ఖమ్మం: జాతీయ రహదారిపై ఘోర రోడ్డు ప్రమాదం... సీసీ ఫుటేజ్ ఇదే! ఖమ్మం- హైదరాబాద్ హైవేపై పిల్లలమర్రి సమీపంలో జరిగిన రోడ్డు ప్రమాదంలో ఖమ్మంకు చెందిన వైద్యుడు జగదీష్ మృతి చెందిన విషయం తెలిసిందే. అందుకు సంబంధించిన సీసీ ఫుటేజ్ పోలీసులు విడుదల చేశారు. హైదరాబాద్ నుంచి ఖమ్మం వైపు వెళ్తున్న కారు అదుపుతప్పి రోడ్డు మధ్యలోని డివైడర్‌ను వేగంగా ఢీకొట్టింది. దీంతో కారులో ఒక్కసారిగా పెద్ద ఎత్తున మంటలు చెలరేగాయి. ప్రమాదంలో ఖమ్మం నగరంలో మమత హాస్పిటల్‌లో న్యూరో సర్జన్‌గా సేవలు అందిస్తున్న న్యూరో సర్జన్‌ జగదీశ్‌ సజీవ దహనమయ్యారు.

ఖమ్మంలో పేదల ఇళ్ల కూల్చివేతపై పువ్వాడ ఫైర్..! | పేదల పక్షాన బీఆర్ఎస్ పోరాటం | Puvvada Ajay Kumar ఖమ్మంలో పేదల ఇళ్ల కూల్చివేతపై మాజీ మంత్రి పువ్వాడ అజయ్ కుమార్ తీవ్ర ఆగ్రహం వ్యక్తం చేశారు. అధికారుల సమన్వయ లోపం, పాలకుల నిర్లక్ష్యం కారణంగానే పేదల ఇళ్లను కూల్చివేస్తున్నారని ఆయన ఆరోపించారు. పేదల పక్షాన బీఆర్ఎస్ పార్టీ ఎప్పటికీ పోరాడుతుందని స్పష్టం చేశారు. ఖమ్మం నగరంలోని శ్రీనివాసనగర్, వెలుగుమట్ల తదితర ప్రాంతాల్లో పేదలు ఎంతో కష్టపడి నిర్మించుకున్న ఇళ్లను కూల్చివేయడం బాధాకరమని పువ్వాడ అజయ్ అన్నారు. గత బీఆర్ఎస్ ప్రభుత్వ హయాంలో సీఎం కేసీఆర్ దృష్టికి సమస్యను తీసుకెళ్లి, GO-58 ద్వారా అర్హులైన పేదలకు స్థల క్రమబద్ధీకరణ పట్టాలు అందించిన విషయాన్ని గుర్తు చేశారు. శ్రీనివాసనగర్ పరిసర ప్రాంతాల్లో 696 మంది పేద కుటుంబాలు లబ్ధి పొందిన విషయాన్ని అధికారులు గుర్తించారని తెలిపారు. కోర్టు ఆదేశాల మేరకు వారం రోజుల్లో సమగ్ర నివేదిక సిద్ధం చేసి, బాధిత పేదలకు న్యాయం చేయాలని అధికారులను కోరారు. అలాగే బాధిత కుటుంబాలతో పువ్వాడ అజయ్ కుమార్ ముఖాముఖి కార్యక్రమం నిర్వహించి వారి సమస్యలను అడిగి తెలుసుకున్నారు. పేదలు కట్టుకున్న ఇళ్లకు రక్షణ కల్పించాలని న్యాయస్థానాన్ని, అధికారులను చేతులు జోడించి విజ్ఞప్తి చేశారు. ఈ కార్యక్రమంలో ఆర్జేసీ కృష్ణ, పగడాల నాగరాజు, బచ్చు విజయ్ కుమార్, పాలడుగు పాపారావు, మాటేటి నాగేశ్వరరావు, మండడుపు రామకృష్ణ, ఖయ్యూమ్, మెంతుల శ్రీశైలం, దడాల రఘు, మస్తాన్, వెంకటేశ్వర్లు, మాటూరి లక్ష్మీనారాయణ, లీగల్ సెల్ నిరోషా, తిరుమల్ రావు, సుగుణరావు తదితరులు పాల్గొన్నారు.

యాతాలకుంట వద్ద టన్నెల్ పనులను మంత్రి తుమ్మల నాగేశ్వరరావు తనిఖీ చేశారు. యాతాలకుంట వద్ద టన్నెల్ పనులను మంత్రి తుమ్మల నాగేశ్వరరావు సోమవారం తనిఖీ చేశారు. ములకలపల్లి మండలం కమలాపురం సీతారామ పంప్ హౌస్ వద్ద అధికారులతో సమీక్ష నిర్వహించనున్న నేఫథ్యంలో టన్నెల్ పనుల పురోగతిని అడిగి తెలుసుకున్నారు. ఆయన వెంట ఎమ్మెల్యే జారె ఆదినారాయణ, భద్రాద్రి కలెక్టర్ అంకిత్ ఉన్నారు.

యూపీఐ పేమెంట్ ల మీద 2000 రూపాయల లోపు ట్రాన్సాక్షన్ మీద ఎటువంటి పన్నులు లేవని కేంద్ర ప్రభుత్వం ప్రకటించినది: వంగవీటి

కోదాడలో భారీ అగ్నిప్రమాదం. 4 ఎలక్ట్రిక్ స్కూటీలు దగ్ధం... సూర్యాపేట సిటీ' సెప్టెంబరు 21: కోదాడ పట్టణంలోని హుజూర్ నగర్ రోడ్డు టీచర్స్ కాలనీలోని తెల్లవారుజామున HR ఈవీ మోటార్స్ షోరూమ్ లో షార్ట్ సర్క్యూట్తో నాలుగు ఎలక్ట్రిక్ స్కూటీలు దగ్ధమయ్యాయి. ఈ ఘటనలో రూ.3 లక్షల ఆస్తి నష్టం జరిగినట్లు సమాచారం. మంటలు చెలరేగడంతో స్థానికులు అగ్నిమాపక సిబ్బందికి సమాచారం అందించారు. వెంటనే చేరుకున్న సిబ్బంది మంటలను అదుపులోకి తెచ్చారు. షోరూమ్లో వినాయకుడి విగ్రహం కూడా పూర్తిగా కాలిపోయింది.

10 క్వింటాళ్ల అన్నంతో 8 రకాల వెరైటీలు – 8,000 మందికి అన్నప్రసాద వితరణ 21 సెప్టెంబర్ 2026 *లయన్స్ క్లబ్ తొర్రూర్ వినాయక ఫ్రెండ్స్ ఆధ్వర్యంలో ఘనంగా మహా అన్నదానంతొర్రూర్: గణపతి నవరాత్రి ఉత్సవాల్లో భాగంగా లయన్స్ క్లబ్ వినాయక ఫ్రెండ్స్ ఆధ్వర్యంలో మహా అన్నదాన కార్యక్రమాన్ని అత్యంత భక్తిశ్రద్ధలతో, సేవా స్ఫూర్తితో ఘనంగా నిర్వహించారు. ఈ కార్యక్రమం లో లయన్స్ క్లబ్ రిజియన్ చైర్మన్ లయన్ డా. నాగవాణి ముఖ్య అతిధిగా పాల్గొని హిందూ సంప్రదాయంలో అన్నదానానికి విశిష్టమైన ప్రాధాన్యత ఉందని, అన్నదానం మహాదానంగా భావిస్తారని అన్నారు.ఆకలితో ఉన్న వారికి ఆహారం అందించడం ద్వారా మానవసేవే మాధవసేవ అనే భావనను చాటిచెప్పడమే ఈ మహా అన్నదాన కార్యక్రమం ముఖ్య ఉద్దేశమని క్లబ్ అధ్యక్షుడు లయన్ వనం మోహన్ వివరించారు. గణపతి నవరాత్రి ఉత్సవాలకు తరలివచ్చే భక్తులకు ఎలాంటి ఇబ్బంది కలగకుండా, అందరికీ ఆత్మీయంగా అన్నప్రసాదం అందించాలనే సంకల్పంతో ఈ కార్యక్రమాన్ని ఏర్పాటు చేశామని,భక్తులు, పేదలు, వృద్ధులు, మహిళలు, చిన్నారులు అనే తేడా లేకుండా ప్రతి ఒక్కరికీ అన్నప్రసాదాన్ని అందించడం ద్వారా సమాజంలో సేవాభావం, ఆధ్యాత్మికత, సోదరభావాన్ని పెంపొందించేలా కార్యక్రమాన్ని నిర్వహించాము అని క్లబ్ చార్టెడ్ ప్రెసిడెంట్ లయన్ కందకట్ల సోమశేఖర్ అన్నారు. ఈ సందర్భంగా సుమారు 10 క్వింటాళ్ల అన్నంతో 8 రకాల వెరైటీ వంటకాలను సిద్ధం చేసి, దాదాపు 8,000 మంది భక్తులకు అన్నప్రసాదాన్ని వితరణ చేయడం జరిగింది అని భారీ సంఖ్యలో భక్తులు పాల్గొని అన్నప్రసాదాన్ని స్వీకరించారు అని క్లబ్ పాస్ట్ ప్రెసిడెంట్ లయన్ పద్మం యాదగిరి తెలిపారు. అన్నదాన కార్యక్రమం కేవలం ఆహారం అందించడమే కాకుండా, ఒకరికి ఒకరు తోడుగా నిలిచి సేవ చేయాలనే మానవతా విలువలను చాటిచెప్పే కార్యక్రమమని క్లబ్ సభ్యులు తెలిపారు. గణపతి ఆశీస్సులతో ప్రతి ఒక్కరి జీవితాల్లో సుఖశాంతులు, ఆయురారోగ్యాలు కలగాలని ఆకాంక్షించారు. ఈ మహా అన్నదాన కార్యక్రమం విజయవంతం కావడానికి సహకరించిన దాతలు, భక్తులు, వంట నిర్వాహకులు, వాలంటీర్లు, లయన్స్ క్లబ్ వినాయక ఫ్రెండ్స్ సభ్యులు ప్రత్యేక కృతజ్ఞతలు తెలిపారు.ఈ కార్యక్రమంలో ప్రధాన కార్యదర్శి లయన్ పారిపల్లి శ్రావణ్ కుమార్,కోశాధికారి లయన్ దొడ్డ సిద్దూ, ఉపాధ్యక్షులు లయన్ బుదారపు శ్రీనివాస్, లయన్ రాగి శ్రీనివాస చారి,లయన్ బుదారపు పద్మ, సహాయ కార్యదర్శి లయన్ కందకట్ల సులోచన, సహాయ కోశాధికారి లయన్ పద్మం అనురాధ లయన్స్ సభ్యులు లయన్ ఆడెపు స్వామి, లయన్ బీజ్జల సోమయ్య, లయన్ పట్టురి సోమయ్య, లయన్ బైరు సతీష్, లయన్ మహిళా సభ్యులు లయన్ రాజేశ్వరి, లయన్ శైలజ, లయన్ శ్రీదేవి తదితరులు పాల్గొన్నారు.

గార్ల మండలాన్ని కరువు మండలంగా ప్రకటించి విపత్తు నిర్వహణ నిధులు మంజూరు చేయాలి... -CPM ఆధ్వర్యంలో MPDO కార్యాలయం ఎదుట ధర్నా,గ్రీవెన్స్ లో వినతి... గార్ల మహబూబాబాద్ సెప్టెంబర్ 21.. ఎల్ నీనో ప్రభావంతో గార్ల ఏజెన్సీ మండలంలో పంటలు పండని పరిస్థితి ఉందని వెంటనే కేంద్ర,రాష్ట్ర ప్రభుత్వాలు మండలాన్ని కరువు మండలంగా ప్రకటించి వెంటనే విపత్తు నిర్వహణ నిధులు మంజూరు చేయాలని CPM జిల్లా కార్యదర్శి వర్గ సభ్యులు కందునూరి శ్రీనివాస్,మండల కార్యదర్శి అలవాల సత్యవతిలు డిమాండ్ చేశారు.మండలాన్ని కరువు మండలంగా ప్రకటించాలని CPM ఆధ్వర్యంలో MPDO కార్యాలయం ఎదుట ఆందోళన నిర్వహించి,గ్రీవెన్స్ లో అధికారులకు వినతి పత్రం అందించారు.ఈ సందర్భంగా వారు మాట్లాడుతూ కరువు వల్ల పంటలు నష్టపోయిన రైతులకు ఎకరానికి 20 వేల రూ,ల చొప్పున పరిహారాన్ని చెల్లించి,రైతుల పంట రుణాలను రీ-షెడ్యూలు చేసి,తక్కువ నీటితో పండే ప్రత్యామ్నాయ పంటలకు విత్తనాలను ఉచితంగా పంపిణీ చేయాలని,పశువులకు మేత,తాగునీరు కొరత కాకుండా ఉండేందుకు ప్రత్యేకంగా పశుగ్రాస కేంద్రాలను ఏర్పాటు చేయాలని,వ్యవసాయ పనులు లేక ఇబ్బందులు పడుతున్న వారికి ఉపాధి హామీ పథకం కింద అదనపు పని దినాలు కల్పించి,వ్య.కా,స కూలీలకు ఇస్తామన్న 12వేల రూ,లు ఇవ్వలన్నారు.

ఉద్యానవన శాఖ అధికారుల విస్తృత అవగాహన, ప్రచారంతో పాలేరు రైతులు ఆయిల్ పామ్ సాగు వైపు మళ్లుతున్నారు ఉద్యానవన శాఖ అధికారుల విస్తృత అవగాహన, ప్రచారంతో పాలేరు రైతులు ఆయిల్ పామ్ సాగు వైపు మళ్లుతున్నారు. అధికారుల మార్గదర్శకత్వంలో నియోజకవర్గంలో సాగు 4,576 ఎకరాలకు చేరింది. ఈ ఏడాదే కొత్తగా 800 ఎకరాల్లో రైతులు తోటలు వేశారు. వచ్చే సీజన్ నాటికి మరి కొన్ని ఎకరాల్లో సాగు పెంచేలా ప్రణాళికలు సిద్ధం చేస్తున్నారు. అధికారుల ప్రోత్సాహంపై రైతులు హర్షం వ్యక్తం చేస్తున్నారు

జమ్మూ కాశ్మీర్లో 370 ఆర్టికల్ తీసిన తర్వాత అక్కడ పరిస్థితులను స్థానికులు మీడియాకి చెపుతున్న దృశ్యాలు: వంగవీటి

ములుగు జిల్లా ఏటూరునాగారంలో గిరిజన బాలికల ఆశ్రమ పాఠశాలలో విద్యార్థినిలపై విచక్షణగా దాడి.. రాత్రి స్టడీ టైంలో 6, 7వ తరగతి విద్యార్థినులను 9వ తరగతి బాలిక కర్రతో విచక్షణంగా కొట్టింది. దాడిలో పలువురు విద్యార్థినులు అస్వస్థతకు గురైనట్లు సమాచారం.. రాత్రి సమయంలో వార్డెన్ అందుబాటులో లేకపోవడంపై తల్లిదండ్రుల ఆగ్రహం.. విద్యార్థినుల భద్రతను పర్యవేక్షించాల్సిన నైట్ వాచ్‌మన్ కూడా ఘటనను అడ్డుకోలేదని ఆరోపణలు.. అస్వస్థతకు గురైన బాలికలను సీఆర్టీ టీచర్ రాత్రి ఆసుపత్రికి తరలించి చికిత్స అందించినట్లు సమాచారం.. నిర్లక్ష్యంగా వ్యవహరించిన వార్డెన్‌పై చర్యలు తీసుకోవాలని తల్లిదండ్రుల డిమాండ్.. రాత్రి వేళ విద్యార్థినుల భద్రత కోసం ఇద్దరు మహిళా నైట్ వాచ్‌మెన్‌లను ఏర్పాటు చేయడంతో పాటు.. ఏఎన్‌ఎంలను కూడా అందుబాటులో ఉంచాలని డిమాండ్.. కేవలం పదియేను రోజుల వ్యవధిలోనే ఐటీడిఏ దగ్గరలో ఉన్న ఆశ్రమ పాఠశాలలో రెండు ఘటనలు చోటు చేసుకోవడం అధికారుల నిర్లక్ష్యంపై భగ్గుమంటున్న ఆదివాసి సంఘాలు. ఆశ్రమ పాఠశాలల నిర్వహణపై ఐటీడీఏ అధికారులు ప్రత్యేక దృష్టి సారించి.. ఇలాంటి ఘటనలు పునరావృతం కాకుండా కఠిన చర్యలు తీసుకోవాలని గిరిజన సంఘాల డిమాండ్..