कचरा गाडीच्या धडकेत विद्यार्थ्याचा जागीच मृत्यू ! बारापुल्ला गेटजवळ भीषण अपघात; कचरा गाडीच्या धडकेत विद्यार्थ्याचा जागीच मृत्यू ! बारापुल्ला गेटजवळ भीषण अपघात.. छत्रपती संभाजीनगर शहरातील बारापुल्ला गेट परिसरात बुधवारी दुपारी झालेल्या भीषण अपघातात एका तरुण विद्यार्थ्याचा जागीच मृत्यू झाल्याची दुर्दैवी घटना घडली. या घटनेमुळे परिसरात हळहळ व्यक्त केली जात आहे. मिळालेल्या माहितीनुसार, बजाजनगर येथील रहिवासी तसेच सरस्वती भुवन महाविद्यालयात शिक्षण घेणारा ओमकार खनसे हा विद्यार्थी नेहमीप्रमाणे कॉलेजकडे जात असताना बारापुल्ला गेटजवळ कचरा वाहतूक करणाऱ्या गाडीने त्याला जोरदार धडक दिली. धडक इतकी भीषण होती की, ओमकारचा जागीच मृत्यू झाला. घटनेनंतर परिसरात मोठी गर्दी जमली असून, नागरिकांमध्ये संतापाची भावना व्यक्त होत आहे. अपघाताची माहिती मिळताच पोलिसांनी घटनास्थळी धाव घेत पंचनामा सुरू केला आहे. तसेच संबंधित वाहन चालकाविरुद्ध गुन्हा दाखल करण्याची प्रक्रिया सुरू असल्याची माहिती मिळाली आहे. या दुर्दैवी घटनेमुळे सरस्वती भुवन महाविद्यालय परिसरात शोककळा पसरली असून, ओमकारच्या मित्रपरिवार आणि कुटुंबीयांवर दुःखाचा डोंगर कोसळला आहे. पुढील तपास पोलीस करत आहेत.

पत्रकार ओमप्रकाश उढाण

घनसावंगी, जालना, महाराष्ट्र•

3 hrs ago

कचरा गाडीच्या धडकेत विद्यार्थ्याचा जागीच मृत्यू ! बारापुल्ला गेटजवळ भीषण अपघात; कचरा गाडीच्या धडकेत विद्यार्थ्याचा जागीच मृत्यू ! बारापुल्ला गेटजवळ भीषण अपघात.. छत्रपती संभाजीनगर शहरातील बारापुल्ला गेट परिसरात बुधवारी दुपारी झालेल्या भीषण अपघातात एका तरुण विद्यार्थ्याचा जागीच मृत्यू झाल्याची दुर्दैवी घटना घडली. या घटनेमुळे परिसरात हळहळ व्यक्त केली जात आहे. मिळालेल्या माहितीनुसार, बजाजनगर येथील रहिवासी तसेच सरस्वती भुवन महाविद्यालयात शिक्षण घेणारा ओमकार खनसे हा विद्यार्थी नेहमीप्रमाणे कॉलेजकडे जात असताना बारापुल्ला गेटजवळ कचरा वाहतूक करणाऱ्या गाडीने त्याला जोरदार धडक दिली. धडक इतकी भीषण होती की, ओमकारचा जागीच मृत्यू झाला. घटनेनंतर परिसरात मोठी गर्दी जमली असून, नागरिकांमध्ये संतापाची भावना व्यक्त होत आहे. अपघाताची माहिती मिळताच पोलिसांनी घटनास्थळी धाव घेत पंचनामा सुरू केला आहे. तसेच संबंधित वाहन चालकाविरुद्ध गुन्हा दाखल करण्याची प्रक्रिया सुरू असल्याची माहिती मिळाली आहे. या दुर्दैवी घटनेमुळे सरस्वती भुवन महाविद्यालय परिसरात शोककळा पसरली असून, ओमकारच्या मित्रपरिवार आणि कुटुंबीयांवर दुःखाचा डोंगर कोसळला आहे. पुढील तपास पोलीस करत आहेत.