ଆଜିଠୁ ଆରମ୍ଭ ହେଉଛି ମାଟ୍ରିକ ପରୀକ୍ଷା। ଏଥିପାଇଁ ସବୁଠି ପ୍ରସ୍ତୁତି ଚୁଡାନ୍ତ ହୋଇସାରିଥିବା ବେଳେ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଶିକ୍ଷାଜିଲ୍ଲା ରେ ମଧ୍ୟ ମାଟ୍ରିକ ପରୀକ୍ଷା ପାଇଁ ପ୍ରସ୍ତୁତି ସରିଛି। ଚଳିତ ବର୍ଷ ବୀରମହାରାଜପୁର ଶିକ୍ଷା ଜିଲ୍ଲାରେ ୮ ଟି ପରୀକ୍ଷା କେନ୍ଦ୍ର କରାଯାଇଥିବା ବେଳେ ସମୁଦାୟ ୧୪୦୭ ଜଣ ପରୀକ୍ଷାର୍ଥୀ ପରୀକ୍ଷା ଦେବେ। ସେମାନଙ୍କ ମଧ୍ୟରୁ ୪ ଜଣ ମଧ୍ୟମା ପରୀକ୍ଷାର୍ଥୀ ରହିଛନ୍ତି। ଚଳିତ ବର୍ଷ ବୀରମହାରାଜପୁର ବ୍ଲକ ରେ ବୀରମହାରାଜପୁର ସରକାରୀ ବାଳକ ହାଇସ୍କୁଲ, ଜଟେସିଂହା ହାଇସ୍କୁଲ, ବୀରମହାରାଜପୁର ସରକାରୀ ବାଳିକା ହାଇସ୍କୁଲ,ସୁବଳୟା ପିଏମଶ୍ରୀ ହାଇସ୍କୁଲ,ପିତମହୁଲ ଉନ୍ନୀତ ଉଚ୍ଚ ବିଦ୍ୟାଳୟ, ଖଣ୍ଡହତା ସ୍ଥିତ ଇନ୍ଦିରା ଗାନ୍ଧୀ ହାଇସ୍କୁଲ, ଲୁତୁରପଙ୍କ ହାଇସ୍କୁଲ ଓ ମୁର୍ଷୁଣ୍ଢୀ ହାଇସ୍କୁଲରେ ମାଟ୍ରିକ ପରୀକ୍ଷା କେନ୍ଦ୍ର କରାଯାଇଛି। ବୀରମହାରାଜପୁର ସରକାରୀ ବାଳକ ହାଇସ୍କୁଲ କୁ ନୋଡାଲ ସେଣ୍ଟର କରାଯାଇଛି। ବୀରମହାରାଜପୁର ସଦର ସରକାରୀ ବାଳକ ଉଚ୍ଚବିଦ୍ୟାଳୟ ରେ ୨୮୩ ଜଣ ପରୀକ୍ଷାର୍ଥି ପରୀକ୍ଷା ଦେବାକୁ ଥିବା ବେଳେ ବୀରମହାରାଜପୁର ସରକାରୀ ବାଳିକା ଉଚ୍ଚ ବିଦ୍ୟାଳୟ କେନ୍ଦ୍ର ରେ ୧୬୨ ଜଣ ପରୀକ୍ଷାର୍ଥୀ ପରୀକ୍ଷା ଦେବେ। ସେହିପରି ସୁବିଳୟା ଉଚ୍ଚ ବିଦ୍ୟାଳୟ ରେ ୪ ଜଣ ମଧ୍ୟମା ପରିକ୍ଷାର୍ଥୀ ଙ୍କୁ ମିଶାଇ ସମୁଦାୟ ୧୨୩ ଜଣ ପରୀକ୍ଷା ଦେବେ। ମୁର୍ଷୁଣ୍ଢୀ ସ୍ଥିତ ରଘୁନାଥ ଉଚ୍ଚ ବିଦ୍ୟାଳୟ ରେ ୨୨୯ ଜଣ , ଲୁତୁରପଙ୍କ ଉଚ୍ଚ ବିଦ୍ୟାଳୟରେ ୧୫୬ ଜଣ , ଖଣ୍ଡହତା ସ୍ଥିତ ଇନ୍ଦିରା ଗାନ୍ଧୀ ଉଚ୍ଚ ବିଦ୍ୟାଳୟ ରେ ୧୮୧ ଜଣ ,ଜଟେସିଂହା ଉଚ୍ଚ ବିଦ୍ୟାଳୟ କେନ୍ଦ୍ର ରେ ୧୬୯ ଓ ପିତାମହୁଲ ଉଚ୍ଚ ବିଦ୍ୟାଳୟରେ ୧୦୪ ଜଣ ପରୀକ୍ଷାର୍ଥୀ ପରୀକ୍ଷା ଦେବେ। ଚଳିତ ବର୍ଷ ପରୀକ୍ଷା ସୁପରିଚାଳନା ପାଇଁ ପରୀକ୍ଷା କେନ୍ଦ୍ର ମାନଙ୍କ ରେ ସି ସି କ୍ୟାମେରା ନଜର ରେ ପରୀକ୍ଷାର୍ଥୀ ପରୀକ୍ଷା ଦେବେ ଏବଂ ପରୀକ୍ଷା ପରିଚାଳନା ପାଇଁ ବିଭିନ୍ନ ବିଦ୍ୟାଳୟ ରୁ ଶିକ୍ଷକ ମାନଙ୍କୁ ନିଯୁକ୍ତ କରାଯାଇଥିବା ଜଣାଯିଇଛି। ଏହା ସହିତ କୌଣସି ଅପ୍ରିତିକର ପରିସ୍ଥିତି କୁ ଏଡେଇବା ପାଇଁ ଆରକ୍ଷୀ ବାହିନୀ ଙ୍କୁ ବିଭିନ୍ନ କେନ୍ଦ୍ର ରେ ମୁତୟନ କରାଯିବ ବୋଲି ଶିକ୍ଷା ବିଭାଗ ତରଫରୁ ସୂଚନା ଦିଆଯାଇଛି।

Pitambar Sahu

Reporter ବୀରମହାରାଜପୁର, ସୋନପୁର, ଓଡ଼ିଶା•

22 hrs ago