జరుగుతున్నది నవరాత్రుల్లో భాగంగా 9వ రోజు ఈరోజు రేగూరి వాసవి హనుమంతరావు కుమార్తె అల్లుడు పారేపల్లి తేజ వెంకట సీతారాం సాయి స్నేహిత దంపతులు మరియు దేవరశెట్టి లక్ష్మణరావు ఉదయలక్ష్మి దంపతులు స్వామివార్లకు అభిషేకములు ప్రత్యేక పూజలు నిర్వహించారు నేలకొండపల్లి పట్టణ ఆర్యవైశ్య మహిళలు 108 ప్రసాదాలతో స్వామివారికి నైవేద్యం సమర్పించారు ఈ కార్యక్రమానికి ముఖ్యఅతిథిగా పట్టణ అధ్యక్షులు రేగూరి హనుమంతరావు ప్రధాన కార్యదర్శి కొత్త వేణుబాబు, మండల అధ్యక్షులు దోసపాటి చంద్రశేఖర్ ,కమిటీ సభ్యులు అయ్యప్ప శ్రీను, రాయపూడి శ్రీను, కనుమలపూడి శ్రీధర్, బుస శీను, భవనాసి వెంకటేశ్వరరావు, కొత్త క్రాంతి కిరణ్, అత్తులూరి సుబ్బయ్య, రేగూరి వాసవి, దోసపాటి కల్పన, దోసపాటి ఉషారాణి, కొత్త కరుణ, కొత్త భవాని, గెల్లా సువర్ణ, నాగలక్ష్మి, వసంత, సుమారు 100 మంది ఆర్యవైశ్య మహిళలు ఆర్యవైశ్య కుటుంబ సభ్యులు మరియు భక్తులు పాల్గొని విజయవంతం చేశారు ఈ కార్యక్రమానికి సహకరించిన ప్రతి ఒక్కరికి పట్టణ అధ్యక్షులు రేగురి హనుమంతరావు ధన్యవాదాలు తెలియజేశారు

🕉️ రాపత్రి నగర్‌లో కొలువుదీరిన శ్రీ సిద్ధి వినాయకుడు.. ఘనంగా పూజలు, అన్నదానం! రాపత్రి నగర్‌లో ఘనంగా శ్రీ సిద్ధి వినాయక స్వామి పూజలు ఖమ్మం నగరంలోని రాపత్రి నగర్ రోడ్ నెంబర్ 5లో నూతనంగా ఏర్పాటు చేసిన శ్రీ సిద్ధి వినాయక కమిటీ ఆధ్వర్యంలో వినాయక స్వామి పూజా కార్యక్రమాన్ని భక్తిశ్రద్ధలతో నిర్వహించారు. ఈ సందర్భంగా ప్రత్యేక పూజలు నిర్వహించి, అనంతరం భక్తులు మరియు స్థానికుల కోసం అన్నదాన కార్యక్రమాన్ని ఏర్పాటు చేశారు. ఈ కార్యక్రమంలో స్థానికులు, భక్తులు పెద్ద సంఖ్యలో పాల్గొని స్వామివారి ఆశీస్సులు పొందారు. కార్యక్రమాన్ని విజయవంతం చేయడంలో కమిటీ సభ్యులు యశ్వంత్, దీపక్, సోయల్, యువరాజు, శ్యాము, విజ్జు, మాలతి, రేణుక, వెన్నెల, రేఖ, కవిత తదితరులు పాల్గొన్నారు. భక్తిశ్రద్ధలతో నిర్వహించిన పూజా కార్యక్రమం అనంతరం అన్నదానం చేయడంతో రాపత్రి నగర్‌లో ఆధ్యాత్మిక వాతావరణం నెలకొంది.

బ్రేకింగ్ న్యూస్... పొంగులేటి క్యాంపు కార్యాలయ ఇన్చార్జి తంబూరు దయాకర్ రెడ్డి, రామ సహాయం నరేష్ రెడ్డి కార్లపై రాళ్ల దాడి తిరుమలాయపాలెం మండలం సిద్ధండ లో అన్నదాన కార్యక్రమంలో పాల్గొని వస్తుండగా ఘటన తిరుమలయపాలెం :21/09/2026 తిరుమలాయపాలెంలంలోని సుద్దవాగు తండాలో వినాయక చవితి నవరాత్రి ఉత్సవాల సందర్భంగా నిర్వహించిన అన్నదాన కార్యక్రమంలో పాల్గొన్న మంత్రి పొంగులేటి శ్రీనివాసరెడ్డి ఖమ్మం క్యాంపు కార్యాలయ ఇన్‌చార్జి తంబూరు దయాకర్‌రెడ్డి, రాష్ట్ర కాంగ్రెస్‌ నాయకులు రామసహాయం నరేష్‌రెడ్డి. తండలో పూజా కార్యక్రమంలో పాల్గొని అన్నదాన కార్యక్రమానికి హాజరైన తిరిగి వస్తున్నసమయంలో వారి కార్లపై గుర్తుతెలియని వ్యక్తులు రాళ్లతో దాడికి పాల్పడినట్లు .అన్నదాన కార్యక్రమం జరుగుతున్న సమయంలో తండాలోని విద్యుత్‌ ట్రాన్స్‌ఫార్మర్‌ను ఆపివేసి, అనంతరం కార్లపై రాళ్లతో దాడికి పాల్పడినట్లు స్థానికులు ఆరోపిస్తున్నారు. ఘటనపై సమాచారం అందుకున్న తిరుమలాయపాలెం ఎస్సై కూచిపూడి జగదీష్‌ సిబ్బందితో కలిసి ఘటనాస్థలానికి చేరుకుని పరిస్థితిని పరిశీలించారు. ట్రాన్స్‌ఫార్మర్‌ ఉన్న ప్రాంతాన్ని కూడా పోలీసులు పరిశీలించారు.ఇదిలా ఉండగా, ట్రాన్స్‌ఫార్మర్‌ను ఆపివేసినట్లు ఆనవాళ్లు ఉన్నాయని స్థానికులు పేర్కొంటుండగా, దీనికి సంబంధించి ఎలాంటి ఎల్‌సీ ఇవ్వలేదని విద్యుత్‌ శాఖ అధికారులు చెబుతున్నట్లు సమాచారం. ట్రాన్స్‌ఫార్మర్‌ ఎలా ఆపివేయబడింది, కార్లపై రాళ్ల దాడికి పాల్పడింది ఎవరు అనే విషయాలపై పోలీసులు ఆరా తీస్తున్నారు. ఘటనకు సంబంధించి పూర్తి వివరాలు పోలీసుల విచారణ అనంతరం వెల్లడికావాల్సి ఉంది.

రామప్ప ఆలయానికి సింగరేణి ఓపెన్ కాస్ట్ పనులతో ముప్పు.. ములుగు జిల్లా వెంకటాపూర్ మండలం పాలంపేట గ్రామంలోని ప్రపంచ ప్రఖ్యాతిగాంచిన (యునెస్కో గుర్తింపు) పొందిన రామప్ప ఆలయం సింగరేణి ఓపెన్ కాస్ట్ తవ్వకాలతో ప్రమాదం పొంచి ఉందని రామప్ప ఆలయ పరిరక్షణ కమిటీ ఉద్యమానికి సిద్ధమవుతున్నట్లు తెలుస్తుంది. రామలింగేశ్వర స్వామి రామప్ప ఆలయానికి ఐదు కిలోమీటర్ల దూరంలో సింగరేణి చేపట్టనున్న ఓపెన్ కాస్ట్ తవ్వకాలను నిలిపివేయాలని మండల ప్రజలు ఆందోళన వ్యక్తం చేస్తున్నారు. ఇటీవలి కాలంలో తవ్వకాలకు పర్యావరణ అనుమతులు రావడంతో ఓపెన్ కాస్ట్ "హటావో - రామప్ప బచావో" అనే నినాదంతో ఉద్యమం చేపడతామని ఆలయ పరిరక్షణ కమిటీ అధ్యక్షులు రామ్మోహన్ రావు అన్నారు. గతంలో దేవాదుల అండర్ గ్రౌండ్ తవ్వకాలను అడ్డుకొని పెద్ద ఎత్తున ఉద్యమం చేశారు. దీంతో రామప్ప ఆలయానికి ప్రమాదం తప్పింది. నేడు ఓపెన్ కాస్ట్ పేరుతో జరుగుతున్న తవ్వకాలను నిలిపివేయాలంటూ ఎక్కడి ప్రజలు ఆవేదన వ్యక్తం చేస్తున్నారు.

* CEIR ద్వారా 2,027 మొబైల్ ఫోన్ల రికవరీ.. 77 ఫోన్లు బాధితులకు అప్పగింత.... “మొబైల్ ఫోన్ పోగొట్టుకున్న వెంటనే పోలీసులకు సమాచారం అందించి CEIR సేవలను ప్రజలు సద్వినియోగం చేసుకోవాలి” * జిల్లా ఎస్పీ డా. శబరీష్, ఐపీఎస్ *మహబూబాబాద్ జిల్లా పోలీస్... *ఇప్పటివరకు CEIR పోర్టల్ ద్వారా 2027 మొబైల్ ఫోన్ల రికవరీ.... * 77 ఫోన్లను గుర్తించి ఈరోజు మహబూబాబాద్ జిల్లా ఎస్పీ డా. శబరీష్,ఐపీఎస్. చేతులమిదిగా బాధితులకు అందజేత..... * CEIR సేవలను ప్రజలు సద్వినియోగం చేసుకోవాలి... * జిల్లా ఎస్పీ డా. శబరీష్. ఐపీఎస్.... పోగొట్టుకున్న, చోరీకి గురైన మొబైల్ ఫోన్లను అధునాతన సాంకేతిక పరిజ్ఞానాన్ని వినియోగించి గుర్తించి రికవరీ చేయడంలో మహబూబాబాద్ జిల్లా పోలీసులు నిరంతరం కృషి చేస్తున్నారు. కేంద్ర ప్రభుత్వ CEIR (Central Equipment Identity Register) పోర్టల్‌ను సమర్థవంతంగా వినియోగిస్తూ ఇప్పటివరకు జిల్లా పరిధిలో 2,027 మొబైల్ ఫోన్లను రికవరీ చేశారు. జిల్లా ఎస్పీ డా. శబరీష్. పి, ఐపీఎస్ మార్గదర్శకత్వంలో తాజాగా చేపట్టిన ప్రత్యేక చర్యల్లో 77 మొబైల్ ఫోన్లను గుర్తించి రికవరీ చేశారు. రికవరీ చేసిన మొబైల్ ఫోన్లను ఈరోజు మహబూబాబాద్ టౌన్ పోలీస్ స్టేషన్ కాన్ఫరెన్స్ హాల్ లో సంబంధిత బాధితులకు జిల్లా ఎస్పీ డా. శబరీష్, ఐపీఎస్ చేతులమిదిగా అందించడం జరిగింది. ఈ సందర్బంగా ఎస్పీ మాట్లాడుతూ.... CEIR పోర్టల్ ద్వారా అందుబాటులోకి వచ్చే సాంకేతిక సమాచారాన్ని విశ్లేషిస్తూ, వివిధ ప్రాంతాల్లో వినియోగంలో ఉన్న పోగొట్టుకున్న మొబైల్ ఫోన్లను గుర్తిస్తున్నామని అన్నారు. ఈ ప్రక్రియలో మహబూబాబాద్ డీఎస్పీ, CCS ఇన్‌స్పెక్టర్ హతీరామ్, ఐటీ సెల్ ఎస్‌ఐ జి.వి. కృష్ణారెడ్డి, పీసీ సుమన్, అన్ని పోలీస్ స్టేషన్ల ఎస్‌హెచ్‌ఓలు, CEIR ఆపరేటర్లు కీలక పాత్ర పోషించారని అన్నారు. మొబైల్ ఫోన్ పోగొట్టుకున్నా లేదా చోరీకి గురైనా ప్రజలు వెంటనే సమీప పోలీస్ స్టేషన్‌లో ఫిర్యాదు చేయాలని సూచించారు. ఫోన్‌కు సంబంధించిన IMEI నంబర్, మొబైల్ నంబర్ తదితర వివరాలను పోలీసులకు అందించాలని తెలిపారు. CEIR పోర్టల్ ద్వారా పోగొట్టుకున్న లేదా చోరీకి గురైన మొబైల్ ఫోన్‌ను బ్లాక్ చేయడంతో పాటు, అందుబాటులో ఉన్న సాంకేతిక సమాచారాన్ని విశ్లేషించి ఫోన్‌ను గుర్తించే అవకాశం ఉంటుందని తెలిపారు. ప్రజలు మొబైల్ ఫోన్ పోగొట్టుకున్న వెంటనే పోలీసులకు సమాచారం అందించి CEIR సేవలను సద్వినియోగం చేసుకోవాలని జిల్లా ఎస్పీ డా. శబరీష్, ఐపీఎస్ కోరారు. ప్రజల ఆస్తి పరిరక్షణలో భాగంగా అధునాతన సాంకేతిక పరిజ్ఞానాన్ని వినియోగిస్తూ పోగొట్టుకున్న, చోరీకి గురైన మొబైల్ ఫోన్లను గుర్తించి బాధితులకు తిరిగి అందజేసేందుకు జిల్లా పోలీసులు నిరంతరం కృషి చేస్తున్నారని ఎస్పీ తెలిపారు.....

శ్రీ విజ్ఞేశ్వర స్వామి వారి రూపంలో పాలకుర్తి శ్రీ సోమేశ్వర స్వామి జనగామ జిల్లా పాలకుర్తి మండల కేంద్రంలోని ప్రముఖ పుణ్యక్షేత్రమైన ప్రసిద్ధిగాంచిన కోరిన కోరికలు తీరుస్తూ భక్తుల పాలిట కొంగు బంగారంలా వెలసిల్లుతు ఎత్తయిన కొండల మధ్య వెలసి యున్న శ్రీ చండికా సమేత సోమేశ్వర వారికి గణపతి నవరాత్రి ఉత్సవాల సందర్భంగా స్వామివారిని అన్న ప్రసాదంతో శ్రీ విఘ్నేశ్వర స్వామి రూపంలో ఆలయ పంచాంగ కర్త వేద పండితులు మత్తంగజం నాగరాజ్ శర్మ ఆధ్వర్యంలో ప్రత్యేక అలంకరణ నిర్వహించారు.