ଚିକିତ୍ସା ପାଠ୍ୟକ୍ରମରେ ନାମଲେଖା ପାଇଁ ସମଗ୍ର ଭାରତବର୍ଷରେ ଆୟୋଜିତ NEET (UG) ୨୦୨୬ ପୁନଃ ପରୀକ୍ଷା ଜୁନ୍ ୨୧, ୨୦୨୬ ରେ ନବରଙ୍ଗପୁର ଜିଲ୍ଲାରେ ସଫଳତାର ସହ ସମାପ୍ତ ହୋଇଛି। ଜାତୀୟ ପରୀକ୍ଷା ସଂସ୍ଥା (NTA) ଦ୍ୱାରା ନବରଙ୍ଗପୁର ସହରର ଆର୍ ସି ଡି ହାଇସ୍କୁଲ ଏବଂ ପି ଏମ ଶ୍ରୀ କେନ୍ଦ୍ରିୟ ବିଦ୍ୟାଳୟକୁ ଏହି ଜାତୀୟ ସ୍ତରୀୟ ପରୀକ୍ଷା ପାଇଁ କେନ୍ଦ୍ର ଭାବରେ ମନୋନୀତ କରାଯାଇଥିଲା। ପରୀକ୍ଷାର ସୁପରିଚାଳନା ନିମନ୍ତେ ଜିଲ୍ଲାପାଳ ଡ. ମହେଶ୍ୱର ସ୍ୱାଇଁଙ୍କ ଅଧ୍ୟକ୍ଷତାରେ ଏକ ଜିଲ୍ଲା ସ୍ତରୀୟ ସମନ୍ୱୟ କମିଟି ଗଠନ କରାଯାଇ ନୋଡାଲ ଅଧିକାରୀମାନଙ୍କୁ ଦାୟିତ୍ୱ ପ୍ରଦାନ କରାଯାଇଥିଲା। ମାଜିଷ୍ଟ୍ରେଟ୍ ଭାବେ ନବରଙ୍ଗପୁର ତହସିଲଦାର ଭୋଳେଶ୍ୱର ନାୟକ ଏବଂ ନନ୍ଦାହାଣ୍ଡି ତହସିଲଦାର ଚନ୍ଦ୍ରହାସ ମହାନନ୍ଦିଆ ଦାୟିତ୍ୱ ତୁଲାଇଥିଲେ। ସେହିପରି, ପୋଲିସ୍ ନୋଡାଲ ଅଧିକାରୀ ଭାବେ ଅତିରିକ୍ତ ଆରକ୍ଷୀ ଅଧିକ୍ଷକ ଆଦିତ୍ୟ ସେନ ଏବଂ ଡିଏସପି (ଡିଆଇବି) ବିନୋଦ ଲାକ୍ରା ଶାନ୍ତି ଶୃଙ୍ଖଳା, ଟ୍ରାଫିକ୍, ପାର୍କିଂ ଏବଂ ଅନ୍ୟାନ୍ୟ ବ୍ୟବସ୍ଥା ନିଶ୍ଚିତ କରିଥିଲେ। ଜିଲ୍ଲାପାଳ ଡ. ମହେଶ୍ୱର ସ୍ୱାଇଁଙ୍କ ନେତୃତ୍ୱରେ ଅତିରିକ୍ତ ଜିଲ୍ଲାପାଳ (ସାଧାରଣ) ଡ. ପ୍ରମୋଦ କୁମାର ପୃଷ୍ଟି, ପ୍ରଶାସନ ନୋଡାଲ ଅଧିକାରୀ ଶୋଭେନ ପଣ୍ଡା, ଜିଲ୍ଲା ଶିକ୍ଷା ଅଧିକାରୀ ଛତ୍ରପତି ସାହୁ ଏବଂ ଅନ୍ୟ ଅଧିକାରୀମାନେ ପୂର୍ବରୁ ପରୀକ୍ଷା କେନ୍ଦ୍ର ଗସ୍ତ କରି ପାନୀୟ ଜଳ, ବିଦ୍ୟୁତ୍ ଯୋଗାଣ, ଦିବ୍ୟାଙ୍ଗଙ୍କ ପାଇଁ ହୁଇଲ ଚେୟାର, ଅଗ୍ନିଶମ ବ୍ୟବସ୍ଥା, ସିସିଟିଭି, ଜାମର, ଡିଜି ବ୍ୟାକଅପ୍, ପାର୍କିଂ ଓ ଅନ୍ୟାନ୍ୟ ଆନୁଷଙ୍ଗିକ ସୁବିଧା ନିଶ୍ଚିତ କରିଥିଲେ। ପରୀକ୍ଷା ଅପରାହ୍ନ ୨.୦୦ ଘଣ୍ଟାରୁ ଆରମ୍ଭ ହୋଇ ସନ୍ଧ୍ୟା ୫.୧୫ ମିନିଟ୍ ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା। ଉଭୟ କେନ୍ଦ୍ରରେ ମୋଟ ୫୧୦ ଜଣ ପରୀକ୍ଷାର୍ଥୀ ଆଡମିଟ୍ କାର୍ଡ ପାଇଥିବା ବେଳେ ୪୨୧ ଜଣ ପରୀକ୍ଷା ଦେଇଥିଲେ ଏବଂ ୮୯ ଜଣ ଅନୁପସ୍ଥିତ ରହିଥିଲେ।

Santosh kumar

Court reporter କୋସାଗୁମୁଡା, ନବରଙ୍ଗପୁର, ଓଡ଼ିଶା•

1 hr ago

ଚିକିତ୍ସା ପାଠ୍ୟକ୍ରମରେ ନାମଲେଖା ପାଇଁ ସମଗ୍ର ଭାରତବର୍ଷରେ ଆୟୋଜିତ NEET (UG) ୨୦୨୬ ପୁନଃ ପରୀକ୍ଷା ଜୁନ୍ ୨୧, ୨୦୨୬ ରେ ନବରଙ୍ଗପୁର ଜିଲ୍ଲାରେ ସଫଳତାର ସହ ସମାପ୍ତ ହୋଇଛି। ଜାତୀୟ ପରୀକ୍ଷା ସଂସ୍ଥା (NTA) ଦ୍ୱାରା ନବରଙ୍ଗପୁର ସହରର ଆର୍ ସି ଡି ହାଇସ୍କୁଲ ଏବଂ ପି ଏମ ଶ୍ରୀ କେନ୍ଦ୍ରିୟ ବିଦ୍ୟାଳୟକୁ ଏହି ଜାତୀୟ ସ୍ତରୀୟ ପରୀକ୍ଷା ପାଇଁ କେନ୍ଦ୍ର ଭାବରେ ମନୋନୀତ କରାଯାଇଥିଲା। ପରୀକ୍ଷାର ସୁପରିଚାଳନା ନିମନ୍ତେ ଜିଲ୍ଲାପାଳ ଡ. ମହେଶ୍ୱର ସ୍ୱାଇଁଙ୍କ ଅଧ୍ୟକ୍ଷତାରେ ଏକ ଜିଲ୍ଲା ସ୍ତରୀୟ ସମନ୍ୱୟ କମିଟି ଗଠନ କରାଯାଇ ନୋଡାଲ ଅଧିକାରୀମାନଙ୍କୁ ଦାୟିତ୍ୱ ପ୍ରଦାନ କରାଯାଇଥିଲା। ମାଜିଷ୍ଟ୍ରେଟ୍ ଭାବେ ନବରଙ୍ଗପୁର ତହସିଲଦାର ଭୋଳେଶ୍ୱର ନାୟକ ଏବଂ ନନ୍ଦାହାଣ୍ଡି ତହସିଲଦାର ଚନ୍ଦ୍ରହାସ ମହାନନ୍ଦିଆ ଦାୟିତ୍ୱ ତୁଲାଇଥିଲେ। ସେହିପରି, ପୋଲିସ୍ ନୋଡାଲ ଅଧିକାରୀ ଭାବେ ଅତିରିକ୍ତ ଆରକ୍ଷୀ ଅଧିକ୍ଷକ ଆଦିତ୍ୟ ସେନ ଏବଂ ଡିଏସପି (ଡିଆଇବି) ବିନୋଦ ଲାକ୍ରା ଶାନ୍ତି ଶୃଙ୍ଖଳା, ଟ୍ରାଫିକ୍, ପାର୍କିଂ ଏବଂ ଅନ୍ୟାନ୍ୟ ବ୍ୟବସ୍ଥା ନିଶ୍ଚିତ କରିଥିଲେ। ଜିଲ୍ଲାପାଳ ଡ. ମହେଶ୍ୱର ସ୍ୱାଇଁଙ୍କ ନେତୃତ୍ୱରେ ଅତିରିକ୍ତ ଜିଲ୍ଲାପାଳ (ସାଧାରଣ) ଡ. ପ୍ରମୋଦ କୁମାର ପୃଷ୍ଟି, ପ୍ରଶାସନ ନୋଡାଲ ଅଧିକାରୀ ଶୋଭେନ ପଣ୍ଡା, ଜିଲ୍ଲା ଶିକ୍ଷା ଅଧିକାରୀ ଛତ୍ରପତି ସାହୁ ଏବଂ ଅନ୍ୟ ଅଧିକାରୀମାନେ ପୂର୍ବରୁ ପରୀକ୍ଷା କେନ୍ଦ୍ର ଗସ୍ତ କରି ପାନୀୟ ଜଳ, ବିଦ୍ୟୁତ୍ ଯୋଗାଣ, ଦିବ୍ୟାଙ୍ଗଙ୍କ ପାଇଁ ହୁଇଲ ଚେୟାର, ଅଗ୍ନିଶମ ବ୍ୟବସ୍ଥା, ସିସିଟିଭି, ଜାମର, ଡିଜି ବ୍ୟାକଅପ୍, ପାର୍କିଂ ଓ ଅନ୍ୟାନ୍ୟ ଆନୁଷଙ୍ଗିକ ସୁବିଧା ନିଶ୍ଚିତ କରିଥିଲେ। ପରୀକ୍ଷା ଅପରାହ୍ନ ୨.୦୦ ଘଣ୍ଟାରୁ ଆରମ୍ଭ ହୋଇ ସନ୍ଧ୍ୟା ୫.୧୫ ମିନିଟ୍ ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା। ଉଭୟ କେନ୍ଦ୍ରରେ ମୋଟ ୫୧୦ ଜଣ ପରୀକ୍ଷାର୍ଥୀ ଆଡମିଟ୍ କାର୍ଡ ପାଇଥିବା ବେଳେ ୪୨୧ ଜଣ ପରୀକ୍ଷା ଦେଇଥିଲେ ଏବଂ ୮୯ ଜଣ ଅନୁପସ୍ଥିତ ରହିଥିଲେ।