BABBAN Ali BABBAN Ali

मोईन गवळी खून प्रकरणाचा छडा लावण्यात यश दोन आरोपी गजाआड अकोला : बाळापूर पोलीस स्टेशनच्या हद्दीत २९ सप्टेंबर रोजी झालेल्या मोईन गवळी यांच्या खून प्रकरणाचा स्थानिक गुन्हे शाखेने उलगडा केला. प्रकरणातील दोन आरोपींना अटक करण्यात आली आहे. २९ सप्टेंबरच्या रात्री अमरावतीहून अर्टिगा कारने बाळापूरकडे येत असताना पारस फाटा उड्डाणपुलाजवळ रस्त्यावरून जाण्यावरून दुचाकीवरील दोघांशी वाद झाला. त्यानंतर अडाणपुलाजवळ आरोपींनी चाकूने हल्ला केल्याचा आरोप आहे. या हल्ल्यात मोईन गवळी गंभीर जखमी झाले. उपचारादरम्यान त्यांचा मृत्यू झाला. या प्रकरणात भा.न्या.सं. कलम १०३(१) अन्वये खुनाचा गुन्हा दाखल करण्यात आला. आरोपींची पूर्वओळख नसल्याने तसेच घटनास्थळी सीसीटीव्ही उपलब्ध नसल्याने तपासाचे आव्हान होते. पोलीस अधीक्षक अर्चित चांडक यांच्या सूचनेनुसार स्थानिक गुन्हे शाखेचे पोलीस निरीक्षक नितीन लेव्हळकर यांच्या नेतृत्वाखाली पथकाने माहितीदारांचे जाळे आणि तांत्रिक विश्लेषणाच्या आधारे तपास केला. त्यातून वैभव पुरुषोत्तम शितळे (२२) आणि गौरव गजानन घुगे (२६), दोघेही खडकी, अकोला, यांना ताब्यात घेण्यात आले. चौकशीत वाहनाला कट लागल्याच्या वादातून हल्ला केल्याची माहिती आरोपींनी दिल्याचे पोलिसांनी सांगितले. पुढील कारवाईसाठी दोघांना बाळापूर पोलिसांच्या स्वाधीन करण्यात आले आहे.

BABBAN Ali BABBAN Ali

दुष्काळाच्या छायेत सोयाबीनची कापणी! मिरापूरात पीक कापणी प्रयोगातून उत्पादनाची नोंद | India News R7 मूर्तिजापूर तालुक्यातील कुरूम मंडळ अंतर्गत मिरापूर येथे सोयाबीन पिकाचा पीक कापणी प्रयोग महसूल विभागाच्या वतीने नियमानुसार पार पडला. ग्राम महसूल अधिकारी प्रियंका पवार यांच्या उपस्थितीत झालेल्या या प्रयोगात महसूल विभाग, विमा कंपनीचे प्रतिनिधी, शेतकरी संघटनांचे पदाधिकारी आणि शेतकरी उपस्थित होते. युनूस शेख यांच्या शेतातील नमुन्यात ४२० ग्रॅम, तर अजहर जमील यांच्या शेतातील नमुन्यात ९५५ ग्रॅम उत्पादनाची नोंद करण्यात आली. पावसाअभावी सोयाबीनसह खरीप पिकांचे नुकसान झाल्याचा दावा शेतकरी संघटनांनी केला असून, दुष्काळग्रस्त भागांचे तातडीने सर्वेक्षण करून आर्थिक मदत, पीक विमा भरपाई, जनावरांसाठी चारा आणि पिण्याच्या पाण्याची व्यवस्था करण्याची मागणी करण्यात आली आहे. 📺 इंडिया न्यूज आर सेवन सहसंपादक : सफदर शाह व्हिडिओ आवडल्यास Like 👍 करा, Share करा आणि Channel Subscribe करा.

बेकायदेशीर गॅस रिफिलिंग अड्ड्यांवर धाड; शिवाजीनगर पोलिसांत दोन गुन्हे दाखल, ६२ हजार रुपयांचा मुद्देमाल जप्त! खामगाव : शहरातील शौकत कॉलनी आणि दाल फैल परिसरात बेकायदेशीरपणे घरगुती गॅस सिलेंडरमधून गॅसची चोरी आणि रिफिलिंग करणाऱ्या अड्ड्यांवर तहसील कार्यालयाच्या पुरवठा विभागाने मोठी कारवाई केली आहे. याप्रकरणी शिवाजीनगर पोलीस ठाण्यात दोन वेगवेगळ्या कारवायांत गुन्हे दाखल करण्यात आले असून एकूण ६२,१० रुपयांचा मुद्देमाल जप्त करण्यात आला आहे. ​मिळालेल्या गुप्त माहितीच्या आधारे ६ ऑक्टोबर रोजी सायंकाळी तहसील कार्यालयाच्या पुरवठा निरीक्षण अधिकारी रोशनी बळीराम फुलझेले यांनी पंचांसह शौकत कॉलनी व दाल फैल भागात छापे टाकला असता आरोपी मोइन खान इलीयास खान (वय २३, रा. जुनाफैल मस्तान चौक) हा इलेक्ट्रिक मोटरच्या साह्याने घरगुती गॅस सिलेंडरचे बेकायदेशीर रिफिलिंग करताना आढळून आला. त्याच्याकडून १८ हजारांची 'मेट्रो सुपर' इलेक्ट्रिक मोटर, HP कंपनीचे भरलेले गॅस सिलेंडर, इलेक्ट्रॉनिक वजन काटा व रिफिलिंग नोझल असा एकूण ३३,७०० रुपयांचा मुद्देमाल जप्त करण्यात आला. तर दुसऱ्या कारवाईत आरोपी सैयद अमीर सैयद रब्बानी (वय ७०, रा. शिवाजीनगर) याच्या अड्ड्यावर धाड टाकून ६ LPG गॅस सिलेंडर (HP व इंडेन कंपनीचे), लाल-निळ्या रंगाची इलेक्ट्रिक मोटर, वजन काटा आणि नोझलसह ३ नळ्या असा २८,४०० रुपयांचा मुद्देमाल हस्तगत करण्यात आला.​या प्रकरणी पुरवठा अधिकारी रोशनी फुलझेले यांच्या तक्रारीवरून शिवाजीनगर पोलीस ठाण्यात जीवनावश्यक वस्तू कायदा १९५५ च्या कलम ३ आणि ७ नुसार दोन्ही आरोपींविरुद्ध गुन्हे नोंदवण्यात आले आहेत.

बाभळी येथील उर्दू शाळा क्र. १० मधील शालेय पोषण आहाराच्या खिचडीत कीटक आढळल्याचा गंभीर प्रकार समोर. बाभळी येथील उर्दू शाळा क्र. १० मधील शालेय पोषण आहाराच्या खिचडीत कीटक आढळल्याचा गंभीर प्रकार समोर.

SIRच्या मुद्द्यावर महाविकास आघाडी आक्रमक; ज्ञानेश कुमार यांच्या राजीनाम्याची मागणी! बुलढाणा जिल्हाधिकारी कार्यालयासमोर जोरदार निदर्शने; प्रसेनजित पाटील यांचा केंद्र सरकारवर घणाघात... SIRच्या मुद्द्यावर महाविकास आघाडी आक्रमक; ज्ञानेश कुमार यांच्या राजीनाम्याची मागणी! बुलढाणा जिल्हाधिकारी कार्यालयासमोर जोरदार निदर्शने; प्रसेनजित पाटील यांचा केंद्र सरकारवर घणाघात... जळगाव जामोद (प्रतिनिधी) : SIR प्रक्रियेत मतदारांची नावे वगळली जात असल्याचा आरोप करत महाविकास आघाडी व संविधानप्रेमी नागरिकांनी बुलढाणा जिल्हाधिकारी कार्यालयासमोर जोरदार निदर्शने केली. मुख्य निवडणूक आयुक्त ज्ञानेश कुमार यांनी राजीनामा द्यावा, SIR प्रक्रियेला स्थगिती द्यावी आणि वगळलेली नावे मतदार यादीत पुनर्स्थापित करावीत, अशा मागण्यांचे निवेदन जिल्हाधिकाऱ्यांमार्फत राष्ट्रपतींना देण्यात आले.यावेळी राष्ट्रवादी काँग्रेसचे जिल्हाध्यक्ष प्रसेनजित पाटील यांनी निवडणूक आयोग व केंद्र सरकारवर जोरदार टीका केली. “ज्ञानेश कुमार तो झाँकी है, मोदी-शहा बाकी है,” अशी टीका करत सामान्य, गरीब व वंचित नागरिकांचा मताचा अधिकार हिरावला जात असल्याचा आरोप त्यांनी केला. मागण्या मान्य न झाल्यास आंदोलन तीव्र करण्याचा इशाराही यावेळी देण्यात आला.आंदोलनात काँग्रेस जिल्हाध्यक्ष प्रकाश पाटील, राष्ट्रवादी काँग्रेसचे नरेश शेळके, शिवसेना (उबाठा) जिल्हाप्रमुख जालिंदर बुधवत, गजानन वाघ, जयश्री शेळके, संगीतराव भोंगळ, विश्वनाथ कांबळे, दत्ता पाटील, बी.टी. जाधव, लक्ष्मणराव घुमरे, रामविजय बुरुंगले, तुकाराम काळपांडे,वर्षा इंगळे, ज्योती खेडेकर, ईरफान पठाण, आशिष वायझोडे, झिया उल हक, प्रमोद सपकाळ, सचिन बोन्द्रे, समाधान दामधर, पी.एम. जाधव, अजहर देशमुख, अनंता वाघ, महादेव भालतडक, सरस्वती बापट, सविता देशमुख यांच्यासह शेकडो कार्यकर्ते व संविधानप्रेमी नागरिक उपस्थित होते.

BABBAN Ali BABBAN Ali

*समृद्धी महामार्गावर अंमली पदार्थांविरोधात पोलिसांची धडक कारवाई; 469 किलो गांजा जप्त* *दोन वेगवेगळ्या कारवायांत तब्बल 2 कोटी 64 लाख 50 हजारांचा मुद्देमाल जप्त* वाशिम जिल्हा प्रतिनिधी विश्वास कुटे वाशिम जिल्ह्यात अंमली पदार्थांच्या तस्करीविरोधात पोलिसांनी धडक मोहीम सुरू केली असून, समृद्धी महामार्गावर 6 ऑक्टोबर रोजी केलेल्या दोन वेगवेगळ्या कारवायांमध्ये तब्बल 469 किलो गांजा आणि दोन वाहने असा एकूण 2 कोटी 64 लाख 50 हजार रुपयांचा मुद्देमाल जप्त करण्यात आला आहे. या कारवाईमुळे अंमली पदार्थांची वाहतूक करणाऱ्यांमध्ये खळबळ उडाली आहे. पोलीस अधीक्षक निकेश खाटमोडे पाटील यांनी यापूर्वी अंमली पदार्थविरोधी टास्क फोर्समध्ये कर्तव्य बजावले आहे. या अनुभवाचा फायदा वाशिम जिल्ह्यातील अंमली पदार्थांविरोधातील कारवाईला होत असून, जिल्ह्यात विविध ठिकाणी धडक कारवाया करण्यात येत आहेत. *मालेगाव हद्दीत 126 किलो गांजा जप्त* समृद्धी महामार्गावर सुरक्षिततेच्या दृष्टीने महामार्गाच्या दोन्ही बाजूंना नियमित पेट्रोलिंग नेमण्यात आले आहे. 6 ऑक्टोबर रोजी पहाटे 5 ते 5.15 वाजताच्या सुमारास मालेगाव पोलीस ठाण्याच्या हद्दीत नाईट पेट्रोलिंगदरम्यान पोलिसांना महिंद्रा मॅक्स पिकअप क्रमांक MH-12-YQ-2085 हे मालवाहू वाहन संशयास्पदरीत्या उभे असल्याचे आढळले. पोलिसांनी चालकाची चौकशी करण्याचा प्रयत्न केला असता चालक वाहन सोडून फरार झाला. त्यानंतर वाहनाची झडती घेतली असता त्यामध्ये 126 किलो गांजा आढळून आला. गांजा व वाहतुकीसाठी वापरण्यात आलेले वाहन असा एकूण 73 लाख 27 हजार रुपयांचा मुद्देमाल पोलिसांनी जप्त केला. या प्रकरणी मालेगाव पोलीस ठाण्यात गुन्हा दाखल करण्यात आला असून पुढील तपास स्थानिक गुन्हे शाखा, वाशिम यांच्याकडे सोपविण्यात आला आहे. *कारंजा हद्दीत 343 किलो गांजा पकडला* दरम्यान, मिळालेल्या गोपनीय माहितीच्या आधारे 6 ऑक्टोबर रोजी सकाळी सुमारे 10 वाजता कारंजा शहर पोलीस ठाण्याच्या हद्दीत समृद्धी महामार्गावर स्थानिक गुन्हे शाखा व कारंजा शहर पोलिसांनी संशयित वाहनांची तपासणी मोहीम राबविली. यावेळी आयशर ट्रक क्रमांक MH-04-JK-2446 थांबवून चालकाची चौकशी करण्यात आली. चालकाने आपले नाव सुनील गणपतराव सूर्यवंशी, रा. लातूर असे सांगितले. वाहनातील मालाबाबत त्याने समाधानकारक माहिती न दिल्याने पोलिसांचा संशय बळावला. वाहनाची झडती घेतली असता चालकाच्या कॅबिनमध्ये गुप्तपणे लपवून ठेवलेला 343 किलो गांजा आढळून आला. या गांजाची किंमत 1 कोटी 71 लाख 50 हजार रुपये, तर वाहनाची किंमत 30 लाख रुपये असल्याचे पोलिसांनी सांगितले. या कारवाईत एकूण 2 कोटी 1 लाख 50 हजार रुपयांचा मुद्देमाल जप्त करण्यात आला. दोन्ही कारवायांत 469 किलो गांजा* मालेगाव आणि कारंजा शहर पोलीस ठाण्याच्या हद्दीत झालेल्या या दोन्ही कारवायांमध्ये एकूण 469 किलो गांजा तसेच गांजाच्या वाहतुकीसाठी वापरण्यात आलेली दोन वाहने जप्त करण्यात आली आहेत. दोन्ही कारवायांमध्ये जप्त करण्यात आलेल्या मुद्देमालाची एकूण किंमत 2 कोटी 64 लाख 50 हजार रुपये आहे. दोन्ही प्रकरणी स्वतंत्र गुन्हे दाखल करण्यात आले असून, मालेगाव येथील गुन्ह्याचा तपास स्थानिक गुन्हे शाखेकडे, तर कारंजा येथील गुन्ह्याचा तपास कारंजा शहर पोलिसांकडे देण्यात आला आहे. या प्रकरणातील इतर आरोपी आणि अंमली पदार्थांच्या तस्करीच्या साखळीचा शोध घेण्यासाठी तपास सुरू आहे. वरिष्ठ अधिकाऱ्यांच्या मार्गदर्शनाखाली कारवाई ही कारवाई पोलीस अधीक्षक निकेश खाटमोडे पाटील यांच्या मार्गदर्शनाखाली अपर पोलीस अधीक्षक श्रीमती लता फड, उपविभागीय पोलीस अधिकारी मनीष ठाकरे (कारंजा), रामकृष्ण पवार (वाशिम), स्थानिक गुन्हे शाखेचे पोलीस निरीक्षक सुधाकर आढे, कारंजा शहरचे पोलीस निरीक्षक अमर चोरे, मालेगावचे पोलीस निरीक्षक राजेश खेरडे, जिल्हा वाहतूक शाखेचे सपोनि गोकुळसिंग राठोड यांच्यासह पोलीस अधिकारी व अंमलदारांनी केली. या कारवाईत पोउपनि निलेश जाधव, सचिन गोखले, विशाल बोरकर, तसेच पोलीस अंमलदार गजानन वाणी, धनंजय अरखराव, उमेश गिन्हे, गजानन झगरे, ज्ञानदेव मात्रे, आशिष बिडवे, सुरज खडके, गजानन अवगळे, विनोद अवगळे, दिलीप देवकते, अमोल इरतकर, गोपाल चौधरी, संदीप दुतोंडे, विठ्ठल महाले, राजकुमार यादव, शाम इंगळे, सुनील तायडे, मयुरेश तिवारी, उमेशकुमार बिबेकर, अजय धनकर, मोहम्मद परसुवाले, अमित भगत, नितीन पाटील, अनिस निन्सुरवाले, अविनाश खिराडे, पोर्णिमा मोटे, नरेंद्र खाडे यांचा सहभाग होता. अंमली पदार्थांच्या वाढत्या दुष्परिणामांच्या पार्श्वभूमीवर वाशिम पोलिसांकडून सुरू असलेल्या या कारवायांमुळे अंमली पदार्थांची तस्करी करणाऱ्यांवर मोठा दबाव निर्माण झाला आहे.