লখিমপুৰ আৰক্ষীয়ে পূৰ্বে জব্দ কৰা NDPS সামগ্ৰী সমূহ আজি ধ্বংস কৰে। এই কাৰ্যসূচীৰ জৰিয়তে মুঠ ১৫১.৫ গ্ৰাম হেৰ’ইন আৰু ১৯৫৫.০৮ কিলোগ্ৰাম গাঞ্জা ধ্বংস কৰা হয়।

লখিমপুৰ আৰক্ষীয়ে পূৰ্বে জব্দ কৰা NDPS সামগ্ৰী সমূহ আজি ধ্বংস কৰে। এই কাৰ্যসূচীৰ জৰিয়তে মুঠ ১৫১.৫ গ্ৰাম হেৰ’ইন আৰু ১৯৫৫.০৮ কিলোগ্ৰাম গাঞ্জা ধ্বংস কৰা হয়।

লখিমপুৰ জিলা ক্ৰীড়া সন্হাৰ উদ্যোগত আৰু বিহপুৰীয়া ক্ৰীড়া সন্হাৰ সহযোগত বিহপুৰীয়াৰ স্থায়ী খেলপথাৰত আজিৰে পৰা ১৭ বছৰ অনুৰ্দ্ধ অসম ফুটবল সন্হাৰ এফ মণ্ডলৰ ফুটবল প্ৰতিযোগিতা আৰম্ভ হৈছে। এই প্ৰতিযোগিতাৰ প্ৰথমখন খেল ধেমাজী বনাম বিশ্বনাথ চাৰিআলি একাদশৰ মাজত অনুষ্ঠিত হয়। লখিমপুৰ জিলা ক্ৰীড়া সন্হাৰ সহকাৰী সম্পাদক ভাস্কৰ চাবুকধৰাই আঁত ধৰা উদ্বোধনী অনুষ্ঠানত খেলখন আনুষ্ঠানিকভাৱে শুভ উদ্বোধন কৰে বিহপুৰীয়াৰ প্ৰ প্রাক্তন বিধায়ক দেৱানন্দ হাজৰিকাই। আজিৰ এই উদ্বোধনী খেলখন পৰিচালনা কৰে গুণিণ গগৈয়ে আৰু তেওঁক লাইনত সহায় কৰে কৌশিক নেওগ আৰু অমৃতবসমতাৰীয়ে। খেলখনত চতুৰ্থ ৰেফাৰী হিচাপে দায়িত্ব পালন কৰে দুষ্মন্ত মৰাঙে। বিহপুৰীয়াৰ পৰা নৱজ্যোতি শৰ্মাই জনোৱা অনুসৰি, অহা ১৯ জুলাইত এই প্ৰতিযোগিতাৰ চূড়ান্ত খেলখন অনুষ্ঠিত হ’ব।

শ্ৰীশ্ৰী দুৰ্গা পূজা সমাগত হোৱাৰ পৰিপ্ৰেক্ষিতত শিৱসাগৰৰ অন্যতম বাৰোৱাৰী পূজা সমিতিৰ বাৰ্ষিক সভাখন ১১ জুলাই, শনিবাৰে অনুষ্ঠিত হৈ যায়। শিৱসাগৰ নগৰৰ ডলফিন ল’জৰ সমীপত অৱস্থিত পূজা সমিতিৰ স্থায়ী কাৰ্য্যালয় বাৰোৱাৰী কলা কৃষ্টি কেন্দ্ৰত অনুষ্ঠিত এই গুৰুত্বপূৰ্ণ সভাত সভাপতিত্ব কৰে পূজা সমিতিৰ সভাপতি দয়াল খাউণ্ডে। সভাত সম্পাদকদ্বয় প্ৰদীপ কান্তি দাস আৰু মানৱ বৰুৱাই উদ্দেশ্য ব্যাখ্যা কৰাৰ বিপৰীতে কোষাধ্যক্ষ প্ৰশান্ত বৰঠাকুৰে সমিতিৰ বাৰ্ষিক হিচাপ দাখিল কৰে। বাৰোৱাৰী মহিলা মঞ্চৰ যথেষ্ট সংখ্যক প্ৰতিনিধি আৰু প্ৰায় অৰ্ধশতাধিক কৰ্মকৰ্তা উপস্থিত থকা এই সভাত কালীপ্ৰসাদ সোঁৱৰণী ভৱন প্ৰাংগণত আগন্তুক বাৰোৱাৰী দুৰ্গা পূজাভাগি সূচাৰুৰূপে আয়োজন কৰাৰ বাবে সকলোৱে নিজৰ দিহা-পৰামৰ্শ আগবঢ়ায়। সমিতিৰ এই বাৰ্ষিক সভাখন সুচাৰুৰূপে সম্পন্ন হোৱাৰ পিছত পূজা সমিতিয়ে আগন্তুক পূজাৰ সফল আয়োজনৰ বাবে সমগ্ৰ শিৱসাগৰবাসী ৰাইজৰ সহায়-সহযোগিতা কামনা কৰিছে।

চৰাইদেউ জিলাৰ মাহমৰাৰ অন্তৰ্গত দ'লবাগান আঞ্চলিক জ্ঞান বিকাশ কেন্দ্ৰ আৰু সাৰ্বজনীন নামঘৰত ১০ দিনীয়া গ্ৰীষ্মকালীন ভাওনা কৰ্মশালাৰ আয়োজন কৰা হৈছে। মধুবনক্ষেত্ৰ নাট্যগোষ্ঠীৰ উদ্যোগত আৰু স্থানীয় ৰাইজৰ সহযোগত এই কৰ্মশালাখন অনুষ্ঠিত হ'ব। অহা ১০ জুলাইৰ পৰা ১৯ জুলাইলৈকে দিনৰ আবেলি ১ বজাৰ পৰা এই ১০ দিনীয়া কৰ্মশালাখন চলিব।

হিয়াৰ আমঠু জুবিন গাৰ্গক লৈ চৰকাৰে গ্ৰহণ কৰা সিদ্ধান্ত মানি নলয় সদৌ টাই আহোম ছাত্ৰ সন্থাই। আনহাতে, আটাছুৰ সভাপতি বসন্ত গগৈয়ে প্ৰশ্ন উত্থাপন কৰি কয় যে, যদি অসম চৰকাৰে আলফাৰ আন্দোলনক ন্যায্যতা প্ৰদান কৰিছে, তেন্তে সেই কথা ৰাজহুৱা কৰিব লাগে।

লখিমপুৰৰ বগীনদী উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ দেৱান শইকীয়াৰ নশ্বৰ দেহ পঞ্চভূতত বিলীন হৈছে। বিদ্যালয়খনৰ প্ৰাক্তন অধ্যক্ষগৰাকীৰ মৃত্যুত সমগ্ৰ বগীনদীবাসী গভীৰ শোকত বিহ্বল হৈ পৰিছে।

লখিমপুৰৰ লালুকত এক ভয়ংকৰ পথ দুৰ্ঘটনা সংঘটিত হৈছে। এই দুৰ্ঘটনাত AS 07Y 5352 নম্বৰৰ এখন চুজুকি এছ-প্ৰেছ’ (Suzuki S-Presso) গাড়ী আৰু AS 07BC 7559 নম্বৰৰ এখন ট্ৰাকৰ মাজত মুখামুখি সংঘৰ্ষ হয়। অৱশ্যে সৌভাগ্যক্ৰমে এছ-প্ৰেছ’ গাড়ীখনৰ চালকজন এই ভয়াবহ দুৰ্ঘটনাৰ পৰা সম্পূৰ্ণ অক্ষত অৱস্থাত প্ৰাণ ৰক্ষা পৰে।