अजित दादाच्या अपघात स्थळी गोजवावी येथे आ.अमोल मिटकरी यांनी दर्शन घेतले

Post by मन्सूर शेख

दौंड नगरपालिका......... किती लिहावं तेवढं कमीच....... दौंड शहरातील नागरिकांना विरंगुळ्यासाठी, मनोरंजनासाठी, दोन घटका नातवंडांना, मुलामुलींना खेळण्यासाठी कोणत्याही प्रकारची सुविधा उपलब्ध नाही. आता उन्हाळ्यात मुलामुलींना सुट्टी एन्जॉय करायला शहरात त्यांना कुठे न्यायचे असा प्रश्न पालकांना पडतो.सिनेमा, नाटक काही नाही.....एकही उद्यान नाही......एकही मैदान नाही.......सहलीचे ठिकाण नाही.... २०१७/१८ मध्ये झालेला जलतरण तलाव २०१९ मध्ये पाणी गळती मुळे बंद करण्यात आला. सुमारे २.६३ कोटी खर्च केले त्याला पण गळती लागली..... आजतागायत शहरातील मुलामुलींना, महिलांना, जेष्ठ नागरिकांना व युवापिढी ला या जलतरण तलावाचा उपयोग झालेला नाही. शहरातील नागरिकांना एकमेव गार्डन आहे.एकमेव जलतरण तलाव आहे पण....... याचा वापर का होत नाही.......निधी खर्च करून, निधी मंजूर असूनही या सुविधा उपलब्ध असूनही त्याचा उपयोग सर्वसामान्य जनतेला होत नसेल तर तुमच्या राजकारणाचा काय उपयोग????????

**🚨 दौंड पोलिसांची मोठी कारवाई: १३ लाखांचा गांजा जप्त, फिल्मी स्टाईलने आरोपीला ठोकल्या बेड्या! 🚨** दौंड पोलिसांनी अमली पदार्थ तस्करांविरोधात मोठी मोहीम राबवत तब्बल **५२ किलो ३० ग्रॅम गांजा** पकडला आहे. पहाटेच्या सुमारास नाकाबंदी तोडून पळणाऱ्या तस्कराचा पाठलाग करून पोलिसांनी ही धडक कारवाई केली. अहिल्यानगरकडून साताऱ्याकडे गांजाची तस्करी होणार असल्याची गुप्त माहिती मिळताच, पोलीस निरीक्षक गोपाळ पवार यांच्या पथकाने दौंड-पाटस रोडवर सापळा रचला. पोलिसांना पाहून आरोपीने कारने धडक देऊन पळण्याचा प्रयत्न केला, मात्र पोलिसांनी जिवाची पर्वा न करता त्याला ताब्यात घेतले. **💰 जप्त मुद्देमाल:** 🔹 **गांजा:** ५२ किलो ३० ग्रॅम (किंमत १३ लाख ७ हजार ५०० रुपये) 🔹 **कार:** १० लाख रुपये किमतीची 'किया' कार 🔹 **आरोपी:** मुकेश धर्मिया कणोजे (वय ३६, रा. मध्य प्रदेश) पुणे ग्रामीण पोलीस अधीक्षक संदिपसिंह गिल्ल यांच्या मार्गदर्शनाखाली दौंड पोलिसांनी ही यशस्वी कारवाई केली आहे.

Post by कर्जत लाईव्ह

शिरूर { डेली न्यूज पोस्ट टीम 24} वाहतूक नियमांचे उल्लंघन करणाऱ्या वाहनचालकांविरोधात पोलिसांनी धडक कारवाई करत एकूण २८ वाहनांवर दंडात्मक कारवाई केली. या मोहिमेतून तब्बल ४५ हजार रुपयांचा दंड वसूल करण्यात आला आहे. विविध भागांत विशेष तपासणी मोहीम राबविण्यात आली. हेल्मेट न वापरणे, कागदपत्रांची अपूर्णता, सिग्नलचे उल्लंघन आदी नियमभंग करणाऱ्यांवर कारवाई करण्यात आली. वाढत्या अपघातांच्या पार्श्वभूमीवर नागरिकांनी वाहतूक नियमांचे काटेकोर पालन करावे, असे आवाहन पोलिसांकडून करण्यात आले आहे. ही कारवाई पोलीस निरीक्षक महादेव वाघमोडे यांच्या मार्गदर्शनाखाली पार पडली. यामध्ये पोलीस उपनिरीक्षक अनिल चव्हाण, मारुती पासलकर, अविनाश थोरात, सहाय्यक फौजदार दत्तात्रय शिंदे, रमेश शिंदे तसेच पोलीस अंमलदार सुरेश वळेकर, रामेश्वर आव्हाड, आकाश सवाने, अमोल रासकर, पंडित मुंडे, राम वाहेकर यांनी सहभाग घेतला.

Post by क्राईम महाराष्ट्र लाईव्ह न्यूज

भोरच्या शिक्षण क्षेत्रातील 'दीपस्तंभ' पाटील गुरुजी सेवानिवृत्त; ग्रामस्थांनी सजवलेल्या बैलगाडीतून काढली शाही मिरवणूक विक्रम शिंदे /भोर दि.२5 विद्यार्थ्यांच्या आयुष्याला दिशा देणारे, जिल्हा परिषद प्राथमिक शाळा गवडी (ता. भोर) येथील मुख्याध्यापक आणि 'जिल्हा आदर्श शिक्षक' पुरस्काराचे मानकरी पुंडलिक गोविंद पाटील यांचा सेवापूर्ती सोहळा मोठ्या उत्साहात संपन्न झाला. तब्बल साडेतीन दशकांच्या निस्पृह सेवेनंतर पाटील गुरुजी सेवानिवृत्त झाले असून, त्यांच्या निरोप समारंभाला भोर तालुक्यातील शैक्षणिक , सामाजिक क्षेत्रातील दिग्गजांनी हजेरी लावल्याचे पहावयास मिळाले.सेवानिवृत्त होत असल्याने गवडी ग्रामस्थ आणि शालेय व्यवस्थापन समितीने पाटील सरांप्रती असलेल्या आदरापोटी संपूर्ण गावाची सजावट केली होती.सरांना सजवलेल्या बैलगाडीत बसवून, ढोल-ताशांच्या गजरात संपूर्ण गावातून त्यांची मिरवणूक काढण्यात आली. यावेळी गावातील महिलांनी ठिकठिकाणी त्यांचे औक्षण केले, तर तरुणांनी पुष्पवृष्टी करत 'आदर्श गुरुजींचा' जयघोष केली. ​पुंडलिक पाटील यांनी १९९१ साली कुडली बुद्रुक (ता. भोर) येथून आपल्या ज्ञानदानाच्या पवित्र कार्याला सुरुवात केली. त्यानंतर: ​नानाची वाडी (ता. भोर) ग्रामीण भागातील मुलांमध्ये किती गुणवत्ता असू शकते याचा एक मूर्तिमंत उदाहरण त्यांनी उभं केलं इयत्ता पहिली ते चौथीतील मुले चक्क दीडशे पर्यंतचे पाढे पाठ करतात आणि याची दखल त्या वेळचे माननीय मुख्य कार्यकारी अधिकारी आणि जिल्हा परिषद अध्यक्ष यांनी घेऊन सदर विद्यार्थ्यांच्या पाढयांचे सादरीकरण जिल्हा परिषदेच्या जनरल मीटिंगमध्ये घेतले, माननीय मुख्य कार्यकारी अधिकारी माननीय अध्यक्ष व माननीय सर्व सदस्य नानाचीवाडी या शाळेतील विद्यार्थ्यांचा व मार्गदर्शक पुंडलिक गोविंद पाटील यांचा गुणगौरव करून शाळेवर पारितोषकांचा वर्षाव केला व शाळेला दोन संगणक भेट देण्यात आले अशा प्रकारे प्रोत्साहन देऊन ग्रामीण भागातील विद्यार्थ्यांमध्ये शिक्षणाची गोडी निर्माण केली. ​वाकांबे (ता. भोर): शाळा बाह्य उपक्रम राबवून शाळेचा कायापालट केला. ​जावळेवाडी (ता. खेड): आपल्या कल्पक अध्यापन शैलीने विद्यार्थ्यांचे लाडके शिक्षक बनले. ​जि. प. शाळा गवडी (ता. भोर)येथे मुख्याध्यापक म्हणून काम करताना शाळेला गुणवत्तेच्या शिखरावर नेऊन ठेवले.पाटील सरांच्या शैक्षणिक कार्याची दखल घेत शासनाने त्यांना 'जिल्हा आदर्श शिक्षक' पुरस्काराने सन्मानित केले होते.सेवापूर्ती कार्यक्रमाच्या निमित्याने सर्व क्षेत्रातील उपस्थित मान्यवरांनी पाटील सरांच्या शैक्षणिक योगदानाचे कौतुक केले. पाटील सरांसारखे कर्तव्यदक्ष शिक्षक ही शिक्षण विभागाची शिदोरी असल्याचे मत गटविकास अधिकारी चंद्रकांत विपट यांनी व्यक्त केले.यावेळी ​ जिल्हा परिषद सदस्य प्रवीण जगदाळे ,माजी सभापती सुनील भेलके भोर शिवसेना शाखाप्रमुख भरत साळुंके,पंचायत समिती गटशिक्षणाधिकारी संघरत्न सरोदे, विस्तार अधिकारी सचिन लोखंडे, विस्तार अधिकारी विजय कोळी, केंद्रप्रमुख रामदास पाटील, भोर तालुका प्राथमिक शिक्षक संघाचे अध्यक्ष सुनील लेकावळे , चांगदेव मसुरकर, पंडित गोळे, कमलाकर मोहिते , शालेय व्यवस्थापन समिती अध्यक्ष विनायक चोर, उपाध्यक्ष दीपक गोळे , समाधान शेंडगे आदी यावेळी उपस्थित होते.

Post by मन्सूर शेख