ଦାମନଯୋଡି ଥାନା ଅନ୍ତର୍ଗତ ମାଥାଲପୁଟ ଓସିସି କଲୋନୀରେ ଜୁନ୍ ୧୪ ତାରିଖ ରବିବାର ବିଳମ୍ବିତ ରାତିରେ ଦୁର୍ବୃତ୍ତମାନେ ଏକ ବାଇକକୁ ଘର ଆଗରେ ପୋଡ଼ି ଦେଇଛନ୍ତି। ଏହି ଘଟଣାରେ ବାଇକଟି ସମ୍ପୂର୍ଣ୍ଣ ପାଉଁଶ ହୋଇଯାଇଥିବା ବେଳେ ଓସିସି କଲୋନୀର ପବିତ୍ର ଖୋସଲା ଥାନାରେ ଅଭିଯୋଗ କରିଛନ୍ତି, ଯାହା ପରେ ପୋଲିସ ତଦନ୍ତ ଆରମ୍ଭ କରିଛି। ପୋଡ଼ି ଯାଇଥିବା ବାଇକଟି ହେଉଛି ହିରୋ ଗ୍ଲାମର, ଯାହାର ନମ୍ବର ଓଡ଼ି ୧୦ଇ ୯୬୧୨। ଏହି ବାଇକଟି ପବିତ୍ରଙ୍କ ଶଶୁର ନାରାୟଣ ଖୋରାଙ୍କ ନାମରେ ଥିବା ବେଳେ ପବିତ୍ର ଏହାକୁ ବ୍ୟବହାର କରୁଥିଲେ। ବିଳମ୍ବିତ ରାତିରେ ଘଟଣା ଘଟିଥିବାରୁ କଲୋନୀର ଲୋକମାନେ ନିଜ ନିଜ ଘରେ ଶୋଇ ପଡ଼ିଥିଲେ। ନିଆଁ ଲାଗିବା ପରେ ବାଇକଟି ହୁତୁ ହୁତୁ ହୋଇ ଜଳିଥିଲା ଏବଂ ନିଆଁ ଧାସ ଓ ଧୂଆଁରେ ପାଖ ଘରର ଲୋକେ ଅଣନିଶ୍ୱାସୀ ହୋଇ ପଡ଼ିଥିଲେ। ପରିବାର ଲୋକେ ବାଇକ ଜଳୁଥିବା ଦେଖି ସାହି ଲୋକଙ୍କୁ ଡାକ ପକାଇଥିଲେ। ଏହି ଘଟଣା ସନ୍ଦେହ ଘେରକୁ ଆସିଛି, କାରଣ ଚଳିତ ମାସ ୭ ତାରିଖରେ ପାରିବାରିକ ଘଟଣାକୁ ନେଇ ପବିତ୍ରଙ୍କ ପରିବାର ଲୋକେ ସ୍ଥାନୀୟ ଚାରଡା ଗ୍ରାମର ଜଣେ ବ୍ୟକ୍ତିଙ୍କ ନାମରେ ଦାମନଯୋଡି ଥାନାରେ ଏତଲା ଦେଇଥିଲେ। ପୋଲିସ ସେହି ମାମଲାର ତଦନ୍ତ ଜାରି ରଖିଛି। ପବିତ୍ର ସନ୍ଦେହ କରିଛନ୍ତି ଯେ, ପୂର୍ବରୁ ଚାଲିଥିବା ଏହି ମାମଲାକୁ କେନ୍ଦ୍ର କରି ସଂପୃକ୍ତ ଅଭିଯୁକ୍ତଙ୍କ ଲୋକମାନେ ତାଙ୍କ ବାଇକକୁ ପୋଡ଼ି ଦେଇଥାଇ ପାରନ୍ତି। ପୋଲିସ ଉଭୟ ଘଟଣାର ତଦନ୍ତ ଜାରି ରଖିଥିବା ବେଳେ, ପବିତ୍ର ଦାବି କରିଛନ୍ତି ଯେ ଏହି କାର୍ଯ୍ୟରେ ସାମିଲ ଥିବା ଲୋକଙ୍କ ଉପରେ କଠୋର କାର୍ଯ୍ୟାନୁଷ୍ଠାନ ନିଆଯାଉ।

Manas Ranjan Kar

Insurance Agent ଦାମନଯୋଡି, କୋରାପୁଟ, ଓଡ଼ିଶା•

12 hrs ago

ଦାମନଯୋଡି ଥାନା ଅନ୍ତର୍ଗତ ମାଥାଲପୁଟ ଓସିସି କଲୋନୀରେ ଜୁନ୍ ୧୪ ତାରିଖ ରବିବାର ବିଳମ୍ବିତ ରାତିରେ ଦୁର୍ବୃତ୍ତମାନେ ଏକ ବାଇକକୁ ଘର ଆଗରେ ପୋଡ଼ି ଦେଇଛନ୍ତି। ଏହି ଘଟଣାରେ ବାଇକଟି ସମ୍ପୂର୍ଣ୍ଣ ପାଉଁଶ ହୋଇଯାଇଥିବା ବେଳେ ଓସିସି କଲୋନୀର ପବିତ୍ର ଖୋସଲା ଥାନାରେ ଅଭିଯୋଗ କରିଛନ୍ତି, ଯାହା ପରେ ପୋଲିସ ତଦନ୍ତ ଆରମ୍ଭ କରିଛି। ପୋଡ଼ି ଯାଇଥିବା ବାଇକଟି ହେଉଛି ହିରୋ ଗ୍ଲାମର, ଯାହାର ନମ୍ବର ଓଡ଼ି ୧୦ଇ ୯୬୧୨। ଏହି ବାଇକଟି ପବିତ୍ରଙ୍କ ଶଶୁର ନାରାୟଣ ଖୋରାଙ୍କ ନାମରେ ଥିବା ବେଳେ ପବିତ୍ର ଏହାକୁ ବ୍ୟବହାର କରୁଥିଲେ। ବିଳମ୍ବିତ ରାତିରେ ଘଟଣା ଘଟିଥିବାରୁ କଲୋନୀର ଲୋକମାନେ ନିଜ ନିଜ ଘରେ ଶୋଇ ପଡ଼ିଥିଲେ। ନିଆଁ ଲାଗିବା ପରେ ବାଇକଟି ହୁତୁ ହୁତୁ ହୋଇ ଜଳିଥିଲା ଏବଂ ନିଆଁ ଧାସ ଓ ଧୂଆଁରେ ପାଖ ଘରର ଲୋକେ ଅଣନିଶ୍ୱାସୀ ହୋଇ ପଡ଼ିଥିଲେ। ପରିବାର ଲୋକେ ବାଇକ ଜଳୁଥିବା ଦେଖି ସାହି ଲୋକଙ୍କୁ ଡାକ ପକାଇଥିଲେ। ଏହି ଘଟଣା ସନ୍ଦେହ ଘେରକୁ ଆସିଛି, କାରଣ ଚଳିତ ମାସ ୭ ତାରିଖରେ ପାରିବାରିକ ଘଟଣାକୁ ନେଇ ପବିତ୍ରଙ୍କ ପରିବାର ଲୋକେ ସ୍ଥାନୀୟ ଚାରଡା ଗ୍ରାମର ଜଣେ ବ୍ୟକ୍ତିଙ୍କ ନାମରେ ଦାମନଯୋଡି ଥାନାରେ ଏତଲା ଦେଇଥିଲେ। ପୋଲିସ ସେହି ମାମଲାର ତଦନ୍ତ ଜାରି ରଖିଛି। ପବିତ୍ର ସନ୍ଦେହ କରିଛନ୍ତି ଯେ, ପୂର୍ବରୁ ଚାଲିଥିବା ଏହି ମାମଲାକୁ କେନ୍ଦ୍ର କରି ସଂପୃକ୍ତ ଅଭିଯୁକ୍ତଙ୍କ ଲୋକମାନେ ତାଙ୍କ ବାଇକକୁ ପୋଡ଼ି ଦେଇଥାଇ ପାରନ୍ତି। ପୋଲିସ ଉଭୟ ଘଟଣାର ତଦନ୍ତ ଜାରି ରଖିଥିବା ବେଳେ, ପବିତ୍ର ଦାବି କରିଛନ୍ତି ଯେ ଏହି କାର୍ଯ୍ୟରେ ସାମିଲ ଥିବା ଲୋକଙ୍କ ଉପରେ କଠୋର କାର୍ଯ୍ୟାନୁଷ୍ଠାନ ନିଆଯାଉ।