कुरेशीपुरात घरात गोवंश मांसाची विक्री? अकोट पोलिसांचा छापा; २३५ किलो मांस जप्त, चौघे ताब्यात ४७ हजार रुपयांचा मुद्देमाल जप्त; डी.बी. पथकाची कारवाई... अकोला प्रतिनिधी : पूर्णाजी खोडके अकोट, दि. ११ : कुरेशीपुरा परिसरातील एका घरात गोवंश जनावरांची कत्तल करून मांस विक्री केली जात असल्याची माहिती मिळाल्यानंतर अकोट शहर पोलिसांनी छापा टाकला. या कारवाईत अंदाजे २३५ किलो गोवंश जातीचे मांस, किंमत ४७ हजार रुपये, जप्त करण्यात आले असून चौघांना ताब्यात घेण्यात आले आहे. अकोट शहर पोलीस ठाण्याच्या डी.बी. पथकाचे प्रमुख पोलीस उपनिरीक्षक निलेश बाराहाते यांना याबाबत गुप्त माहिती मिळाली होती. त्यांनी माहिती पोलीस निरीक्षक किशोर जुनघरे यांना दिल्यानंतर त्यांच्या आदेशाने पोलीस पथकाने दोन पंचांसह कुरेशीपुरा परिसरातील संबंधित घरावर छापा टाकला. पोलिसांच्या माहितीनुसार, कारवाईदरम्यान शे. इमरान शे. इस्माईल (३४), जमिल अहमद अब्दल हमीद (५५), शारुख खान हिरेखान (३४) आणि शे. मुकद्दर अब्दुल सत्तार कुरेशी (६१), सर्व रा. कुरेशीपुरा, अकोट, हे शे. इमरान शे. इस्माईल यांच्या घरात गोवंश जातीच्या जनावरांची कत्तल करून मांसाचे तुकडे करीत असल्याचे आढळून आले. पोलिसांनी पंचांसमक्ष कारवाई करून २३५ किलो मांस व इतर मुद्देमाल असा एकूण ४७ हजार रुपयांचा मुद्देमाल जप्त केला. चौघांना ताब्यात घेण्यात आले असून, त्यांच्याविरुद्ध पुढील कायदेशीर कारवाई सुरू आहे. ही कारवाई पोलीस अधीक्षक अर्चित चांडक, अपर पोलीस अधीक्षक बी. चंद्रकांत रेड्डी आणि उपविभागीय पोलीस अधिकारी निखील पाटील यांच्या मार्गदर्शनाखाली पोलीस निरीक्षक किशोर जुनघरे, डी.बी. पथक प्रमुख पोलीस उपनिरीक्षक निलेश बाराहाते, पोहेकॉ गणेश सोळंके, पोलीस कॉन्स्टेबल मोहन दुर्गे व अश्विन चौव्हाण यांच्या पथकाने केली.

पुर्णाजी खोडके

प्रतिनिधी अकोले, अकोला, महाराष्ट्र•

4 hrs ago

कुरेशीपुरात घरात गोवंश मांसाची विक्री? अकोट पोलिसांचा छापा; २३५ किलो मांस जप्त, चौघे ताब्यात ४७ हजार रुपयांचा मुद्देमाल जप्त; डी.बी. पथकाची कारवाई... अकोला प्रतिनिधी : पूर्णाजी खोडके अकोट, दि. ११ : कुरेशीपुरा परिसरातील एका घरात गोवंश जनावरांची कत्तल करून मांस विक्री केली जात असल्याची माहिती मिळाल्यानंतर अकोट शहर पोलिसांनी छापा टाकला. या कारवाईत अंदाजे २३५ किलो गोवंश जातीचे मांस, किंमत ४७ हजार रुपये, जप्त करण्यात आले असून चौघांना ताब्यात घेण्यात आले आहे. अकोट शहर पोलीस ठाण्याच्या डी.बी. पथकाचे प्रमुख पोलीस उपनिरीक्षक निलेश बाराहाते यांना याबाबत गुप्त माहिती मिळाली होती. त्यांनी माहिती पोलीस निरीक्षक किशोर जुनघरे यांना दिल्यानंतर त्यांच्या आदेशाने पोलीस पथकाने दोन पंचांसह कुरेशीपुरा परिसरातील संबंधित घरावर छापा टाकला. पोलिसांच्या माहितीनुसार, कारवाईदरम्यान शे. इमरान शे.

इस्माईल (३४), जमिल अहमद अब्दल हमीद (५५), शारुख खान हिरेखान (३४) आणि शे. मुकद्दर अब्दुल सत्तार कुरेशी (६१), सर्व रा. कुरेशीपुरा, अकोट, हे शे. इमरान शे. इस्माईल यांच्या घरात गोवंश जातीच्या जनावरांची कत्तल करून मांसाचे तुकडे करीत असल्याचे आढळून आले. पोलिसांनी पंचांसमक्ष कारवाई करून २३५ किलो मांस व इतर मुद्देमाल असा एकूण ४७ हजार रुपयांचा मुद्देमाल जप्त केला. चौघांना ताब्यात घेण्यात आले असून, त्यांच्याविरुद्ध पुढील कायदेशीर कारवाई सुरू आहे. ही कारवाई पोलीस अधीक्षक अर्चित चांडक, अपर पोलीस अधीक्षक बी. चंद्रकांत रेड्डी आणि उपविभागीय पोलीस अधिकारी निखील पाटील यांच्या मार्गदर्शनाखाली पोलीस निरीक्षक किशोर जुनघरे, डी.बी. पथक प्रमुख पोलीस उपनिरीक्षक निलेश बाराहाते, पोहेकॉ गणेश सोळंके, पोलीस कॉन्स्टेबल मोहन दुर्गे व अश्विन चौव्हाण यांच्या पथकाने केली.