சேலத்தில் உலக சைகை மொழி தின விழிப்புணர்வு பேரணி! மாவட்ட வருவாய் அலுவலர் தொடங்கி வைப்பு! உலக சைகை மொழி தினத்தை முன்னிட்டு, இன்று சேலம் மாவட்ட ஆட்சித் தலைவர் அலுவலகத்தில் சைகை மொழி தின விழிப்புணர்வு பேரணி நிகழ்ச்சி நடைபெற்றது. இந்நிகழ்ச்சியை மாவட்ட வருவாய் அலுவலர் ரவிக்குமார் கொடியசைத்து பேரணியை துவக்கி வைத்தார். பேரணி மாவட்ட ஆட்சியர் அலுவலகம் தொடங்கி திருவள்ளுவர் சிலை சென்று மீண்டும் ஆட்சியர் அலுவலகத்தை வந்தடைந்தது. இந்நிகழ்ச்சியில் ஏராளமான கல்லூரி மாணவ மாணவிகள் மற்றும் மாற்றுத்திறனாளிகள் துறை அலுவலர்கள் ஊழியர்கள் என பலர் கலந்து கொண்டனர்.

1 hr ago

Rajendran

salem mail & City mail Reporter சேலம், சேலம், தமிழ்நாடு•

1 hr ago

ஒகேனக்கலில் பரிசல் ஓட்டிகள், மசாஜ் மற்றும் சமையல் தொழிலாளர்கள் குடும்பத்துடன் கவன ஈர்ப்பு ஆர்ப்பாட்டம். பரிசல் தொழிலாளர்கள் வாழ்வாதார கோரிக்கையை முன்வைத்து ஆர்ப்பாட்டம். தர்மபுரி மாவட்டம் பென்னாகரம் அருகே உள்ள பிரசித்தி பெற்ற ஒகேனக்கல் சுற்றுலாத்தளத்தை நம்பி வாழும் பரிசல் ஓட்டிகள், மசாஜ் தொழிலாளர்கள் மற்றும் சமையல் கலைஞர்கள், வாழ்வாதாரத்தை பாதுகாக்கக் கோரி குடும்பத்தினருடன் கவனஈர்ப்பு ஆர்ப்பாட்டத்தில் ஈடுபட்டனர். ஒகேனக்கல் சுற்றுலாத்தளத்திற்கு தர்மபுரி மட்டுமின்றி, வெளி மாவட்டத்தில் இருந்தும், வெளி மாநிலங்களில் இருந்தும் ஏராளமான சுற்றுலா பயணிகள் வந்து செல்கின்றனர். இங்கு வரும் சுற்றுலா பயணிகள் பரிசல் பயணம் மேற்கொண்டு காவிரியின் இயற்கை அழகை ரசிப்பதுடன், ஆயில் மசாஜ் செய்து கொள்வதோடு, மீன் உணவுகளையும் சுவைத்து செல்கின்றனர். இதன் மூலம் நூற்றுக்கணக்கான தொழிலாளர்கள் வாழ்வாதாரம் பெற்று வருகின்றனர். காவிரி ஆற்றில் நீர்வரத்து அதிகரித்து வெள்ளப்பெருக்கு ஏற்படும் காலங்களில், சுற்றுலா பயணிகளின் பாதுகாப்பைக் கருத்தில் கொண்டு பரிசல் இயக்கம் மற்றும் நீர்வீழ்ச்சிகளில் குளிக்க மாவட்ட நிர்வாகம் தடை விதிப்பது வழக்கம். தற்போது நீர்வரத்து தொடர்ந்து ஏற்ற இறக்கத்துடன் காணப்படுவதால், பரிசல் இயக்கத்திற்கு அடிக்கடி தடை விதிக்கப்பட்டு வருகிறது. இதன் காரணமாக கடந்த இரண்டு மாதங்களாக பரிசல் இயக்கம் பாதிக்கப்பட்டுள்ளதாக தொழிலாளர்கள் தெரிவித்தனர். குறிப்பாக, கடந்த 12-ஆம் தேதி முதல் பரிசல் இயக்கத் தடை அமலில் உள்ளதால், தங்களது குடும்பங்களின் வாழ்வாதாரம் கடுமையாக பாதிக்கப்பட்டுள்ளதாக அவர்கள் கூறினர். இதையடுத்து, பரிசல் ஓட்டிகள், மசாஜ் தொழிலாளர்கள் மற்றும் சமையல் கலைஞர்கள் தங்களது குடும்பத்தினருடன் ஒகேனக்கல் பேருந்து நிலையம் அருகே கவனஈர்ப்பு ஆர்ப்பாட்டத்தில் ஈடுபட்டனர். மேலும், கடையடைப்பு, வேலைநிறுத்தம் போராட்டத்திலும் ஈடுபட்டு தங்களது கோரிக்கைகளை வலியுறுத்தினர். அனைத்து தொழிலாளர்கள் சங்கத் தலைவர் ராஜி தலைமையில் நடைபெற்ற ஆர்ப்பாட்டத்தில், தமிழக விவசாய சங்கத் தலைவர் பி.ஆர். பாண்டியன் சிறப்பு அழைப்பாளராக கலந்து கொண்டு பேசினார். ஒகேனக்கல் சுற்றுலாத்தளத்தை மேம்படுத்த வேண்டும். சுற்றுலா பயணிகளுக்கான அடிப்படை வசதிகளை அதிகரிக்க வேண்டும். ஆண், பெண் இருபாலருக்கும் கூடுதல் கழிவறைகள் அமைக்க வேண்டும். சுத்திகரிக்கப்பட்ட குடிநீர் நிலையங்கள் முறையாக செயல்படுவதை உறுதி செய்ய வேண்டும் என தொழிலாளர்கள் கோரிக்கை விடுத்தனர். மேலும், சுற்றுலா பயணிகளுக்கு தரமான உயிர்காக்கும் கவச உடைகள் (லைஃப் ஜாக்கெட்டுகள்) வழங்க வேண்டும். பரிசல் இயக்க முடியாத காலங்களில் தொழிலாளர்களுக்கு நிவாரணம் வழங்க வேண்டும். பரிசல் ஓட்டிகளின் வாரிசுகளுக்கு உரிய உரிமம் வழங்க வேண்டும். சமையல் தொழிலில் ஈடுபடும் பெண்களுக்கு அடையாள அட்டை வழங்க வேண்டும் என வலியுறுத்தினர். மசாஜ் தொழிலாளர்களுக்கு அடிப்படை வசதிகள் செய்து தர வேண்டும். ஒகேனக்கலில் உள்ள மூன்று பரிசல் வழித்தடங்களிலும் பரிசல் இயக்க அனுமதி வழங்க வேண்டும். அனைத்து தொழிலாளர்களுக்கும் காப்பீட்டுத் திட்டத்தை செயல்படுத்த வேண்டும் என்பன உள்ளிட்ட கோரிக்கைகளையும் முன்வைத்தனர். மூன்றாவது வழித்தடத்தில் பாதுகாப்பு நடவடிக்கைகளுடன் பரிசல் இயக்க அனுமதி வழங்க வேண்டும் என தொழிலாளர்கள் கோரிக்கை விடுத்தனர். தொடர்ந்து பரிசல் இயக்கத் தடை விதிக்கப்படுவதால் தங்களது வருமானம் பாதிக்கப்படுவதாகவும், தொழிலாளர்களின் வாழ்வாதாரத்தை கருத்தில் கொண்டு மாவட்ட நிர்வாகம் உரிய நடவடிக்கை எடுக்க வேண்டும் என்றும் வலியுறுத்தினர்.

G Krishnan

பத்திரிகையாளர் பாலக்கோடு, தருமபுரி, தமிழ்நாடு•

3 hrs ago