​'उद्धवजींनी पदं नाकारली, तुम्ही मात्र लाचारीसाठी पक्ष बदलले'; वैभव नाईक यांचा नितेश राणेंवर घणाघात ​ आमदार नितेश राणे यांनी उद्धव ठाकरे यांच्यावर केलेल्या 'लाचारी'च्या टीकेला शिवसेना (उद्धव बाळासाहेब ठाकरे) पक्षाचे सिंधुदुर्ग जिल्हाप्रमुख वैभव नाईक यांनी जोरदार प्रत्युत्तर दिले आहे. "उद्धव ठाकरेंनी नेहमीच सामान्य कार्यकर्त्याला संधी दिली, मात्र नितेश राणेंनी सत्तेसाठी कोणाची लाचारी केली हे उभ्या महाराष्ट्राला ठाऊक आहे," अशा शब्दांत नाईक यांनी राणेंचा समाचार घेतला. ​'उद्धवजी स्वतःहून मुख्यमंत्री झाले नाहीत' ​वैभव नाईक यांनी उद्धव ठाकरेंच्या मुख्यमंत्रीपदाचा संदर्भ देताना स्पष्ट केले की, उद्धवजींना पदाची हाव कधीच नव्हती. महाविकास आघाडीच्या नेत्यांनी आणि जनतेने केलेल्या आग्रहामुळे त्यांनी जबाबदारी स्वीकारली होती. भारतीय जनता पार्टीने 'मातोश्री'वर दिलेला शब्द फिरवला, म्हणूनच शिवसैनिक मुख्यमंत्री व्हावा या भूमिकेतून उद्धवजींनी ती खुर्ची सांभाळली. आजही त्यांनी विधान परिषदेवर न जाता सामान्य कार्यकर्त्याला संधी देऊन आपला मोठेपणा सिद्ध केला आहे. ​नितेश राणेंच्या राजकीय प्रवासाचा काढला पाढा ​नितेश राणे यांच्यावर टीका करताना वैभव नाईक म्हणाले की, "तुम्ही काँग्रेसकडून तिकीट मागितले, त्यांनी तुम्हाला पहिल्यांदा आमदार केले. त्यानंतर काँग्रेस सोडून स्वतःचा पक्ष काढला आणि शेवटी तोही विसर्जित करून तुम्ही भाजपच्या पदराखाली गेलात. आज भाजपच्या नावावर निवडून येणे यात तुमचे मोठेपण नाही. लाचारी तर तुम्ही केली आहे, उद्धव ठाकरेंनी नाही. जर त्यांना लाचारी करायची असती, तर त्यांना यापूर्वीच अनेक पदे मिळाली असती." ​नारायण राणेंना पुन्हा मुख्यमंत्री होता आले नाही - नाईक ​यावेळी नाईक यांनी माजी मुख्यमंत्री नारायण राणे यांच्यावरही निशाणा साधला. ते म्हणाले की, "बाळासाहेबांनी नारायण राणेंना मुख्यमंत्री केले, पण त्यानंतरच्या निवडणुकीत सत्ता गेली आणि राणे पुन्हा मुख्यमंत्री होऊ शकले नाहीत, ही वस्तुस्थिती आहे. याउलट उद्धव ठाकरेंनी दोनदा सत्ता असतानाही स्वतःसाठी पद मागितले नव्हते. केवळ आघाडीच्या आग्रहाखातर ते मुख्यमंत्री झाले आणि राजीनामा देतानाही त्यांनी पदाचा मोह ठेवला नाही." ​अपयश झाकण्यासाठीच ठाकरेंवर टीका ​सध्याच्या आंदोलनांवर भाष्य करताना नाईक म्हणाले की, नितेश राणे हे स्वतःच्याच सरकार विरोधात जे काही करत आहेत, ते केवळ आपले अपयश झाकण्यासाठी आहे. लोकांचे लक्ष मूळ मुद्द्यांवरून दुसरीकडे वळवण्यासाठी आणि प्रसिद्धी मिळवण्यासाठी ते सातत्याने उद्धव ठाकरेंवर टीका करत आहेत. "उद्धव ठाकरेंवर बोलल्याशिवाय तुम्हाला कोणी विचारत नाही, हेच तुमचे राजकारण आहे," असा टोलाही त्यांनी लगावला.

MH07NEWS

कुडाळ, सिंधुदुर्ग, महाराष्ट्र•

7 hrs ago

​'उद्धवजींनी पदं नाकारली, तुम्ही मात्र लाचारीसाठी पक्ष बदलले'; वैभव नाईक यांचा नितेश राणेंवर घणाघात ​ आमदार नितेश राणे यांनी उद्धव ठाकरे यांच्यावर केलेल्या 'लाचारी'च्या टीकेला शिवसेना (उद्धव बाळासाहेब ठाकरे) पक्षाचे सिंधुदुर्ग जिल्हाप्रमुख वैभव नाईक यांनी जोरदार प्रत्युत्तर दिले आहे. "उद्धव ठाकरेंनी नेहमीच सामान्य कार्यकर्त्याला संधी दिली, मात्र नितेश राणेंनी सत्तेसाठी कोणाची लाचारी केली हे उभ्या महाराष्ट्राला ठाऊक आहे," अशा शब्दांत नाईक यांनी राणेंचा समाचार घेतला. ​'उद्धवजी स्वतःहून मुख्यमंत्री झाले नाहीत' ​वैभव नाईक यांनी उद्धव ठाकरेंच्या मुख्यमंत्रीपदाचा संदर्भ देताना स्पष्ट केले की, उद्धवजींना पदाची हाव कधीच नव्हती. महाविकास आघाडीच्या नेत्यांनी आणि जनतेने केलेल्या आग्रहामुळे त्यांनी जबाबदारी स्वीकारली होती. भारतीय जनता पार्टीने 'मातोश्री'वर दिलेला शब्द फिरवला, म्हणूनच शिवसैनिक मुख्यमंत्री व्हावा या भूमिकेतून उद्धवजींनी ती खुर्ची सांभाळली. आजही त्यांनी विधान परिषदेवर न जाता सामान्य कार्यकर्त्याला संधी देऊन आपला मोठेपणा सिद्ध केला आहे. ​नितेश राणेंच्या राजकीय प्रवासाचा काढला पाढा ​नितेश राणे यांच्यावर टीका करताना वैभव नाईक म्हणाले की, "तुम्ही काँग्रेसकडून तिकीट मागितले, त्यांनी तुम्हाला पहिल्यांदा आमदार केले. त्यानंतर काँग्रेस सोडून स्वतःचा पक्ष काढला आणि शेवटी तोही विसर्जित करून तुम्ही भाजपच्या पदराखाली गेलात. आज भाजपच्या नावावर निवडून येणे यात तुमचे मोठेपण नाही. लाचारी तर तुम्ही केली आहे, उद्धव ठाकरेंनी नाही. जर त्यांना लाचारी करायची असती, तर त्यांना यापूर्वीच अनेक पदे मिळाली असती." ​नारायण राणेंना पुन्हा मुख्यमंत्री होता आले नाही - नाईक ​यावेळी नाईक यांनी माजी मुख्यमंत्री नारायण राणे यांच्यावरही निशाणा साधला. ते म्हणाले की, "बाळासाहेबांनी नारायण राणेंना मुख्यमंत्री केले, पण त्यानंतरच्या निवडणुकीत सत्ता गेली आणि राणे पुन्हा मुख्यमंत्री होऊ शकले नाहीत, ही वस्तुस्थिती आहे. याउलट उद्धव ठाकरेंनी दोनदा सत्ता असतानाही स्वतःसाठी पद मागितले नव्हते. केवळ आघाडीच्या आग्रहाखातर ते मुख्यमंत्री झाले आणि राजीनामा देतानाही त्यांनी पदाचा मोह ठेवला नाही." ​अपयश झाकण्यासाठीच ठाकरेंवर टीका ​सध्याच्या आंदोलनांवर भाष्य करताना नाईक म्हणाले की, नितेश राणे हे स्वतःच्याच सरकार विरोधात जे काही करत आहेत, ते केवळ आपले अपयश झाकण्यासाठी आहे. लोकांचे लक्ष मूळ मुद्द्यांवरून दुसरीकडे वळवण्यासाठी आणि प्रसिद्धी मिळवण्यासाठी ते सातत्याने उद्धव ठाकरेंवर टीका करत आहेत. "उद्धव ठाकरेंवर बोलल्याशिवाय तुम्हाला कोणी विचारत नाही, हेच तुमचे राजकारण आहे," असा टोलाही त्यांनी लगावला.