ફરિયાદ નોંધાવી

અમદાવાદ બસટેજ

પાટણ: પાટણ જિલ્લામાં સ્થાનિક સ્વરાજ્યની સંસ્થાઓની સામાન્ય અને પેટા ચૂંટણીઓ માટેની મતદાન પ્રક્રિયા આજે અત્યંત શાંતિપૂર્ણ, સુવ્યવસ્થિત અને ઉત્સાહવર્ધક વાતાવરણમાં સંપન્ન થઈ છે. વહેલી સવારથી જ પ્રારંભ થયેલા આ મતદાનમાં નાગરિકોએ કાળઝાળ ગરમીની પરવા કર્યા વિના લોકશાહીના પર્વમાં પોતાની સક્રિય ભાગીદારી નોંધાવી હતી. સમગ્ર જિલ્લામાં કાયદો અને વ્યવસ્થાની સ્થિતિ જળવાઈ રહી હતી અને વહીવટીતંત્રના સુચારૂ આયોજનને પરિણામે પ્રક્રિયા નિર્વિઘ્ને પૂર્ણ થઈ છે. આંકડાકીય વિગતો અનુસાર, પાટણ જિલ્લા પંચાયતની ૩૨ અને વિવિધ તાલુકા પંચાયતોની ૧૬૫ બેઠકો માટે ૧૦૯૯ મતદાન મથકો પર મતદાન યોજાયું હતું. સાંજે ૬:૦૦ વાગ્યા સુધીના અંદાજિત આંકડા મુજબ, જિલ્લા પંચાયત માટે આશરે ૬૩.૦૦% મતદાન નોંધાયું છે. તાલુકા પંચાયતોમાં સરેરાશ ૬૩.૨૬% મતદાન થયું છે, જેમાં પાટણ તાલુકામાં ૬૪.૦૪%, હારીજમાં ૬૬.૪૩% અને શંખેશ્વરમાં ૬૫.૧૫% સાથે નોંધપાત્ર જનજાગૃતિ જોવા મળી છે. નગરપાલિકાઓની વાત કરીએ તો, જિલ્લાની ૩ નગરપાલિકાઓની ૮૧ બેઠકો માટે સરેરાશ ૬૩.૧૧% મતદાન નોંધાયું છે. જેમાં સિદ્ધપુર નગરપાલિકા ૬૭.૧૬% મતદાન સાથે મોખરે રહી છે, જ્યારે પાટણ નગરપાલિકામાં ૬૨.૧૭% અને રાધનપુર પેટા ચૂંટણીમાં ૪૬.૯૩% મતદાન થયું છે. ગ્રામ્ય અને શહેરી એમ બંને ક્ષેત્રોમાં મતદારોએ પોતાના મતાધિકારનો વિનિયોગ કરી લોકશાહી પ્રણાલીને વધુ સશક્ત બનાવી છે. જિલ્લા ચૂંટણી તંત્ર દ્વારા આ ભગીરથ કાર્યને સફળ બનાવવા માટે તમામ મતદાન મથકો પર સઘન સુરક્ષા અને પાયાની સુવિધાઓ સુનિશ્ચિત કરવામાં આવી હતી. જિલ્લા વહીવટીતંત્રએ મતદારોની આ ઉત્સાહપૂર્ણ સહભાગિતાને બિરદાવી છે અને લોકશાહીના આ મહાકુંભને સફળ બનાવવા બદલ સમગ્ર જિલ્લાની જનતાનો આભાર વ્યક્ત કર્યો છે. નોંધનીય છે કે આ આંકડાઓ પ્રાથમિક અને અંદાજિત છે, જે આખરી ચકાસણી બાદ પૂર્ણ જાહેર કરવામાં આવશે. પાટણ રિપોર્ટર વિજય વડલિયા

મુંબઈના ૨.૬૬ કરોડના ડ્રગ્સ કેસમાં ફરાર આરોપીને મહેસાણાની ઉનાવા પોલીસે ઝડપી પાડ્યો મહારાષ્ટ્રના મુંબઈ ખાતે નોંધાયેલ કરોડો રૂપિયાના ડ્રગ્સના ગુનામાં છેલ્લા કેટલાક સમયથી નાસતા ફરતા રીઢા ગુનેગારને ઝડપી પાડવામાં ઉનાવા પોલીસને મોટી સફળતા મળી છે. નયાનગર પોલીસ સ્ટેશનમાં નોંધાયેલ ૨,૬૬,૧૭,૨૮૦/- રૂપિયાના એમ.ડી. ડ્રગ્સના કેસમાં સંડોવાયેલ આ આરોપી ઉનાવાની એક હોટલમાં છુપાયો હોવાની બાતમીના આધારે પોલીસે આ ઓપરેશન પાર પાડ્યું હતું. ગુનાની વિગત અને પોલીસ કાર્યવાહી મુંબઈના નયાનગર પોલીસ સ્ટેશનમાં ગત તા. ૦૪/૦૪/૨૦૨૬ના રોજ એન.ડી.પી.એસ. એક્ટ હેઠળ ગુનો નોંધવામાં આવ્યો હતો. આ કેસમાં આશરે ૨.૬૪ કરોડની કિંમતનો સફેદ પાવડર (એમ.ડી. ડ્રગ્સ) સહિત કુલ ૨.૬૬ કરોડથી વધુનો મુદ્દામાલ જપ્ત કરવામાં આવ્યો હતો. આ ગંભીર ગુનામાં સંડોવાયેલ આરોપી મોહમદ વસીમ યુસુફ શેખ (ઉં.વ. ૩૩) પોલીસની ધરપકડથી બચવા માટે નાસતો ફરતો હતો. ગાંધીનગર રેન્જ આઈ.જી. વિરેન્દ્રસિંહ યાદવ અને મહેસાણા પોલીસ અધિક્ષક હિમાંશુ સોલંકીની સૂચના મુજબ, સ્થાનિક સ્વરાજની ચૂંટણીની ફરજમાં રહેલા ઉનાવા પોલીસ સ્ટાફને ખાનગી રાહે બાતમી મળી હતી. બાતમી મુજબ, આરોપી ઉનાવાની 'ડીસેન્ટ હોટલ' માં રોકાયેલ છે. જેવી ચોક્કસ હકીકત મળતા જ પોલીસ સબ ઇન્સ્પેક્ટર એસ.વી. પઢારીયાના માર્ગદર્શન હેઠળ ટીમે હોટલ પર દરોડો પાડી આરોપીને દબોચી લીધો હતો. આરોપીની ઓળખ નામ: મોહમદ વસીમ યુસુફ શેખ (ઉં.વ. ૩૩) હાલનું સરનામું: ઓમકાર બિલ્ડિંગ, શાંતિ ગાર્ડન પાસે, મીરા રોડ, મુંબઈ મૂળ રહેવાસી:** કેશવરાવ કદમ માર્ગ, મુંબઈ સેન્ટ્રલ, મહારાષ્ટ્ર આગળની કાર્યવાહી ઉનાવા પોલીસે આરોપી વિરુદ્ધ ભારતીય નાગરિક સુરક્ષા સંહિતા ૨૦૨૩ની કલમ ૩૫ ( ૧ ) ( જે ) મુજબ કાર્યવાહી કરી છે. આ ધરપકડ અંગે મહારાષ્ટ્રની નયાનગર પોલીસને જાણ કરવામાં આવી છે અને આગળની તપાસ માટે તેને મુંબઈ પોલીસને સોંપવાની તજવીજ હાથ ધરવામાં આવી છે. આ સમગ્ર સફળ કામગીરીમાં ઉનાવા પોલીસ સ્ટેશનના પીએસઆઈ એસ.વી. પઢારીયા, હેડ કોન્સ્ટેબલ ભગવાનભાઇ સોમાભાઇ, કોન્સ્ટેબલ રમેશભાઇ, ધવલકુમાર અને ડ્રાઈવર વિજયકુમાર સહિતના સ્ટાફ જોડાયો હતો. રિપોર્ટર ભાવિન ભાવસાર મહેસાણા

Post by Dabhi dashubha

વાતમ તાલુકા પંચાયત સીટ ઉપર કોંગ્રેસ પાર્ટીના ઉમેદવાર નું પલડું ભારી દિયોદર તાલુકા પંચાયત ની વાતમ સીટ પરથી કોંગ્રેસ પાર્ટીના ઉમેદવાર નારણભાઈ શિવાભાઈ ભુરીયા ચૂંટણી મેદાનમાં ઉતર્યા હતા, તેઓ પૂર્વ ધારાસભ્ય શિવાભાઈ ભુરીયા ના પુત્ર છે, દિયોદર માર્કેટયાર્ડ સમિતિના ડિરેક્ટર પણ છે, તેમને કોંગ્રેસ પક્ષ તરફથી વાતમ સીટ પરથી કોંગ્રેસ પાર્ટીના ઉમેદવાર તરીકે પ્રસંગી થતા તેમના સમર્થકો અને કાર્યકરોમાં ખુશી જોવા મળી હતી, તેમના સરળ સ્વભાવ થી નાની ઉમરે ખૂબ જ લોક ચાહના મેળવી છે, મતદાન ના દિવસે કોંગ્રેસ પાર્ટી તરફ મતદાન થતા તેમણે મતદારો નો આભાર વ્યક્ત કર્યો હતો, અને સહુ કોઈ તેમને જીત ના આશીર્વાદ આપી રહ્યા છે,

👉 ભાભર નગરપાલિકાની ચુંટણીમાં અને તાલુકા-જિલ્લા પંચાયત... 👉 ઉનાળાની કાળઝાળ ગરમીમાં પણ મતદારોએ મતદાન કરીને... 👉 ભાભરના વોર્ડ નંબર ત્રણમાં સૌથી વધુ મતદાન થયુ.. એવીએમ મશીનો સીલ...

કડી નગરપાલિકાના 2 વોર્ડમાં 65.79 ટકા મતદાન તાલુકા પંચાયતની બેઠકોનું સૌથી વધુ 74.91 ટકા મતદાન નોંધાયું.કડી તાલુકા પંચાયત અને કડી નગરપાલિકામાં સ્થાનિક સ્વરાજ્યની ચૂંટણીઓ રવિવારે શાંતિપૂર્ણ માહોલમાં યોજાઇ ગઈ. મહેસાણા જિલ્લાની 10 તાલુકા પંચાયતોમાં સૌથી વધુ કડી તાલુકાનું મતદાન નોંધાયું હતું.જો કે કાળઝાળ ગરમી વચ્ચે મતદારોમાં ઉત્સાહ જોવા મળ્યો હતો.સવારથી જ મતદાન મથક ઉપર લાંબી લાઈનો લાગી હતી.કડી તાલુકા પંચાયતની 29 બેઠકો અને જિલ્લા પંચાયતની 7 બેઠકો માટે કુલ 237 બુથ ઉપર મતદાન થયું હતું. જ્યારે કડી નગરપાલિકાના વોર્ડ નંબર 2 અને 5 માં ફુલ 14 મતદાન બુથ ઉપર મતદાન થયું હતું.અહીં પણ સવારના સમયે મતદારોનો ઘસારો જોવા મળ્યો હતો પરંતુ બપોરે ગરમીના કારણે સંખ્યામાં ઘટાડો થયો હતો. મતદાન પુરું થતાં 65 ટકા મતદાન નોંધાયુ હતું.કડી તાલુકા પંચાયત અને જિલ્લા પંચાયતની બેઠકોનું મતદાન પૂર્ણ થતા EVM મશીનો અને બુથ કર્મચારીઓને રૂટ મુજબ એસ.ટી બસ મારફતે કડી કરણનગર રોડ પર આવેલ સેવાસદન મામલતદાર કચેરી ખાતે પહોંચાડવામાં આવ્યા હતા.

Post by Pankaj Parmar