தேனி மாவட்ட ஆட்சியர் அலுவலகம் முன்பாக, "மனித உயிர்களைப் பறிக்கும் அரசு மதுக்கடைகளை உடனடியாக மூட வேண்டும்" என வலியுறுத்திப் பரபரப்பு போராட்டம் தேனி மாவட்ட ஆட்சியர் அலுவலகம் முன்பாக, "மனித உயிர்களைப் பறிக்கும் அரசு மதுக்கடைகளை உடனடியாக மூட வேண்டும்" என வலியுறுத்திப் பரபரப்பு போராட்டம் நடைபெற்றது.தேனி மாவட்டம் நாராயணதேவன்பட்டி பகுதியைச் சேர்ந்த சமூக ஆர்வலர் பூமிநாதன் தலைமையில் இந்த ஆர்ப்பாட்டம் நடைபெற்றது."தமிழக அரசே! மனித உயிர்களைப் பறிக்கும் மதுக்கடைகளை உடனடியாக மூடு!" எனக் கோஷங்களை எழுப்பினர். மேலும், பீகார், குஜராத், மிசோரம் மற்றும் நாகலாந்து ஆகிய மாநிலங்களில் மதுவிலக்கு அமலில் உள்ளதைப் போல, தமிழகத்திலும் மக்களின் நலன் கருதி மதுக்கடைகளை முழுமையாக மூட வேண்டும் என்றும் வலியுறுத்தினர். ஆர்ப்பாட்டத்தைத் தொடர்ந்து, அவர்கள் ஆட்சியர் அலுவலகம் முன்பாகத் திடீர் தர்ணாவில் ஈடுபட்டதால் அங்குச் சிறிது நேரம் பரபரப்பு நிலவியது. இதனையடுத்து, பாதுகாப்புப் பணியில் இருந்த காவல்துறையினர் தர்ணாவில் ஈடுபட்டவர்களைக் கைது செய்து அழைத்துச் சென்றனர்.

1 day ago

Theni

Local News Reporter தேனி, தேனி, தமிழ்நாடு•

1 day ago

தேனி மாவட்ட சிறைச்சாலையில் வார்டனை தாக்கிவிட்டு 17 விசாரணைக் கைதிகள் தப்பியோட்டம்! தேனி முதல் விழுப்புரம் வரை தீவிர தேடுதல் வேட்டை… எல்லைகளில் போலீஸ் கண்காணிப்பு தீவிரம்! தேனி மாவட்டம், ஆண்டிபட்டி அருகே உள்ள தேக்கம்பட்டி கிளைச் சிறையில், ஒரே அறையில் அடைக்கப்பட்டிருந்த 17 விசாரணைக் கைதிகள் சிறைக் காவலர்களை தாக்கிவிட்டு தப்பியோடிய சம்பவம் பெரும் பரபரப்பை ஏற்படுத்தியுள்ளது. நேற்று இரவு சுமார் 10.30 மணியளவில், சிறையில் அடைக்கப்பட்டிருந்த கைதி ஒருவருக்கு வலிப்பு நோய் ஏற்பட்டதாக கூறி சிறை வார்டனை அழைத்துள்ளனர்.இதனை நம்பி சிறைக் காவலர்கள் அறையின் கதவைத் திறந்து உள்ளே சென்றபோது, மறைந்திருந்த கைதிகள் திடீரென வார்டனையும், காவலர்களையும் தாக்கிவிட்டு, லிங்கம், ராஜாசிக்கந்தர், கருப்பசாமி, சிலம்பரசன், திருப்பதி, மீனாட்சி சுந்தரம்,சபரி, பொன்முத்து, நிஜந்த், கார்த்திக் ராஜா, முகிலன், செல்வா, தருண், ராஜ்குமார், பிரவீண், முத்து இளங்கோ, ராஜுவீன், ஆகிய 17 சிறை கைதிகள் அங்கிருந்து தப்பியோடியதாகக் கூறப்படுகிறது. இந்தத் தாக்குதலில் சிறை வார்டனுக்கு தலையில் பலத்த காயமும்,மேலும் இரு காவலர்கள் காயமடைந்ததாகவும் தகவல்கள் தெரிவிக்கின்றன. மேலும் காவலர்கள் தாக்கப்பட்டதில் சிறை வளாகத்தில் ரத்தம் சிதறிக்கிடந்த காட்சிகளும் வெளியாகி அதிர்ச்சியை ஏற்படுத்தியுள்ளது. காயமடைந்தவர்கள் தேனி அரசு மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டுள்ளனர். சம்பவம் குறித்து தகவல் அறிந்ததும், தேனி மாவட்ட காவல் கண்காணிப்பாளர் பிரவீன் கவுதம் மற்றும் தென்மண்டல காவல்துறைத் தலைவர் விஜயேந்திர பிடாரி ஆகியோர் சிறைக்குச் சென்று ஆய்வு மேற்கொண்டதுடன், சிறை வளாகத்தில் பாதுகாப்பு பலப்படுத்தப்பட்டு, 100-க்கும் மேற்பட்ட காவல்துறையினர் கண்காணிப்புப் பணியில் ஈடுபடுத்தப்பட்டுள்ளனர். தப்பியோடிய கைதிகளைப் பிடிக்க 17 தனிப் படைகள் அமைக்கப்பட்டு தேனி மாவட்டம் மற்றும் சுற்றுவட்டாரப் பகுதிகளில் போலீசார் தேடுதல் வேட்டையைத் தீவிரப்படுத்தியுள்ளனர்.தமிழக–கேரள எல்லைப் பகுதிகளில் வாகனத் தணிக்கை மேற்கொள்ளப்படுவதாகவும், பேருந்து நிலையங்கள், ரயில் நிலையங்கள் உள்ளிட்ட பொதுமக்கள் அதிகம் கூடும் இடங்களில் கண்காணிப்பு அதிகரிக்கப்பட்டுள்ளதாகவும் கூறப்படுகிறது. தப்பியோடியவர்களில் பலர் மதுரை மற்றும் விழுப்புரம் மாவட்டங்களைச் சேர்ந்தவர்கள் என வெளியாகியுள்ள தகவலையடுத்து, அந்த மாவட்டங்களிலும் போலீசார் உஷார்படுத்தப்பட்டுள்ளதாகத் தெரிவிக்கப்படுகிறது. மாவட்ட சிறைச்சாலையில் இருந்து பலத்த போலீஸ் பாதுகாப்பை மீறி சர்வ சாதாரணமாக 17 சிறைக் கைதிகள் தப்பி உள்ள சம்பவம் சிறையில் உள்ள கைதிகள் மற்றும் போலீசாரின் பாதுகாப்பு குறித்து பல்வேறு சர்ச்சைகளை ஏற்படுத்துவதாக உள்ளது. இந்த சம்பவம் காவல்துறையினர் மத்தியில் பரபரப்பை ஏற்படுத்தியுள்ளது. இந்த நிலையில் தப்பி ஓடியவர்களில் பிரவீன் என்ற ஒரு குற்றவாளியை போலீசார் துரத்திப் பிடித்துள்ளனர். மேலும் ஒரு குற்றவாளியும் பிடிக்கப் பட்டதாக முதல் கட்ட தகவல்கள் வெளியாகி உள்ளது. பேட்டி: விஜயேந்திர பிடாரி தென் மண்டல காவல்துறை தலைவர்.

Shakthi

Local News Reporter பெரியகுளம், தேனி, தமிழ்நாடு•

12 hrs ago