লাহৰীঘাট সমষ্টিত AGP প্ৰাৰ্থী মঃ খলিলুৰ ৰহমানৰ ব্যাপক প্ৰচাৰ। ৫৩ নং লাহৰীঘাট বিধানসভা সমষ্টিত আগন্তুক নিৰ্বাচনক কেন্দ্ৰ কৰি ৰাজনৈতিক পৰিৱেশ দিনে দিনে ব্যাপক হৈ উঠিছে।

Post by Dhiren Medhi

gorma re rasta

*ধিং সমষ্টিত এআইইউডিএফৰ প্ৰচাৰ তীব্ৰ, শতাধিক কংগ্ৰেছ কৰ্মীৰ যোগদান।* নগাঁও জিলাৰ ৫৫ নং ধিং বিধানসভা সমষ্টিত এআইইউডিএফৰ প্ৰাৰ্থী মতিউৰ ৰহমানে নিৰ্বাচনী প্ৰচাৰ জোৰদাৰ কৰি তুলিছে। তেওঁ দিনে-নিশাই সমষ্টিটোৰ বিভিন্ন অঞ্চলত প্ৰচাৰ চলাই ৰাইজৰ মাজত ব্যাপক সঁহাৰি লাভ কৰিছে। মঙলবাৰে কটহগুৰি গাঁও পঞ্চায়তৰ অন্তৰ্গত ৰৌমাৰীত ৰহমানে এটি নিৰ্বাচনী কাৰ্যালয় শুভ উদ্বোধন কৰে। এই উপলক্ষে আয়োজিত সভাত বহু লোকৰ সমাগম ঘটে। ইফালে, কটহগুৰি পঞ্চায়তৰ শতাধিক কংগ্ৰেছৰ সক্ৰিয় কৰ্মীয়ে এআইইউডিএফৰ নীতি আৰু আদৰ্শত আস্থা প্ৰকাশ কৰি আনুষ্ঠানিকভাৱে দলটোত যোগদান কৰে। নতুনকৈ যোগদান কৰা কৰ্মীসকলক মতিউৰ ৰহমানে ফুলাম গামোছা আৰু দলীয় গামোছাৰে সন্মান জনায়। সভাত ভাষণ প্ৰদান কৰি ৰহমানে সকলো কৰ্মীক দলৰ শক্তি বৃদ্ধিৰ বাবে একত্ৰিতভাৱে কাম কৰিবলৈ আহ্বান জনায়। তেওঁ কয় যে, ৰাইজৰ সহযোগত এইবাৰ এআইইউডিএফে সমষ্টিটোত উন্নয়নৰ নতুন অধ্যায় সূচনা কৰিব।

ইয়াৰ লগতে মৰিগাঁও জিলা কংগ্ৰেছৰ উপসভাপতি আজিজুৰ ৰহমান(বিল্লা), লাহৰীঘাট ব্লক কংগ্ৰেছৰ সম্পাদক আতাউৰ ৰহমানৰ, মৰিগাঁও জিলা কংগ্ৰেছৰ সেৱা দলৰ সাধাৰণ সম্পাদক ইক্ৰামুল হুছেইনৰ কংগ্ৰেছ দলৰ সকলো বিষয়বাৱৰ লগতে প্ৰাথমিক সদস্যৰ পৰা পদত্যাগ কৰে। ইয়াৰ লগতে ডাঃ ফৰিদুল হুছেইনৰ শ শ সমৰ্থকে কংগ্ৰেছৰ পৰা পদত্যাগ কৰে। লাহৰীঘাটৰ পৰা পৰিয়ালকেন্দ্ৰিক ৰাজনীতিৰ পৰিত্ৰাণ বিচাৰি কংগ্ৰেছৰ পৰা পদত্যাগ কৰে। পদত্যাগ কৰাৰ পিছত কংগ্ৰেছ কৰ্মী সকলে কংগ্ৰেছ প্ৰাৰ্থী ডাঃ আছিফ মহম্মদ নাজাৰ আৰু গৌৰৱ গগৈ মুৰ্দাবাদ ধ্বনি দিয়ে পৰিবেশ উত্তাল কৰি তোলে ।আনহাতে দলত্যাগ কৰা কংগ্ৰেছ কৰ্মী সকলে এ আই ইউ ডি এফৰ প্ৰাৰ্থী ছিদ্দিক আহমেদক সমৰ্থন কৰিব বুলি সংবাদ মাধ্যমৰ আগত প্ৰকাশ কৰে

*চামগুৰিত এ আই ইউ ডি এফৰ বিফল প্ৰচাৰ অভিযান হেলিকপ্টাৰ লৈ আধাতে উভতিল বদৰুদ্দিন আজমল* চামগুৰি বিধানসভা সমষ্টিত নিৰ্বাচনী গৰমৰ মাজতে আজি এ আই ইউ ডি এফ (AIUDF) দলৰ এক বিশেষ প্ৰচাৰ সভাই আমোদজনক মোৰ লয়। সমষ্টিটোৰ দলীয় প্ৰাৰ্থী আব্দুল আজিজৰ হৈ নিৰ্বাচনী প্ৰচাৰ চলাবলৈ অহাৰ কথা আছিল দলটোৰ মুৰব্বী তথা সাংসদ বদৰুদ্দিন আজমলৰ। কিন্তু এক নাটকীয় পৰিস্থিতিত তেওঁৰ হেলিকপ্টাৰখন আকাশৰ পৰাই পুনৰ উভতি যায়। আজি দিনৰ ভাগত চামগুৰিৰ কাৱৈমাৰীৰ সভাখনত হাজাৰ হাজাৰ সমৰ্থক বদৰুদ্দিন আজমলৰ ভাষণ শুনিবলৈ অপেক্ষা কৰি আছিল। প্ৰাৰ্থী আব্দুল আজিজৰ হৈ শক্তি প্ৰদৰ্শন কৰাৰ লক্ষ্যৰে এই বৃহৎ সভাখনৰ আয়োজন কৰা হৈছিল। খবৰ অনুসৰি, আজমলৰ হেলিকপ্টাৰখন সভাৰ স্থানলৈ বুলি ৰাওনা হৈছিল যদিও অৱতৰণ নকৰাকৈয়ে তেওঁ পুনৰ আকাশ মাৰ্গেৰে উভতি যায়। আজমলৰ আগমনক লৈ উৎসাহিত হৈ থকা এ আই ইউ ডি এফৰ কৰ্মী আৰু সমৰ্থক সকলৰ মাজত এই ঘটনাই বিৰক্তি আৰু হতাশাই বিৰাজ কৰিছে। সভাৰ স্থলীত উপস্থিত থকা বহু লোকে আশা কৰিছিল যে আজমলে তেওঁলোকৰ অঞ্চলটোৰ বাবে বিশেষ কিবা ঘোষণা কৰিব, কিন্তু হেলিকপ্টাৰ উভতি যোৱাৰ খবৰে জনসাধাৰণক আচৰিত কৰি তোলে। অৱশ্যে আজমলৰ হেলিকপ্টাৰখন কি কাৰণত অৱতৰণ নকৰাকৈ উভতি গ’ল, সেই বিষয়ে এতিয়ালৈকে দলীয় কৰ্তৃপক্ষৰ পৰা কোনো স্পষ্ট চৰকাৰী বিবৃতি প্ৰকাশ পোৱা নাই। কিছুমানৰ মতে কাৰিকৰী অসুবিধা বা বতৰৰ সমস্যা হ’ব পাৰে, আনহাতে আন একাংশই ইয়াক এক ৰাজনৈতিক কৌশল বুলিও চৰ্চা কৰিছে। প্ৰাৰ্থী আব্দুল আজিজৰ বাবে এয়া এক মোক্ষম আঘাত বুলি ধাৰণা কৰা হৈছে। নিৰ্বাচনৰ মাত্ৰ কেইটামান দিন বাকী থকা অৱস্থাত দলীয় মুৰব্বীজনৰ অনুপস্থিতিয়ে প্ৰচাৰ অভিযানত কেনে প্ৰভাৱ পেলাব, সেয়া লক্ষণীয় হ’ব।

কাৰিকৰী বিজুতিৰ বাবে হেলিকপ্টাৰ অৱতৰণ কৰিব নোৱাৰি উভতি গ'ল এ আই ইউ ডি এফ প্ৰধান বদৰ উদ্দিন আজমল

আজমলৰ নিৰ্বাচনী সভাত অথন্তৰ। প্ৰায় ২০ মিনিট সময় আকাশতে উৰি থাকিল হেলিকপ্টাৰ। অৱতৰণ কৰিব নোৱাৰি কাৱৈমাৰীৰ সভা স্থলীৰ পৰা আঁতৰি গৈছে আজমলৰ হেলিকপ্টাৰ। বৰ্তমানেও জানিব পৰা মতে যান্ত্ৰিক বিজুতিৰ বাবে অৱতৰণ কৰিব পৰা নাই হেলিকপ্টাৰ। চামগুৰিৰ কাৱৈমাৰী উচ্চতৰ মাধ্যমিক বিদ্যালয়ৰ খেল পথাৰত অনুষ্ঠিত হোৱা AIUDF ৰ সভাত অংশগ্ৰহণ কৰাৰ কথা আছিল আজমলৰ।

বঢ়মপুৰ সমষ্টিৰ ননৈ দেউৰী গাঁৱত উত্তপ্ত পৰিস্থিতি ৷ ৰাজেন গোঁহাইক পহুখেদা বিজেপি সমৰ্থকৰ ৷ বিৰুদ্ধি মিত্ৰজোঁটৰ প্ৰাৰ্থী ৰাজেন গোঁহাইৰ সন্মখত বিজেপিৰ সমৰ্থক সকলে ৰাজেন গোঁহাই গ'বেক, নাৰী কেলংকাৰী নায়ক মূৰ্দাবাদ ধ্বনি দিয়াৰ লগতে প্ৰাৰ্থী গৰাকীৰ কনভয় ৰাখি জবাবদিহি কৰে ৷ নিৰ্বাচনী প্ৰচাৰ চলাবলৈ যোৱাৰ সময়তে এই ঘটনা সংঘটিত হয় ৷