राज ठाकरे यांनी आपल्या सडेतोड भाषणातून थेट मुख्यमंत्री फडणवीस यांना धारेवर धरले आहे. त्यांनी या भाषणात अत्यंत स्पष्ट आणि थेट भूमिकेतून मुख्यमंत्री फडणवीसांना चांगलेच लक्ष्य केले.

भाजपचे ज्येष्ठ नेते स्वर्गीय गोपीनाथ मुंडे यांचे परळी येथील गोपीनाथ गड येथे त्यांची कन्या पंकजा पालवे मुंडे यांनी अतिशय निसर्गरम्य समाधी स्थळ बनवले आहे. परळी येथील लोकनेते स्व. गोपीनाथ मुंडे साहेब यांचे हे नयनरम्य समाधी स्थळ कार्यकर्ते आणि सर्वसामान्यांसाठी एक चांगला आधार ठरत आहे.

राज्याचे जलसंपदा मंत्री मा. ना. श्री. राधाकृष्ण विखे पाटील साहेब हे शनिवार, दि. २५ जुलै रोजी सांगली जिल्ह्याच्या दौऱ्यावर येत असून, या दौऱ्याची सुरुवात श्री क्षेत्र बिरोबा यांच्या पवित्र दर्शनाने होणार आहे. दर्शनानंतर टेंभू सिंचन योजनेअंतर्गत तासगाव व कवठेमहांकाळ तालुक्यातील सिंचनाशी संबंधित विविध प्रश्नांवर एक महत्त्वपूर्ण आढावा बैठक आयोजित करण्यात आली आहे. या आढावा बैठकीत सुरू असलेल्या कामांचा आढावा, प्रलंबित कामे, पाणी सोडण्यातील अडचणी, नवीन पाइपलाइनचे प्रस्ताव तसेच टेंभू योजनेशी संबंधित विविध विषयांवर सविस्तर चर्चा होणार आहे. लाभक्षेत्रातील सर्व गावांच्या समस्या मंत्रीमहोदयांसमोर मांडून संबंधित अधिकाऱ्यांना आवश्यक सूचना दिल्या जातील आणि त्यावर प्रभावी व तातडीने तोडगा काढण्यासाठी कार्यवाही करण्यात येणार आहे. शेतकऱ्यांच्या हितासाठी, सिंचन व्यवस्थेच्या बळकटीसाठी आणि टेंभू योजनेची प्रभावी अंमलबजावणी करण्यासाठी हा दौरा अत्यंत महत्त्वाचा मानला जात आहे.

ऑलंपिकवीर खाशाबा जाधव यांच्या ७४ व्या पदक दिन समारंभाचे अत्यंत उत्साहात आयोजन करण्यात आले असून हा सोहळा मोठ्या उत्साही वातावरणात संपन्न झाला आहे.

वाटंबरे येथील जिल्हा प्राथमिक केंद्र शाळेची बालदिंडी मोठ्या उत्साहात पार पडली आहे. या बालदिंडी सोहळ्यात अत्यंत उत्साहपूर्ण वातावरण पाहायला मिळाले.

फलटण-सातारा मार्गावरील तडवळे फाटा ते वाठार निंबाळकर रस्त्याचे काम गेल्या तीन ते साडेतीन वर्षांपासून अर्धवट अवस्थेत असल्याने अनेक अपघात होत आहेत. रस्त्याचे काम सुरू असतानाही अनेकांना आपला जीव गमवावा लागला आहे. त्यातच गेल्या १५ दिवसांपूर्वी कापशी आळजापूर येथील पुलाचे काम अर्धवट ठेवल्यामुळे एकाला आपला जीव गमवावा लागला आहे. या ठिकाणी जुना पूल पूर्ण न काढताच त्याच्या दोन्ही बाजूंनी वाढ करण्यात आली आहे. तसेच पुलावर कामाचा राडारोडा तसाच राहिल्याने मोठ्या प्रमाणावर खड्डे पडले आहेत. या रस्त्यावरील अर्धवट आणि धोकादायक कामे संबंधित ठेकेदाराने त्वरित पूर्ण करावीत, अशी जोरदार मागणी वाहनचालक व नागरिकांनी केली आहे.

पुण्याच्या बारामतीमध्ये लोकनेते अजितदादांच्या स्मृतीस्थळावर साधू बल्लाळ व अनिता गायकवाड यांनी पणती लावत श्रद्धांजली वाहिली आहे.

मिरज येथील साहित्यरत्न लोकशाहीर डॉ. अण्णाभाऊ साठे पुतळा समितीने पुकारलेले आंदोलन अखेर यशस्वी झाले आहे. महापालिकेने समितीच्या सर्व मागण्या मान्य केल्या असून, त्याबाबतचे मंजुरीचे पत्र साहित्यरत्न लोकशाहीर डॉ. अण्णाभाऊ साठे पुतळा समितीचे अध्यक्ष भिमराव कृष्णा बेंगलोरे यांच्याकडे सुपूर्द केले आहे. या आंदोलनाच्या माध्यमातून मिरज येथील ज्येष्ठ नेते भिमराव बेंगलोरे यांनी महापालिकेला अखेर गुडघ्यावर आणले आहे. या ऐतिहासिक प्रसंगी समाज बांधव अत्यंत बहुसंख्येने उपस्थित होते.

बारामती-पाटस मार्गावर उंडवडी टोलनाक्यापुढे झालेल्या अपघातातील जखमीच्या मदतीसाठी युवा नेते जय पवार तात्काळ धावून आले. पुण्याकडे प्रवास करत असताना रस्त्यात अपघात झाल्याचे दिसताच त्यांनी कोणताही उशीर न करता आपला ताफा थांबवला. जय पवार यांनी अपघातग्रस्त जखमीची विचारपूस करत तातडीने मदतीची व्यवस्था केली. तसेच जखमीवर योग्य उपचारासाठी त्यांनी स्वतःच्या स्वीय सहाय्यकालाही जखमीसोबत पाठवले. संकटाच्या क्षणी त्यांनी दाखवलेली ही तत्परता आणि माणुसकी सर्वांच्या कौतुकाचा विषय ठरली आहे.