“एसीबीच्या सावटाखालील अधिकाऱ्याला पुन्हा मंठ्याची ‘लॉटरी’? मनसेचा तहसीलदारांवर स्फोटक हल्लाबोल!” प्रतिनिधी मंठा मंठा तहसील कार्यालय पुन्हा एकदा वादाच्या भोवऱ्यात सापडले असून, महाराष्ट्र नवनिर्माण सेनेचे जालना जिल्हाध्यक्ष प्रकाश सोळंके यांनी तहसीलदार सौ. सुमन उद्धव मोरे यांच्या तात्काळ बदलीसह संपूर्ण कार्यकाळाची उच्चस्तरीय चौकशी करण्याची मागणी करत प्रशासनालाच थेट आव्हान दिले आहे. “कोणताही विषय मार्गी लागल्याशिवाय मनसे शांत बसणार नाही,” असा इशारा देत प्रकाश सोळंके यांनी विभागीय आयुक्त, छत्रपती संभाजीनगर यांच्याकडे ई-मेल व जॉब रजिस्ट्रीद्वारे सविस्तर निवेदन सादर केले. या निवेदनानंतर मंठा तालुक्यातील प्रशासकीय वर्तुळात प्रचंड खळबळ उडाली आहे. मनसेच्या निवेदनात गंभीर आरोपांचा भडिमार करण्यात आला आहे. एसीबी कारवाईचा उल्लेख, यवतमाळ येथून अवघ्या सहा महिन्यांत पुन्हा जालना जिल्ह्यात “विशेष बाब” म्हणून पुनरागमन, बदली नियमांचे कथित उल्लंघन, तसेच वैजापूर, जाफ्राबाद आणि बदनापूर येथील तक्रारींचा उल्लेख करत संपूर्ण प्रकरण संशयाच्या भोवऱ्यात असल्याचा आरोप करण्यात आला आहे. यासोबतच पूर्णा नदी पात्रातील वाळू घाट, अवैध वाळू वाहतूक आणि कोट्यवधींच्या व्यवहारांबाबत स्थानिक पातळीवर गंभीर चर्चा सुरू असल्याचे निवेदनात म्हटले आहे. संबंधित अधिकाऱ्यांनी मोठ्या प्रमाणावर स्थावर मालमत्ता खरेदी केल्याची माहिती समोर येत असल्याचा दावा करत त्यांच्या उत्पन्नाच्या स्रोतांची चौकशी करण्याची मागणीही करण्यात आली आहे. “तहसीलदार पदावर वारंवार वाद आणि तक्रारी असतील तर प्रशासनावरील जनतेचा विश्वास उडतो,” असा थेट आरोप मनसेने केला आहे. दरम्यान, प्रशासनाने तात्काळ कारवाई न केल्यास विभागीय आयुक्त कार्यालयासमोर अन्नत्याग आंदोलन छेडण्यात येईल, असा इशारा प्रकाश सोळंके यांनी दिल्याने आता मंठा तहसील प्रकरण अधिकच तापण्याची चिन्हे दिसत आहेत.

Sandip Gaikwad

Accountant मंठा, जालना, महाराष्ट्र•

2 hrs ago

“एसीबीच्या सावटाखालील अधिकाऱ्याला पुन्हा मंठ्याची ‘लॉटरी’? मनसेचा तहसीलदारांवर स्फोटक हल्लाबोल!” प्रतिनिधी मंठा मंठा तहसील कार्यालय पुन्हा एकदा वादाच्या भोवऱ्यात सापडले असून, महाराष्ट्र नवनिर्माण सेनेचे जालना जिल्हाध्यक्ष प्रकाश सोळंके यांनी तहसीलदार सौ. सुमन उद्धव मोरे यांच्या तात्काळ बदलीसह संपूर्ण कार्यकाळाची उच्चस्तरीय चौकशी करण्याची मागणी करत प्रशासनालाच थेट आव्हान दिले आहे. “कोणताही विषय मार्गी लागल्याशिवाय मनसे शांत बसणार नाही,” असा इशारा देत प्रकाश सोळंके यांनी विभागीय आयुक्त, छत्रपती संभाजीनगर यांच्याकडे ई-मेल व जॉब रजिस्ट्रीद्वारे सविस्तर निवेदन सादर केले. या निवेदनानंतर मंठा तालुक्यातील प्रशासकीय वर्तुळात प्रचंड खळबळ उडाली आहे. मनसेच्या निवेदनात गंभीर आरोपांचा भडिमार करण्यात आला आहे. एसीबी कारवाईचा उल्लेख, यवतमाळ येथून अवघ्या सहा महिन्यांत पुन्हा जालना जिल्ह्यात “विशेष बाब” म्हणून पुनरागमन, बदली नियमांचे कथित उल्लंघन, तसेच वैजापूर, जाफ्राबाद आणि बदनापूर येथील तक्रारींचा उल्लेख करत संपूर्ण प्रकरण संशयाच्या भोवऱ्यात असल्याचा आरोप करण्यात आला आहे. यासोबतच पूर्णा नदी पात्रातील वाळू घाट, अवैध वाळू वाहतूक आणि कोट्यवधींच्या व्यवहारांबाबत स्थानिक पातळीवर गंभीर चर्चा सुरू असल्याचे निवेदनात म्हटले आहे. संबंधित अधिकाऱ्यांनी मोठ्या प्रमाणावर स्थावर मालमत्ता खरेदी केल्याची माहिती समोर येत असल्याचा दावा करत त्यांच्या उत्पन्नाच्या स्रोतांची चौकशी करण्याची मागणीही करण्यात आली आहे. “तहसीलदार पदावर वारंवार वाद आणि तक्रारी असतील तर प्रशासनावरील जनतेचा विश्वास उडतो,” असा थेट आरोप मनसेने केला आहे. दरम्यान, प्रशासनाने तात्काळ कारवाई न केल्यास विभागीय आयुक्त कार्यालयासमोर अन्नत्याग आंदोलन छेडण्यात येईल, असा इशारा प्रकाश सोळंके यांनी दिल्याने आता मंठा तहसील प्रकरण अधिकच तापण्याची चिन्हे दिसत आहेत.