ఆదిలాబాద్ జిల్లాలో జాతీయ, అంతర్రాష్ట్ర రహదారులపై ఉన్న దాబాల నిర్వాహకులు, యజమానులతో ఆదిలాబాద్ డీఎస్పీ ఎల్. జీవన్‌రెడ్డి సమావేశం నిర్వహించారు. జిల్లా ఎస్పీ అఖిల్ మహాజన్ ఐపీఎస్ ఆదేశాల మేరకు జరిగిన ఈ సమావేశంలో, డీఎస్పీ దాబాలలో ఎలాంటి అసాంఘిక కార్యకలాపాలు నిర్వహించకూడదని కఠినంగా హెచ్చరించారు. ముఖ్యంగా దాబాలలో మద్యం సేవించడం, అమ్మడం, గంజాయి లేదా ఇతర మాదకద్రవ్యాలను విక్రయించడం వంటివి నిషేధమని స్పష్టం చేశారు. ఈ నిబంధనలు ఉల్లంఘించిన యజమానులు, నిర్వాహకులపై కేసులు నమోదు చేయబడతాయని తెలిపారు. దాబాలలో మద్యం సేవించడం, జాతీయ రహదారులపై వాహనాలు పార్కింగ్ చేయడం వల్ల ప్రమాదాలు జరుగుతున్నాయని, ప్రాణనష్టం పెరుగుతోందని డీఎస్పీ పేర్కొన్నారు. ప్రమాదాల నివారణకు ఈ చర్యలు చేపడుతున్నామని, ప్రమాదాలు సంభవించినట్లయితే దాబా యజమానులే బాధ్యత వహించాల్సి వస్తుందని హెచ్చరించారు. ప్రతి దాబాలో నాణ్యమైన సీసీటీవీ కెమెరాలను ఏర్పాటు చేయాలని సూచించారు. ఈ కెమెరాలలో దాబాకు వచ్చే, వెళ్లే వ్యక్తులు, దాబా పరిసర ప్రాంతాలు, హైవే స్పష్టంగా కనిపించే విధంగా ఉండాలన్నారు. దాబాకు వచ్చే వాహనాలను పార్కింగ్ స్థలంలోనే నిలపాలని, రహదారులపై ఎట్టి పరిస్థితుల్లోనూ పార్కింగ్ చేయవద్దని తెలిపారు. దాబాలలో నేరస్తులు అసాంఘిక కార్యకలాపాలకు పాల్పడటం, ఆయుధాలు లేదా గంజాయి వంటివి కనిపించినా, వాటి సమాచారం తెలిసినా వెంటనే పోలీసులకు తెలియజేయాలని కోరారు. సమాచారం ఇచ్చిన వారి వివరాలు గోప్యంగా ఉంచబడతాయని హామీ ఇచ్చారు. అనుమానాస్పద వ్యక్తులకు ఆశ్రయం కల్పించవద్దని, వారి సమాచారాన్ని వెంటనే పోలీసులకు అందించాలని సూచించారు. నిబంధనలను పదేపదే ఉల్లంఘించే వారిపై కేసులు నమోదు చేయడమే కాకుండా, బైండవర్ చేయడం జరుగుతుందని డీఎస్పీ హెచ్చరించారు. ఈ కార్యక్రమంలో సీఐలు బి. సునీల్ కుమార్, బి.డి. ప్రేమ్ కుమార్, రహీం పాషా, కె. నాగరాజుతో పాటు ఇతర సిబ్బంది పాల్గొన్నారు.

M.RAJKIRAN REDDY

Adilabad Urban, Telangana•

16 hrs ago

ఆదిలాబాద్ జిల్లాలో జాతీయ, అంతర్రాష్ట్ర రహదారులపై ఉన్న దాబాల నిర్వాహకులు, యజమానులతో ఆదిలాబాద్ డీఎస్పీ ఎల్. జీవన్‌రెడ్డి సమావేశం నిర్వహించారు. జిల్లా ఎస్పీ అఖిల్ మహాజన్ ఐపీఎస్ ఆదేశాల మేరకు జరిగిన ఈ సమావేశంలో, డీఎస్పీ దాబాలలో ఎలాంటి అసాంఘిక కార్యకలాపాలు నిర్వహించకూడదని కఠినంగా హెచ్చరించారు. ముఖ్యంగా దాబాలలో మద్యం సేవించడం, అమ్మడం, గంజాయి లేదా ఇతర మాదకద్రవ్యాలను విక్రయించడం వంటివి నిషేధమని స్పష్టం చేశారు. ఈ నిబంధనలు ఉల్లంఘించిన యజమానులు, నిర్వాహకులపై కేసులు నమోదు చేయబడతాయని తెలిపారు. దాబాలలో మద్యం సేవించడం, జాతీయ రహదారులపై వాహనాలు పార్కింగ్ చేయడం వల్ల ప్రమాదాలు జరుగుతున్నాయని, ప్రాణనష్టం పెరుగుతోందని డీఎస్పీ పేర్కొన్నారు. ప్రమాదాల నివారణకు ఈ చర్యలు చేపడుతున్నామని, ప్రమాదాలు సంభవించినట్లయితే దాబా యజమానులే బాధ్యత వహించాల్సి వస్తుందని హెచ్చరించారు. ప్రతి దాబాలో నాణ్యమైన సీసీటీవీ కెమెరాలను ఏర్పాటు చేయాలని సూచించారు. ఈ కెమెరాలలో దాబాకు వచ్చే, వెళ్లే వ్యక్తులు, దాబా పరిసర ప్రాంతాలు, హైవే స్పష్టంగా కనిపించే విధంగా ఉండాలన్నారు. దాబాకు వచ్చే వాహనాలను పార్కింగ్ స్థలంలోనే నిలపాలని, రహదారులపై ఎట్టి పరిస్థితుల్లోనూ పార్కింగ్ చేయవద్దని తెలిపారు. దాబాలలో నేరస్తులు అసాంఘిక కార్యకలాపాలకు పాల్పడటం, ఆయుధాలు లేదా గంజాయి వంటివి కనిపించినా, వాటి సమాచారం తెలిసినా వెంటనే పోలీసులకు తెలియజేయాలని కోరారు. సమాచారం ఇచ్చిన వారి వివరాలు గోప్యంగా ఉంచబడతాయని హామీ ఇచ్చారు. అనుమానాస్పద వ్యక్తులకు ఆశ్రయం కల్పించవద్దని, వారి సమాచారాన్ని వెంటనే పోలీసులకు అందించాలని సూచించారు. నిబంధనలను పదేపదే ఉల్లంఘించే వారిపై కేసులు నమోదు చేయడమే కాకుండా, బైండవర్ చేయడం జరుగుతుందని డీఎస్పీ హెచ్చరించారు. ఈ కార్యక్రమంలో సీఐలు బి. సునీల్ కుమార్, బి.డి. ప్రేమ్ కుమార్, రహీం పాషా, కె. నాగరాజుతో పాటు ఇతర సిబ్బంది పాల్గొన్నారు.