వర్ధన్నపేటలో భారీగా గంజాయి పట్టివేత.. 129 కిలోలు స్వాధీనం, ఇద్దరు అరెస్ట్ వరంగల్ జిల్లా: వర్ధన్నపేట పట్టణంలోని వరంగల్–ఖమ్మం జాతీయ రహదారిపై ఈగల్ ఫోర్స్ పోలీసులు భారీగా గంజాయిని పట్టుకున్నారు. విశ్వసనీయ సమాచారం మేరకు పోలీసులు వాహన తనిఖీలు నిర్వహించారు. ఈ క్రమంలో ఖమ్మం వైపు నుంచి వరంగల్ వస్తున్న మారుతి సుజుకి ఎర్టిగా కారును ఆపి తనిఖీ చేయగా, కారులోని వెనుక భాగంలో 61 ప్యాకెట్లలో దాచిన 129.334 కిలోల గంజాయి బయటపడింది. గంజాయి అక్రమ రవాణాకు పాల్పడుతున్న కేరళకు చెందిన సాయుజ్ (33), బెసలెల్ సి. మాథ్యూ (38)లను పోలీసులు అరెస్ట్ చేశారు. స్వాధీనం చేసుకున్న గంజాయి విలువ సుమారు రూ.64.66 లక్షలు ఉంటుందని అధికారులు తెలిపారు. గంజాయి తరలింపునకు ఉపయోగించిన కారుతో పాటు రెండు మొబైల్ ఫోన్లను స్వాధీనం చేసుకున్నారు. పోలీసుల ప్రాథమిక దర్యాప్తులో ఒడిశాలోని చిత్రకొండ, దారకొండ ప్రాంతాల నుంచి గంజాయిని కొనుగోలు చేసి బెంగళూరు మీదుగా కేరళకు తరలించేందుకు నిందితులు ప్రయత్నించినట్లు వెల్లడైంది. ఈ వ్యవహారంలో అజిత్, విక్కీ అనే మరో ఇద్దరు వ్యక్తులు పరారీలో ఉన్నట్లు పోలీసులు తెలిపారు. వారి కోసం ప్రత్యేక బృందాలతో గాలింపు చర్యలు చేపట్టారు. నిందితులపై ఎన్‌డీపీఎస్ చట్టం కింద కేసు నమోదు చేసి రిమాండ్‌కు తరలించనున్నట్లు అధికారులు వెల్లడించారు. గంజాయి సరఫరా, రవాణా, విక్రయాల వెనుక ఉన్న ఇతర వ్యక్తుల పాత్రపై కూడా దర్యాప్తు కొనసాగుతోందని ఈగల్ ఫోర్స్ డీఎస్పీ పి. రమేష్ కుమార్ తెలిపారు.

M D Azizuddin

జర్నలిస్ట్ వర్ధన్నపేట, వరంగల్, తెలంగాణ•

1 hr ago

వర్ధన్నపేటలో భారీగా గంజాయి పట్టివేత.. 129 కిలోలు స్వాధీనం, ఇద్దరు అరెస్ట్ వరంగల్ జిల్లా: వర్ధన్నపేట పట్టణంలోని వరంగల్–ఖమ్మం జాతీయ రహదారిపై ఈగల్ ఫోర్స్ పోలీసులు భారీగా గంజాయిని పట్టుకున్నారు. విశ్వసనీయ సమాచారం మేరకు పోలీసులు వాహన తనిఖీలు నిర్వహించారు. ఈ క్రమంలో ఖమ్మం వైపు నుంచి వరంగల్ వస్తున్న మారుతి సుజుకి ఎర్టిగా కారును ఆపి తనిఖీ చేయగా, కారులోని వెనుక భాగంలో 61 ప్యాకెట్లలో దాచిన 129.334 కిలోల గంజాయి బయటపడింది. గంజాయి అక్రమ రవాణాకు పాల్పడుతున్న కేరళకు చెందిన సాయుజ్ (33), బెసలెల్ సి. మాథ్యూ (38)లను పోలీసులు అరెస్ట్ చేశారు. స్వాధీనం చేసుకున్న గంజాయి విలువ సుమారు రూ.64.66 లక్షలు ఉంటుందని అధికారులు తెలిపారు. గంజాయి తరలింపునకు ఉపయోగించిన కారుతో పాటు రెండు మొబైల్ ఫోన్లను స్వాధీనం చేసుకున్నారు. పోలీసుల ప్రాథమిక దర్యాప్తులో ఒడిశాలోని చిత్రకొండ, దారకొండ ప్రాంతాల నుంచి గంజాయిని కొనుగోలు చేసి బెంగళూరు మీదుగా కేరళకు తరలించేందుకు నిందితులు ప్రయత్నించినట్లు వెల్లడైంది. ఈ వ్యవహారంలో అజిత్, విక్కీ అనే మరో ఇద్దరు వ్యక్తులు పరారీలో ఉన్నట్లు పోలీసులు తెలిపారు. వారి కోసం ప్రత్యేక బృందాలతో గాలింపు చర్యలు చేపట్టారు. నిందితులపై ఎన్‌డీపీఎస్ చట్టం కింద కేసు నమోదు చేసి రిమాండ్‌కు తరలించనున్నట్లు అధికారులు వెల్లడించారు. గంజాయి సరఫరా, రవాణా, విక్రయాల వెనుక ఉన్న ఇతర వ్యక్తుల పాత్రపై కూడా దర్యాప్తు కొనసాగుతోందని ఈగల్ ఫోర్స్ డీఎస్పీ పి. రమేష్ కుమార్ తెలిపారు.