लातूरच्या ममदापूरमध्ये महाराजस्व समाधान शिबिराला उत्स्फूर्त प्रतिसाद. ​ लातूर |प्रतिनिधी  लातूर तालुक्यातील ममदापूर येथे १७ एप्रिल रोजी आयोजित करण्यात आलेल्या महाराजस्व समाधान शिबिराला नागरिकांचा उत्स्फूर्त प्रतिसाद लाभला. ममदापूर पाटी येथील दक्षिणमुखी हनुमान मंदिर मंगल कार्यालयात पार पडलेल्या या शिबिराचे उद्घाटन तहसीलदार सौदागर तांदळे यांच्या उपस्थितीत करण्यात आले. या शिबिरात तहसील विभागामार्फत रहिवासी, उत्पन्न व जातीचे दाखले जागीच वितरित करण्यात आले. आरोग्य विभागाकडून मोफत तपासणी व आयुष्मान कार्डांचे वाटप करण्यात आले, तर कृषी व भूमी अभिलेख विभागाकडून शेतकरी आयडी, बी-बियाण्यांबाबत मार्गदर्शन आणि जमिनीच्या नकाशांचे वितरण करण्यात आले. तसेच मुख्यमंत्री लाडकी बहीण योजना आणि संजय गांधी निराधार योजनेबाबत नागरिकांना माहिती देण्यात आली. एकाच छताखाली विविध शासकीय सेवा उपलब्ध झाल्याने मोठ्या संख्येने नागरिकांनी सहभाग घेतला. या उपक्रमामुळे शेकडो प्रलंबित कामे मार्गी लागली असून प्रशासनाच्या या प्रयत्नाबद्दल ग्रामस्थांनी समाधान व्यक्त केले. तहसीलदार तांदळे यांनी सांगितले की, नागरिकांना शासकीय कार्यालयांचे उंबरठे झिजवावे लागू नयेत, हा या शिबिराचा मुख्य उद्देश आहे.

शरद दिलीप पवार

Media company शिरूर-अनंतपाळ, लातूर, महाराष्ट्र•

3 hrs ago

लातूरच्या ममदापूरमध्ये महाराजस्व समाधान शिबिराला उत्स्फूर्त प्रतिसाद. ​ लातूर |प्रतिनिधी  लातूर तालुक्यातील ममदापूर येथे १७ एप्रिल रोजी आयोजित करण्यात आलेल्या महाराजस्व समाधान शिबिराला नागरिकांचा उत्स्फूर्त प्रतिसाद लाभला. ममदापूर पाटी येथील दक्षिणमुखी हनुमान मंदिर मंगल कार्यालयात पार पडलेल्या या शिबिराचे उद्घाटन तहसीलदार सौदागर तांदळे यांच्या उपस्थितीत करण्यात आले. या शिबिरात तहसील विभागामार्फत रहिवासी, उत्पन्न व जातीचे दाखले जागीच वितरित करण्यात आले. आरोग्य विभागाकडून मोफत तपासणी व आयुष्मान कार्डांचे वाटप करण्यात आले, तर कृषी व भूमी अभिलेख विभागाकडून शेतकरी आयडी, बी-बियाण्यांबाबत मार्गदर्शन आणि जमिनीच्या नकाशांचे वितरण करण्यात आले. तसेच मुख्यमंत्री लाडकी बहीण योजना आणि संजय गांधी निराधार योजनेबाबत नागरिकांना माहिती देण्यात आली. एकाच छताखाली विविध शासकीय सेवा उपलब्ध झाल्याने मोठ्या संख्येने नागरिकांनी सहभाग घेतला. या उपक्रमामुळे शेकडो प्रलंबित कामे मार्गी लागली असून प्रशासनाच्या या प्रयत्नाबद्दल ग्रामस्थांनी समाधान व्यक्त केले. तहसीलदार तांदळे यांनी सांगितले की, नागरिकांना शासकीय कार्यालयांचे उंबरठे झिजवावे लागू नयेत, हा या शिबिराचा मुख्य उद्देश आहे.