कोल्हापूर जिल्ह्यातील शेतकऱ्यांच्या ॲग्रीस्टॅक नोंदणीचे काम येत्या पंधरा दिवसांत पूर्ण करण्याचे जिल्हाधिकारी अमोल येडगे यांचे आदेश पंधरा दिवसांत ॲग्रीस्टॅक नोंदणी पूर्ण करण्याचे आदेश कोल्हापूर जिल्ह्यातील शेतकऱ्यांच्या ॲग्रीस्टॅक नोंदणीचे काम येत्या पंधरा दिवसांत पूर्ण करण्याचे निर्देश जिल्हाधिकारी अमोल येडगे यांनी संबंधित अधिकाऱ्यांना दिले आहेत. पीएम किसान पोर्टलवर नोंद असलेल्या ६ लाख ३० हजार शेतकऱ्यांपैकी सुमारे १ लाख ८२ हजार शेतकऱ्यांच्या ॲग्रीस्टॅक नोंदी अद्याप प्रलंबित असल्याची माहिती आढावा बैठकीत देण्यात आली.जिल्हाधिकारी कार्यालयातील राजर्षी शाहू सभागृहात या संदर्भात बैठक पार पडली. बैठकीस उपजिल्हाधिकारी डॉ. संपत खिलारी, जिल्हा अधीक्षक कृषी अधिकारी जालींधर पांगारे, कृषी अधिकारी अरुण भिंगारदेवे, नामदेव परीट यांच्यासह तालुका कृषी अधिकारी प्रत्यक्ष उपस्थित होते. तसेच सर्व तहसीलदार, गटविकास अधिकारी आणि सहायक निबंधक ऑनलाइन माध्यमातून सहभागी झाले होते. यावेळी जिल्हाधिकारी येडगे यांनी सांगितले की, भविष्यात कोणताही कृषी विषयक लाभ मिळविण्यासाठी ॲग्रीस्टॅक नोंदणी अनिवार्य असणार आहे. कर्जमाफीसारख्या योजनांचा लाभ देताना देखील शेतकऱ्यांची ॲग्रीस्टॅक नोंदणी पूर्ण करण्यासाठी विशेष प्रयत्न करावेत. गावस्तरावर सरपंच, स्थानिक पदाधिकारी आणि सोसायट्यांचे सचिव यांच्या सहकार्याने मोहीम राबवून उर्वरित नोंदी पूर्ण कराव्यात, असे त्यांनी निर्देश दिले.तालुकानिहाय आढावा घेताना मयत शेतकऱ्यांच्या नोंदींबाबतही सूचना देण्यात आल्या. मयत शेतकऱ्यांच्या वारसांची नोंद घेणे तसेच संपर्क होत नसलेल्या शेतकऱ्यांच्या बांधावर जाऊन नोंदणी प्रक्रिया पूर्ण करण्याचे आदेश देण्यात आले. प्रत्येक गाव कृषी सहाय्यकांना वाटप करून दररोज नोंदींचा आढावा घेण्याचेही सांगण्यात आले.ज्या गावांमध्ये ॲग्रीस्टॅक नोंदणीचे काम शंभर टक्के पूर्ण होईल, त्या गावांचा जिल्हास्तरावर सन्मान करण्यात येणार आहे. तसेच या मोहिमेत उत्कृष्ट काम करणाऱ्या अधिकारी व कर्मचाऱ्यांचाही प्रशासनाकडून गौरव केला जाणार आहे. दरम्यान, या कामाचा पुढील आढावा घेण्यासाठी १७ व २४ मार्च रोजी जिल्हाधिकारी कार्यालयात पुन्हा बैठक आयोजित करण्यात येणार आहे.

आमची मराठी.com

शिरोळ, कोल्हापूर, महाराष्ट्र•

7 hrs ago

कोल्हापूर जिल्ह्यातील शेतकऱ्यांच्या ॲग्रीस्टॅक नोंदणीचे काम येत्या पंधरा दिवसांत पूर्ण करण्याचे जिल्हाधिकारी अमोल येडगे यांचे आदेश पंधरा दिवसांत ॲग्रीस्टॅक नोंदणी पूर्ण करण्याचे आदेश कोल्हापूर जिल्ह्यातील शेतकऱ्यांच्या ॲग्रीस्टॅक नोंदणीचे काम येत्या पंधरा दिवसांत पूर्ण करण्याचे निर्देश जिल्हाधिकारी अमोल येडगे यांनी संबंधित अधिकाऱ्यांना दिले आहेत. पीएम किसान पोर्टलवर नोंद असलेल्या ६ लाख ३० हजार शेतकऱ्यांपैकी सुमारे १ लाख ८२ हजार शेतकऱ्यांच्या ॲग्रीस्टॅक नोंदी अद्याप प्रलंबित असल्याची माहिती आढावा बैठकीत देण्यात आली.जिल्हाधिकारी कार्यालयातील राजर्षी शाहू सभागृहात या संदर्भात बैठक पार पडली. बैठकीस उपजिल्हाधिकारी डॉ. संपत खिलारी, जिल्हा अधीक्षक कृषी अधिकारी जालींधर पांगारे, कृषी अधिकारी अरुण भिंगारदेवे, नामदेव परीट यांच्यासह तालुका कृषी अधिकारी प्रत्यक्ष उपस्थित होते. तसेच सर्व तहसीलदार, गटविकास अधिकारी आणि सहायक निबंधक ऑनलाइन माध्यमातून सहभागी झाले होते. यावेळी जिल्हाधिकारी येडगे यांनी सांगितले की, भविष्यात कोणताही कृषी विषयक लाभ मिळविण्यासाठी ॲग्रीस्टॅक नोंदणी अनिवार्य असणार आहे. कर्जमाफीसारख्या योजनांचा लाभ देताना देखील शेतकऱ्यांची ॲग्रीस्टॅक नोंदणी पूर्ण करण्यासाठी विशेष प्रयत्न करावेत. गावस्तरावर सरपंच, स्थानिक पदाधिकारी आणि सोसायट्यांचे सचिव यांच्या सहकार्याने मोहीम राबवून उर्वरित नोंदी पूर्ण कराव्यात, असे त्यांनी निर्देश दिले.तालुकानिहाय आढावा घेताना मयत शेतकऱ्यांच्या नोंदींबाबतही सूचना देण्यात आल्या. मयत शेतकऱ्यांच्या वारसांची नोंद घेणे तसेच संपर्क होत नसलेल्या शेतकऱ्यांच्या बांधावर जाऊन नोंदणी प्रक्रिया पूर्ण करण्याचे आदेश देण्यात आले. प्रत्येक गाव कृषी सहाय्यकांना वाटप करून दररोज नोंदींचा आढावा घेण्याचेही सांगण्यात आले.ज्या गावांमध्ये ॲग्रीस्टॅक नोंदणीचे काम शंभर टक्के पूर्ण होईल, त्या गावांचा जिल्हास्तरावर सन्मान करण्यात येणार आहे. तसेच या मोहिमेत उत्कृष्ट काम करणाऱ्या अधिकारी व कर्मचाऱ्यांचाही प्रशासनाकडून गौरव केला जाणार आहे. दरम्यान, या कामाचा पुढील आढावा घेण्यासाठी १७ व २४ मार्च रोजी जिल्हाधिकारी कार्यालयात पुन्हा बैठक आयोजित करण्यात येणार आहे.