आषाढी एकादशीच्या पावन पर्वाचे औचित्य साधून अकोट तालुक्यातील संत नगरी म्हणून ओळखल्या जाणाऱ्या मुंडगाव येथे लिटिल चॅम्प्स कॉन्व्हेंट आणि नारायणराव पिंपळे प्रायमरी इंग्लिश स्कूलच्या वतीने वारकरी संप्रदायाची परंपरा जपणारा अनोखा सांस्कृतिक उपक्रम उत्साहात पार पडला. या वेळी लहान विद्यार्थ्यांनी टाळ-मृदुंगाच्या निनादात आणि हरिनामाच्या गजरात पारंपरिक दिंडी काढली. या सोहळ्यामुळे संपूर्ण मुंडगाव परिसर भक्तिमय वातावरणाने भारावून गेला असून मुंडगावात जणू पंढरपूरच अवतरल्याचा अनुभव उपस्थितांनी घेतला. या दिंडीत विठ्ठल-रुक्मिणी, संत तुकाराम आणि संत ज्ञानेश्वर यांच्या वेशभूषेत सजलेल्या चिमुकल्यांनी सर्वांचे लक्ष वेधून घेतले. डोक्यावर तुळशी वृंदावन, हातात भगवी पताका आणि पारंपरिक पोशाख परिधान केलेल्या विद्यार्थ्यांनी "विठ्ठल... विठ्ठल... जय हरी विठ्ठल..." असा अखंड नामघोष करत पंढरपूरच्या वारीचा अनुभव साकारला. बालकांच्या या निरागस भक्तीभावाने आणि कौशल्यपूर्ण सादरीकरणाने उपस्थितांची मने जिंकून घेतली. विद्यार्थ्यांमध्ये बालपणापासूनच भक्ती, समता, सेवाभाव आणि भारतीय संस्कृतीची मूल्ये रुजावीत, या उद्देशाने शाळेतर्फे या कार्यक्रमाचे आयोजन करण्यात आले होते. या उपक्रमात शाळेच्या मुख्याध्यापिका सरिता पिंपळे, संचालिका योगिताताई पिंपळे यांच्यासह चंचल देवगिरे, गायत्री येवतकर, तृप्ती सांगोळे, स्वाती सुरपाटणे, निकिता दहीभात, निकिता वानखडे, वंदना म्हैसने, इतर शिक्षक व पालकांनी उत्स्फूर्त सहभाग घेतला. वारकरी परंपरेची ओळख नव्या पिढीपर्यंत पोहोचविणाऱ्या शाळेच्या या उपक्रमाचे नागरिक व पालकांकडून विशेष कौतुक केले जात आहे.

राजकुमार वानखडे राज

News Anchor अकोट, अकोला, महाराष्ट्र•

22 hrs ago

आषाढी एकादशीच्या पावन पर्वाचे औचित्य साधून अकोट तालुक्यातील संत नगरी म्हणून ओळखल्या जाणाऱ्या मुंडगाव येथे लिटिल चॅम्प्स कॉन्व्हेंट आणि नारायणराव पिंपळे प्रायमरी इंग्लिश स्कूलच्या वतीने वारकरी संप्रदायाची परंपरा जपणारा अनोखा सांस्कृतिक उपक्रम उत्साहात पार पडला. या वेळी लहान विद्यार्थ्यांनी टाळ-मृदुंगाच्या निनादात आणि हरिनामाच्या गजरात पारंपरिक दिंडी काढली. या सोहळ्यामुळे संपूर्ण मुंडगाव परिसर भक्तिमय वातावरणाने भारावून गेला असून मुंडगावात जणू पंढरपूरच अवतरल्याचा अनुभव उपस्थितांनी घेतला. या दिंडीत विठ्ठल-रुक्मिणी, संत तुकाराम आणि संत ज्ञानेश्वर यांच्या वेशभूषेत सजलेल्या चिमुकल्यांनी सर्वांचे लक्ष वेधून घेतले. डोक्यावर तुळशी वृंदावन, हातात भगवी पताका आणि पारंपरिक पोशाख परिधान केलेल्या विद्यार्थ्यांनी "विठ्ठल... विठ्ठल... जय हरी विठ्ठल..." असा अखंड नामघोष करत पंढरपूरच्या वारीचा अनुभव साकारला. बालकांच्या या निरागस भक्तीभावाने आणि कौशल्यपूर्ण सादरीकरणाने उपस्थितांची मने जिंकून घेतली. विद्यार्थ्यांमध्ये बालपणापासूनच भक्ती, समता, सेवाभाव आणि भारतीय संस्कृतीची मूल्ये रुजावीत, या उद्देशाने शाळेतर्फे या कार्यक्रमाचे आयोजन करण्यात आले होते. या उपक्रमात शाळेच्या मुख्याध्यापिका सरिता पिंपळे, संचालिका योगिताताई पिंपळे यांच्यासह चंचल देवगिरे, गायत्री येवतकर, तृप्ती सांगोळे, स्वाती सुरपाटणे, निकिता दहीभात, निकिता वानखडे, वंदना म्हैसने, इतर शिक्षक व पालकांनी उत्स्फूर्त सहभाग घेतला. वारकरी परंपरेची ओळख नव्या पिढीपर्यंत पोहोचविणाऱ्या शाळेच्या या उपक्रमाचे नागरिक व पालकांकडून विशेष कौतुक केले जात आहे.