ৰূপহী হাটৰ কাছখাইতীস্থিত শ্বায়ান মেডিক'জত অভিজ্ঞ স্ত্ৰী আৰু প্ৰসূতি ৰোগ বিশেষজ্ঞৰ দ্বাৰা এক স্বাস্থ্য পৰীক্ষা শিবিৰৰ আয়োজন কৰা হৈছে। এই শিবিৰত ৰোগী চোৱাৰ মাছুল সম্পূৰ্ণ বিনামূলীয়া কৰা হৈছে, অৱশ্যে ৰোগীসকলে ঔষধ নিজে ক্ৰয় কৰি ল'ব লাগিব। অধিক তথ্যৰ বাবে ৬০০২৫২৩৪৪৯ নম্বৰত যোগাযোগ কৰিব পাৰিব।

ৰূপহী হাটৰ কাছখাইতীস্থিত শ্বায়ান মেডিক'জত অভিজ্ঞ স্ত্ৰী আৰু প্ৰসূতি ৰোগ বিশেষজ্ঞৰ দ্বাৰা এক স্বাস্থ্য পৰীক্ষা শিবিৰৰ আয়োজন কৰা হৈছে। এই শিবিৰত ৰোগী চোৱাৰ মাছুল সম্পূৰ্ণ বিনামূলীয়া কৰা হৈছে, অৱশ্যে ৰোগীসকলে ঔষধ নিজে ক্ৰয় কৰি ল'ব লাগিব। অধিক তথ্যৰ বাবে ৬০০২৫২৩৪৪৯ নম্বৰত যোগাযোগ কৰিব পাৰিব।

শিৱসাগৰৰ বিধায়ক অখিল গগৈয়ে কৰা মন্তব্য সন্দৰ্ভত প্ৰাক্তন ধিং বিধায়ক আমিনুল ইছলাম সৰৱ হৈ পৰিছে। আমিনুল ইছলামে এআইইউডিএফ প্ৰধান বদৰুদ্দিন আজমলক সাম্প্ৰদায়িক আখ্যা দিয়া অখিল গগৈৰ মন্তব্যক তীব্ৰ সমালোচনা কৰে।

চাপৰত পুনৰ এবাৰ বিলাতী সুৰাৰ দোকান মুকলি কৰাক লৈ এক ভয়ংকৰ প্ৰতিবাদৰ সৃষ্টি হৈছে, য'ত আকাশ-বতাহ কঁপি উঠিছে। বজাৰৰ মাজমজিয়াত অৱস্থিত 'হৃষি ৰেষ্টুৰেণ্ট' নামৰ এই IMFL ON SHOP খন মুকলি কৰাৰ বিৰোধিতাৰে সমগ্ৰ চাপৰ অঞ্চলত এক উত্তপ্ত পৰিস্থিতিৰ সৃষ্টি হৈছে। চাপৰ নাগৰিক মঞ্চ, বিভিন্ন দল-সংগঠন আৰু স্থানীয় ৰাইজে এই বিপনীখন মুকলি কৰাৰ তীব্ৰ বিৰোধিতা কৰি বৃহৎ প্ৰতিবাদ সাব্যস্ত কৰিছে। তেওঁলোকৰ মতে, জনবসতিপূৰ্ণ এলেকাত এনে সুৰাৰ বিপনী স্থাপন কৰাটো সমাজৰ বাবে অতিশয় ভয়াৱহ আৰু ক্ষতিকাৰক। সেয়েহে, চাপৰ নাগৰিক মঞ্চ আৰু অন্যান্য সংগঠনে লগতে ৰাইজে এই সুৰাৰ বিপনীখন স্থায়ীভাৱে বন্ধ কৰাৰ দাবী জনাইছে। উল্লেখযোগ্য যে ইয়াৰ পূৰ্বেও এই বিপনীখনৰ বিৰুদ্ধে প্ৰতিবাদ সাব্যস্ত কৰা হৈছিল, যাৰ ফলত প্ৰশাসনে দুবাৰকৈ ক্ৰমে ৪৮ ঘণ্টা আৰু ৭ দিনৰ বাবে ইয়াক অস্থায়ীভাৱে বন্ধ কৰিছিল। বৰ্তমান পৰিস্থিতি নিয়ন্ত্ৰণ কৰিবলৈ ঘটনাস্থলীত বৃহৎ সংখ্যক আৰক্ষী আৰু প্ৰশাসনৰ লোক উপস্থিত হৈছে। নাগৰিক মঞ্চ, বিভিন্ন দল-সংগঠন আৰু ৰাইজে চাপৰ বজাৰৰ মাজমজিয়াত অৱস্থিত হৃষি ৰেষ্টুৰেণ্ট নামৰ এই বিলাতী সুৰাৰ বিপনীখন স্থায়ীভাৱে বন্ধ কৰিবলৈ কঠোৰ দাবী জনাইছে।

আজি সমগ্ৰ বিশ্বৰ লগতে জাগীৰোডতো ১২ সংখ্যক আন্তঃৰাষ্ট্ৰীয় যোগ দিৱস পালন কৰা হয়। এই উপলক্ষে জাগীৰোড মহাবিদ্যালয়ত আয়োজিত যোগ দিৱসৰ কাৰ্যসূচীত অসম চৰকাৰৰ কৃষিমন্ত্ৰী পীয়ুষ হাজৰিকাই অংশগ্ৰহণ কৰে। মন্ত্ৰীগৰাকীয়ে এই অনুষ্ঠানত উপস্থিত থাকি যোগাভ্যাস কৰে।

ধিৰাইমাজুলী শংকৰদেৱ শিশু নিকেতনৰ উদ্যোগত আন্তঃৰাষ্ট্ৰীয় যোগ দিৱস উদ্‌যাপন কৰা হয়।

শেহতীয়াভাৱে একাংশ উগ্ৰ হিন্দু যুৱকৰ ভণ্ডামি বৃদ্ধি পাইছে, যিসকলে মুছলমানসকলক হাৰাশাস্তি কৰি ধৰ্মীয় শ্লোগান দিবলৈ বাধ্য কৰি আহিছে। এনে কেইবাটাও ঘটনা ইতিমধ্যে পোহৰলৈ আহিছে, য'ত ধৰ্মীয় অসহিষ্ণুতাৰ উদ্বেগজনক ছবি দেখা গৈছে। এই ধৰণৰ এক ঘটনা ওড়িশাত সংঘটিত হৈছে, য'ত দুবেলা দুমুঠি খোৱাৰ উদ্দেশ্যে ওলাই অহা এজন দৰিদ্ৰ মুছলমান ফেৰীৱালাক মাজপথত একাংশ লোকে 'বাংলাদেশী' বুলি দাবী কৰি ৰখাই মানসিক অত্যাচাৰ কৰে। এই ঘটনাই ৰাজ্যখনত হিন্দু-মুছলমান সম্পৰ্কত বিতৰ্কৰ সৃষ্টি কৰিছে।

হোজাইৰ ৰাজপথত এইবাৰ হোজাই আৰক্ষীক এক ব্যতিক্ৰমী ৰূপত দেখা গৈছে। যান-বাহনৰ নিয়ম উলংঘা কৰাৰ বাবে চালান কটাৰ পৰিৱৰ্তে, আৰক্ষীয়ে পথচাৰী আৰু চালকসকলক চকলেট আৰু হেলমেট প্ৰদান কৰিছে।

আজি সমগ্ৰ বিশ্বৰ লগতে সকলো ৰাজ্যতে আন্তঃৰাষ্ট্ৰীয় যোগ দিৱস পালন কৰা হৈছে। এই উপলক্ষে মৰিগাঁও জিলা প্ৰশাসন আৰু আৰক্ষী প্ৰশাসনৰ উদ্যোগত মৰিগাঁও জিলাৰ বিভিন্ন স্থানত আন্তঃৰাষ্ট্ৰীয় যোগ দিৱস অনুষ্ঠিত হয়। এই কাৰ্যসূচীত মৰিগাঁও জিলা আয়ুক্ত অনামিকা তিৱাৰীৰ উপস্থিতিত জিলা প্ৰশাসনৰ বিভিন্ন বিষয়ববীয়াৰ লগতে তিনি সহস্ৰাধিক লোকে শৰীৰৰ সু-স্বাস্থ্যৰ বাবে যোগাসন কৰে।