కోరుకొండ శ్రీ లక్ష్మీనరసింహస్వామి వేద పండితులు జన్మదిన శుభాకాంక్షలు

శ్రీరంగపట్నం కంబాల బంగారు కానుక మరియు పట్టు చీరలు పంపిణీ వేలాదిమంది మహిళలకు చీరలు పంపిణీ

గొల్లప్రోలులో భారీ కార్డన్ అండ్ సెర్చ్ 58 బైక్‌లు స్వాధీనం... ​పిఠాపురం: శాంతిభద్రతల పరిరక్షణ, అసాంఘిక కార్యకలాపాల నియంత్రణే లక్ష్యంగా కాకినాడ జిల్లా ఎస్పీ బిందుమాధవ్ ఐపీఎస్ ఆదేశాల మేరకు పిఠాపురం నియోజకవర్గం గొల్లప్రోలు గ్రామంలో పోలీసులు విస్తృత స్థాయిలో కార్డన్ అండ్ సెర్చ నిర్వహించారు. ​కాకినాడ సబ్ డివిజన్ ఇన్‌చార్జ్ అడిషనల్ ఎస్పీ కిషోర్ కుమార్ పర్యవేక్షణలో పిఠాపురం సర్కిల్ ఇన్‌స్పెక్టర్ జి. శ్రీనివాస్ ఆధ్వర్యంలో ఈరోజు అనగా ఆదివారం తెల్లవారుజామున 04:00 గంటల ప్రాంతంలో ఈ తనిఖీలు చేపట్టారు. గొల్లప్రోలు పోలీస్ స్టేషన్ పరిధిలోని రంగప్ప చెరువు ప్రాంతాన్ని పోలీసులు పూర్తిగా తమ అదుపులోకి తీసుకుని ఈ ఆపరేషన్ నిర్వహించారు. గ్రామంలోని ముఖ్య వీధులు, అనుమానాస్పద ప్రాంతాలను అణువణువూ గాలించారు. గ్రామంలోని అనుమానాస్పద వ్యక్తుల వివరాలను సేకరించడంతో పాటు పాత నేరస్తుల కదలికలపై పోలీసులు ప్రత్యేక నిఘా ఏర్పాటు చేశారు. ఇళ్లు,పరిసర ప్రాంతాల్లో గంజాయి ఇతర మత్తు పదార్థాలు,నాటు సారా,అక్రమ మద్యం నిల్వలు మరియు బెల్ట్ షాపులపై విస్తృతంగా తనిఖీలు నిర్వహించారు. నాటు సారా తయారీ, రవాణా, విక్రయాలకు పాల్పడితే ఎంతటి వారైనా ఉపేక్షించేది లేదని,కఠిన చర్యలు తీసుకుంటామని పోలీసులు హెచ్చరించారు. ​గ్రామాల్లో నిర్వహించిన తనిఖీల్లో సరైన పత్రాలు ఆర్సీ, డ్రైవింగ్ లైసెన్స్, ఇన్సూరెన్స్ లేని మొత్తం 58 ద్విచక్ర వాహనాలను పోలీసులు స్వాధీనం చేసుకున్నారు. ​గ్రామ ప్రజలు అప్రమత్తంగా ఉండాలని,కొత్త వ్యక్తులు ఎవరైనా వస్తే వారి వివరాలు తెలుసుకోవాలని పోలీసులు సూచించారు. గ్రామంలో ఎక్కడైనా అసాంఘిక కార్యకలాపాలు, మత్తు పదార్థాల విక్రయాలు,నాటు సారా తయారీ లేదా అక్రమ మద్యం అమ్మకాలు గమనిస్తే వెంటనే పోలీసులకు సమాచారం అందించాలని కోరారు. సమాచారం అందించిన వారి వివరాలు పూర్తిగా గోప్యంగా ఉంచబడతాయని స్పష్టం చేశారు. ఈ కార్యక్రమంలో గొల్లప్రోలు ఎస్సై రామకృష్ణ, పిఠాపురం టౌన్ ఎస్ఐ లోకేష్, యు కొత్తపల్లి ఎస్సై వెంకటేష్ మరియు సిబ్బంది పాల్గొన్నారు.

ఆదికవి నన్నయ యూనివర్సిటీలో ఔట్సోర్సింగ్ సిబ్బంది నిరసన దీక్ష రాజమహేంద్రవరం: ఆదికవి నన్నయ యూనివర్సిటీలో పనిచేస్తున్న ఔట్సోర్సింగ్ సిబ్బంది తమ సమస్యలను పరిష్కరించాలని డిమాండ్ చేస్తూ నిరసన దీక్ష చేపట్టారు. తమకు ఎదురవుతున్న సమస్యలను యూనివర్సిటీ అధికారుల దృష్టికి తీసుకెళ్లేందుకు ఈ నిరసన కార్యక్రమాన్ని నిర్వహించినట్లు సిబ్బంది తెలిపారు. ఔట్సోర్సింగ్ సిబ్బందికి ఉద్యోగ భద్రత కల్పించాలని, వేతనాలను సకాలంలో చెల్లించాలని, పెండింగ్‌లో ఉన్న వేతనాలు మరియు ఇతర బకాయిలను వెంటనే చెల్లించాలని వారు డిమాండ్ చేశారు. ప్రభుత్వం మరియు యూనివర్సిటీ నిబంధనలకు అనుగుణంగా తమ సేవలకు తగిన గుర్తింపు, సంక్షేమ ప్రయోజనాలు కల్పించాలని కోరారు. దీక్షలో పాల్గొన్న సిబ్బంది మాట్లాడుతూ, ఎన్నో సంవత్సరాలుగా యూనివర్సిటీలో విధులు నిర్వహిస్తున్నప్పటికీ తమ సమస్యలు పూర్తిస్థాయిలో పరిష్కారం కాలేదని ఆవేదన వ్యక్తం చేశారు. తమ న్యాయమైన డిమాండ్లను అధికారులు సానుకూలంగా పరిశీలించి వెంటనే పరిష్కరించాలని కోరారు. తమ సమస్యలపై సంబంధిత అధికారులు స్పందించి స్పష్టమైన హామీ ఇచ్చే వరకు నిరసన కార్యక్రమాన్ని కొనసాగిస్తామని ఔట్సోర్సింగ్ సిబ్బంది పేర్కొన్నారు. ఈ కార్యక్రమంలో ఔట్సోర్సింగ్ సిబ్బంది, ఉద్యోగ సంఘాల ప్రతినిధులు, తదితరులు పాల్గొన్నారు.

వర్షాలు కురవాలని ముసలి కి పూజలు చేసినా పూజారి.......! గద్వాల జిల్లా బీచుపల్లిలో కృష్ణానది ఒడ్డుకు కొట్టుకొచ్చిన మొసలికి పురోహితుడు పూజలు చేసిన వీడియో వైరల్‌గా మారింది. మొసలిని వరుణదేవుడి వాహనంగా భావించి వర్షాలు సమృద్ధిగా కురవాలని పూజలు చేసినట్లు పూజారి అనిల్‌శర్మ తెలిపారు. పూజల అనంతరం మొసలిని తిరిగి నదిలో విడిచిపెట్టారు.

కోరుకొండ శ్రీ లక్ష్మీనరసింహస్వామి వేద పండితులు జన్మదిన శుభాకాంక్షలు

*రెండు టన్నుల రేషన్ బియ్యంతో హైవేపై తిరగబడిన వ్యాన్.*. ఆలమూరు మండలం మడికి 216వ నంబరు జాతీయ రహదారిపై రావులపాలెం వైపు నుండి సుమారు రెండు టన్నుల రేషన్ బియ్యంతో ఏపీ 05 టీజే 0096 నెంబర్ గల వ్యాను పొట్టిలంక వద్ద డివైడర్ దాటుతుండగా అదుపుతప్పి హైవే మధ్యలో తిరగబడటంతో కొద్ది సమయం ట్రాఫిక్కు అంతరాయం కలిగింది. ప్రమాదం జరిగిన వెంటనే డ్రైవర్ ఘటన స్థలానికి తప్పించుకోగా, మరొక వ్యాను ఘటన స్థలానికి కూలీలతో చేరుకొని కేవలం 10 నిమిషాల్లో రేషన్ బియ్యాన్ని మరొక వ్యాన్ లోడ్ చేసుకొని హుటాహుటిన సినిమా పక్కిలో తప్పించుకున్నారు. హైవే సేఫ్టీ పెట్రోలింగ్ సిబ్బంది ఘటన స్థలానికి చేరుకునే లోపే వారు రేషన్ బియ్యం, వ్యాన్ తో సహా పరారయ్యారు. వ్యాన్ నెంబర్ సహాయంతో ఆలమూరు పోలీసులు వాహనం, బియ్యం ఎవరివనేది దర్యాప్తు చేసి పట్టుకుంటారో లేదో వేసి చూద్దాం. కాగా స్థానికుల కథనం ప్రకారం ఈ వ్యాను నర్సిపూడి రేషన్ బియ్యం వ్యాపారిదులుగా అనుమానం వ్యక్తం చేస్తున్నారు.