વલસાડ, ઉમરગામ | ૦૧ એપ્રિલ ૨૦૨૬: આંતકવાદી ઘટના કે હાઇ એલર્ટના સમયગાળા કરતાં પણ વધુ મહત્વનો સમય ‘સામાન્ય પરિસ્થિતિ’નો હોય છે. જો આ શાંતિના સમયમાં પૂરતી તૈયારી રાખવામાં આવે, તો ભવિષ્યની કોઈ પણ કટોકટીની સ્થિતિને આવતાં પહેલાં જ રોકી શકાય છે. આ દૃષ્ટિકોણને ધ્યાનમાં રાખીને ગુજરાત રાજ્ય દરિયાઈ સુરક્ષા વિભાગ દ્વારા વલસાડ જિલ્લાના દરિયાકાંઠાના વિસ્તારોમાં “સઘન કોસ્ટલ પેટ્રોલિંગ” હાથ ધરવામાં આવ્યું હતું. ઉચ્ચ અધિકારીઓનું માર્ગદર્શન: અતિરિક્ત પોલીસ મહાનિર્દેશક (ADGP) અમિતકુમાર વિશ્વકર્મા, નાયબ પોલીસ મહાનિર્દેશક (DIG) એ. એમ. મુનિયા અને મરીન સેક્ટર કમાન્ડર એસ. જે. પરમારના માર્ગદર્શન હેઠળ આ ખાસ સુરક્ષા અભિયાન ચલાવવામાં આવ્યું હતું. ઉમરગામ મરીન સેક્ટર લીડર અને નાયબ પોલીસ અધિક્ષક એ. એમ. કુગસિયા તેમજ મરીન ટીમ લીડર PSI કે. સી. પટેલની આગેવાનીમાં મરીન કમાન્ડોની ટીમોએ તા. ૦૧/૦૪/૨૦૨૬ ના રોજ વ્યાપક પેટ્રોલિંગ કર્યું હતું. ચેકિંગની કામગીરી: આ ઓપરેશન દરમિયાન વલસાડ જિલ્લાના મઘોદ ડુંગરીથી નાના સુખવાડા સુધીના સમગ્ર દરિયાકાંઠા વિસ્તારને આવરી લેવામાં આવ્યો હતો. મરીન કમાન્ડોની અલગ-અલગ ટીમો દ્વારા દરિયામાં તરતી શંકાસ્પદ બોટ, કિનારે ફરતા શંકાસ્પદ ઇસમો અને દરિયાકાંઠે આવેલી અવાવરુ જગ્યાઓનું સઘન ચેકિંગ કરવામાં આવ્યું હતું. દરિયાઈ સુરક્ષા પ્રણાલીને વધુ મજબૂત બનાવવા અને કોઈપણ અનિચ્છનીય ઘટનાને ટાળી શકાય તે માટે પોલીસ તંત્ર સંપૂર્ણપણે સતર્ક જોવા મળ્યું હતું.

Parimal Pawar

Local News Reporter પારડી, વલસાડ, ગુજરાત•

14 hrs ago

વલસાડ, ઉમરગામ | ૦૧ એપ્રિલ ૨૦૨૬: આંતકવાદી ઘટના કે હાઇ એલર્ટના સમયગાળા કરતાં પણ વધુ મહત્વનો સમય ‘સામાન્ય પરિસ્થિતિ’નો હોય છે. જો આ શાંતિના સમયમાં પૂરતી તૈયારી રાખવામાં આવે, તો ભવિષ્યની કોઈ પણ કટોકટીની સ્થિતિને આવતાં પહેલાં જ રોકી શકાય છે. આ દૃષ્ટિકોણને ધ્યાનમાં રાખીને ગુજરાત રાજ્ય દરિયાઈ સુરક્ષા વિભાગ દ્વારા વલસાડ જિલ્લાના દરિયાકાંઠાના વિસ્તારોમાં “સઘન કોસ્ટલ પેટ્રોલિંગ” હાથ ધરવામાં આવ્યું હતું. ઉચ્ચ અધિકારીઓનું માર્ગદર્શન: અતિરિક્ત પોલીસ મહાનિર્દેશક (ADGP) અમિતકુમાર વિશ્વકર્મા, નાયબ પોલીસ મહાનિર્દેશક (DIG) એ. એમ. મુનિયા અને મરીન સેક્ટર કમાન્ડર એસ. જે. પરમારના માર્ગદર્શન હેઠળ આ ખાસ સુરક્ષા અભિયાન ચલાવવામાં આવ્યું હતું. ઉમરગામ મરીન સેક્ટર લીડર અને નાયબ પોલીસ અધિક્ષક એ. એમ. કુગસિયા તેમજ મરીન ટીમ લીડર PSI કે. સી. પટેલની આગેવાનીમાં મરીન કમાન્ડોની ટીમોએ તા. ૦૧/૦૪/૨૦૨૬ ના રોજ વ્યાપક પેટ્રોલિંગ કર્યું હતું. ચેકિંગની કામગીરી: આ ઓપરેશન દરમિયાન વલસાડ જિલ્લાના મઘોદ ડુંગરીથી નાના સુખવાડા સુધીના સમગ્ર દરિયાકાંઠા વિસ્તારને આવરી લેવામાં આવ્યો હતો. મરીન કમાન્ડોની અલગ-અલગ ટીમો દ્વારા દરિયામાં તરતી શંકાસ્પદ બોટ, કિનારે ફરતા શંકાસ્પદ ઇસમો અને દરિયાકાંઠે આવેલી અવાવરુ જગ્યાઓનું સઘન ચેકિંગ કરવામાં આવ્યું હતું. દરિયાઈ સુરક્ષા પ્રણાલીને વધુ મજબૂત બનાવવા અને કોઈપણ અનિચ્છનીય ઘટનાને ટાળી શકાય તે માટે પોલીસ તંત્ર સંપૂર્ણપણે સતર્ક જોવા મળ્યું હતું.