આ સાધારણ સભામાં મુખ્ય મહેમાન તરીકે સોનગઢ તાલુકાના ડિરેક્ટરશ્રી અને ગુજરાત સરકારના માજી મંત્રી આદરણીય શ્રી કાંતિભાઈ ગામીત સાહેબ ઉપસ્થિત રહ્યા હતા. તેમણે પશુપાલકોને સંબોધતા જણાવ્યું હતું કે, પશુપાલન એ માત્ર વ્યવસાય નથી પણ ગ્રામ્ય અર્થતંત્રની કરોડરજ્જુ છે. શ્રી કાંતિભાઈ ગામીત સાહેબે પશુપાલકોને દૂધ મંડળીથી થતા ફાયદાઓ, સરકારશ્રીની વિવિધ સહાયકારી યોજનાઓ, પશુઓની સાર-સંભાળ, અને શુદ્ધ દૂધ ઉત્પાદનથી કઈ રીતે સમાજ આર્થિક ઉપાર્જન મેળવી શકે છે તે વિશે વિસ્તૃત ઉદબોધન કર્યું હતું. તેમણે વધુમાં જણાવ્યું હતું કે જો યુવાનો આધુનિક પદ્ધતિથી પશુપાલન અપનાવે તો બેરોજગારી દૂર થશે અને ગામડું સમૃદ્ધ બનશે. આ પ્રસંગે દૂધ મંડળીના પ્રમુખશ્રી, મંત્રીશ્રી, સભાસદો તથા મોટી સંખ્યામાં પશુપાલક ભાઈઓ-બહેનો ઉપસ્થિત રહ્યા હતા. સભાના અંતે મંડળીના હિસાબોને સર્વાનુમતે મંજૂરી આપવામાં આવી હતી. *ચીમેર દૂધ મંડળીમાં સાધારણ સભા યોજાઈ, પશુપાલનથી આર્થિક ઉન્નતિનો સંદેશ* સોનગઢ તાલુકાના ચીમેર ગામે ચીમેર દૂધ ઉત્પાદક સહકારી મંડળી લિ. ની વાર્ષિક સાધારણ સભા યોજાઈ હતી.

2 hrs ago

Sachin sk

Local News Reporter ઉચ્છલ, તાપી, ગુજરાત•

2 hrs ago

ગ્રામ્ય અર્થતંત્રની કરોડરજ્જુ છે. શ્રી કાંતિભાઈ ગામીત સાહેબે પશુપાલકોને દૂધ મંડળીથી થતા ફાયદાઓ, સરકારશ્રીની વિવિધ સહાયકારી યોજનાઓ, પશુઓની સાર-સંભાળ, અને શુદ્ધ દૂધ ઉત્પાદનથી કઈ રીતે સમાજ આર્થિક ઉપાર્જન મેળવી શકે છે તે વિશે વિસ્તૃત ઉદબોધન

કર્યું હતું. તેમણે વધુમાં જણાવ્યું હતું કે જો યુવાનો આધુનિક પદ્ધતિથી પશુપાલન અપનાવે તો બેરોજગારી દૂર થશે અને ગામડું સમૃદ્ધ બનશે. આ પ્રસંગે દૂધ મંડળીના પ્રમુખશ્રી, મંત્રીશ્રી, સભાસદો તથા મોટી સંખ્યામાં પશુપાલક ભાઈઓ-બહેનો ઉપસ્થિત રહ્યા

હતા. સભાના અંતે મંડળીના હિસાબોને સર્વાનુમતે મંજૂરી આપવામાં આવી હતી. *ચીમેર દૂધ મંડળીમાં સાધારણ સભા યોજાઈ, પશુપાલનથી આર્થિક ઉન્નતિનો સંદેશ* સોનગઢ તાલુકાના ચીમેર ગામે ચીમેર દૂધ ઉત્પાદક સહકારી મંડળી લિ. ની વાર્ષિક સાધારણ સભા યોજાઈ હતી.

કડોદરામાં બાઈકની લાઈટ પાડવા જેવી નજીવી બાબતે બે જૂથ બાખડ્યાં, પાંચથી વધુ યુવકો ઘવાયા એક યુવકને માથામાં ગંભીર ઈજા સાથે પગમાં ફ્રેક્ચર; સામા પક્ષના ત્રણ યુવકોને ચપ્પુના ઘા માર્યાના આક્ષેપ, CCTV ફૂટેજ સામે આવ્યા — પોલીસે સામસામી ફરિયાદ નોંધી તપાસ હાથ ધરી પલસાણા તાલુકાના કડોદરા જીઆઈડીસી પોલીસ મથકની હદમાં આવેલી હોરાઇઝન હોટલ નજીક રાજસ્થાની ઢાબા પાસે મંગળવારની મધરાતે નજીવી બાબતે બે જૂથો વચ્ચે સશસ્ત્ર મારામારીની ઘટના સામે આવી છે. બાઈકની લાઈટ મોઢા પર પાડવા તથા બાઈક પરત આપવા જેવી બાબતે શરૂ થયેલી તકરાર ઉગ્ર બનતાં બંને પક્ષે લાકડીઓ અને ચપ્પુ વડે એકબીજા પર હુમલો કર્યો હતો. આ ઘટનામાં પાંચથી વધુ યુવકો ઈજાગ્રસ્ત થયા હોવાનું સામે આવ્યું છે. પ્રાપ્ત વિગતો મુજબ, જોળવા ખાતે રહેતા વિક્રમસિંહ ઉર્ફે વીરુ રામસમરત સિંહે નોંધાવેલી ફરિયાદ પ્રમાણે તેમના મિત્રો અરુણ, અંશુ અને હરિઓમ રાજસ્થાની ઢાબા પાસે બાંકડા પર બેઠા હતા. તે દરમિયાન શુભમ નામનો યુવક બાઈકની લાઈટ તેમના મોઢા પર પાડી પજવણી કરતો હોવાનો આક્ષેપ છે. આ બાબતે વિરોધ કરતાં શુભમે ‘તમે વિક્રમસિંહના માણસો છો’ કહી વિવાદ શરૂ કર્યો હતો. ત્યારબાદ શુભમ તેના સાગરીતો દેવકણ ભરવાડ, દીપક તથા એક અજાણ્યા શખ્સ સાથે મળી લાકડી અને ચપ્પુ વડે હુમલો કર્યો હોવાનો ફરિયાદમાં આક્ષેપ કરવામાં આવ્યો છે. દરમિયાન વિક્રમસિંહ વચ્ચે પડતાં તેને માથાના ભાગે ગંભીર ઈજા થઈ હતી અને પગમાં ફ્રેક્ચર થયું હતું. તેના ભાઈ સચિનને પણ માથાના ભાગે ઈજા થતાં બંનેને સારવાર માટે નવી સિવિલ હોસ્પિટલ ખસેડવામાં આવ્યા હતા. ઘટનાસ્થળે થયેલી મારામારીના CCTV ફૂટેજ પણ સામે આવ્યા હોવાનું જાણવા મળ્યું છે. સામા પક્ષે પણ વળતી ફરિયાદ નોંધાવી બીજી તરફ, તાંતીથૈયા ખાતે રહેતા દેવકણભાઈ વરજણભાઈ ભરવાડે પણ વળતી ફરિયાદ નોંધાવી છે. તેમની ફરિયાદ મુજબ તેઓ પોતાના મિત્ર દીપકની મોટરસાયકલ લેવા માટે ગયા હતા. તે સમયે વિક્રમસિંહ ઉર્ફે વીરુ, સચિન તથા બે અજાણ્યા શખ્સોએ બાઈક પરત આપવાનો ઈનકાર કરી ગાળાગાળી શરૂ કરી હતી. ફરિયાદી પક્ષના જણાવ્યા મુજબ, તેઓ વચ્ચે છોડાવવા પડતાં વિક્રમસિંહ અને સચિને ચપ્પુ વડે હુમલો કર્યો હતો. આ હુમલામાં દેવકણને પીઠના ભાગે, શુભમને કમર તથા જાંઘના ભાગે અને દીપકને પગમાં ચપ્પુના ઘા વાગ્યા હતા. ઈજાગ્રસ્ત ત્રણેય યુવકોને તાત્કાલિક સારવાર માટે યુનિટી હોસ્પિટલમાં દાખલ કરવામાં આવ્યા હતા. પોલીસે બંને પક્ષ સામે ગુનો નોંધી તપાસ શરૂ કરી ઘટનાને પગલે કડોદરા જીઆઈડીસી પોલીસે બંને પક્ષની ફરિયાદો નોંધી છે. પોલીસે હથિયાર વડે હુમલો, રાયોટિંગ તેમજ જાહેરનામાના ભંગ સહિતની કલમો હેઠળ કાયદેસરની કાર્યવાહી હાથ ધરી છે. પી.એસ.આઈ. જયેશકુમાર જી. ચૌધરીના માર્ગદર્શન હેઠળ સમગ્ર મામલે તપાસ શરૂ કરવામાં આવી છે અને CCTV ફૂટેજ સહિતના પુરાવાઓના આધારે ઘટનાની હકીકત જાણવા પ્રયાસો હાથ ધરાયા છે. કડોદરા જીઆઈડીસી વિસ્તારમાં નજીવી બાબતોમાં મારામારી, ચપ્પુ અને લાકડીઓ વડે હુમલાની ઘટનાઓ સામે આવતી હોવાના કારણે સ્થાનિકોમાં પણ ચિંતા જોવા મળી રહી છે. પોલીસ દ્વારા આવા બનાવોમાં કડક કાર્યવાહી કરવામાં આવે તેવી માંગ ઉઠી રહી છે.

રમેશ ખંભાતી

Photographer બારડોલી, સુરત, ગુજરાત•

6 hrs ago