मेहकर तालुक्यातील खंडाळा देवी येथे हळदीचे बियाणे उचलून ठेवत असताना 17 वर्षीय करण शिंदे या तरुणाला सापाने दंश केल्याची घटना घडली आहे. सुदैवाने, वेळेत खासगी रुग्णालयात उपचार मिळाल्याने मोठी जीवितहानी टळली असून, करणची प्रकृती सध्या स्थिर आहे. मिळालेल्या माहितीनुसार, गुरुवारी सकाळी शेतकरी भिकाजी शिंदे आणि त्यांचा मुलगा करण शेतात हळद लागवडीची तयारी करत होते. आदल्या दिवशी झालेल्या दमदार पावसामुळे, लागवडीसाठी औषध प्रक्रिया करून ठेवलेले हळदीचे बियाणे (कट्टे) उचलून ठेवण्याचे काम सुरू असताना, कट्ट्याखाली लपून बसलेल्या सापाने अचानक करणला दंश केला. या घटनेनंतर करणच्या वडिलांनी आणि कुटुंबीयांनी त्याला तत्काळ मेहकर येथील खासगी रुग्णालयात दाखल केले. डॉक्टरांनी तातडीने उपचार सुरू केल्याने करणची प्रकृती धोक्याबाहेर असल्याचे सांगण्यात आले आहे. संपूर्ण जून महिना पावसाच्या प्रतीक्षेत गेलेल्या शेतकऱ्यांना कालच्या आलेल्या पावसामुळे मोठा दिलासा मिळाला आहे, त्यामुळे खरीप पेरणी व हळद लागवडीची कामे वेगाने सुरू करण्याची तयारी सुरू झाली आहे. मात्र, पावसाळ्यामध्ये शेतात साप, विंचू आणि इतर विषारी प्राण्यांचा वावर वाढतो, त्यामुळे शेतकऱ्यांनी विशेष खबरदारी घेणे आवश्यक आहे. शेतातील गवत, बियाण्याचे कट्टे किंवा इतर साहित्य उचलताना आधी नीट तपासणी करावी, तसेच सापदंश झाल्यास कोणताही घरगुती उपचार न करता तातडीने जवळच्या रुग्णालयात उपचार घ्यावेत, असे आवाहन करण्यात येत आहे. दोन दिवसांच्या पावसामुळे शेतीकामांना वेग आला असला, तरी अशा दुर्घटना टाळण्यासाठी प्रत्येकाने आवश्यक ती दक्षता घेणे गरजेचे असल्याचे या घटनेतून पुन्हा एकदा स्पष्ट झाले आहे.

गजानन कडुजी राऊत

Graphic designer मेहकर, बुलढाणा, महाराष्ट्र•

4 hrs ago

मेहकर तालुक्यातील खंडाळा देवी येथे हळदीचे बियाणे उचलून ठेवत असताना 17 वर्षीय करण शिंदे या तरुणाला सापाने दंश केल्याची घटना घडली आहे. सुदैवाने, वेळेत खासगी रुग्णालयात उपचार मिळाल्याने मोठी जीवितहानी टळली असून, करणची प्रकृती सध्या स्थिर आहे. मिळालेल्या माहितीनुसार, गुरुवारी सकाळी शेतकरी भिकाजी शिंदे आणि त्यांचा मुलगा करण शेतात हळद लागवडीची तयारी करत होते. आदल्या दिवशी झालेल्या दमदार पावसामुळे, लागवडीसाठी औषध प्रक्रिया करून ठेवलेले हळदीचे बियाणे (कट्टे) उचलून ठेवण्याचे

काम सुरू असताना, कट्ट्याखाली लपून बसलेल्या सापाने अचानक करणला दंश केला. या घटनेनंतर करणच्या वडिलांनी आणि कुटुंबीयांनी त्याला तत्काळ मेहकर येथील खासगी रुग्णालयात दाखल केले. डॉक्टरांनी तातडीने उपचार सुरू केल्याने करणची प्रकृती धोक्याबाहेर असल्याचे सांगण्यात आले आहे. संपूर्ण जून महिना पावसाच्या प्रतीक्षेत गेलेल्या शेतकऱ्यांना कालच्या आलेल्या पावसामुळे मोठा दिलासा मिळाला आहे, त्यामुळे खरीप पेरणी व हळद लागवडीची कामे वेगाने सुरू करण्याची तयारी सुरू झाली आहे. मात्र, पावसाळ्यामध्ये शेतात साप,

विंचू आणि इतर विषारी प्राण्यांचा वावर वाढतो, त्यामुळे शेतकऱ्यांनी विशेष खबरदारी घेणे आवश्यक आहे. शेतातील गवत, बियाण्याचे कट्टे किंवा इतर साहित्य उचलताना आधी नीट तपासणी करावी, तसेच सापदंश झाल्यास कोणताही घरगुती उपचार न करता तातडीने जवळच्या रुग्णालयात उपचार घ्यावेत, असे आवाहन करण्यात येत आहे. दोन दिवसांच्या पावसामुळे शेतीकामांना वेग आला असला, तरी अशा दुर्घटना टाळण्यासाठी प्रत्येकाने आवश्यक ती दक्षता घेणे गरजेचे असल्याचे या घटनेतून पुन्हा एकदा स्पष्ट झाले आहे.