राष्ट्रीय महामार्ग क्रमांक ४४ वरील साखरा येथील उड्डाण पुलावर रास्त धान्य दुकानात रेशनचा माल घेऊन जाणाऱ्या ४०७ मिनीडोर आणि ट्रक यांच्यात झालेल्या भीषण समोरासमोर धडकेत एकाचा जागीच मृत्यू झाला असून एक जण गंभीर जखमी झाला आहे. हा अपघात २० जुलै रोजी दुपारी सुमारे ३:३० वाजताच्या सुमारास घडला. या अपघातात दिनेश नारायणराव मुरतलवार (वय ४७) यांचा जागीच मृत्यू झाला, तर कृष्णा दिनेश मुरतलवार (वय १८, रा. दोरली, पांढरकवडा) हे गंभीर जखमी झाले आहेत. शासकीय धान्य गोदाम पांढरकवडा येथून ४०७ मिनीडोर वाहनाने (क्र. एम.एच. १२ एफ.डी. १४४०) तालुक्यातील मंगी येथे धान्य घेऊन जात असताना साखरा उड्डाणपुलाजवळ धान्याचे एक पोते खाली रस्त्यावर पडले. चालकाच्या ही गोष्ट लक्षात आल्यावर त्यांनी ते पोते उचलण्यासाठी गाडी उड्डाणपुलावरच फिरवून राँग साईडने टाकली. त्याच वेळी हैदराबादवरून नागपूरच्या दिशेने भरधाव वेगात जाणाऱ्या ट्रकने (क्र. आर.जे. ११ जीबी ३१२९) मिनीडोरला समोरासमोर जोरदार धडक दिली. ही धडक इतकी भीषण होती की दोन्ही वाहने एकमेकांमध्ये अडकली आणि ४०७ मधील लोक व ट्रकचालक आत फसले. मृतक व जखमींना बाहेर काढण्यासाठी अखेर क्रेन आणि कटरचा वापर करावा लागला. अपघातामुळे महामार्गावर वाहतूक कोंडी झाली होती. या घटनेचा पुढील तपास पांढरकवडा पोलीस करत असल्याची माहिती २१ जुलै रोजी पोलिसांनी दिली आहे.

Amol sangani

पत्रकार राळेगाव, यवतमाळ, महाराष्ट्र•

6 hrs ago

राष्ट्रीय महामार्ग क्रमांक ४४ वरील साखरा येथील उड्डाण पुलावर रास्त धान्य दुकानात रेशनचा माल घेऊन जाणाऱ्या ४०७ मिनीडोर आणि ट्रक यांच्यात झालेल्या भीषण समोरासमोर धडकेत एकाचा जागीच मृत्यू झाला असून एक जण गंभीर जखमी झाला आहे. हा अपघात २० जुलै रोजी दुपारी सुमारे ३:३० वाजताच्या सुमारास घडला. या अपघातात दिनेश नारायणराव मुरतलवार (वय ४७) यांचा जागीच मृत्यू झाला, तर कृष्णा दिनेश मुरतलवार (वय १८, रा. दोरली, पांढरकवडा) हे गंभीर जखमी झाले आहेत. शासकीय धान्य गोदाम पांढरकवडा येथून ४०७ मिनीडोर वाहनाने (क्र. एम.एच. १२ एफ.डी. १४४०) तालुक्यातील मंगी येथे धान्य घेऊन जात असताना साखरा उड्डाणपुलाजवळ धान्याचे एक पोते खाली रस्त्यावर पडले. चालकाच्या ही गोष्ट लक्षात आल्यावर त्यांनी ते पोते उचलण्यासाठी गाडी उड्डाणपुलावरच फिरवून राँग साईडने टाकली. त्याच वेळी हैदराबादवरून नागपूरच्या दिशेने भरधाव वेगात जाणाऱ्या ट्रकने (क्र. आर.जे. ११ जीबी ३१२९) मिनीडोरला समोरासमोर जोरदार धडक दिली. ही धडक इतकी भीषण होती की दोन्ही वाहने एकमेकांमध्ये अडकली आणि ४०७ मधील लोक व ट्रकचालक आत फसले. मृतक व जखमींना बाहेर काढण्यासाठी अखेर क्रेन आणि कटरचा वापर करावा लागला. अपघातामुळे महामार्गावर वाहतूक कोंडी झाली होती. या घटनेचा पुढील तपास पांढरकवडा पोलीस करत असल्याची माहिती २१ जुलै रोजी पोलिसांनी दिली आहे.