வத்திராயிருப்பு அருகே வீடு புகுந்து தந்தை மகனை வெட்டிய வழக்கில் மேலும் இருவர் கைது  வீடு, வாகனங்களை சேதப்படுத்தியதாக 21 பேர் மீது வழக்கு வத்திராயிருப்பு அருகே கான்சாபுரத்தில் வீடு புகுந்து தந்தை மகனை வெட்டிய வழக்கில்  மேலும் இருவரை வியாழக்கிழமை போலீஸார் கைது செய்தனர். வீடு, வாகனங்களை சேதப்படுத்தியதாக 21 பேர் மீது வழக்கு பதிவு செய்து விசாரித்து வருகின்றனர். ஸ்ரீவில்லிபுத்தூர் அருகே வத்திராயிருப்பு கான்சாபுரத்தில்  பட்டாசு வெடித்ததில் ஏற்பட்ட முன் விரோதத்தில் மங்கம்மாள் கோயில் தெருவை சேர்ந்தவர் கணேச பாண்டி(49), அவரது மகன் கவுதம்(21) ஆகிய இருவரும் கடந்த 25- ம் தேதி இரவு வீட்டில் தூங்கி கொண்டிருந்த போது, இரு பைக்குகளில் வந்த 5 பேர் கொண்ட கும்பல் அரிவாள் உள்ளிட்ட ஆயுதங்களால் வெட்டி விட்டு தப்பி சென்றனர். இதுகுறித்த புகாரின் பேரில் கூமாப்பட்டி போலீஸார் கான்சாபுரம் கீழத்தெருவை சேர்ந்த கருப்பசாமி மகன் முனியசாமி, பூபதி மகன் முனியசாமி, ராஜேஷ் மகன் கண்ணபிரான், ராஜலிங்கம் மகன் ராகேஷ், முத்தையன் மகன் பிரகாஷ் ஆகிய 5 பேர் மீது கொலை முயற்சி வழக்கு பதிவு செய்தனர். நேற்று முன்தினம் கண்ணபிரான், ராகேஷ், பிரகாஷ் ஆகிய 3 பேரை கைது செய்த போலீஸார், மற்ற இருவரையும் வியாழக்கிழமை கைது செய்தனர்.  கணேசபாண்டியின் உறவினர்கள் புதன்கிழமை சம்பவத்தை கண்டித்து ஆர்ப்பாட்டம் செய்த போது, சாலையோரம் நின்றிருந்த வாகனங்கள் தாக்குதலில் சேதமடைந்தது. இதுகுறித்த புகாரின் பேரில் 21 பேர் மீது வழக்கு பதிவு செய்து விசாரித்து வருகின்றனர். இப்பிரச்சினை தொடர்பாக ஶ்ரீவில்லிபுத்தூர் வட்டாட்சியர் அலுவலகத்தில் அமைதி பேச்சுவார்த்தை நடத்தப்பட்டு சுமூக உடன்பாடு ஏற்பட்டதாக அதிகாரிகள் தெரிவித்தனர்.

Prabakaran Praba

ஸ்ரீவில்லிபுத்தூர், விருதுநகர், தமிழ்நாடு•

21 hrs ago

வத்திராயிருப்பு அருகே வீடு புகுந்து தந்தை மகனை வெட்டிய வழக்கில் மேலும் இருவர் கைது  வீடு, வாகனங்களை சேதப்படுத்தியதாக 21 பேர் மீது வழக்கு வத்திராயிருப்பு அருகே கான்சாபுரத்தில் வீடு புகுந்து தந்தை மகனை வெட்டிய வழக்கில்  மேலும் இருவரை வியாழக்கிழமை போலீஸார் கைது செய்தனர். வீடு, வாகனங்களை சேதப்படுத்தியதாக 21 பேர் மீது வழக்கு பதிவு செய்து விசாரித்து வருகின்றனர். ஸ்ரீவில்லிபுத்தூர் அருகே வத்திராயிருப்பு கான்சாபுரத்தில்  பட்டாசு வெடித்ததில் ஏற்பட்ட முன் விரோதத்தில் மங்கம்மாள் கோயில் தெருவை சேர்ந்தவர் கணேச பாண்டி(49), அவரது மகன் கவுதம்(21) ஆகிய இருவரும் கடந்த 25- ம் தேதி இரவு வீட்டில் தூங்கி கொண்டிருந்த போது, இரு பைக்குகளில் வந்த 5 பேர் கொண்ட கும்பல் அரிவாள் உள்ளிட்ட ஆயுதங்களால் வெட்டி விட்டு தப்பி சென்றனர். இதுகுறித்த புகாரின் பேரில் கூமாப்பட்டி போலீஸார் கான்சாபுரம் கீழத்தெருவை சேர்ந்த கருப்பசாமி மகன் முனியசாமி, பூபதி மகன் முனியசாமி, ராஜேஷ் மகன் கண்ணபிரான், ராஜலிங்கம் மகன் ராகேஷ், முத்தையன் மகன் பிரகாஷ் ஆகிய 5 பேர் மீது கொலை முயற்சி வழக்கு பதிவு செய்தனர். நேற்று முன்தினம் கண்ணபிரான், ராகேஷ், பிரகாஷ் ஆகிய 3 பேரை கைது செய்த போலீஸார், மற்ற இருவரையும் வியாழக்கிழமை கைது செய்தனர்.  கணேசபாண்டியின் உறவினர்கள் புதன்கிழமை சம்பவத்தை கண்டித்து ஆர்ப்பாட்டம் செய்த போது, சாலையோரம் நின்றிருந்த வாகனங்கள் தாக்குதலில் சேதமடைந்தது. இதுகுறித்த புகாரின் பேரில் 21 பேர் மீது வழக்கு பதிவு செய்து விசாரித்து வருகின்றனர். இப்பிரச்சினை தொடர்பாக ஶ்ரீவில்லிபுத்தூர் வட்டாட்சியர் அலுவலகத்தில் அமைதி பேச்சுவார்த்தை நடத்தப்பட்டு சுமூக உடன்பாடு ஏற்பட்டதாக அதிகாரிகள் தெரிவித்தனர்.