*स्थानिक गुन्हे शाखेची धडाकेबाज कारवाई; चारचाकी चोरीचे ३ गुन्हे उघड* *तीन आरोपी अटकेत; ५ लाख ८१ हजारांचा मुद्देमाल जप्त, आणखी आरोपी निष्पन्न होण्याची शक्यता* वाशिम जिल्हा प्रतिनिधी विश्वास कुटे वाशिम जिल्ह्यातील वाहन चोरीच्या घटनांचा छडा लावत स्थानिक गुन्हे शाखेने उल्लेखनीय कामगिरी केली आहे. चारचाकी वाहन चोरीचे तीन गुन्हे उघडकीस आणत तीन आरोपींना अटक करण्यात आली असून, त्यांच्याकडून रोख रक्कम, मारुती सुझुकी स्विफ्ट कार व टूल किट असा एकूण ५ लाख ८१ हजार रुपयांचा मुद्देमाल जप्त करण्यात आला आहे. कारंजा तालुक्यातील कामरगाव येथील सुभाष भाऊराव निघोट, रा. रामनगर, कामरगाव यांनी २५ जुलै २०२६ रोजी धनज पोलीस ठाण्यात तक्रार दिली होती. त्यांच्या घरासमोर उभी असलेली फोर्स कंपनीची चारचाकी गाडी क्रमांक एमएच ३७ जी ७६२२, अंदाजे किंमत ६ लाख रुपये, २५ जुलै रोजी पहाटे १ ते ५ वाजेदरम्यान अज्ञात चोरट्यांनी चोरून नेल्याचे त्यांनी तक्रारीत नमूद केले होते. याप्रकरणी अज्ञात आरोपींविरुद्ध भारतीय न्याय संहितेच्या कलम ३०३(२) अन्वये गुन्हा दाखल करण्यात आला. जिल्ह्यातील वाहन चोरीचे गुन्हे उघडकीस आणण्याचे आदेश पोलीस अधीक्षक निकेश खाटमोडे-पाटील यांनी दिल्यानंतर स्थानिक गुन्हे शाखेचे पोलीस निरीक्षक सुधाकर आडे यांनी अधिकारी व अंमलदारांची दोन स्वतंत्र पथके तयार करून नांदेड व बुलढाणा येथे रवाना केली. स्थानिक गुन्हे शाखेच्या एका पथकाने नांदेड जिल्ह्यातील भाग्यनगर पोलीस ठाण्याच्या हद्दीतून शेख अफजल उर्फ गोलू शेख दाऊद (वय २५ वर्षे, रा. धाड, जि. बुलढाणा) याला ताब्यात घेतले. चौकशीदरम्यान त्याने नितीन रमेश गवई (वय २६ वर्षे) आणि शेख सरवर शेख मनवर (वय ३८ वर्षे), दोघे रा. मेरा खुर्द, ता. चिखली, जि. बुलढाणा यांच्या मदतीने गुन्हा केल्याची कबुली दिल्याचे पोलिसांनी सांगितले. कामरगाव येथून चोरी केलेले वाहन नांदेड येथील तीन अनोळखी व्यक्तींना ८० हजार रुपयांना विकल्याची कबुली आरोपीने दिली. त्याच्याकडून वाहन विक्रीतून मिळालेली ८० हजार रुपयांची रोख रक्कम पंचांसमक्ष जप्त करण्यात आली. दरम्यान, स्थानिक गुन्हे शाखेच्या दुसऱ्या पथकाने नितीन रमेश गवई आणि शेख सरवर शेख मनवर यांना वाशिम-हिंगोली मार्गावरील तोंडगाव टोलनाक्याजवळ ताब्यात घेतले. चौकशीदरम्यान त्यांनी कामरगाव येथील वाहन चोरीच्या गुन्ह्यासह अहिल्यानगर येथून आणखी दोन कार चोरी केल्याची कबुली दिल्याचे पोलिसांकडून सांगण्यात आले. यापैकी अहिल्यानगर जिल्ह्यातील तोफखाना पोलीस ठाण्यात दाखल असलेल्या गुन्ह्यातील मारुती सुझुकी स्विफ्ट कार, अंदाजे किंमत ५ लाख रुपये आणि १ हजार रुपये किमतीचे टूल किट जप्त करण्यात आले. या कारवाईत आतापर्यंत एकूण ५ लाख ८१ हजार रुपयांचा मुद्देमाल जप्त करण्यात आला आहे. या प्रकरणाचा पुढील तपास सुरू असून, आणखी आरोपी निष्पन्न होण्याची शक्यता असल्याचे पोलिसांनी म्हटले आहे. ही कारवाई पोलीस अधीक्षक निकेश खाटमोडे-पाटील, अपर पोलीस अधीक्षक लता फड यांच्या मार्गदर्शनाखाली स्थानिक गुन्हे शाखेचे पोलीस निरीक्षक सुधाकर आडे यांच्या नेतृत्वात पोउपनि सचिन गोखले, शेखर मास्कर, तसेच पोलीस अंमलदार गजानन गोटे, दिलीप देवकते, गजानन अवगळे, गजानन झगरे, सुरज खडके, ज्ञानदेव मात्रे, राहुल व्यवहारे, राजकुमार यादव, अविनाश वाढे, दीपक मुगे, भूषण ठाकरे, अमोल इरतकर, शाम इंगळे आणि सुनील तायडे यांनी केली.

न्युज मराठी 24x7 वाशिम

Local News Reporter मंगरूळपीर, वाशिम, महाराष्ट्र•

3 hrs ago

*स्थानिक गुन्हे शाखेची धडाकेबाज कारवाई; चारचाकी चोरीचे ३ गुन्हे उघड* *तीन आरोपी अटकेत; ५ लाख ८१ हजारांचा मुद्देमाल जप्त, आणखी आरोपी निष्पन्न होण्याची शक्यता* वाशिम जिल्हा प्रतिनिधी विश्वास कुटे वाशिम जिल्ह्यातील वाहन चोरीच्या घटनांचा छडा लावत स्थानिक गुन्हे शाखेने उल्लेखनीय कामगिरी केली आहे. चारचाकी वाहन चोरीचे तीन गुन्हे उघडकीस आणत तीन आरोपींना अटक करण्यात आली असून, त्यांच्याकडून रोख रक्कम, मारुती सुझुकी स्विफ्ट कार व टूल किट असा एकूण ५ लाख ८१ हजार रुपयांचा मुद्देमाल जप्त करण्यात आला आहे. कारंजा तालुक्यातील कामरगाव येथील सुभाष भाऊराव निघोट, रा. रामनगर, कामरगाव यांनी २५ जुलै २०२६ रोजी धनज पोलीस ठाण्यात तक्रार दिली होती. त्यांच्या घरासमोर उभी असलेली फोर्स कंपनीची चारचाकी गाडी क्रमांक एमएच ३७ जी ७६२२, अंदाजे किंमत ६ लाख रुपये, २५ जुलै रोजी पहाटे १ ते ५ वाजेदरम्यान अज्ञात चोरट्यांनी चोरून नेल्याचे त्यांनी तक्रारीत नमूद केले होते. याप्रकरणी अज्ञात आरोपींविरुद्ध भारतीय न्याय संहितेच्या कलम ३०३(२) अन्वये गुन्हा दाखल करण्यात आला. जिल्ह्यातील वाहन चोरीचे गुन्हे उघडकीस आणण्याचे आदेश पोलीस अधीक्षक निकेश खाटमोडे-पाटील यांनी दिल्यानंतर स्थानिक गुन्हे शाखेचे पोलीस निरीक्षक सुधाकर आडे यांनी अधिकारी व अंमलदारांची दोन स्वतंत्र पथके तयार करून नांदेड व बुलढाणा येथे रवाना केली. स्थानिक गुन्हे शाखेच्या एका पथकाने नांदेड जिल्ह्यातील भाग्यनगर पोलीस ठाण्याच्या हद्दीतून शेख अफजल उर्फ गोलू शेख दाऊद (वय २५ वर्षे, रा. धाड, जि. बुलढाणा) याला ताब्यात घेतले. चौकशीदरम्यान त्याने नितीन रमेश गवई (वय २६

वर्षे) आणि शेख सरवर शेख मनवर (वय ३८ वर्षे), दोघे रा. मेरा खुर्द, ता. चिखली, जि. बुलढाणा यांच्या मदतीने गुन्हा केल्याची कबुली दिल्याचे पोलिसांनी सांगितले. कामरगाव येथून चोरी केलेले वाहन नांदेड येथील तीन अनोळखी व्यक्तींना ८० हजार रुपयांना विकल्याची कबुली आरोपीने दिली. त्याच्याकडून वाहन विक्रीतून मिळालेली ८० हजार रुपयांची रोख रक्कम पंचांसमक्ष जप्त करण्यात आली. दरम्यान, स्थानिक गुन्हे शाखेच्या दुसऱ्या पथकाने नितीन रमेश गवई आणि शेख सरवर शेख मनवर यांना वाशिम-हिंगोली मार्गावरील तोंडगाव टोलनाक्याजवळ ताब्यात घेतले. चौकशीदरम्यान त्यांनी कामरगाव येथील वाहन चोरीच्या गुन्ह्यासह अहिल्यानगर येथून आणखी दोन कार चोरी केल्याची कबुली दिल्याचे पोलिसांकडून सांगण्यात आले. यापैकी अहिल्यानगर जिल्ह्यातील तोफखाना पोलीस ठाण्यात दाखल असलेल्या गुन्ह्यातील मारुती सुझुकी स्विफ्ट कार, अंदाजे किंमत ५ लाख रुपये आणि १ हजार रुपये किमतीचे टूल किट जप्त करण्यात आले. या कारवाईत आतापर्यंत एकूण ५ लाख ८१ हजार रुपयांचा मुद्देमाल जप्त करण्यात आला आहे. या प्रकरणाचा पुढील तपास सुरू असून, आणखी आरोपी निष्पन्न होण्याची शक्यता असल्याचे पोलिसांनी म्हटले आहे. ही कारवाई पोलीस अधीक्षक निकेश खाटमोडे-पाटील, अपर पोलीस अधीक्षक लता फड यांच्या मार्गदर्शनाखाली स्थानिक गुन्हे शाखेचे पोलीस निरीक्षक सुधाकर आडे यांच्या नेतृत्वात पोउपनि सचिन गोखले, शेखर मास्कर, तसेच पोलीस अंमलदार गजानन गोटे, दिलीप देवकते, गजानन अवगळे, गजानन झगरे, सुरज खडके, ज्ञानदेव मात्रे, राहुल व्यवहारे, राजकुमार यादव, अविनाश वाढे, दीपक मुगे, भूषण ठाकरे, अमोल इरतकर, शाम इंगळे आणि सुनील तायडे यांनी केली.