দুখনকৈ কাঠভৰ্তি বাহন জব্দ লখিমপুৰ জিলাৰ পথালিপাম বনৰক্ষীৰ লখিমপুৰ জিলাৰ পথালিপাম বনৰক্ষীৰ বৃহৎ সফলতা। জব্দ কৰে দুখনকৈ কাঠভৰ্তি বাহন। তদন্ত অব্যাহত‌।

বিহপুৰীয়া মহাবিদ্যালয়ত নৱাগত আদৰণি সভাত শৈক্ষিক বটা বিতৰণ বিহপুৰীয়াঃআজি বিহপুৰীয়া মহাবিদ্যালয়ত অনুস্হিত কৰা নৱাগত আদৰণি সভা খনত মাধৱদেৱ গৱেষনা অধ্যয়ন আৰু বৌদ্ধিক জাগৰণ পৰিষদে মাধৱদেৱ বিশ্ববিদ্যালয়ৰ অন্তৰ্গত শংকৰদেৱ মহাবিদ্যালয় খেৰাজখাট মহাবিদ্যালয় বিহপুৰীয়া মহাবিদ্যালয় মাধৱদেৱ মহাবিদ্যালয়ৰ ছাত্ৰছাত্ৰী সকলৰ মাজত অনুস্হিত কৰা ঠাইতে লিখা ৰচনা প্ৰতিযোগিতাত ১১০ গৰাকী ছাত্ৰছাত্ৰী ৰ ভিতৰত ১২ গৰাকীয়ে স্হান দখল কৰিছিল৷ ইয়াৰে প্ৰথম গৰাকী কাৱেৰী বৰাই বিহপুৰীয়া মহাবিদ্যালয়ৰ পৰা প্ৰথম স্হান দখল কৰি মহাবিদ্যালয় খনলৈ গৌৰৱ কঢ়িয়াই আনে৷ আজি শংকৰদেৱ মহাবিদ্যালয়ৰ অধ্যক্ষ ডঃ সোনাৰাম কলিতা খেৰাজখাট মহাবিদ্যালয়ৰ অধ্যক্ষ ডঃমৃদুল বুঢ়াগোহাই মাধৱদেৱ মহাবিদ্যালয়ৰ অৱসৰপ্ৰাপ্ত উপাধক্ষ্য বিৰেন্দ্ৰনাথ ভাগৱতী বিহপুৰীয়াৰ বিধায়ক ভূপেন কুমাৰ বৰা উপস্হিত থাকি এই শৈক্ষিক বটা বিতৰণ কৰে৷ মহাবিদ্যালয় খনৰ অধ্যক্ষ ডঃ অমূল্য হাজৰিকাই সঞ্চালনা কৰা সভা খনত এই অনুস্হানৰ আত ধৰে জাগৰণ পৰিষদৰ সম্পাদক মনোৰঞ্জন শৰ্মা আৰু বিনোদ কৃষ্ণ শৰ্মাই৷ নৱজ্যোতি শৰ্মা বিহপুৰীয়া৷

প্ৰধানমন্ত্ৰী নৰেন্দ্ৰ মোদীৰ সুস্বাস্থ্য আৰু দীৰ্ঘায়ু কামনাৰে অসমবাসীক ১৭ ছেপ্তেম্বৰত এগছি আশীৰ্বাদৰ বন্তি জ্বলাবলৈ আহ্বান বিজেপিৰ ৰাজ্যিক সভাপতিৰ দেশৰ যশস্বী প্ৰধানমন্ত্ৰী নৰেন্দ্ৰ মোদীয়ে সেৱা, সুশাসন আৰু দৰিদ্ৰ কল্যাণৰ হকে ২৫ বছৰ সম্পূৰ্ণ কৰাৰ সময়তে অহা ১৭ ছেপ্টেম্বৰৰ পৰা এমাহজোৰা কাৰ্যসূচীৰে নৰেন্দ্ৰ মোদীৰ ওপজা দিন উদ্‌যাপন কৰিবলৈ সমগ্ৰ দেশবাসী সাজু হৈছে। মাহজোৰা 'সেৱা সংকল্প অভিযান'ৰ এক অংশস্বৰূপে অহা ১৭ ছেপ্টেম্বৰৰ সন্ধিয়া ৬ বজাৰ পৰা ৭ বজাৰ ভিতৰত অসমবাসী ৰাইজক নিজৰ বাসভৱন, মঠ-মন্দিৰ, অনুষ্ঠান,প্ৰতিষ্ঠানত প্ৰধানমন্ত্ৰী নৰেন্দ্ৰ মোদী সুস্বাস্থ্য আৰু দীৰ্ঘায়ু কামনাৰে এগছি আশীৰ্বাদৰ বন্তি প্ৰজ্বলন কৰিবলৈ আহ্বান জনাইছে ভাৰতীয় জনতা পাৰ্টি,অসম প্ৰদেশৰ ৰাজ্যিক সভাপতি দিলীপ শইকীয়া এ৷

বামপথাৰ বেঙেনাবাৰী চৰকাৰী MVSৰ আন্তঃগাঁথনি উন্নয়নৰ আধাৰশিলা স্থাপন বিধায়ক ধৰ্মেশ্বৰ কোঁৱৰৰ:: বামপথাৰ বেঙেনাবাৰী চৰকাৰী MVSৰ আন্তঃগাঁথনি উন্নয়নৰ আধাৰশিলা স্থাপন বিধায়ক ধৰ্মেশ্বৰ কোঁৱৰৰ:: সোণাৰি বিধানসভা সমষ্টিৰ অন্তৰ্গত সাপেখাতী উন্নয়ন খণ্ডৰ বামপথাৰ বেঙেনাবাৰী চৰকাৰী MVSৰ আন্তঃগাঁথনি উন্নয়নৰ লক্ষ্যৰে আজি DAJGUA আঁচনিৰ অধীনত ৭৫ লাখ টকা ব্যয়সাপেক্ষ Major Renovation কামৰ আধাৰশিলা স্থাপন কৰা হয়। সোণাৰি সমষ্টিৰ বিধায়ক ধৰ্মেশ্বৰ কোঁৱৰে আজি আনুষ্ঠানিকভাৱে এই উন্নয়নমূলক কামৰ আধাৰশিলা স্থাপন কৰে। Tribal Affairs (Plains) বিভাগৰ অধীনত আৰু APTDC Ltd.-ৰ ৰূপায়ণত কামটো সম্পন্ন কৰা হ’ব। এই উপলক্ষে বিধায়ক ধৰ্মেশ্বৰ কোঁৱৰে কয় যে, বিদ্যালয়খনৰ আন্তঃগাঁথনি উন্নত কৰাৰ লগতে ছাত্ৰ-ছাত্ৰীসকলৰ বাবে অধিক সুন্দৰ, উন্নত আৰু সুবিধাজনক শিক্ষাৰ পৰিৱেশ সৃষ্টি কৰাই এই পদক্ষেপৰ মূল লক্ষ্য। বিদ্যালয়খনৰ উন্নয়নমূলক কামে শিক্ষাৰ্থীসকলৰ শৈক্ষিক পৰিৱেশ অধিক শক্তিশালী কৰাত গুৰুত্বপূৰ্ণ ভূমিকা পালন কৰিব বুলি তেওঁ আশা প্ৰকাশ কৰে। আধাৰশিলা স্থাপনৰ অনুষ্ঠানত বিদ্যালয়খনৰ প্ৰধান শিক্ষয়িত্ৰী মিনু ফুকন, বামপথাৰ বেঙেনাবাৰী উচ্চতৰ মাধ্যমিক বিদ্যালয়ৰ অধ্যক্ষা জুৰি দেৱী ফুকন, টাই আহোম উন্নয়ন পৰিষদৰ সদস্য গিৰিণ গগৈ, স্থানীয় সমাজকৰ্মী ৰঞ্জন বসুমতাৰী, বেঙেনাবাৰী গাঁও পঞ্চায়তৰ সভাপতি মোহন দিহিঙীয়া, লংপতীয়া গাঁও পঞ্চায়তৰ সভানেত্ৰী ৰিতুমণি বৰুৱা বসুমতাৰী, সমাজকৰ্মী পৰাগ বসুমতাৰীৰ লগতে স্থানীয় ৰাইজ, শিক্ষক-শিক্ষয়িত্ৰী আৰু ছাত্ৰ-ছাত্ৰীসকল উপস্থিত থাকে। বিদ্যালয়খনৰ আন্তঃগাঁথনি উন্নয়নৰ এই পদক্ষেপক স্থানীয় ৰাইজে আদৰণি জনোৱাৰ লগতে ইয়াৰ জৰিয়তে শিক্ষাৰ ক্ষেত্ৰত এক ইতিবাচক পৰিৱেশ সৃষ্টি হ’ব বুলি আশা প্ৰকাশ কৰে।

ফৰকাটিং ক্ৰীড়া সন্থাৰ উদ্যোগত, নুমলীগড় শোধনাগাৰ লিমিটেডৰ পৃষ্ঠপোষকতাত ফৰকাটিং বয়জ হাইস্কুল খেলপথাৰত আয়োজিত বি ডিভিজন ফুটবল ফৰকাটিং ক্ৰীড়া সন্থাৰ উদ্যোগত, নুমলীগড় শোধনাগাৰ লিমিটেডৰ পৃষ্ঠপোষকতাত ফৰকাটিং বয়জ হাইস্কুল খেলপথাৰত আয়োজিত বি ডিভিজন ফুটবল প্ৰতিযোগিতাত ঘিলাধাৰী চাহ বাগিচা ফুটবল দলে চুড়ান্ত বিজয়ীৰ খিতাপ অৰ্জন কৰিবলৈ সক্ষম হয়। আজি অনুষ্ঠিত হোৱা তুমুল প্ৰতিদ্বন্দ্বিতামূলক ফাইনেল খেলত ঘিলাধাৰী দলে মেৰাপানী টাওন ক্লাবক একমাত্ৰ গ'লত পৰাজিত কৰে। প্ৰতিযোগিতাৰ শ্ৰেষ্ঠ খেলুৱৈৰ খিতাপ লাভ কৰে ঘিলাধাৰী চাহ বাগিচা দলৰ জানটু কৰ্মকাৰে। চুড়ান্ত খেলখন শুভ উদ্বোধন কৰে গোলাঘাট জিলা ক্ৰীড়া বিষয়া বিমল গগৈয়ে। শুভাৰম্ভণি অনুষ্ঠানত গোলাঘাট জিলা ক্ৰীড়া সন্থাৰ জ্যেষ্ঠ উপ-সভাপতি ড° নৃপেন বৰুৱা, সন্থাৰ সাধাৰণ সম্পাদক সঞ্জীৱ সন্দিকৈ, জ্যেষ্ঠ সাংবাদিক, সমাজকৰ্মী দিগন্ত কুমাৰ ভূঞা, শিক্ষাবিদ চফিউল ৰহমান, জ্যেষ্ঠ সাংবাদিক দুগ্ধ দত্ত, জিলা ক্ৰীড়া সন্থাৰ ফুটবল বিভাগৰ সম্পাদক সঞ্জীৱ ভৰালী,প্ৰদীপ চাংমাই, আমজাদ খান আদিয়ে বিশিষ্ট অতিথি হিচাপে অংশগ্ৰহণ কৰে। ফৰকাটিং ক্ৰীড়া সন্থাৰ সাধাৰণ সম্পাদক প্ৰদীপ নাথে পৰিচালনা কৰা বঁটা বিতৰণী অনুষ্ঠানত কৃতজ্ঞতাসূচক বক্তব্য আগবঢ়ায় ফৰকাটিং ক্ৰীড়া সন্থাৰ সভাপতি, বিশিষ্ট ক্ৰীড়া সংগঠক যতীন বৰাই।‌ গোলাঘাটৰ পৰা চুমী দত্তৰ ৰিপোৰ্ট . . . .

দক্ষিণ মৰঙী সমবায় সমিতিয়ে ২০লিটাৰ পানী বটলৰ জৰিয়তে বিশুদ্ধ খোৱা পানী কম মূল্যত যোগান ধৰিব ৰাইজক ।খোৱা পানীৰ পানী উদ্যোগ উদ্বোধন খুমটাই সমষ্টিৰ বিধায়ক মৃণাল শইকীয়াই।

*ঐতিহাসিক ঢেকীয়াখোৱা বৰনামঘৰক পৰ্য্যটন আৰু আধ্যাত্মিকস্থলী ৰূপে গঢ়ি তোলাৰ আশ্বাস মুখ্যমন্ত্ৰী ড০ হিমন্ত বিশ্ব শৰ্মাৰ ঐতিহাসিক ঢেকীয়াখোৱা বৰনামঘৰত মুখ্যমন্ত্ৰী ড০ হিমন্ত বিশ্ব শৰ্মা৷ যোৰহাট ভ্ৰমণৰ আজি তৃতীয় দিনাৰ কাৰ্য্যসূচীত মুখ্যমন্ত্ৰী ড০ হিমন্ত বিশ্ব শৰ্মাই কলিয়াপানী আউনীআটী বিশ্ববিদ্যালয়ৰ পৰা পোনে পোনে আহি ঢেকীয়াখোৱা বৰনামঘৰত উপস্থিত হৈ চাকি, বন্তি , শৰাই নৈবেদ্য আগবঢ়াই নেদেখাজনৰ পৰা আশীষ গ্ৰহণ কৰে। উল্লেখ যে, ঢেকীয়াখোৱা বৰনামঘৰ পৰিচালনা সমিতিয়ে মুখ্যমন্ত্ৰীগৰাকীক গামোচা, সঁফুৰা চেলেং আদিৰে আদৰণি জনোৱাৰ লগতে পৰিচালনা সমিতিৰ তৰফৰ পৰা ঢেকীয়াখোৱা বৰনামঘৰক পৰ্য্যটনৰ থলী হিচাপে গঢ়ি তুলিবলৈ আৰু স্ত্ৰীট লাইট লগোৱাৰ বাবে মুখ্যমন্ত্ৰীগৰাকীক স্মাৰকপত্ৰ প্ৰদান কৰে। মুখ্যমন্ত্ৰীগৰাকীয়ে সংবাদ মাধ্যমৰ আগত বৰনামঘৰক পৰ্য্যটনস্থলীৰ লগতে আধ্যাত্মিকস্থলী হিচাপে গঢ় দিয়াৰ প্ৰচেষ্টা হাতত লোৱা হ'ব বুলি জানিবলৈ দিয়ে।

নুমলীগড়ত স্থানীয় বৈদ্যুতিক অট’ৰিক্সা চালকসকলক লৈ অনুষ্ঠিত সভাত “নুমলীগড় বৈদ্যুতিক অট’ৰিক্সা চালক সন্থা” গঠন কৰা হয়। নুমলীগড়ত বৈদ্যুতিক অট’ৰিক্সা চালক সন্থা গঠন নুমলীগড়, ১৫ ছেপ্টেম্বৰ: নুমলীগড়ত স্থানীয় বৈদ্যুতিক অট’ৰিক্সা চালকসকলক লৈ অনুষ্ঠিত সভাত “নুমলীগড় বৈদ্যুতিক অট’ৰিক্সা চালক সন্থা” গঠন কৰা হয়। সন্থাটোৰ মূল লক্ষ্য হৈছে চালকসকলৰ কল্যাণ, অধিকাৰ সুৰক্ষা, চৰকাৰী আঁচনিৰ সুবিধা লাভত সহায় আৰু চালকসকলৰ মাজত একতা বৃদ্ধি কৰা। লগতে প্ৰশিক্ষণ, স্বাস্থ্য আৰু দুৰ্ঘটনা বীমা, চাৰ্জিং সুবিধা, পৰিৱেশ সুৰক্ষা আৰু অসুস্থ-দুৰ্ঘটনাগ্ৰস্ত চালকক সহায়ৰ বাবেও পদক্ষেপ গ্ৰহণৰ পৰিকল্পনা কৰা হৈছে। সন্থাৰ সভাপতি ৰুবুল আহমেদ আৰু সাধাৰণ সম্পাদক বিকাশ তাঁতি হিচাপে দায়িত্ব গ্ৰহণ কৰে। News desk report focus axom 24 . . . . #facebookpost #nonfollowers #FocusAxom24 #highlightseveryone #everyonefollowers

বিশ্বনাথত নৱম সংখ্যক পোষণ মাহ উদযাপন। বিশ্বনাথত ৯ম ৰাষ্ট্ৰীয় পোষণ মাহৰ শুভাৰম্ভ "আমাৰ অংগনৱাড়ী আমাৰ দায়িত্ব" - এই মূলমন্ত্ৰৰে আজিৰে পৰা বিশ্বনাথ জিলাত ৯ম ৰাষ্ট্ৰীয় পোষণ মাহৰ কাৰ্যসূচী আৰম্ভ হৈছে। ভাৰত চৰকাৰৰ মহিলা আৰু শিশু বিকাশ মন্ত্ৰালয়ৰ উদ্যোগত দেশজুৰি ৯ ছেপ্টেম্বৰৰ পৰা ৮ অক্টোবৰলৈকে এই মাহজোৰা কাৰ্যসূচী পালন কৰা হৈছে। এই উপলক্ষে বিশ্বনাথ জিলা মহিলা আৰু শিশু বিকাশ বিভাগ আৰু জিলা প্ৰশাসনৰ যৌথ উদ্যোগত জিলা আয়ুক্তৰ কাৰ্যালয়ৰ সন্মিলন কক্ষত জিলা আয়ক্ত কৰবী শইকীয়া কৰনে এই কাৰ্যসূচীৰ উদ্বোধনী ভাষণৰে এক সজাগতা সভাৰ আয়োজন কৰা হয়। এইবাৰৰ পোষণ মাহৰ ৫টা মূল লক্ষ্য হৈছে - খাদ্যৰ বৈচিত্ৰ্য আৰু পৰ্যাপ্ত প্ৰ'টিন।অংগনৱাড়ী কেন্দ্ৰত সতেজ গৰম ৰন্ধা আহাৰ প্ৰদান। সমাজৰ অংশীদাৰিত্ব আৰু দায়বদ্ধতা। শিশুৰ প্ৰাৰম্ভিক বিকাশৰ বাবে পুষ্টি আৰু শিক্ষা। প্ৰধানমন্ত্ৰী মাতৃ বন্দনা যোজনাৰ ১০ বছৰীয়া সফলতা উদযাপন। অংগনৱাড়ী কেন্দ্ৰসমূহক সমাজৰ কেন্দ্ৰবিন্দু হিচাপে গঢ়ি তোলা আৰু পুষ্টিহীনতা দূৰ কৰাৰ লক্ষ্যৰে এই অভিযান চলোৱা হৈছে।

তিনিচুকীয়াৰ চহৰৰ চাইদিং বজাৰত উদ্ধাৰ হৈছে আন এটা মৃতদেহ তিনিচুকীয়াত আজি পুনৰ উদ্ধাৰ হৈছে আন এটা মৃতদেহ৷ তিনিচুকীয়াৰ AT Road ৰ পৰা Low College ৰ প্ৰৱেশ পথত চাইদিংত উদ্ধাৰ হয় মৃতদেহটো৷ মৃতদেহটো পৰিয়ালৰ লোকে নিউ ডেভেলপমেণ্টৰ অশোক মাহাতু চিনাক্ত কৰিছে৷ লোকজনৰ শৰীৰত চোকা অস্ত্ৰই আঘাত কৰা চিন স্পষ্ট হৈ পৰাক লৈ এয়া এক হত্যাকাণ্ড বুলি সন্দেহ কৰিছে পৰিয়ালৰ লোকে৷ ইতিমধ্যে ঘটনাস্থলীত তিনিচুকীয়া আৰক্ষী, ফৰেনছিকৰ দ’ল উপস্থিত হৈ আৰম্ভ কৰিছে তদন্ত৷ ইফালে, মংগলবাৰেও হিজুগুৰিত ৰাষ্ট্ৰীয় ঘাইপথৰ কাষত উদ্ধাৰ হৈছিল আন এটা মৃতদেহ৷ তিনিচুকীয়াত সঘনাই সংঘটিত হোৱা এনেধৰণৰ ঘটনাই সাধাৰণ জনতাৰ মাজত তীব্ৰ চাঞ্চল্যই বিৰাজ কৰিছে৷