రోడ్డెక్కిన రైతన్నలు ధాన్యం కొనుగోలు నిలిచిపోయిందంటూ లంకపల్లి హైవేపై ధాన్యం పోసి నిరసన పెనుబల్లి లంకపల్లిలో ట్రాఫిక్ స్తంభన_ ధాన్యం కొనుగోళ్లు నిలిచిపోయాయని ఆవేదనతో ఖమ్మం జిల్లా సత్తుపల్లి నియోజకవర్గం పెనుబల్లి మండలం లంకపల్లి గ్రామ రైతులు శనివారం రోడ్డెక్కారు. కల్లాలో పోసిన ధాన్యాన్ని కొనుగోలు చేయడం లేదంటూ హైవేపై ధాన్యం పోసి నిరసన వ్యక్తం చేశారు. గత 20 రోజుల క్రితం ధాన్యాన్ని కొనుగోలు కేంద్రాలకు తీసుకువచ్చినా అధికారులు నిర్లక్ష్యంగా వ్యవహరిస్తున్నారని రైతులు ఆరోపించారు. మారుతున్న వాతావరణ పరిస్థితులతో ధాన్యం తడిసిపోతుందనే భయంతో గుండెలు చేతిలో పట్టుకొని జీవించాల్సి వస్తోందని ఆవేదన వ్యక్తం చేశారు. నిరసనలో భాగంగా హైవేపై ధాన్యం పోయడంతో ప్రధాన రహదారిపై లారీలు, కార్లు, బస్సులు నిలిచిపోవడంతో భారీ ట్రాఫిక్ జామ్ ఏర్పడింది. గంటల తరబడి వాహనాల రాకపోకలకు అంతరాయం కలిగింది. *కొనుగోళ్లలో జాప్యం రైతును కలవరపెడుతోంది* ప్రతి సీజన్‌లో కొనుగోళ్ల జాప్యం, సెంటర్లలో తూకం నెమ్మదించడం రైతులను నిత్యం కలవరపెడుతున్న సమస్య. వర్షాలు, గాలి దుమారాలు వంటి వాతావరణ మార్పుల నేపథ్యంలో ధాన్యం చెడిపోయే ప్రమాదం ఉండడంతో రైతులు అప్పుల ఊబిలో కూరుకుపోతున్నారు. కొనుగోలు కేంద్రాల్లో సిబ్బంది కొరత, టార్పాలిన్లు, బస్తాల కొరత, రవాణా సమస్యలు ఇందుకు కారణాలుగా చెబుతున్నారు. కాంగ్రెస్ ప్రభుత్వం రైతు భరోసా, ధాన్యం కొనుగోళ్లలో పారదర్శకతపై హామీలు ఇచ్చినా, గ్రౌండ్ లెవెల్‌లో అమలులో జాప్యం జరుగుతుండడం రైతుల ఆందోళనకు దారితీస్తోంది. ఎమ్మెల్యేలు, అధికారులు వెంటనే స్పందించి కొనుగోళ్లను వేగవంతం చేయాలని, రైతులకు నష్టం జరగకుండా చూడాలని ప్రజలు కోరుతున్నారు.

V Ramarao

సత్తుపల్లి, ఖమ్మం, తెలంగాణ•

2 hrs ago

రోడ్డెక్కిన రైతన్నలు ధాన్యం కొనుగోలు నిలిచిపోయిందంటూ లంకపల్లి హైవేపై ధాన్యం పోసి నిరసన పెనుబల్లి లంకపల్లిలో ట్రాఫిక్ స్తంభన_ ధాన్యం కొనుగోళ్లు నిలిచిపోయాయని ఆవేదనతో ఖమ్మం జిల్లా సత్తుపల్లి నియోజకవర్గం పెనుబల్లి మండలం లంకపల్లి గ్రామ రైతులు శనివారం రోడ్డెక్కారు. కల్లాలో పోసిన ధాన్యాన్ని కొనుగోలు చేయడం లేదంటూ హైవేపై ధాన్యం పోసి నిరసన వ్యక్తం చేశారు. గత 20 రోజుల క్రితం ధాన్యాన్ని కొనుగోలు కేంద్రాలకు తీసుకువచ్చినా అధికారులు నిర్లక్ష్యంగా వ్యవహరిస్తున్నారని రైతులు ఆరోపించారు. మారుతున్న వాతావరణ పరిస్థితులతో ధాన్యం తడిసిపోతుందనే భయంతో గుండెలు చేతిలో పట్టుకొని జీవించాల్సి వస్తోందని ఆవేదన వ్యక్తం చేశారు. నిరసనలో భాగంగా హైవేపై ధాన్యం పోయడంతో ప్రధాన రహదారిపై లారీలు, కార్లు, బస్సులు నిలిచిపోవడంతో భారీ ట్రాఫిక్ జామ్ ఏర్పడింది. గంటల తరబడి వాహనాల రాకపోకలకు అంతరాయం కలిగింది. *కొనుగోళ్లలో జాప్యం రైతును కలవరపెడుతోంది* ప్రతి సీజన్‌లో కొనుగోళ్ల జాప్యం, సెంటర్లలో తూకం నెమ్మదించడం రైతులను నిత్యం కలవరపెడుతున్న సమస్య. వర్షాలు, గాలి దుమారాలు వంటి వాతావరణ మార్పుల నేపథ్యంలో ధాన్యం చెడిపోయే ప్రమాదం ఉండడంతో రైతులు అప్పుల ఊబిలో కూరుకుపోతున్నారు. కొనుగోలు కేంద్రాల్లో సిబ్బంది కొరత, టార్పాలిన్లు, బస్తాల కొరత, రవాణా సమస్యలు ఇందుకు కారణాలుగా చెబుతున్నారు. కాంగ్రెస్ ప్రభుత్వం రైతు భరోసా, ధాన్యం కొనుగోళ్లలో పారదర్శకతపై హామీలు ఇచ్చినా, గ్రౌండ్ లెవెల్‌లో అమలులో జాప్యం జరుగుతుండడం రైతుల ఆందోళనకు దారితీస్తోంది. ఎమ్మెల్యేలు, అధికారులు వెంటనే స్పందించి కొనుగోళ్లను వేగవంతం చేయాలని, రైతులకు నష్టం జరగకుండా చూడాలని ప్రజలు కోరుతున్నారు.