ஸ்ரீவில்லிபுத்தூரில் விவசாயிகளுக்கு தீபாவளி போனஸ் வழங்க கோரி ஆர்ப்பாட்டம் ஸ்ரீவில்லிபுத்தூர், அக்.27: ஸ்ரீவில்லிபுத்தூரில் இந்திய கம்யூனிஸ்ட் கட்சி தமிழ்நாடு விவசாய தொழிலாளர்கள் சங்கம் சார்பில் ஆர்ப்பாட்டம் நடைபெற்றது. ஸ்ரீவில்லிபுத்தூர் வட்டாட்சியர் அலுவலகம் முன்பு நடைபெற்ற ஆர்ப்பாட்டத்திற்கு இந்திய கம்யூனிஸ்ட் கட்சியின் ஒன்றிய செயலாளர் செல்வம் ,விவசாய சங்க தாலுகா தலைவர் கணேசன் ஆகியோர் தலைமை வகித்தனர்.முன்னாள் எம்எல்ஏ பொன்னு பாண்டியன்,முன்னாள் எம்பி அழகிரிசாமி ஆகியோர் ஆர்ப்பாட்டத்தை விளக்கி பேசினர். விவசாய தொழிலாளர்களுக்கு தீபாவளி போனஸ் ரூ.5 ஆயிரம் தொழிலாளர்களுக்கு போனஸ் வழங்க வேண்டும்.அந்தியோதயா அன்ன யோஜனா திட்டத்தில் தொடர்ந்து 35 கிலோ அரிசி வழங்க வேண்டும்.பழைய முறைப்படி கையொப்பம் பெற்று வேலை வழங்க வேண்டும் என்பத கோரிக்கைகளை வலியுறுத்தி ஆர்ப்பாட்டத்தில் ஈடுபட்டவர்கள் கோசமிட்டனர். இந்த ஆர்ப்பாட்டத்தில் நகரச் செயலாளர் மூர்த்தி,மம்சாபுரம் பேரூர் கழகச் செயலாளர் ராஜேந்திரசோழன் உள்பட விவசாய தொழிலாளர்கள், கட்சியினர் பலர் கலந்து கொண்டனர்.

51 min ago

Praba

ஸ்ரீவில்லிபுத்தூர், விருதுநகர், தமிழ்நாடு•

51 min ago

சபரிமலை ஐயப்பன் கோவில் மண்டல பூஜையை முன்னிட்டு தமிழகம் மற்றும் கேரளாவை இணைக்கும் கம்பம் மெட்டு மலைச்சாலையில் பல்வேறு துறைசார்ந்த அதிகாரிகளுடன் நடந்து சென்று மலைச்சாலையில் ஏற்படுத்தக்கூடிய பாதுகாப்பு பணிகள் குறித்து கம்பம் எம்.எல்.ஏ ஜெகநாத் மிஸ்ரா ஆய்வு பணிகளை மேற்கொண்டார் . சபரிமலை ஐயப்பன் கோவில் மண்டல பூஜையை முன்னிட்டு தமிழகம் மற்றும் கேரளாவை இணைக்கும் கம்பம் மெட்டு மலைச்சாலையில் பல்வேறு துறைசார்ந்த அதிகாரிகளுடன் நடந்து சென்று மலைச்சாலையில் ஏற்படுத்தக்கூடிய பாதுகாப்பு பணிகள் குறித்து கம்பம் எம்.எல்.ஏ ஜெகநாத் மிஸ்ரா ஆய்வு பணிகளை மேற்கொண்டார் . சபரிமலை ஐயப்பன் கோவிலில் நடப்பாண்டில் மண்டலம் மற்றும் மகர ஜோதி பூஜை தொடங்க உள்ளதை முன்னிட்டு, ஐயப்ப பக்தர்களின் பாதுகாப்பை உறுதி செய்யும் வகையில், ஐயப்ப பக்தர்கள் தமிழகத்தில் இருந்து தேனி மாவட்டம் வழியாக கேரளாவிற்கு செல்லும் கம்பம் மெட்டு மலைச்சாலையில் கம்பம் சட்டமன்ற உறுப்பினர் ஜெகநாத் மிஸ்ரா, பல்வேறு துறை அதிகாரிகளுடன் 10 கிலோமீட்டர் தூரம் நடந்து சென்று கள ஆய்வு பணிகளை மேற்கொண்டார். தேனி மாவட்டம் கம்பத்தில் இருந்து கேரள மாநிலம் கம்பம் மெட்டு வரை செல்லும் இந்த மலைச்சாலையில், நெடுஞ்சாலைத்துறை, வருவாய்த்துறை, வனத்துறை மற்றும் காவல்துறையினர் இணைந்து இந்த ஆய்வில் ஈடுபட்டனர். சபரிமலை மண்டல பூஜை காலத்தில் தமிழகத்தின் பல்வேறு மாவட்டங்கள் மற்றும் அண்டை மாநிலங்களில் இருந்து ஏராளமான ஐயப்ப பக்தர்கள் கம்பம் மெட்டு சாலை வழியாகச் செல்வார்கள். இதனால் வாகனப் போக்குவரத்து அதிகரிக்கும் என்பதால், பக்தர்களின் பாதுகாப்பை உறுதி செய்வதற்கான முன்னெச்சரிக்கை நடவடிக்கைகள் குறித்து அதிகாரிகளுடன் எம்.எல்.ஏ. ஆலோசனை நடத்தினார். அப்போது, சாலையோரங்களில் உள்ள புதர்களை அகற்றவும், ஆபத்தான வளைவுகளில் எச்சரிக்கைப் பலகைகள் அமைக்கவும், இரவு நேரங்களில் வாகன ஓட்டிகளுக்குத் தெளிவாகத் தெரியும் வகையில் ஒளியைப் பிரதிபலிக்கும் ஸ்டிக்கர்கள் பொருத்தவும் நடவடிக்கை எடுக்குமாறு அதிகாரிகளுக்கு அறிவுறுத்தினார். மேலும், மலைப்பாதையில் வாகனங்களை மிதமான வேகத்தில் இயக்கவும், ஆபத்தான வளைவுகளில் முந்திச் செல்வதைத் தவிர்க்கவும், சாலை விதிகளை முறையாகப் பின்பற்றவும் வாகன ஓட்டிகளிடையே விழிப்புணர்வு ஏற்படுத்த வேண்டும் என வலியுறுத்தினார். ஐயப்ப பக்தர்கள் மற்றும் பொதுமக்களின் பாதுகாப்பைக் கருத்தில் கொண்டு, அனைத்துத் துறையினரும் ஒருங்கிணைந்து செயல்பட்டு, தேவையான முன்னெச்சரிக்கை நடவடிக்கைகளை மேற்கொள்ள வேண்டும் இந்த ஆய்வின்போது, நெடுஞ்சாலைத்துறை செயற்பொறியாளர் வெங்கடேசன், கம்பம் வடக்கு காவல் நிலைய ஆய்வாளர் வெங்கடாசலம், வருவாய்த்துறை ஆய்வாளர் ரவீந்திரன், வனச்சரகர் தீனதயாளன் மற்றும் தமிழக வெற்றிக் கழக நிர்வாகிகள் உடனிருந்தனர். பேட்டி: ஜெகநாத் மிஸ்ரா கம்பம் எம் எல் ஏ

SARAVANAN K

Local News Reporter தேனி, தேனி, தமிழ்நாடு•

44 min ago